1 Chronicles 10 | Old Testament

Book Chapter Verse

1 Chronicles 10English

1 Zwiyitikalo 10African Kalanga

English1
Now the Philistines fought against Israel; the Israelites fled before them, and many fell slain on Mount Gilboa.
African Kalanga
Bafilisitiya bakagwa ne Baiziraela ngono Baiziraela bakatizha Bafilisitiya ngono Baiziraela bakabulawa nge Bafilisitiya mu Dombo le Gilibhowa.
English2
The Philistines pressed hard after Saul and his sons, and they killed his sons Jonathan, Abinadab and Malki-Shua.
African Kalanga
Ndizo Bafilisitiya bakatatamila Saulo ne bakololo babe, bakabulaya Jonatani na Abinadabu na Malikishuwa bakololo ba Saulo.
English3
The fighting grew fierce around Saul, and when the archers overtook him, they wounded him.
African Kalanga
Ngwa yakabe ikulila Saulo ngono baposi be misebe bakan'wana bakankubadza kwazo.
English4
Saul said to his armor-bearer, “Draw your sword and run me through, or these uncircumcised fellows will come and abuse me.” But his armor-bearer was terrified and would not do it; so Saul took his own sword and fell on it.
African Kalanga
Ipapo Saulo kadwa nzhuzha unonsengela mathumo eti, “Shomola thumo lilo undibhaye nalo ndife, ngoti pamwe ibabo basakathumbigwa bangadwa bezha bezwithamila kuda kwabo mundili.” Koga nsengi we mathumo kalamba ngobe akabe etja kukulu. Ndizo Saulo katola thumo lile kazwiligila mu lili.
English5
When the armor-bearer saw that Saul was dead, he too fell on his sword and died.
African Kalanga
Ngono kukati nsengi we mathumo ebona kuti Saulo wafa, naiye kazwilashila mu thumo lile ngono kafabo.
English6
So Saul and his three sons died, and all his house died together.
African Kalanga
Ndizo Saulo ne bakololo babe bose batatu bakafa saikoko, bose be bagali thaka babe bakafabo.
English7
When all the Israelites in the valley saw that the army had fled and that Saul and his sons had died, they abandoned their towns and fled. And the Philistines came and occupied them.
African Kalanga
Ndizo kwakati Baiziraela bose bakabe bali pa nkuku bebona kuti balume babo be ngwa batizha ne kuti Saulo ne bakololo babe bafa, bakafupatila mizi yabo bakatizha, Bafilisitiya bakazha bakazwigaligwa mu mizi yabo.
English8
The next day, when the Philistines came to strip the dead, they found Saul and his sons fallen on Mount Gilboa.
African Kalanga
Kwakati tjimuka Bafilisitiya bezha kuwotolela ibabo bakafa, bakawana Saulo ne bakololo babe bakafa mu Dombo le Gilibhowa.
English9
They stripped him and took his head and his armor, and sent messengers throughout the land of the Philistines to proclaim the news among their idols and their people.
African Kalanga
Bakambula zwiambalo zwizwe bakatola nsholo uwe ne zwibhayano zwizwe zwe ngwa bakatuma batumwa shango yose ye Filisitiya kuandamisa thawu dzinozipa dzekukunda ku midzimu yabo neku bathu babo.
English10
They put his armor in the temple of their gods and hung up his head in the temple of Dagon.
African Kalanga
Bakatola zwiambalo zwe ngwa bakazwibiga mu ng'umba ye midzimu yabo ngono bakalembeledza nsholo uwe mu ng'umba ye ndzimu wabo Dagoni.
English11
When all the inhabitants of Jabesh Gilead heard of everything the Philistines had done to Saul,
African Kalanga
Ngono kwakati bathu be Jabeshi bamu Giliyadi bewha kuti Bafilisitiya bakathamani Saulo,
English12
all their valiant men went and took the bodies of Saul and his sons and brought them to Jabesh. Then they buried their bones under the great tree in Jabesh, and they fasted seven days.
African Kalanga
balume bakasima bakayenda bakanotola itumbo tja Saulo ne zwe bakololo babe ngono bakazwizhisa ku Jabeshi. Bakabiganya mafupa abo kusi kwe nti nkulu umu Jabeshi bakazwinyima zojiwa mazhuba ali kutendeka.
English13
Saul died because he was unfaithful to the Lord; he did not keep the word of the Lord and even consulted a medium for guidance,
African Kalanga
Saulo kafa saikoko ngoshaya bugalimoyo kukwe, wakabe asina bugalimoyo muna Yahwe ngobe wakabe asingabhulutane dama la Yahwe ne kuti wakabe ekumbila gumbuludzo mu mmwe wakabe elebeleka ne badzimu,
English14
and did not inquire of the Lord. So the Lord put him to death and turned the kingdom over to David son of Jesse.
African Kalanga
kakale ne kuti aazoshaka gumbuludzo muna Yahwe. Ndizo Yahwe bakan'letjedzela kuti afe ngono bakatola bushe bakagupa Dafite nkololo wa Jesi.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.