The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
1 Chronicles 12English
1 Zwiyitikalo 12African Kalanga
- English1
These were the men who came to David at Ziklag, while he was banished from the presence of Saul son of Kish (they were among the warriors who helped him in battle;
African KalangaAba ndibo balume bakazha kuna Dafite ku Zikilagi, mu tjibaka itjetjo Dafite wakabe asakasunonguka kuyenda yenda ngobe wakabe etja Saulo nkololo wa Kishi, ibaba bakabe bali bamwe be balume bakasima bakambhatsha mu ngwa.
- English2
they were armed with bows and were able to shoot arrows or to sling stones right-handed or left-handed; they were kinsmen of Saul from the tribe of Benjamin):
African KalangaBakabe bali balume be dati ne nsebe betubula kuposa misebe ne mabgwe nge maboko wose gwe lumeshwe kene gwe luji, balume ibaba bakabe bali be ludzi gwa Bhenjamini.
- English3
Ahiezer their chief and Joash the sons of Shemaah the Gibeathite; Jeziel and Pelet the sons of Azmaveth; Beracah, Jehu the Anathothite,
African KalangaNtungamili wakabe ali Ahiezeri na Joashi bubili bali bakololo ba Shema we ku Gibiya na Jeziyele na Peleti bali bakololo ba Azimaveti Bheraka na Jehu bedwa ku Anatoti
- English4
and Ishmaiah the Gibeonite, a mighty man among the Thirty, who was a leader of the Thirty; Jeremiah, Jahaziel, Johanan, Jozabad the Gederathite,
African Kalangana Ishimaiya kudwa ku N'gibiyoni iye wakabe ali mbhayani nkulu kakale ali mmwe we bali makumi matatu (30) kakale ali ntungamili we bali makumi matatu (30) na Jeremiya na Jahaziele na Johanani na Jozabadi kudwa ku Gedera
- African Kalanga
na Eluzayi na Jerimoti na Bhealiya ne Shemariya na Shefatiya kudwa ku Harifi na
- African Kalanga
Elikana na Isihiya na Azareli na Joeza na Jashobimu we ludzi gwa Kora
- African Kalanga
na Joela na Zebadiya bali bakololo ba Jerohamu bedwa ku Gedori.
- English8
Some Gadites defected to David at his stronghold in the desert. They were brave warriors, ready for battle and able to handle the shield and spear. Their faces were the faces of lions, and they were as swift as gazelles in the mountains.
African KalangaKudwa mu ludzi Gadi ibaba ndibo balume bakayenda kuna Dafite ku matizhilo amu tjilambanyika, bakabe bali babhayani bana luzibo, bazibi bekushingisa dati ne thumo, njiso dzabo dzakabe dzinga dze shumba, bali lubilo benga ngululu pezhugwi kwe matombo.
- African Kalanga
Ezeri ali ntungamili we bubili ali Obadiya we butatu ali Eliyabu,
- African Kalanga
Eliyabu etobegwa ndi Mishamana, Mishamana etobegwa ndi Jeremiya,
- African Kalanga
Jeremiya etobegwa ndi Atayi, Atayi etobegwa ndi Elieli ali we butendeka,
- African Kalanga
Elieli ali we butendeka etobegwa ndi Johanani ali we buzhanakadzi, etobegwa ndi Elizabadi we buzhanalume,
- African Kalanga
Elizabadi we buzhanalume etobegwa ndi Jeremiya ali we bugumi, Jeremiya we bugumi etobegwa ndi Makibanayi ali we bugumi lina nng'ompela.
- English14
These Gadites were army commanders; the least was a match for a hundred, and the greatest for a thousand.
African KalangaBalume ibaba bakabe bedwa mu ludzi gwa Gadi bakabe bali batungamili be babhayani bali tjiwulu (1 000) bamwe bali batungamili be mamo apasi bali batungamili be babhayani bali zana (100).
- English15
It was they who crossed the Jordan in the first month when it was overflowing all its banks, and they put to flight everyone living in the valleys, to the east and to the west.
African KalangaNdibo bakatjuluka gwizi gwe Jorodani mu mwedzi we kutanga, pagwakabe gulizhele gututa matanda ngono bakakunda na ibabo bose bakabe bali mu mikuku iku Bhezhuba neku Golombedzo.
- African Kalanga
Ngono bamwe be balume be ludzi gwa Bhenjamini ne be ludzi gwa Juda bakazha ku matizhilo a Dafite.
- English17
David went out to meet them and said to them, “If you have come to me in peace, to help me, I am ready to have you unite with me. But if you have come to betray me to my enemies when my hands are free from violence, may the God of our fathers see it and judge you.”
African KalangaDafite wakayenda kanobashangamidza ngono kabadwa kati, “Ha mazha kundili nge buzwalani kowondibhatsha, ndowozwishanganya namwi nge moyo wangu wose koga ha mazha kuwondiwonga neku ndilonga mu maboko e zwita nenguba ndisina nlandu mmwe wandathama nge maboko angu, ipapo Ndzimu wa bobatategulu unowomubona uka mu loba shamu.”
- English18
Then the Spirit came upon Amasai, chief of the Thirty, and he said: “We are yours, O David! We are with you, O son of Jesse! Success, success to you, and success to those who help you, for your God will help you.” So David received them and made them leaders of his raiding bands.
African KalangaNgono meya ikadelukila muna Amasai ntungamili we bali makumi matatu ngono kati, “Tibabo, Dafite, tinawe, nkololo wa Jesi! Kunyalala, kunyalala ngakube ku kuli, ne babhatshi babo! Ngobe Ndzimu unokubhatsha.” Dafite wakabaamutjila ngono kabathama batungamili be babhayani babe.
- English19
Some of the men of Manasseh defected to David when he went with the Philistines to fight against Saul. (He and his men did not help the Philistines because, after consultation, their rulers sent him away. They said, “It will cost us our heads if he deserts to his master Saul.”)
African KalangaBamwe be balume be ludzi gwa Manase bakafupatila be ludzi gwabo bakabe ba Dafite, Dafite pa akayenda ne Bafilisitiya kunogwa na Saulo. Nenguba iye ne babhayani babe basakabhatsha Bafilisitiya ngoti kwakati shule kwekukumbuludzana balauli babo bakantata beti, “Tingadwa tithubugwa misholo ha angayenda kuna Saulo tetshi uwe.”
- English20
When David went to Ziklag, these were the men of Manasseh who defected to him: Adnah, Jozabad, Jediael, Michael, Jozabad, Elihu and Zillethai, leaders of units of a thousand in Manasseh.
African KalangaNgono kayenda ku Zikilagi balume ibaba be ludzi gwa Manase bakatizhila kunli: Adina na Jozabadi na Jediale na Mikaele na Jozabadi na Elihu na Zilethayi ibaba bali batungamili be bali tjiwulu (1 000) be ludzi gwa Manase.
- English21
They helped David against raiding bands, for all of them were brave warriors, and they were commanders in his army.
African KalangaIbo bakabhatsha Dafite kugwisa gupo le zwita ngobe bose bakabe bakasima bali balume bana tjilopa bali batungamili be ngwa.
- African Kalanga
Zhuba ne zhuba balume bakabe begala bezha kuwobhatsha Dafite kudza kube ne balume be ngwa banjinji be fanana ne be ngwa ye Ndzimu.
- English23
These are the numbers of the men armed for battle who came to David at Hebron to turn Saul’s kingdom over to him, as the Lord had said:
African KalangaEdzi ndidzo mbalo dze gupo le babhayani sekwa bakabe bathubukanyiwa, ibo bakazha kuna Dafite ku Heburoni kuwotola mbuso wa Saulo kuupa Dafite sekwa kwakaleba dama la Yahwe.
- African Kalanga
Balume be ludzi gwa Juda bakabe bebhata zwivikili ne mathumo bakabe bali zwiwulu zwili tathatu zwina mazana ali zhanakadzi (6 800) bakazwilulwamisila ngwa.
- African Kalanga
Balume bakasima bana tjilopa mu ngwa be ludzi gwa Simiyoni bakabe bali zwiwulu zwili kutendeka zwina zana ling'ompela (7 100).
- African Kalanga
Be Balevi bakabe bali zwiwulu zwili zwinna zwina mazana ali tathatu (4 600).
- African Kalanga
Ntungamili Johoida we nsha wa Aroni wakabe ana bali zwiwulu zwili zwitatu zwina mazana ali kutendeka (3 700).
- African Kalanga
Zadoki nzhuzha wakasima una tjilopa wakabe akatungamila bali makumi mabili ana babili (22) kudwa mu nsha wa tate babe.
- English29
men of Benjamin, Saul’s kinsmen- 3,000, most of whom had remained loyal to Saul’s house until then;
African KalangaBabhejamini bakanyi kwa Saulo bakabe bali zwiwulu zwili zwitatu (3 000) bunji gwabo gwakabe gwakabhata gukweba ne be nsha wa Saulo.
- African Kalanga
Be Baifureimi bakabe bali zwiwulu zwili makumi mabili ne mazana ali zhanakadzi (20 800) e balume bakasima bana tjilopa bakabe bezibgwa mu nsha wa tate babo.
- African Kalanga
Gwamu le ludzi gwa Manase bakabe bali zwiwulu zwili gumi lina bali zhanakadzi (18 000) bakabe bashalugwa nge mazina kuti banobiga Dafite mambo.
- English32
men of Issachar, who understood the times and knew what Israel should do- 200 chiefs, with all their relatives under their command;
African KalangaBaisakari bakabe bewhisisa zwimo zwe tjibaka bakabe beziba kuti Baiziraela bakafanila thamani bakabe bali batungamili bali mazana mabili (200) bana bakanyi kwabo.
- English33
men of Zebulun, experienced soldiers prepared for battle with every type of weapon, to help David with undivided loyalty-50,000;
African KalangaBe Zebuluni bakabe bali zwiwulu zwili makumi mashanu (50 000) bakathubukanyiwa bakashakatila mathumo wose e ngwa kubhatsha Dafite nge moyo ung'ompela.
- African Kalanga
Be Nafutali bakabe bali tjiwulu (1 000) tje balauli bana balume bali zwiwulu zwili makumi matatu ana kutendeka (37 000) bakazwilulwamisa nge zwivikili ne mathumo.
- African Kalanga
Badani bakabe bali makumi mabili ana bali zhanakadzi ana mazana ali tathatu (28 600) bakazwilulwamisila ngwa.
- African Kalanga
Baasheri bakabe bali zwiwulu zwili makumi manna (40 000) bakazwilulwamisila ngwa.
- English37
and from east of the Jordan, men of Reuben, Gad and the half-tribe of Manasseh, armed with every type of weapon-120,000.
African KalangaBarubheni ne Bagadi ne gwamu le Manase baseli kwe Jorodani bakabe bali zwiwulu zwili zana lina makumi mabili (120 000) e balume bakashakatila mathumo wose e ngwa.
- English38
All these were fighting men who volunteered to serve in the ranks. They came to Hebron fully determined to make David king over all Israel. All the rest of the Israelites were also of one mind to make David king.
African KalangaBose babhayani ibaba bakabe bakazwilulwamisila ngwa bakayenda ku Heburoni bakasunga nkumbulo kubiga Dafite mambo we Iziraela yose, saikoku koga Iziraela yose yakabe ina nkumbulo nng'ompela wekubiga Dafite mambo.
- English39
The men spent three days there with David, eating and drinking, for their families had supplied provisions for them.
African KalangaBakabe na Dafite ikoko mazhuba ali matatu beja beng'wa ngobe zwikamu zwabo zwakabe zwabalulwamisila zojiwa.
- English40
Also, their neighbors from as far away as Issachar, Zebulun and Naphtali came bringing food on donkeys, camels, mules and oxen. There were plentiful supplies of flour, fig cakes, raisin cakes, wine, oil, cattle and sheep, for there was joy in Israel.
African KalangaBabakidzani nabo bakabe bedwa bukule gungapa Isakari na Zebuluni ne Nafutali bakazha bakazhisa zojiwa bakasenga ne madonki ne dzikamela ne dzimoulo ne mangabe ne zojiwa zwinjinji ne mitjelo yakaswabisiwa ne nkumbi we zhambi ne mafuta ne mangabe ne pkhwizi kulakidza shatho mu Iziraela.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.