The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
1 Chronicles 14English
1 Zwiyitikalo 14African Kalanga
- English1
Now Hiram king of Tyre sent messengers to David, along with cedar logs, stonemasons and carpenters to build a palace for him.
African KalangaMambo Hiramu we Tire katumila batumwa bakasenga mapango e miti ye sida ne babezhi be mabgwe ne babezhi kuna Dafite kuti babakile Dafite ng'umba ye bushe.
- English2
And David knew that the Lord had established him as king over Israel and that his kingdom had been highly exalted for the sake of his people Israel.
African KalangaDafite kabona kuti Yahwe bambiga mambo we Iziraela kakale bushe gugwe gukudziwa kwazo ngekwe bathu babe Baiziraela.
- African Kalanga
Ngono Dafite kalobola bakadzi banjinji mu Jerusalema ngono kabe ne bakololo ne bakololokadzi banjinji.
- African Kalanga
Awa mazina e bana baakabe nabo ku Jerusalema: Shamuya na Shobabu na Nathani na Solomoni
- African Kalanga
na Ibihari na Elishuwa na Elipheleti
- African Kalanga
na Nogha na Nefegi na Jafiya
- African Kalanga
na Elishama na Bheliyada na Elifeleti.
- English8
When the Philistines heard that David had been anointed king over all Israel, they went up in full force to search for him, but David heard about it and went out to meet them.
African KalangaKwakati Bafilisitiya bewha kuti Dafite wa zhodziwa kube mambo we Iziraela, Bafilisitiya bose bakabhuda itethela kunoshaka Dafite ngono Dafite kati ewha nge kwako kabhuda kanobanginilila.
- African Kalanga
Bafilisitiya bakabe bazha pa nkuku we Refaimu ngono bakatapa kose.
- English10
so David inquired of God: “Shall I go and attack the Philistines? Will you hand them over to me?” The Lord answered him, “Go, I will hand them over to you.”
African KalangaNgono Dafite kashakisisa ku Ndzimu eti, “Ndiyende kunonginilila Bafilisitiya kene? Apa mowothama kuti ndibakunde kene?” Ngono Yahwe bakan'dabila beti, “Yenda! Ndowobalonga mu maboko awo.”
- English11
So David and his men went up to Baal Perazim, and there he defeated them. He said, “As waters break out, God has broken out against my enemies by my hand.” So that place was called Baal Perazim.
African KalangaNgono katathila ku Bhaaleparazimu ngono Dafite kabakunda ikoko, ngono Dafite kabe eti, “Ndzimu wandishingisa kuti ndipaladze zwita zwangu se nkubila unothwa nge shango.” Ndizo zina la ipapo likadang'wa kuyi Bhaaleparazimu.
- English12
The Philistines had abandoned their gods there, and David gave orders to burn them in the fire.
African KalangaBafilisitiya bakasiya midzimu yabo ipapo ngono Dafite kalaula kuti ipisiwe.
- African Kalanga
Ngono Bafilisitiya bakanginilila nkuku kakale.
- English14
so David inquired of God again, and God answered him, “Do not go straight up, but circle around them and attack them in front of the balsam trees.
African KalangaNgono kukati Dafite ebhuzwa Ndzimu ngono Ndzimu ukadabila uti, “Usitongobashangamidza ubapoteleke shule ngono ubanginilile udwa ku lubizho gwe miti ye malibheri.
- English15
As soon as you hear the sound of marching in the tops of the balsam trees, move out to battle, because that will mean God has gone out in front of you to strike the Philistine army.”
African KalangaNgono uti uwha nsindo we makumbo mu theswi dze malibheri, ipapo ube utangisa gwa, ngobe Ndzimu wayendila mbeli kuko kubulaya babhayani be Bafilisitiya.”
- English16
So David did as God commanded him, and they struck down the Philistine army, all the way from Gibeon to Gezer.
African KalangaNgono Dafite wakathama sekwa akadwiwa nge Ndzimu ngono bakabulaya ngwa ye Bafilisitiya kudwa ku Gibiyoni kunoti ku Gezeri.
- African Kalanga
Ngono tjilumbi tja Dafite tjikaandama nge shango dzose kakale Yahwe bakathama kuti atjiwe nge zwitjaba zose.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.