The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
1 Chronicles 16English
1 Zwiyitikalo 16African Kalanga
- English1
They brought the ark of God and set it inside the tent that David had pitched for it, and they presented burnt offerings and fellowship offerings before God.
African KalangaBakazhisa Bhokisi le Ndzimu ngono bakalibiga mu nshasha walakabe laubakigwa ndi Dafite, bakadusila Ndzimu zwibhayilo zwinopisiwa ne zwibhayilo zwe mbakisano.
- English2
After David had finished sacrificing the burnt offerings and fellowship offerings, he blessed the people in the name of the Lord.
African KalangaNgono Dafite wakati epedza dusa zwibhayilo zwinopisiwa ne zwibhayilo zwe mbakisano kakombolela bathu mu zina la Yahwe,
- English3
Then he gave a loaf of bread, a cake of dates and a cake of raisins to each Israelite man and woman.
African Kalangakadwapo kakobela balume ne bakadzi bose be Iziraela mmwe ne mmwe kampa tjiwunga ne nyama ne khekhe le thewa dzakawanikiwa.
- English4
He appointed some of the Levites to minister before the ark of the Lord, to make petition, to give thanks, and to praise the Lord, the God of Israel:
African KalangaDafite wakashalula Balevi bamwe kuti bashingile pa Bhokisi la Yahwe kulikudza ne kuboka ne kudza Yahwe Ndzimu we Iziraela.
- English5
Asaph was the chief, Zechariah second, then Jeiel, Shemiramoth, Jehiel, Mattithiah, Eliab, Benaiah, Obed-Edom and Jeiel. They were to play the lyres and harps, Asaph was to sound the cymbals,
African KalangaAsafa wakabe ali iye ntungamili etobegwa ndi Zekariya na Jeyele na Shemiramoti na Jehiele na Mathitiya na Eliabu na Bhenaya na Obediedomu na Jeyele bakabe bakalingisana ngolidza matende ne laya. Asafa wakabe akalingisana nge zwilidzo zwe dzisimbali
- English6
and Benaiah and Jahaziel the priests were to blow the trumpets regularly before the ark of the covenant of God.
African Kalangana Bhenaya na Jahaziele be bapirisiti bakabe bakalingisana ngodwilila belidza manyanga mbeli kwe Bhokisi le Tjidumano le Ndzimu.
- English7
That day David first committed to Asaph and his associates this psalm of thanks to the Lord:
African KalangaNgono mu zhuba ilelo Dafite wakabiga kuti njimbo dzinoboka dzi mbigwe Yahwe ndi Asafa ne zwikamu zwizwe.
- African Kalanga
Tendani Yahwe, danani zina labo, zibisani njudzi ngekwe mishingo yabo!
- African Kalanga
Mubambile, mubambile njimbo dze gudzo, Lebani ngekwe mishingo yabo yose inotjenamisa!
- African Kalanga
Gudzo limu zina labo, ibo be mimoyo inoshaka Yahwe ngaba shathe!
- African Kalanga
Shakani Yahwe nenge simba labo, mubashake nge kusingapele!
- African Kalanga
Kumbulani mishingo inotjenamisa yabakathama, ne matjenamiso ne sumikiliso dzabakathama.
- African Kalanga
Imwi bana ba Iziraela nlanda uwe, imwi bakololo ba Jakubo, imwi bawakashalula!
- African Kalanga
Ndibo Yahwe Ndzimu wedu, sumikiliso yabo imu shango yose.
- African Kalanga
Banogala bakakumbula ngekwe tjidumano tjabo, ngekwe dama labo labakaleba mu zwizekugwana zwinjinji zwakapinda.
- African Kalanga
Tjidumano tjabakathama na Abhurahama, tuna kwabo kwabakathama kuna Isaki,
- African Kalanga
tjabakasisithila se ndaulo kuna Jakubo, tjili tjidumano tjatjose kuna Iziraela,
- African Kalanga
beti, “Iwe ndowokupa shango ye Kanana, ili ilo gobe le thaka iyo.”
- African Kalanga
Bakati bali bashomanana nge mbalo kakale basi betjimwe bali bataya muili,
- African Kalanga
beyenda shango ne shango kudwa mu mbuso umwe benoti ku mmwe,
- African Kalanga
akuna wabakaletjedza kubatshambilidza, bakabatjemelela bomambo nge kwabo,
- African Kalanga
beti, “Musitongo kuma bakashalugwa, musitongo kubadza balebesambeli bangu!”
- African Kalanga
Mbilani Yahwe imwi shango yose! Lebani ngekwe jidzo labo zhuba ne zhuba.
- African Kalanga
Zibisani gudzo labo zwitjaba, zibisani mishingo yabo inotjenamisa bathu bose!
- African Kalanga
Ngobe Yahwe bankulu banofanigwa ngo kudziwa, bakafanila tetiwa kupinda midzimu yose.
- African Kalanga
Ngobe midzimu yose ye bathu zwithu koga koga Yahwe bakathama zhuzhugwi.
- African Kalanga
Dendo ne bomambo nge zwabo simba ne shatho zwimu magala abo.
- African Kalanga
Ipani Yahwe imwi misha yose ye bathu, mubape gudzo ne simba.
- English29
ascribe to the Lord the glory due his name. Bring an offering and come before him; worship the Lord in the splendor of his holiness.
African KalangaIpani Yahwe gudzo lakafanila zina labo zhisani zwibhayilo, izhani mbeli kwabo! Namatani Yahwe mu bubuya gwabo gwakayengemala
- African Kalanga
tetemani mbeli kwabo imwi shango yose ee, shango igelile tjatjose aingatshedusiwe.
- English31
Let the heavens rejoice, let the earth be glad; let them say among the nations, “The Lord reigns!”
African KalangaZhuzhugwe ngalishathe ne shango ipululudze, ngono ngazwilebe mu zwitjaba zwiti, “Yahwe banobusa!”
- English32
Let the sea resound, and all that is in it; let the fields be jubilant, and everything in them!
African KalangaGungwa ngaliwone ne tjimwe ne tjimwe tjimulili, ne minda ne zose zwimuili zwishathe.
- English33
Then the trees of the forest will sing, they will sing for joy before the Lord, for he comes to judge the earth.
African KalangaMiti imu ishaka ngaishathe mbeli kwa Yahwe ngobe banozha kuwosumikilisa shango.
- African Kalanga
Tendani Yahwe ngobe bakalulwama ngobe ludo gwabo gusingazunguzike ndegusingapele!
- English35
Cry out, “Save us, O God our Savior; gather us and deliver us from the nations, that we may give thanks to your holy name, that we may glory in your praise.”
African KalangaKakale muti, “Mutitjidze, imwi Ndzimu we jidzo, mutibuze mutitjidze mu zwitjaba, kuti ndizo titende zina lenyu lakayengemala ne kumukudza.
- English36
Praise be to the Lord, the God of Israel, from everlasting to everlasting. Then all the people said “Amen” and “Praise the Lord.”
African KalangaNgakukudziwe Yahwe Ndzimu we Iziraela kudwa kusingapele kunoti kusingapele!” Ngono bathu bose bakabe beti, “Ngakujalo” ngakukudziwe Yahwe.
- English37
David left Asaph and his associates before the ark of the covenant of the Lord to minister there regularly, according to each day’s requirements.
African KalangaNdizo Dafite kasiya Asafa ne zwikamu zwizwe mbeli kwe Bhokisi le Tjidumano tja Yahwe kuti bashingile ipapo tjatjose zhuba ne zhuba sekwa kwakabe kushakika,
- English38
He also left Obed-Edom and his sixty-eight associates to minister with them. Obed-Edom son of Jeduthun, and also Hosah, were gatekeepers.
African Kalangaha Obediedomu ne bashingi naye bali makumi matatu ana bali zhanakadzi (68) bakabe banabo. Obediedomu nkololo wa Jeduthuni na Hosa bakabe bakalingisana ngotjengeta nkoba.
- English39
David left Zadok the priest and his fellow priests before the tabernacle of the Lord at the high place in Gibeon
African KalangaNgono kasiya Zadoki mpirisiti ne zwikamu zwizwe beshingila pa bugalo gwe Ndzimu gwakabe guli ku Gibiyoni,
- English40
to present burnt offerings to the Lord on the altar of burnt offering regularly, morning and evening, in accordance with everything written in the Law of the Lord, which he had given Israel.
African Kalangakupisila Yahwe zwibhayilo mu tjibeso tjinopisigwa zwibhayilo zwinopisiwa mangwanana ne madekwana sekwa kwakakwagwa mu nlayo wa Yahwe iwo wabakalaulila Iziraela.
- English41
With them were Heman and Jeduthun and the rest of those chosen and designated by name to give thanks to the Lord, “for his love endures forever.”
African KalangaMubali kwakabe kuna Hemani na Jeduthuni na bose bakabe bashalugwa batendekwa kutenda Yahwe ngobe ludo gwabo gusingazunguzike guli gusingapele.
- English42
Heman and Jeduthun were responsible for the sounding of the trumpets and cymbals and for the playing of the other instruments for sacred song. The sons of Jeduthun were stationed at the gate.
African KalangaHemani na Jeduthuni bakabe bakalingisana ngotjengeta dzisimbali ne zwilidzo zwimwe zwe njimbo zwinoshingisiwa mukunamata. Bakololo ba Jeduthuni ibo bakabigwa ku nkoba.
- English43
Then all the people left, each for his own home, and David returned home to bless his family.
African KalangaKudwapo bathu bose bakabe bepalala mmwe ne mmwe eyenda ku nzi uwe, Dafite kayenda kukombolela be nsha uwe.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.