The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
1 Chronicles 2English
1 Zwiyitikalo 2African Kalanga
- African Kalanga
Aba ndibo bakololo ba Iziraela: Rubheni na Simiyoni na Levi na Juda na Isakari na Zebuluni
- African Kalanga
na Dani na Josefa na Bhenjamini na Nafutali na Gadi na Asheri.
- English3
The sons of Judah: Er, Onan and Shelah. These three were born to him by a Canaanite woman, the daughter of Shua. Er, Judah’s firstborn, was wicked in the Lord’s sight; so the Lord put him to death.
African KalangaBakololo ba Juda bakabe bali bo Eri na Onani na Shela, butatu gwabo bakabe bazwagwa ne nkadzi we Nkanana ali nkololokadzi wa Shua. Mbano ya Juda Eri, wakabe ali mbiimbi kwazo mbeli kwa Yahwe ngono bakambulaya.
- African Kalanga
Nlongo uwe Tama kan'wanila Perezi na Zera. Ndizo Juda kabe ne bakololo bali bashanu.
- African Kalanga
Bakololo ba Perezi bakabe bali bo Hezironi na Hamuli.
- African Kalanga
Bakololo ba Zera bakabe bali bo Zimiri na Ethani na Hemani na Khalikholi na Dara bose bose bakabe bali bashanu.
- English7
The son of Carmi: Achar, who brought trouble on Israel by violating the ban on taking devoted things.
African KalangaBakololo ba Khami bakabe bali bo Akhari wakazhisa phipiti mu Iziraela ngotola zwimwe zwija zwabakabe badwiwa kuti basizwitole zwakabe zwapiwa Ndzimu.
- African Kalanga
Etani nkololo uwe wakabe ali Azariya.
- African Kalanga
Bakololo ba Hezironi bakabe bali bo Jerahemele na Rama na Khelubai.
- English10
Ram was the father of Amminadab, and Amminadab the father of Nahshon, the leader of the people of Judah.
African KalangaRama wakabe ali tate ba Aminadabu, Aminadabu iye ali tate ba Nahishoni ntungamili we bathu be Juda.
- African Kalanga
Nahishoni wakabe ali tate ba Salima na Salima ali tate ba Bhoazi,
- African Kalanga
Bhoazi wakabe ali tate ba Obedi, Obedi ali tate ba Jesi.
- English13
Jesse was the father of Eliab his firstborn; the second son was Abinadab, the third Shimea,
African KalangaJesi wakabe ali tate ba Eliyabu, Eliyabu wakabe ali iye mbano, thobeledzi iye ali Abinadabu thobeledzi iye ali Shimeya,
- African Kalanga
thobeledzi iye ali Nethanele thobeledzi iye ali Radayi,
- African Kalanga
thobeledzi iye ali Ozemu kologwe ili Dafite.
- English16
Their sisters were Zeruiah and Abigail. Zeruiah’s three sons were Abishai, Joab and Asahel.
African KalangaHazwadzi dzabo dzakabe dzili bo Zeruya na Abigali. Zeruya wakabe ne bakololo bali batatu Abishayi na Joabu na Asahele.
- English17
Abigail was the mother of Amasa, whose father was Jether the Ishmaelite. Caleb Son of Hezron
African KalangaAbigali iye kazwala Amasa tate babe bali Jetheri we N'shimaeli.
- English18
Caleb son of Hezron had children by his wife Azubah (and by Jerioth). These were her sons: Jesher, Shobab and Ardon.
African KalangaKhalebu nkololo wa Hezironi kalobola Azuba ngono bakawana nkololokadzi edang'wa Jerioti, bakololo babe ibo bakabe bali bo Jesheri na Shobabu na Aridoni.
- African Kalanga
Kwakati Azuba asinofa Khalebu kalobola Efurati iye kanzwalila Huri.
- African Kalanga
Huri wakabe ali tate ba Uri, Uri ali tate ba Bhezaleli.
- English21
Later, Hezron lay with the daughter of Makir the father of Gilead (he had married her when he was sixty years old), and she bore him Segub.
African KalangaShule kwa ipapo Hezironi wakati abe makole ali makumi ali matathatu (60) kalobola nkololokadzi wa Makhiri tate ba Giliyadi ngono bakazwala Segubu.
- African Kalanga
Segubu iye wakabe ali tate ba Jairi. Jairi wakabe ana mizi mikulu ili makumi mabili ana ili mitatu (23) mu shango ye Giliyadi.
- English23
(But Geshur and Aram captured Havvoth Jair, as well as Kenath with its surrounding settlements–sixty towns.) All these were descendants of Makir the father of Gilead.
African KalangaKoga Geshuri na Aramu bakatapa Havoti Jairi ne Kenati ne mizana yawo ili makumi ali matathatu (60). Bose ibaba bakabe bali zwizekugwana zwa Makhiri tate ba Giliyadi.
- English24
After Hezron died in Caleb Ephrathah, Abijah the wife of Hezron bore him Ashhur the father of Tekoa. Jerahmeel Son of Hezron
African KalangaKwakati shule kwe lufu gwa Hezironi, Khalebu kawalilana na Efurati nkadzi wa tate babe ngono iye kanzwalila nkololo edang'wa Ashuri tate ba Tekowa.
- English25
The sons of Jerahmeel the firstborn of Hezron: Ram his firstborn, Bunah, Oren, Ozem and Ahijah.
African KalangaBakololo ba Jerahemele wakabe ali mbano ya Hezironi bakabe bali bo Rama, Rama ali mbano kutobeledza Bhuna na Oreni na Ozemu na Ahija.
- African Kalanga
Jerahemele wakabe ana mmwe nkadzi zina lile kuyi Atara. Atara wakabe ali mme ba Onami.
- African Kalanga
Bakololo ba Rama mbano ya Jerahemele bakabe bali bo Maazi na Jamini na Ekeri.
- African Kalanga
Bakololo ba Onami bakabe bali bo Shamai na Jada. Bakololo ba Shamai bakabe bali bo Nadabu na Abishuri.
- African Kalanga
Nkadzi wa Abishuri wakabe ali Abihaile ngono iye kanzwalila Ahabhani na Molidi.
- African Kalanga
Bakololo ba Nadabu bakabe bali bo Seledi na Afaimu ngono Seledi kafa asina mwana.
- African Kalanga
Nkololo wa Afaimu wakabe ali Ishi. Nkololo wa Ishi wakabe ali Sheshani. Nkololo wa Sheshani wakabe ali Ahalai.
- African Kalanga
Bakololo ba Jada hama ya Shamai wakabe ana bakololo bali babili Jetheri na Jonatani koga Jetheri kafa asina bana.
- African Kalanga
Bakololo ba Jonatani bakabe bali bo Peleti na Zaza. Bose ibaba bakabe bali zwizekugwana zwa Jerahemele.
- African Kalanga
Sheshani wakabe ana bakololokadzi koga asina bakololo ngono kabe ana nlandalume we N'egipiti edang'wa Jariha.
- African Kalanga
Ndizo Sheshani kalobodza nkololokadzi uwe nlanda uwe Jariha ibo bakawana nkololo edang'wa Atai.
- African Kalanga
Atai kazwala Nathani, Nathani kazwala Zabadi,
- African Kalanga
Zabadi kazwala Efelali, Efelali kazwala Obedi,
- African Kalanga
Obedi kazwala Jehu, Jehu kazwala Azariya,
- African Kalanga
Azariya kazwala Helezi, Helezi kazwala Eleasa,
- African Kalanga
Eleasa kazwala Sisimai, Sisimai kazwala Shalumu,
- African Kalanga
Shalumu kazwala Jekamiya, Jekamiya kazwala Elishama.
- English42
The sons of Caleb the brother of Jerahmeel: Mesha his firstborn, who was the father of Ziph, and his son Mareshah, who was the father of Hebron.
African KalangaBakololo ba Khalebu nnung'una wa Jerahemele kwakabe kuli Mesha ali mbano, Mesha wakabe ali tate ba Zifi, thobeledzi ya Mesha wakabe ali Mareshahi, Mareshahi ali tate ba Heburoni.
- African Kalanga
Bakololo ba Heburoni bakabe bali bo Kora na Tapuwa na Rekemu na Shema.
- English44
Shema was the father of Raham, and Raham the father of Jorkeam. Rekem was the father of Shammai.
African KalangaShema wakabe ali tate ba Rahamu, Rahamu ali tate ba Jokeamu. Rekemu wakabe ali tate ba Shamai.
- African Kalanga
Shamai wakabe ali tate ba Maoni, Maoni iye ali tate ba Bhetizuri.
- English46
Caleb’s concubine Ephah was the mother of Haran, Moza and Gazez. Haran was the father of Gazez.
African KalangaKhalebu wakabe ana mmwe nkadzi edang'wa Efa, Efa wakabe ali mme ba Harani na Moza na Gazezi. Harani wakabe ali tate ba Gazezi.
- African Kalanga
Bakololo ba Jahadayi bakabe bali bo Regemu na Jothamu na Geshani na Peleti na Efa na Shaafa.
- African Kalanga
Khalebu wakabe ana mmwe nkadzi edang'wa Maaka. Maaka wakabe ali mme ba Sheberi na Tirihana
- English49
She also gave birth to Shaaph the father of Madmannah and to Sheva the father of Macbenah and Gibea. Caleb’s daughter was Acsah.
African Kalangana Shaafa, Shaafa ali tate ba Madimana na Sheva, Sheva ali tate ba Makibhena na Gibiya. Khalebu wakabe ana nkololokadzi edang'wa Akasa.
- English50
These were the descendants of Caleb. The sons of Hur the firstborn of Ephrathah: Shobal the father of Kiriath Jearim,
African KalangaBose ibaba bakabe bali zwizekugwana zwa Khalebu. Huri wakabe ali iye mbano ya Khalebu ne nkadzi uwe Efurati. Shobali ndiye wakasika Kiriatijearimu,
- African Kalanga
nkololo uwe we bubili Salima iye kasika Bhetelehema, Harefi ali we butatu iye kasika Bhetigaderi.
- English52
The descendants of Shobal the father of Kiriath Jearim were: Haroeh, half the Manahathites,
African KalangaZwizekugwana zwa Shobali iye bhalule le Kiriatijearimu bakabe bali bo Haroye ne gwamu le bagali be Menuhoti.
- English53
and the clans of Kiriath Jearim: the Ithrites, Puthites, Shumathites and Mishraites. From these descended the Zorathites and Eshtaolites.
African KalangaNjudzi dze Kiriatijearimu dzakabe dzili sawhoku: Ludzi gwe Baitiri ne gwe Baphuti ne gwe Bashumati ne gwe Misharayiti, mu bali kuna Bazora ne Baeshitaoli.
- English54
The descendants of Salma: Bethlehem, the Netophathites, Atroth Beth Joab, half the Manahathites, the Zorites,
African KalangaBakololo ba Salima bakabe bali bo Bhetelehema ne bathu be Banetofa ne Atiroti Beti Joabu ne Bazori be gwamu gwe ludzi gwa Manahati.
- English55
and the clans of scribes who lived at Jabez: the Tirathites, Shimeathites and Sucathites. These are the Kenites who came from Hammath, the father of the house of Recab.
African KalangaNjudzi dze bakwali bakabe begala ku Jabezi bakabe bali Batiratite ne Bashimeatite ne Basukatite. Ibaba bakabe bali Bakeni bakabe bedwa ku Hamati nsholo we nsha we Barekabi.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.