1 Chronicles 20 | Old Testament

Book Chapter Verse

1 Chronicles 20English

1 Zwiyitikalo 20African Kalanga

English1
In the spring, at the time when kings go off to war, Joab led out the armed forces. He laid waste the land of the Ammonites and went to Rabbah and besieged it, but David remained in Jerusalem. Joab attacked Rabbah and left it in ruins.
African Kalanga
Ngono kwakati nsi we nyawuko usino pinda mu tjibaka tja bomambo tjabanoyenda ku ngwa, Joabu katungamila babhayani kadukudza shango ye Baamoni kanokomba nzi nkulu we Rabha Joabu kaunginilila ngono kaukolomola. Dafite iye wakabe asala mu Jerusalema.
English2
David took the crown from the head of their king -its weight was found to be a talent of gold, and it was set with precious stones–and it was placed on David’s head. He took a great quantity of plunder from the city
African Kalanga
Ngono Dafite katola tjiala tja mambo we Baamoni mu nsholo uwe kawana tjina bulemo gwe talenta dze golide mutjili kwakabe kuna bgwe lakanaka kwazo, tjiala tjikatogwa tjikaambadziwa Dafite. Wakatapa thundu isishoma mu nzi nkulu.
English3
and brought out the people who were there, consigning them to labor with saws and with iron picks and axes. David did this to all the Ammonite towns. Then David and his entire army returned to Jerusalem.
African Kalanga
Wakatapilanya ne bathu bakabe bali mu nzi nkulu bakabashingisa bakathama kuti bashingise saha ne mitsha yakathamwa nge butale ne mashathu. Kathama ikoku ku bathu bose be mizi mikulu ye Baamoni. Ngono kudwapo Dafite ne bathu bose bakabgwilila ku Jerusalema.
English4
In the course of time, war broke out with the Philistines, at Gezer. At that time Sibbecai the Hushathite killed Sippai, one of the descendants of the Rephaites, and the Philistines were subjugated.
African Kalanga
Shule kwa ipapo kukamuka ngwa ku Gezeri ne Bafilisitiya. Ngono nditjo tjibaka tja Sibhekayi we Hushahi tjaakabulaya Sifayi iye wakabe ali mmwe we zwizekugwana zwa Rafa, makombalume, ngono Bafilisitiya bakakundiwa.
English5
In another battle with the Philistines, Elhanan son of Jair killed Lahmi the brother of Goliath the Gittite, who had a spear with a shaft like a weaver’s rod.
African Kalanga
Kwakabe ne ngwa kakale ne Bafilisitiya ngono Elihanani nkololo wa Jairi kabulaya Lahimi hama ya Goliyati we N'giti, iye wakabe ana thumo lina mpini we bhangwana lingapa nsemo we mutjini we baluki.
English6
In still another battle, which took place at Gath, there was a huge man with six fingers on each hand and six toes on each foot–twenty-four in all. He also was descended from Rapha.
African Kalanga
Kukabe ne ngwa kakale ku Gati, kwakabe kuna nlume wakabe ali nlefulefu ana zwinyala zwili tathatu mu tjiazha tjimwe ne tjimwe ne zwinyala zwili tathatu mu gumbo limwe ne limwe, zwinyala zwizwe zose zwakabe zwili makumi mabili ana zwili zwinna (24), ali mmwe we zwizekugwana zwa Rafa, makombalume.
English7
When he taunted Israel, Jonathan son of Shimea, David’s brother, killed him.
African Kalanga
Ngono wakati edadila Iziraela Jonatani nkololo wa Shimeya hama ya Dafite kambulaya.
English8
These were descendants of Rapha in Gath, and they fell at the hands of David and his men.
African Kalanga
Ibaba batatu bakabulawa bakabe bali zwizekugwana zwa Rafa, makombalume e Gati ngono bakabulawa ndi Dafite ne balanda babe.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.