The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
1 Chronicles 29English
1 Zwiyitikalo 29African Kalanga
- English1
Then King David said to the whole assembly: “My son Solomon, the one whom God has chosen, is young and inexperienced. The task is great, because this palatial structure is not for man but for the Lord God.
African KalangaKudwapo Mambo Dafite kalebeleka ne gubungano eti, “Solomoni nkololo wangu iye wakashalugwa ne Ndzimu utji ntjetjana kakale aathu kabe ne luzibo ngono nshingo we mbako njinji ngoti ng'umba iyeyi ate ye bathu ndeya Yahwe Ndzimu.
- English2
With all my resources I have provided for the temple of my God–gold for the gold work, silver for the silver, bronze for the bronze, iron for the iron and wood for the wood, as well as onyx for the settings, turquoise, stones of various colors, and all kinds of fine stone and marble–all of these in large quantities.
African KalangaNdizo ndagwisa kululwamisa zwinowoshakika mu mbako ye Ng'umba ye Ndzimu nge matatabuko angu wose ingabe siliva kene golide kene phangula kene butale kene mapango kene thakwala kene mabgwe mamwe akanaka.
- English3
Besides, in my devotion to the temple of my God I now give my personal treasures of gold and silver for the temple of my God, over and above everything I have provided for this holy temple:
African KalangaKakale pezhugwi kwe zwithu zose izwezwi ndadusa siliva ne golide mu thundu yangu ngobe ndina ludo mu Ng'umba ye Ndzimu.
- English4
three thousand talents of gold (gold of Ophir) and seven thousand talents of refined silver, for the overlaying of the walls of the buildings,
African KalangaNdadusa dzitalenta dzili zana ling'ompela (100) dze golide ne dzitalenta dzili mazana mabili ana makumi ali tathatu ne bushanu dze golide dze siliva kunakisa makuma e Ng'umba ye Ndzimu,
- English5
for the gold work and the silver work, and for all the work to be done by the craftsmen. Now, who is willing to consecrate himself today to the Lord?”
African Kalangagolide iyeyi ibe ye zwithu zwe golide siliva ibe ye zwithu zwe siliva na zose zwinowoshakiwa ne nyambi dze bathuli be mabgwe, ndiani mmwe unodadusa nasi edusila Yahwe?”
- English6
Then the leaders of families, the officers of the tribes of Israel, the commanders of thousands and commanders of hundreds, and the officials in charge of the king’s work gave willingly.
African KalangaMisholo ye misha ne makulukota ne balauli be babhayani be bali zwiwulu ne balauli be babhayani be bali mazana ne bashingi bakalingisana nge nshingo wa mambo bakadusa zwipo nge mimoyo mitjena.
- English7
They gave toward the work on the temple of God five thousand talents and ten thousand darics of gold, ten thousand talents of silver, eighteen thousand talents of bronze and a hundred thousand talents of iron.
African KalangaBakadusila nshingo we Ng'umba ye Ndzimu dzitalenta dzili zwiwulu zwili zwishanu (5 000) ne golide ye bulemo gwe zwiwulu zwili makumi ali gumi (10 000) ne dzitalenta dze siliva dzili zwiwulu zwili makumi ali gumi (10 000) ne dzitalenta dzili zwiwulu zwili gumi lina zhanakadzi (18 000) dze phangula ne zwiwulu zwili zana (100 000) zwe butale.
- English8
Any who had precious stones gave them to the treasury of the temple of the Lord in the custody of Jehiel the Gershonite.
African KalangaIbabo bakabe bana mabgwe akanaka bakadusila matula e Ng'umba ye Ndzimu ya Yahwe yakabe ili pasi kwa Jehiele we Nlevi we ludzi gwa Geshoni.
- English9
The people rejoiced at the willing response of their leaders, for they had given freely and wholeheartedly to the Lord. David the king also rejoiced greatly.
African KalangaBathu bakashatha ngobe bakabe badusila Yahwe zwipo zwabo nge mimoyo mitjena, Mambo Dafite naiye wakashatha kwazo.
- English10
David praised the Lord in the presence of the whole assembly, saying, “Praise be to you, O Lord, God of our father Israel, from everlasting to everlasting.
African KalangaDafite wakakudza Yahwe mbeli kwe gubungano lose eti, “Gudzo ngalibe kumuli Yahwe Ndzimu wa tate bedu Iziraela, nge kusingapele kose!
- English11
Yours, O Lord, is the greatness and the power and the glory and the majesty and the splendor, for everything in heaven and earth is yours. Yours, O Lord, is the kingdom; you are exalted as head over all.
African KalangaImwi Yahwe mu nkulu kakale muna simba mopenyelela muna tjibombo kakale mu she ngobe tjimwe ne tjimwe tjikudzimu ne mu shango nde tjenyu. Ngobe bushe nde gwenyu, Mokudziwa muli mbusi nkulu mu magalo wose.
- English12
Wealth and honor come from you; you are the ruler of all things. In your hands are strength and power to exalt and give strength to all.
African KalangaFumwa ne gudzo zose zodwa kumuli, mobusa tjimwe ne tjimwe nge matatabuko ne simba, munako kuthama nthu kuti abe nkulu abe ne simba.
- African Kalanga
Ndizo ngwenu Ndzimu wedu, tomutenda, tokudza zina lenyu gulu.
- English14
“But who am I, and who are my people, that we should be able to give as generously as this? Everything comes from you, and we have given you only what comes from your hand.
African Kalanga“Koga imi ndiani ne bathu bangu ndiboani? Kwatingadusa kungapa kene? Tjimwe ne tjimwe tjodwa kumuli, ngono tamupa iko kunodwa kumuli zwako.
- English15
We are aliens and strangers in your sight, as were all our forefathers. Our days on earth are like a shadow, without hope.
African KalangaTibazhi ne bataya mbeli kwenyu koga sa bobatategulu bedu bose. Mazhuba edu mu shango anonga ntutshi koga atina kugalabgwe.
- English16
O Lord our God, as for all this abundance that we have provided for building you a temple for your Holy Name, it comes from your hand, and all of it belongs to you.
African KalangaYahwe Ndzimu wedu, zwithu zose izwezwi tamupaizo kuti kubakiwe ng'umba kukudza zina lenyu lakayengemala, koga zodwa kumuli nde zwenyu.
- English17
I know, my God, that you test the heart and are pleased with integrity. All these things have I given willingly and with honest intent. And now I have seen with joy how willingly your people who are here have given to you.
African KalangaNdoziba Ndzimu wangu, kuti moshakisisa moyo we nthu mmwe ne mmwe mukashathila bathu bana ntutshi. Nge malebeswa wose ndamupa zose izwezwi nge moyo ntjena kakale ndabona kuti bathu bose bapano bakashathila kungapani kumupa zwipo.
- English18
O Lord, God of our fathers Abraham, Isaac and Israel, keep this desire in the hearts of your people forever, and keep their hearts loyal to you.
African KalangaYahwe Ndzimu wa bobatategulu bedu Abhurahama na Isaki na Iziraela, thamani kuti moyo ntjena iwoyu ugalile tjose mu bathu benyu kakale ne mikumbulu yabo igale yakalinga imwi.
- English19
And give my son Solomon the wholehearted devotion to keep your commands, requirements and decrees and to do everything to build the palatial structure for which I have provided.”
African KalangaThamani kuti nkololo wangu Solomoni atukutilile kulondolodza milayo yenyu ne kuthama tjimwe ne tjimwe kubaka Ng'umba ye Ndzimu iyo yandalulwamisila.”
- English20
Then David said to the whole assembly, “Praise the Lord your God.” So they all praised the Lord, the God of their fathers; they bowed low and fell prostrate before the Lord and the king.
African KalangaIpapo Dafite kadwa gubungano lose eti, “Kudzani Yahwe Ndzimu wenyu!” Ndizo bose bakakudza Yahwe Ndzimu wa bobatategulu babo bakakotamisa misholo bakathigama mbeli kwa Yahwe kakale bali mambo.
- English21
The next day they made sacrifices to the Lord and presented burnt offerings to him: a thousand bulls, a thousand rams and a thousand male lambs, together with their drink offerings, and other sacrifices in abundance for all Israel.
African KalangaMu zhuba linotobela bakadusila Yahwe zwibhayilo zwinopisiwa, bakadusa mikono ili tjiwulu (1 000) ne nyundo dzili tjiwulu (1 000) ne pkhwizana dzili tjiwulu (1 000) bakadusila Yahwe kose ne zwibhayilo zwe zwing'o ne zwibhayilo zwinopisiwa zwili zwinjinji zwe Iziraela yose.
- English22
They ate and drank with great joy in the presence of the Lord that day. Then they acknowledged Solomon son of David as king a second time, anointing him before the Lord to be ruler and Zadok to be priest.
African KalangaBakabiga Solomoni nkololo wa Dafite mu tjigalo tje bushe gwe bubili nge zina la Yahwe bakanzhodza kube nlauli wabo Zadoki iye kabe mpirisiti. Ndizo Solomoni kagala tjigalo tja tate babe tjakabambiwa ndi Yahwe. Wakabhudilila kwazo mu bumambo gugwe kakale itjaba tjose tje Iziraela tjakabe tjinteta kwazo.
- English23
So Solomon sat on the throne of the Lord as king in place of his father David. He prospered and all Israel obeyed him.
African KalangaNdizo Solomoni kagala tjigalo tja tate babe Dafite mu tjigalo tjakabigwa ndi Yahwe. Wakabe mambo wakabhudilila ngono ne itjaba tjose tje Iziraela tjikan'wha.
- English24
All the officers and mighty men, as well as all of King David’s sons, pledged their submission to King Solomon.
African KalangaBalauli bose be babhayani ne balume bakasima nenge bakololo ba Dafite bamwe bakagadzabgwe kuti banoteedza Solomoni se ali mambo.
- English25
The Lord highly exalted Solomon in the sight of all Israel and bestowed on him royal splendor such as no king over Israel ever had before.
African KalangaYahwe bakathama kuti Iziraela yose itje Solomoni, bakanthama kuti abe tjilumbi pana boshe bose bakatongo busa Iziraela.
- African Kalanga
Dafite nkololo wa Jesi wakabe ali mambo mu Iziraela.
- African Kalanga
Wakabusa Iziraela makole ali makumi manna (40) ali mu Heburoni ne ali makumi matatu ana matatu (33) mu Jerusalema.
- English28
He died at a good old age, having enjoyed long life, wealth and honor. His son Solomon succeeded him as king.
African KalangaWakafa akula kwazo apedza butjilo, ana fumwa kakale etetiwa kwazo. Nkololo uwe Solomoni kagala tjigalo tja Dafite ali mambo.
- English29
As for the events of King David’s reign, from beginning to end, they are written in the records of Samuel the seer, the records of Nathan the prophet and the records of Gad the seer,
African KalangaThawu ngekwa Mambo Dafite kudwa mukutangisa kunoti kubupelo dzakakwagwa mu whalo dze balebesambeli batatu bo Samuele na Nathani na Gadi.
- English30
together with the details of his reign and power, and the circumstances that surrounded him and Israel and the kingdoms of all the other lands.
African KalangaWhalo idzedzi dzolakidza kuti Dafite wakabusa tjini ne kuti wakabe akasima kungapani ne tjimwe ne tjimwe tjakanshingikalila ne zwakashingikalila Iziraela ne mibuso yakapoteleka Iziraela.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.