1 Kings 7 | Old Testament

Book Chapter Verse

1 Kings 7English

1 Bomambo 7African Kalanga

English1
It took Solomon thirteen years, however, to complete the construction of his palace.
African Kalanga
Kwakatola Solomoni makole ali gumi lina matatu (13) kubaka ng'umba iye ye bushe.
English2
He built the Palace of the Forest of Lebanon a hundred cubits long, fifty wide and thirty high, with four rows of cedar columns supporting trimmed cedar beams.
African Kalanga
Wakabaka ng'umba ye Ishaka tje Lebanoni. Bulefu gwayo guli thambo dzili makumi manna ana bunna (44), bupabi gwayo guli thambo dzili makumi mabili ana bubili (22), bulefu kudwa pasi kuyenda pezhugwi ili thambo dzili gumi lina dzili thatu dzina gaswa (13.5), kaibaka pezhugwi kwe makwasayile amu phanda dze sida dzakabapa dzithama mizila minna.
English3
It was roofed with cedar above the beams that rested on the columns–forty-five beams, fifteen to a row.
African Kalanga
Denga lakathang'wa nge makwasayile e sida pezhugwi kwe phanda dze sida dzili makumi manna ana dzili shanu (45) mu nzila mmwe ne mmwe dzakabe dzili gumi lina dzili shanu (15).
English4
Its windows were placed high in sets of three, facing each other.
African Kalanga
Mu midzibo mibili ye guma kwakabe kuna makwasayile e mafesitere akalongolosiwa mizila mitatu.
English5
All the doorways had rectangular frames; they were in the front part in sets of three, facing each other.
African Kalanga
Mikoba yose ne mafesitere wose ana midzibo ili minna yakalizana, ngono fesitere limwe ne limwe lakalingisana ne limwe zila dzili thatu.
English6
He made a colonnade fifty cubits long and thirty wide. In front of it was a portico, and in front of that were pillars and an overhanging roof.
African Kalanga
Wakabaka ng'umba nge phanda dze bulefu gwe thambo dzili makumi mabili ana dzili mbili (22) ne bupabi gwe thambo dzili gumi lina thatu dzina gaswa (13.5), ina nsha una phanda dzakatilikwa denga pezhugwi.
English7
He built the throne hall, the Hall of Justice, where he was to judge, and he covered it with cedar from floor to ceiling.
African Kalanga
Kabaka ng'umba ye tjigalo tje bushe paakabe esumikilisilapo idang'wa Ng'umba ye Kutambunuka, ebuya epedza ndebo. Yakabakwa ikapela nge mapango e sida kudwa mu budzilo kunoti ku denga.
English8
And the palace in which he was to live, set farther back, was similar in design. Solomon also made a palace like this hall for Pharaoh’s daughter, whom he had married.
African Kalanga
Kazwibakila ng'umba ye bugalo gwe bushe shule kwe ng'umba yakabe ili ye kusumikilisigwa, ifanana ne mbako dzimwe. Solomoni kabakila nkadzi uwe nkololokadzi wa Faro ng'umba inofanana naiyeyo.
English9
All these structures, from the outside to the great courtyard and from foundation to eaves, were made of blocks of high-grade stone cut to size and trimmed with a saw on their inner and outer faces.
African Kalanga
Mbako dzose idzedzi dzakabakwa nge mabgwe makulu akabezhiwa zwakanaka, kudwa ku thiwa kunoti ku bupelo gwadzo. Mabgwe akabe ebezhegwa ku kwari, elizalizanyiwa mukati na kuzhe, etjekwa nge saha.
English10
The foundations were laid with large stones of good quality, some measuring ten cubits and some eight.
African Kalanga
Mabgwe e thiwa dze ng'umba, akabe ali akanaka kwazo ali makulu kulu, ebezhegwa ku kwari, mamwe ali bulefu gwe thambo dzili thatu dzina gaswa (3.5) mamwe ali thambo dzili nna (4).
English11
Above were high-grade stones, cut to size, and cedar beams.
African Kalanga
Pezhugwi kwakabe kuna mabgwe mabuya, akabezhiwa nge tjilizanyo, kuna mapango e sida.
English12
The great courtyard was surrounded by a wall of three courses of dressed stone and one course of trimmed cedar beams, as was the inner courtyard of the temple of the Lord with its portico.
African Kalanga
Ng'umba wulu inosumikilisigwa yakabe yakabakwa nge mabgwe akabezhiwa ali mizila mitatu ne nzila nng'ompela we mapango e sida kuipoteleka. Ne ng'umba yamukati ye bushanganilo gwe Ng'umba ya Yahwe nenge nsha we ng'umba kwakabakwa bo nge mizila mitatu ye mabgwe ne mapango e sida.
English13
King Solomon sent to Tyre and brought Huram,
African Kalanga
Ngono Mambo Solomoni katuma bathu kunodana Hiramu kudwa ku Tire.
English14
whose mother was a widow from the tribe of Naphtali and whose father was a man of Tyre and a craftsman in bronze. Huram was highly skilled and experienced in all kinds of bronze work. He came to King Solomon and did all the work assigned to him.
African Kalanga
Hiramu wakabe ali nkololo we tjilikadzi we ludzi gwa Nafutali, nfi tate babe bakabe bali nlume we Tire, na ibo bakabe bali nshingi we phangula. Ngono wakabe ali zhele butjenjedu ne whisiso, kakale ali nyambi mu nshingo mmwe ne mmwe we phangula. Hiramu kazha kuna Mambo Solomoni kuwoshinga nshingo wose we phangula.
English15
He cast two bronze pillars, each eighteen cubits high and twelve cubits around, by line.
African Kalanga
Hiramu kabumba phanda mbili dze phangula dze bulefu gwe thambo dzili zhanakadzi (8) ne bukodu gwe thambo dzili shanu dzina ipithu tje butatu mu gumi, dzina phako pakati, kadzitshila pa nkoba we Ng'umba ye Ndzimu.
English16
He also made two capitals of cast bronze to set on the tops of the pillars; each capital was five cubits high.
African Kalanga
Kabumba mishogwana mibili ye phangula ye bulefu gwe thambo mbili dzina ipithu tje bubili mu gumi (2.2), kaibiga pezhugwi kwe phanda.
English17
A network of interwoven chains festooned the capitals on top of the pillars, seven for each capital.
African Kalanga
Pezhugwi kwe phanda imwe ne imwe kabiga makwanga akanakisiwa nge tjaini ali kutendeka mu nshogwana mmwe ne mmwe.
English18
He made pomegranates in two rows encircling each network to decorate the capitals on top of the pillars. He did the same for each capital.
African Kalanga
Ne mizila mibili ye pomegiranate ye phangula yakabe yakafukidza mishogwana ye phanda imwe ne imwe.
English19
The capitals on top of the pillars in the portico were in the shape of lilies, four cubits high.
African Kalanga
Mishogwana yakabe ili pezhugwi kwe phanda yakabe yakathamwa se luba linoyi lili, ili bulefu gwe thambo ina ipithu tje buzhanakadzi mu gumi (1.8).
English20
On the capitals of both pillars, above the bowl- shaped part next to the network, were the two hundred pomegranates in rows all around.
African Kalanga
Mishogwana yakabe ili pezhugwi kwe phanda mbili, pejo ne zwilukwa zwakabe zwakabapa nawo ne pomegiranate dzili mizila ili mazana mabili (200) dzakapoteleka imwe phanda.
English21
He erected the pillars at the portico of the temple. The pillar to the south he named Jakin and the one to the north Boaz.
African Kalanga
Kabiga phanda mbili mbeli kwe Ng'umba ye Ndzimu, phanda yaakabiga ku burwa kaidana zina linoyi Jakhini, phanda yaakabiga ku bunandzwa kaidana zina linoyi Buazi.
English22
The capitals on top were in the shape of lilies. And so the work on the pillars was completed.
African Kalanga
Pezhugwi kwe phanda kabiga mishogwana ye ifano tje luba linoyi lili. Nshingo we phanda ukabe wawidziwa.
English23
He made the Sea of cast metal, circular in shape, measuring ten cubits from rim to rim and five cubits high. It took a line of thirty cubits to measure around it.
African Kalanga
Hiramu kabumba bhavu gulugulu linodang'wa gungwa nge phangula, kudwa pezhugwi kuyenda pasi lili thambo dzili mbili dzina ipithu tje bubili mu gumi (2.2), bupabi gwe guma ili thambo dzili nna dzina ipithu tje bunna mu gumi (4.4) ne thambo dzili gumi lina kutatu dzina ipithu tje bubili mu gumi (13.2) kupoteleka.
English24
Below the rim, gourds encircled it–ten to a cubit. The gourds were cast in two rows in one piece with the Sea.
African Kalanga
Kusi kwe milomo yalo kukabe kuna mabundo e phangula akaipoteleka ali mizila mibili.
English25
The Sea stood on twelve bulls, three facing north, three facing west, three facing south and three facing east. The Sea rested on top of them, and their hindquarters were toward the center.
African Kalanga
Bhavu lakabe lakateyegwa pezhugwi kwe misemo ye zwifano zwe mikono ye phangula ili gumi lina ili mibili, mitatu yakalinga ku bunandzwa, mitatu yakalinga ku golombedzo, mitatu yakalinga ku burwa, mitatu yakalinga ku bhezhuba, kushule kwe mikono kwakabe kuli kusi kwe tanka kuyendila pakati kwayo.
English26
It was a handbreadth in thickness, and its rim was like the rim of a cup, like a lily blossom. It held two thousand baths.
African Kalanga
Bukodu gwayo gwakabe guli dzithambo dzili makumi ali kutendeka ana kushanu (75). Milomo yayo yakabe yakathamwa se kopi, inga luba linoyi lili, yakabe izhadziwa nge lithara dzingabe zwiwulu zwili makumi manna (40 000).
English27
He also made ten movable stands of bronze; each was four cubits long, four wide and three high.
African Kalanga
Huramu kathama koloyi dze phangula dzili gumi (10) imwe ne imwe ili bulefu gwe thambo ina ipithu tje buzhanakadzi mu gumi (1.8), bupabi gwayo ili thambo ina ipithu tje buzhanakadzi mu gumi (1.8), kudwa pasi kuyenda pezhugwi ili thambo ina ipithu tje butatu mu gumi (1.3).
English28
This is how the stands were made: They had side panels attached to uprights.
African Kalanga
Kara dzakabe dzakathamwa sawhoku, dzakabe dzina butale dzakakothomegwa mu makwasayili.
English29
On the panels between the uprights were lions, bulls and cherubim–and on the uprights as well. Above and below the lions and bulls were wreaths of hammered work.
African Kalanga
Mu tshipi dzakakothomegwa mu makwasayili kwakabe kuna zwifano zwe shumba, mikono ne makherubhu. Pezhugwi na kusi kwe shumba ne mikono kwakabe kuli maluba e matale akathugwa.
English30
Each stand had four bronze wheels with bronze axles, and each had a basin resting on four supports, cast with wreaths on each side.
African Kalanga
Koloyi imwe ne imwe yakabe ina makumbgwana e phangula ne nsemo we phangula. Mu midzibo kwakabe kwakakothomegwa zwibhati zwe phangula zwakanakisiwa nge matale akathugwa mu lubadu gumwe ne gumwe.
English31
On the inside of the stand there was an opening that had a circular frame one cubit deep. This opening was round, and with its basework it measured a cubit and a half. Around its opening there was engraving. The panels of the stands were square, not round.
African Kalanga
Nlomo wayo kudwa pasi kuyenda pezhugwi wakabe uli thambo dzili makumi manna ana dzili shanu (45), nlomo wayo wakazhuka, kudwa pauli kuyenda mukati kwayo kuli thambo dzili gumi lina dzili zhanakadzi (18) wakathamwa nge makwasayile akalizana una midzibo ili minna, asi whulungwana.
English32
The four wheels were under the panels, and the axles of the wheels were attached to the stand. The diameter of each wheel was a cubit and a half.
African Kalanga
Makumbgwana akabe ali thambo dzili makumi ali matathatu ana dzili tathatu (66) ali kusi kwe dzitshipi. Ekisele dzakabe dzili butale kang'ompela ne koloyi.
English33
The wheels were made like chariot wheels; the axles, rims, spokes and hubs were all of cast metal.
African Kalanga
Makumbgwana ayo akabe enga makumbgwana e koloyi ye ngwa. Ekisele dzayo ne rimu ne zwipoko nenge habha zwakabe zwili zwe phangula.
English34
Each stand had four handles, one on each corner, projecting from the stand.
African Kalanga
Kwakabe kuna zwibhati zwili zwinna mu ndzibo we koloyi imwe ne imwe. Zwibhati zwakabe zwili tshipi ing'ompela ne koloyi.
English35
At the top of the stand there was a circular band half a cubit deep. The supports and panels were attached to the top of the stand.
African Kalanga
Pezhugwi kwe koloyi imwe ne imwe kwakabe kuna gumbgwana lili thambo dzili makumi mabili ana dzili mbili (22) kuyenda pezhugwi. Ngono kudwa pezhugwi kwe koloyi ne zwibhati zwayo kwakabe kuli tshipi ing'ompela.
English36
He engraved cherubim, lions and palm trees on the surfaces of the supports and on the panels, in every available space, with wreaths all around.
African Kalanga
Mu tshipi ye thobo ye koloyi kwakabe kwakanakisiwa nge zwifano zwe makherubhu ne shumba ne miti ye milala, kuyendidzana ne kuthubukanyiwa kwe tjimwe ne tjimwe tjazo, zwakapoteledziwa nge maluba.
English37
This is the way he made the ten stands. They were all cast in the same molds and were identical in size and shape.
African Kalanga
Ndiko sekwa kwakathamwa koloyi dzose dzili gumi. Dzose dzakathamwa nge phangula dzifanana nge tjilizanyo tjing'ompela nenge mbumbiko ing'ompela.
English38
He then made ten bronze basins, each holding forty baths and measuring four cubits across, one basin to go on each of the ten stands.
African Kalanga
Kakale Huramu kathama mabhavu ali gumi nge phangula, ethamila koloyi imwe ne imwe. Bhavu limwe ne limwe lakabe lili buashamo gwe thambo ili ing'ompela ina ipithu tje buzhanakadzi mu gumi (1.8) lizhadziwa nge lithara dzili mazana ali zhanakadzi (800).
English39
He placed five of the stands on the south side of the temple and five on the north. He placed the Sea on the south side, at the southeast corner of the temple.
African Kalanga
Wakamisa zwigadziko zwishanu ku burwa gwe Ng'umba ya Yahwe ne zwishanu ku bunandzwa gwayo. Gakhwa kalibiga ku burwa bhezhuba kwe ndzibo we Ng'umba ye Ndzimu.
English40
He also made the basins and shovels and sprinkling bowls. So Huram finished all the work he had undertaken for King Solomon in the temple of the Lord:
African Kalanga
Kakale Huramu kathama mabhavu ne maharawo ne zwikutili. Ndizo Huramu kabe apedza nshingo wose waakathamila Mambo Solomoni mu Ng'umba ya Yahwe.
English41
the two pillars; the two bowl-shaped capitals on top of the pillars; the two sets of network decorating the two bowl-shaped capitals on top of the pillars;
African Kalanga
Zwaakathama ndiyezwi: Phanda mbili ne ndilo whulu mbili dze mishogwana ipezhugwi kwe phanda ne njanga mbili kufukidza ndilo whulu mbili dzina mishogwana yakabe ili pezhugwi kwe phanda.
English42
the four hundred pomegranates for the two sets of network (two rows of pomegranates for each network, decorating the bowl-shaped capitals on top of the pillars);
African Kalanga
Kakale kathamila njanga mbili pomegiranate dzili mazana ali manna (400), ethamila gwanga limwe ne limwe mizila ili mibili ye pomegiranati, kufukidza ndilo whulu mbili dze mishogwana yakabe ili pezhugwi kwe phanda.
English43
the ten stands with their ten basins;
African Kalanga
Ndiko kathama koloyi dzili gumi (10) ne mabhavu anongulila ali gumi (10) pezhugwi kwe koloyi imwe ne imwe.
English44
the Sea and the twelve bulls under it;
African Kalanga
Kathama tanka ye vula ne mikono ili gumi lina ili mibili (12) yakateegwa tanka ye vula pezhugwi kwayo.
English45
the pots, shovels and sprinkling bowls. All these objects that Huram made for King Solomon for the temple of the Lord were of burnished bronze.
African Kalanga
Hali ne maharawo ne zwikutili ne zwija zose Huramu zwaakathamila Mambo Solomoni mu Ng'umba ya Yahwe zwakabe zwili zwe phangula yakapenyesiwa.
English46
The king had them cast in clay molds in the plain of the Jordan between Succoth and Zarethan.
African Kalanga
Mambo kazwitebulila mu lubala gwe gwizi gwe Jorodani pa vu le ntapkhwi pakati kwe Sukoti ne Zarethani.
English47
Solomon left all these things unweighed, because there were so many; the weight of the bronze was not determined.
African Kalanga
Ngono Solomoni wakasiya zwija zose zwisayegwa, ngobe zwakabe zwili zwinjisa. Ndizo bulemo gwe phangula gukasizibgwe.
English48
Solomon also made all the furnishings that were in the Lord’s temple: the golden altar; the golden table on which was the bread of the Presence;
African Kalanga
Solomoni kathama zwija zose zwimu ng'umba ya Yahwe, tjibeso tjinopisigwa zwibhayilo tje golide ne tafuli ye golide ye tjiwunga tjinopigwa Ndzimu
English49
the lampstands of pure gold (five on the right and five on the left, in front of the inner sanctuary); the gold floral work and lamps and tongs;
African Kalanga
ne zwigadziko zwe mavone zwinomisiwa mbeli kwe bugalo gwakayengemala gutjamukati, zwishanu zwili ku burwa, zwishanu zwili ku bunadzwa, maluba ne mavone ne ndigwana;
English50
the pure gold basins, wick trimmers, sprinkling bowls, dishes and censers; and the gold sockets for the doors of the innermost room, the Most Holy Place, and also for the doors of the main hall of the temple.
African Kalanga
mikombe ne zwidzimi zwe mavone ne zwikutili ne ndigwana dzinopisila motsha ne mbaula, zwakathamiwa nge golide ne zwibhati zwe golide zwe matendele e ng'umba itja mukati, Bugalo gwakayengemala kupindisa nezwe matendele akuzhe e Ng'umba ye Ndzimu.
English51
When all the work King Solomon had done for the temple of the Lord was finished, he brought in the things his father David had dedicated–the silver and gold and the furnishings–and he placed them in the treasuries of the Lord’s temple.
African Kalanga
Kukati Solomoni apedza nshingo wose mu Ng'umba ye Ndzimu, kabiga zwija zose mu mabiganyilo e Ng'umba ye Ndzimu, zwakabe tate babe Dafite bazwipa Yahwe mu Ng'umba ye Ndzimu, siliva ne golide ne zwimwe zwithu.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.