1 Kings 8 | Old Testament

Book Chapter Verse

1 Kings 8English

1 Bomambo 8African Kalanga

English1
Then King Solomon summoned into his presence at Jerusalem the elders of Israel, all the heads of the tribes and the chiefs of the Israelite families, to bring up the ark of the Lord’s covenant from Zion, the City of David.
African Kalanga
Ipapo Mambo Solomoni kadana sholotjena dze Iziraela, misholo yose ye njudzi na boshe be misha ye Iziraela kuti bazhe kunli ku Jerusalema kuti batole Bhokisi le Tjidumano tja Yahwe mu Ziyoni nzi nkulu wa Dafite, balizhise ku Ng'umba ya Yahwe.
English2
All the men of Israel came together to King Solomon at the time of the festival in the month of Ethanim, the seventh month.
African Kalanga
Bathu bose bakakubunganila kuna Mambo Solomoni mu nsi we Nzano we Mishasha mu mwedzi we kutendeka we Ethanimu.
English3
When all the elders of Israel had arrived, the priests took up the ark,
African Kalanga
Sholotjena dzose dze Iziraela dzikazha, ngono bapirisiti bakatola Bhokisi le Tjidumano.
English4
and they brought up the ark of the Lord and the Tent of Meeting and all the sacred furnishings in it. The priests and Levites carried them up,
African Kalanga
Bapirisiti ne Balevi bakatola Bhokisi le Tjidumano tja Yahwe ne nshasha we bushanganilo ne zwija zose zwakayengemala zwakabe zwili mu nshasha.
English5
and King Solomon and the entire assembly of Israel that had gathered about him were before the ark, sacrificing so many sheep and cattle that they could not be recorded or counted.
African Kalanga
Ngono Mambo Solomoni ne gubungano lose le Baiziraela bakabe bakubunganila mbeli kukwe, bakabe banaye mbeli kwe Bhokisi le Tjidumano bepisa zwibhayilo zwe pkhwizi ne ng'ombe dze bunji gusibushoma, gusinga balike.
English6
The priests then brought the ark of the Lord’s covenant to its place in the inner sanctuary of the temple, the Most Holy Place, and put it beneath the wings of the cherubim.
African Kalanga
Ndizo bapirisiti bakatola Bhokisi le Tjidumano tja Yahwe bakalizhisa pa bugalo gwalo, pa bugalo gwakayengemala gutjamukati kwe Ng'umba ye Ndzimu, Bugalo gwakayengemala kupindisa, kusi kwe mapapilo e dzikherubhu.
English7
The cherubim spread their wings over the place of the ark and overshadowed the ark and its carrying poles.
African Kalanga
Mapapilo e dzikherubhu akabe akaangama pezhugwi kwe bugalo gose gwe Bhokisi le Tjidumano kuyitila kuti dzikherubhu dzizwimbe kose ne mapango alakabe lakagadzikwa muali.
English8
These poles were so long that their ends could be seen from the Holy Place in front of the inner sanctuary, but not from outside the Holy Place; and they are still there today.
African Kalanga
Ngono mapango akabe ali malefu kwakabe theswi dzawo dzakabe dziboneka uli pa bugalo gwakayengemala mbeli kwe Bugalo gwakayengemala kupindisa. Koga dzisingake dzikabong'wa nge ukuzhe. Ngono mapango iyawo atjiyapo na nasi.
English9
There was nothing in the ark except the two stone tablets that Moses had placed in it at Horeb, where the Lord made a covenant with the Israelites after they came out of Egypt.
African Kalanga
Kwakabe kusina tjimwe mu Bhokisi le Tjidumano kuzhe kwe mabgwe mabili e zwileiti akabe alongwa ndi Mushe ku Horebu, Yahwe pabakathama tjidumano ne Baiziraela, basinobe babhuda mu shango ye Egipiti.
English10
When the priests withdrew from the Holy Place, the cloud filled the temple of the Lord.
African Kalanga
Kukati bapirisiti babhuda mu bugalo gwakayengemala, gole likazhala Ng'umba ya Yahwe.
English11
And the priests could not perform their service because of the cloud, for the glory of the Lord filled his temple.
African Kalanga
Bapirisiti bakasitubule kuthama mishingo yabo ngekwe gole ilelo ngoti tjedza tja Yahwe tjakabe tjili zhele ng'umba ya Yahwe.
English12
Then Solomon said, “The Lord has said that he would dwell in a dark cloud;
African Kalanga
Ipapo Solomoni kati, “Yahwe bakati banowogala mu zhalima lakati zwititi.
English13
I have indeed built a magnificent temple for you, a place for you to dwell forever.”
African Kalanga
Tjoselele ndakamubakila ng'umba ye tjimo tjipezhugwi, bugalo gwenyu gwamunogala mukati nge kusingapele.”
English14
While the whole assembly of Israel was standing there, the king turned around and blessed them.
African Kalanga
Kukati gubungano lose le Iziraela lili mile ipapo, Mambo Solomoni katendebuka kabakombolela.
English15
Then he said: “Praise be to the Lord, the God of Israel, who with his own hand has fulfilled what he promised with his own mouth to my father David. For he said,
African Kalanga
Ngono kabe eti, “Ngakukudziwe Yahwe Ndzimu we Iziraela bati nge luboko gwabo bakashingikadza tjabakagadzabgwe tate bangu Dafite beti,
English16
‘Since the day I brought my people Israel out of Egypt, I have not chosen a city in any tribe of Israel to have a temple built for my Name to be there, but I have chosen David to rule my people Israel.’
African Kalanga
‘Tjinga kwe zhuba landakadusa bathu bangu Baiziraela mu Egipiti, akuna nzi nkulu mu njudzi dzose dze Iziraela wandakashalulila kubakigwa ng'umba inowogala zina langu. Koga ndakashalula Dafite kubusa bathu bangu Baiziraela.’
English17
“My father David had it in his heart to build a temple for the Name of the Lord, the God of Israel.
African Kalanga
Kukagala kuli mu moyo wa tate bangu Dafite kuti banowobakila zina la Yahwe Ndzimu we Iziraela ng'umba.
English18
But the Lord said to my father David, ‘Because it was in your heart to build a temple for my Name, you did well to have this in your heart.
African Kalanga
Koga Yahwe bakadwa tate bangu Dafite bakati, ‘Kwakalulwama kuti kube kuli mu moyo uwo kuti ubakile zina langu ng'umba,
English19
Nevertheless, you are not the one to build the temple, but your son, who is your own flesh and blood–he is the one who will build the temple for my Name.’
African Kalanga
nenguba kwakajalo, aungabakile zina langu ng'umba, koga mwana uwo unowozwagwa ndiye unowobakila zina langu ng'umba.’
English20
“The Lord has kept the promise he made: I have succeeded David my father and now I sit on the throne of Israel, just as the Lord promised, and I have built the temple for the Name of the Lord, the God of Israel.
African Kalanga
Ngono ngwenu Yahwe bashingikadza kugadzabgwe, ngobe ndamuka mu bumo gwa tate bangu Dafite, agala mu tjigalo tje bushe gwe Iziraela Yahwe sekwa bakagadzabgwe, kakale ndabakila zina la Yahwe, Ndzimu we Iziraela ng'umba.
English21
I have provided a place there for the ark, in which is the covenant of the Lord that he made with our fathers when he brought them out of Egypt.”
African Kalanga
Ngwenu ndathamila Bhokisi le Tjidumano bugalo, ilo lakasenga tjidumano tja Yahwe tjabakathama nabo tate bedu, zhuba labaka badusa mu shango ye Egipiti.”
English22
Then Solomon stood before the altar of the Lord in front of the whole assembly of Israel, spread out his hands toward heaven
African Kalanga
Ndizo Solomoni kama mbeli kwe tjibeso tjinopisigwa zwibhayilo tja Yahwe, mbeli kwe gubungano lose le Iziraela, kamilidza maboko awe akaalingisa ku zhuzhugwi,
English23
and said: “O Lord, God of Israel, there is no God like you in heaven above or on earth below–you who keep your covenant of love with your servants who continue wholeheartedly in your way.
African Kalanga
ngono katembezela eti, “Imwi Yahwe, Ndzimu we Iziraela, akuna Ndzimu unonga imwi kudzimu pezhugwi kene pasi mu shango, molondolodza tjidumano tjenyu ne ludo gusingazunguzike mu balanda benyu ha be muwha nge moyo yabo yose.
English24
You have kept your promise to your servant David my father; with your mouth you have promised and with your hand you have fulfilled it–as it is today.
African Kalanga
Makalondolodza kugadzabgwe kwenyu kwamakagadzabgwe nlanda wenyu tate bangu Dafite, nasi mashingikadza dama lenyu limwe ne limwe nge masimba enyu.
English25
“Now Lord, God of Israel, keep for your servant David my father the promises you made to him when you said, ‘You shall never fail to have a man to sit before me on the throne of Israel, if only your sons are careful in all they do to walk before me as you have done.’
African Kalanga
Ndizo ngwenu, Yahwe, Ndzimu we Iziraela, londolodzani tjamakagadzabgwe nlanda wenyu tate bangu Dafite muti, ‘Akutowoshayika nlume mu zwizekugwana zwizo unowogala pa tjigalo tje bushe gwe Iziraela, ha bakololo babo banga be ne njele mu zila dzabo, beyenda mbeli kwangu sekwa wakabe uyenda mbeli kwangu iwe.’
English26
And now, O God of Israel, let your word that you promised your servant David my father come true.
African Kalanga
Ndizo ngwenu, imwi Ndzimu we Iziraela, thamani kuti kugadzabgwe kwamakagadzabgwe nlanda wenyu tate bangu Dafite kuzhadzisike.
English27
“But will God really dwell on earth? The heavens, even the highest heaven, cannot contain you. How much less this temple I have built!
African Kalanga
“Apa dumbu Ndzimu ungagala mu shango kene? Naiko kudzimu na pezhugwizhugwi akungabe bugalo gwakamulizana. Ngono ng'umba iyeyi yandakabaka ina bukulu gungapani gwaingamulizana kene?
English28
Yet give attention to your servant’s prayer and his plea for mercy, O Lord my God. Hear the cry and the prayer that your servant is praying in your presence this day.
African Kalanga
Nenguba kwakajalo Yahwe Ndzimu wangu, itilani hanya ntembezelo we nlanda wenyu muamutjile kukumbila kukwe ne ntembezelo waanotembezela mbeli kwenyu nasi,
English29
May your eyes be open toward this temple night and day, this place of which you said, ‘My Name shall be there,’ so that you will hear the prayer your servant prays toward this place.
African Kalanga
kuti zhisho lenyu libe pezhugwi kwe ng'umba iyeyi siku ne sikati, bugalo igogu gwamakaleba muti, ‘Zina langu lowobe muili,’ ndizo muwhe ntembezelo unotembezegwa nge nlanda wenyu akalinga bugalo igogu.
English30
Hear the supplication of your servant and of your people Israel when they pray toward this place. Hear from heaven, your dwelling place, and when you hear, forgive.
African Kalanga
Iwhani kukumbila kwe nlanda wenyu nekwe bathu benyu Baiziraela ha betembezela bakalinga bugalo igogu. Iwhani muli mu bugalo gwenyu kudzimu muamutjile mutizwiibhatigwe.
English31
“When a man wrongs his neighbor and is required to take an oath and he comes and swears the oath before your altar in this temple,
African Kalanga
“Ha nthu atjinyila ikamu tjitje tjibe tjinlonga bhiso, ngono kube kuyi atune, ebe ezha etuna mbeli kwe tjibeso tjenyu tjinopisigwa zwibhayilo mu ng'umba iyeyi,
English32
then hear from heaven and act. Judge between your servants, condemning the guilty and bringing down on his own head what he has done. Declare the innocent not guilty, and so establish his innocence.
African Kalanga
ipapo Yahwe, muwhe muli kudzimu mutole thambo. Sumikilisani balanda benyu, mulobe shamu una nlandu nge kunkhiga nlandu uwe mu nsholo, mubuzile nlulwami kuyenda nge ndulamo iye.
English33
“When your people Israel have been defeated by an enemy because they have sinned against you, and when they turn back to you and confess your name, praying and making supplication to you in this temple,
African Kalanga
“Ha bathu benyu Baiziraela bamutjinyila, bebe bekundiwa nge zwita zwabo mbeli kwenyu, koga bebe beshandukila kumuli, bedana zina lenyu, betembezela bemukumbila bali mu ng'umba iyeyi,
English34
then hear from heaven and forgive the sin of your people Israel and bring them back to the land you gave to their fathers.
African Kalanga
mubawhe muli kudzimu, muzwiibhatigwe zwibi zwe bathu benyu Baiziraela, mube mubabgwiliza ku shango yamakapa bobatategulu babo.
English35
“When the heavens are shut up and there is no rain because your people have sinned against you, and when they pray toward this place and confess your name and turn from their sin because you have afflicted them,
African Kalanga
“Ha kudzimu kwazhaligwa vula isingane ngobe bathu benyu bamutjinyila, ngono ha beshandukila zwibi zwabo, belinga ku ng'umba iyeyi, betembezela bedana zina lenyu, ngoti mubaloba,
English36
then hear from heaven and forgive the sin of your servants, your people Israel. Teach them the right way to live, and send rain on the land you gave your people for an inheritance.
African Kalanga
mubawhe muli kudzimu, muzwiibhatigwe zwibi zwe balanda benyu Baiziraela. Mubadiye ndulamo, kuyenda mu zila yabakafanila yenda muili. Mube mubanisila vula mu shango yabo, yamakabapa kube thaka.
English37
“When famine or plague comes to the land, or blight or mildew, locusts or grasshoppers, or when an enemy besieges them in any of their cities, whatever disaster or disease may come,
African Kalanga
“Ha kuna bhamba mu shango, ha kuna bugwele kene mathunde ali zwimbubgwi kene ana whuzwi kene ejiwa nge phashu kene nge zwikonyana, kene bathu banginiligwa nge zwita zwabo mu mizi yabo, kene kuna gatekate le bugwele kene kuna bugwele gwawa,
English38
and when a prayer or plea is made by any of your people Israel–each one aware of the afflictions of his own heart, and spreading out his hands toward this temple–
African Kalanga
muwhe mitembezelo yabo. Ha mmwe we bathu benyu Baiziraela, ezha nge kuwha zogwadza, bemilidzila maboko abo ku ng'umba iyeyi betembezela,
English39
then hear from heaven, your dwelling place. Forgive and act; deal with each man according to all he does, since you know his heart (for you alone know the hearts of all men),
African Kalanga
muwhe mitembezelo yabo. Mubawhe muli mu nzi wenyu kudzimu, mubabhatshe. Ndimwi moga munoziba zwimu moyo ye bathu. Mubhatshe nthu mmwe ne mmwe kuyendidzana ngokumbila kukwe.
English40
so that they will fear you all the time they live in the land you gave our fathers.
African Kalanga
Kuti ndizo bathu benyu bamuwhe mu zwibaka zose bali mu shango yamakapa bobatategulu bedu.
English41
“As for the foreigner who does not belong to your people Israel but has come from a distant land because of your name–
African Kalanga
“Nenge ntaya usi we ludzi gwe bathu benyu Baiziraela, ha angazha edwa ku shango ikulekule, ezhila zina lenyu,
English42
for men will hear of your great name and your mighty hand and your outstretched arm–when he comes and prays toward this temple,
African Kalanga
awha ngekwe zwithu zwikulu zwamakathamila bathu benyu nge luboko gwenyu gusingatayile pamwe, ezha kowotembezela mu ng'umba iyeyi,
English43
then hear from heaven, your dwelling place, and do whatever the foreigner asks of you, so that all the peoples of the earth may know your name and fear you, as do your own people Israel, and may know that this house I have built bears your Name.
African Kalanga
mun’whe muli mu bugalo gwenyu kudzimu. Ngono munthamile kuyendidzana ne sekwa kose ntaya amukumbila ndiko. Kuti ndizo bathu bose mu shango yose bazibe zina lenyu bamutje, sekwa bathu benyu Baiziraela bethama. Ne kuti bazibe kuti ng'umba iyeyi yandakabaka inodang'wa nge zina lenyu.
English44
“When your people go to war against their enemies, wherever you send them, and when they pray to the Lord toward the city you have chosen and the temple I have built for your Name,
African Kalanga
“Ha bathu benyu bebhuda beyenda ku ngwa, kunogwa ne zwita zwabo, bebe betembezela bakalinga nzi nkulu uwoyu wamakashalula ne ng'umba iyeyi yandakabakila zina lenyu,
English45
then hear from heaven their prayer and their plea, and uphold their cause.
African Kalanga
muwhe mitembezelo ne kukumbila kwabo muli kudzimu, ngono mubape gwendo.
English46
“When they sin against you–for there is no one who does not sin–and you become angry with them and give them over to the enemy, who takes them captive to his own land, far away or near;
African Kalanga
“Ha bathu benyu bangamuthamila tjibi, ngoti akuna nthu usingake kathama tjibi, ngono kube kuti nge bushongola gwenyu mube mubalonga mu maboko e zwita zwabo, kuti ndizo batapigwe ku shango ye zwita zwabo, kulekule kene pejopejo,
English47
and if they have a change of heart in the land where they are held captive, and repent and plead with you in the land of their conquerors and say, ‘We have sinned, we have done wrong, we have acted wickedly’;
African Kalanga
bebe beti bali ku shango yabakatapigwa ko bebe bemukumbula mu moyo yabo, ngono bebe beshanduka, bemutembezela bali mu shango ya bakatapigwa beti, ‘Takatjinya, ngono tikabhuda mu zila tikathama mbipo,’
English48
and if they turn back to you with all their heart and soul in the land of their enemies who took them captive, and pray to you toward the land you gave their fathers, toward the city you have chosen and the temple I have built for your Name;
African Kalanga
ha bashanduka mu mikumbulo yabo yose ne mu moyo yabo yose bali mu shango ye zwita zwabo, zwakabatapa, bebe betembezela bakalinga ku shango yabo yamakapa bobatategulu babo, nzi nkulu wamakashalula ne ku ng'umba iyeyi yandakabakila zina lenyu,
English49
then from heaven, your dwelling place, hear their prayer and their plea, and uphold their cause.
African Kalanga
muwhe mitembezelo ne kukumbila kwabo muli mu bugalo gwenyu ku dzimu, mubawhile ngoni.
English50
And forgive your people, who have sinned against you; forgive all the offenses they have committed against you, and cause their conquerors to show them mercy;
African Kalanga
Muzwiibhatigwe zwibi zwabo ne kupanduka kwabo, mbeli kwe bakabatapa, kuti na ibo babawhile ngoni,
English51
for they are your people and your inheritance, whom you brought out of Egypt, out of that iron-smelting furnace.
African Kalanga
ngoti bathu benyu, lukata gwenyu, gwamakadusa mu Egipiti, mu bhuba puba le moto we tshipi.
English52
“May your eyes be open to your servant’s plea and to the plea of your people Israel, and may you listen to them whenever they cry out to you.
African Kalanga
“Mulinge kukumbila kwe nlanda wenyu ne kukumbila kwe bathu benyu Baiziraela nge mesho ana ngoni, mubawhilile ha bemudana.
English53
For you singled them out from all the nations of the world to be your own inheritance, just as you declared through your servant Moses when you, O Sovereign Lord, brought our fathers out of Egypt.”
African Kalanga
Ngoti makabashalula mu zwitjaba zose zwe shango kube thaka yenyu sekwa makaleba kuna Mushe nlanda wenyu pamakadusa bobatategulu bedu mu Egipiti, imwi She Yahwe.”
English54
When Solomon had finished all these prayers and supplications to the Lord, he rose from before the altar of the Lord, where he had been kneeling with his hands spread out toward heaven.
African Kalanga
Kukati Solomoni apedza mitembezelo yose ne kukumbila kuna Yahwe, kamilika mbeli kwe tjibeso tjinopisigwa zwibhayilo tja Yahwe paakabe akathigama akamilidzila maboko pezhugwi enamata.
English55
He stood and blessed the whole assembly of Israel in a loud voice, saying:
African Kalanga
Ngono kamilika kakumbilila gubungano lose le Iziraela makombolelo eti,
English56
“Praise be to the Lord, who has given rest to his people Israel just as he promised. Not one word has failed of all the good promises he gave through his servant Moses.
African Kalanga
“Ngakukudziwe Yahwe bakanyatutusa bathu babo Baiziraela kuyendidzana ne kugadzabgwe kwabo kose, kusina ne dama ne ling'ompela lose le kugadzabgwe kwabo kwakanaka kwabakaleba na Mushe lakawila pasi.
English57
May the Lord our God be with us as he was with our fathers; may he never leave us nor forsake us.
African Kalanga
Yahwe Ndzimu wedu ngababe naswi. Basitisiye kene kuli kutifupatila,
English58
May he turn our hearts to him, to walk in all his ways and to keep the commands, decrees and regulations he gave our fathers.
African Kalanga
koga ngabashandulile moyo yedu ku bali kuti titobele zila dzabo dzose, ne kulondolodza milayo yabo yabakapa bobatategulu bedu.
English59
And may these words of mine, which I have prayed before the Lord, be near to the Lord our God day and night, that he may uphold the cause of his servant and the cause of his people Israel according to each day’s need,
African Kalanga
Dzene matama e kukumbila kwangu kuna Yahwe, angabe pejo na Yahwe Ndzimu wedu siku ne sikati. Yahwe babe ne ngoni ne nlanda wabo nenge bathu babo Baiziraela, kuyendidzana ngoshaya kwabo zhuba ne zhuba.
English60
so that all the peoples of the earth may know that the Lord is God and that there is no other.
African Kalanga
Kuti ndizo zwitjaba zwe shango yose zwizibe kuti Yahwe ndibo Ndzimu bali boga akuna mmwe Ndzimu kakale.
English61
But your hearts must be fully committed to the Lord our God, to live by his decrees and obey his commands, as at this time.”
African Kalanga
Ndizo imwi bathu ba Yahwe, mudzikame mube ne lebeswa muna Yahwe Ndzimu wedu, mutobele ndaulo dzabo, mulondolodze milayo yabo, sekwa kuli iko nasi.”
English62
Then the king and all Israel with him offered sacrifices before the Lord.
African Kalanga
Ndizo Mambo Solomoni ne Iziraela yose naye, bakadusila Yahwe zwibhayilo.
English63
Solomon offered a sacrifice of fellowship offerings to the Lord: twenty-two thousand cattle and a hundred and twenty thousand sheep and goats. So the king and all the Israelites dedicated the temple of the Lord.
African Kalanga
Solomoni kadusila Yahwe zwibhayilo zwe shatho, ng'ombe dzili zwiwulu zwili makumi mabili ana kubili (22 000) ne pkhwizi dzili zwiwulu zwili zana lina makumi ali mabili (120 000). Mambo ne bathu bose be Iziraela bakabe betola ng'umba beipa Yahwe.
English64
On that same day the king consecrated the middle part of the courtyard in front of the temple of the Lord, and there he offered burnt offerings, grain offerings and the fat of the fellowship offerings, because the bronze altar before the Lord was too small to hold the burnt offerings, the grain offerings and the fat of the fellowship offerings.
African Kalanga
Mu zhuba ilo zwalo mambo bakayengemadza pakati kwe nsha wakabe uli mbeli kwe Ng'umba ye Ndzimu. Kapisila zwibhayilo zwinopisiwa ne tjipo tje mathunde ne mafuta e tjibhayilo tje shatho ipapo, ngobe tjibeso tjinopisigwa zwibhayilo tje phangula tjakabe tjili mbeli kwa Yahwe tjakabe tjisakaswika kupisigwa zwipo zose zwakabe zwakafanila pisiwa.
English65
So Solomon observed the festival at that time, and all Israel with him–a vast assembly, people from Lebo Hamath to the Wadi of Egypt. They celebrated it before the Lord our God for seven days and seven days more, fourteen days in all.
African Kalanga
Ipapo mu Ng'umba ye Ndzimu, Solomoni ne gubungano lose le Iziraela bakadwa babhata Nzano we Mishasha wakatola mazhuba ali kutendeka. Kwakabe kuli mbunga nkulu we bathu kudwa ku nkoba we Hamati kunoti ku n'gathu we Egipiti, bali mbeli kwa Yahwe, Ndzimu wedu.
English66
On the following day he sent the people away. They blessed the king and then went home, joyful and glad in heart for all the good things the Lord had done for his servant David and his people Israel.
African Kalanga
Kukati mu zhuba le buzhanakadzi mambo kapaladza bathu. Bakapalala beyenda ku mizi yabo bakashatha bepululudza, bekudza mambo, mu bubuya gose Yahwe gwabakathamila nlanda wabo Dafite ne bathu babo Baiziraela.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.