The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Chronicles 1English
2 Zwiyitikalo 1African Kalanga
- English1
Solomon son of David established himself firmly over his kingdom, for the Lord his God was with him and made him exceedingly great.
African KalangaSolomoni nkololo wa Dafite kabhudilila mu bushe gugwe ngono Yahwe Ndzimu uwe bakabe banaye bakanthama nkulu kupinda.
- English2
Then Solomon spoke to all Israel–to the commanders of thousands and commanders of hundreds, to the judges and to all the leaders in Israel, the heads of families–
African KalangaKukati limwe zhuba Solomoni kalebeleka ne Baiziraela bose ne balauli be babhayani be bali zwiwulu ne be bali mazana ne basumikilisi ne makulukota wose e Iziraela ne misholo ye misha,
- English3
and Solomon and the whole assembly went to the high place at Gibeon, for God’s Tent of Meeting was there, which Moses the Lord’s servant had made in the desert.
African Kalangakuti bayende bose ku bugalo gwakatathila ku Gibiyoni ngobe nshasha we bushanganilo we Ndzimu wakabe wathamwa ndi Mushe nlanda wa Yahwe ali mu tjilambanyika wakabe uli ikoko,
- English4
Now David had brought up the ark of God from Kiriath Jearim to the place he had prepared for it, because he had pitched a tent for it in Jerusalem.
African Kalanganenguba Bhokisi le Tjidumano le Ndzimu lakabe latogwa ndi Dafite ku Kiriatijearimu eliyisa ku Jerusalema kwaakaswika elibiga mu nshasha waakabe abaka.
- English5
But the bronze altar that Bezalel son of Uri, the son of Hur, had made was in Gibeon in front of the tabernacle of the Lord; so Solomon and the assembly inquired of him there.
African KalangaPezhugwi kwa ikoku tjibeso tjinopisigwa zwibhayilo tje phangula tjakabe tjabakwa ndi Bhezaleli nkololo wa Uri, Uri ali nkololo wa Huri, tjakabe tjiliku Gibiyoni mbeli kwe bugalo gwe Ndzimu Yahwe. Solomoni ne gubungano lose bakanamata Yahwe ikoko.
- English6
Solomon went up to the bronze altar before the Lord in the Tent of Meeting and offered a thousand burnt offerings on it.
African KalangaNgono Solomoni kayenda ku tjibeso tjinopisigwa zwibhayilo tjakathamwa nge phangula pa nshasha we bushanganilo kadusila Yahwe zwibhayilo zwinopisiwa zwili tjiwulu (1 000) mu tjili.
- English7
That night God appeared to Solomon and said to him, “Ask for whatever you want me to give you.”
African KalangaKukati mu busiku igogo Ndzimu ukazwilakidza kuna Solomoni ngono ukandwa uti, “Unokumbila kuti ndikupeni kene?”
- English8
Solomon answered God, “You have shown great kindness to David my father and have made me king in his place.
African KalangaNgono Solomoni kati ku Ndzimu, “Makathamila tate bangu Dafite lubu, na ngwenu kose matjindibiga mambo mu tjigalo tjabo.
- English9
Now, Lord God, let your promise to my father David be confirmed, for you have made me king over a people who are as numerous as the dust of the earth.
African KalangaNgono ngwenu Yahwe Ndzimu wangu thamani kuti mushingikadze tjamakagadzabgwe tate bangu Dafite ngobe mandibiga mambo we bathu banjinji se whuluba ye shango,
- English10
Give me wisdom and knowledge, that I may lead this people, for who is able to govern this great people of yours?”
African Kalangamundipe butjenjedu ne luzibo kuti ndizo ndibuse bathu ibaba, dumbu ndiani ungatubula kubusa bathu benyu wali?”
- English11
God said to Solomon, “Since this is your heart’s desire and you have not asked for wealth, riches or honor, nor for the death of your enemies, and since you have not asked for a long life but for wisdom and knowledge to govern my people over whom I have made you king,
African KalangaNdzimu ukashandula Solomoni uti, “Ngoti ikoku kwabe kuli mu moyo uwo kakale auzokumbila thundu ne fumwa ne gudzo kene kuti kubulawe zwita zwizo kakale auzokumbila butjilo bulefu koga wakumbila butjenjedu ne luzibo gwe kubusa bathu bangu ibo bandakubiga kuti ube mambo wabo,
- English12
therefore wisdom and knowledge will be given you. And I will also give you wealth, riches and honor, such as no king who was before you ever had and none after you will have.”
African Kalangandizo ndowokupa butjenjedu ne luzibo. Pezhugwi kwa ikoko ndowokupa thundu ne fumwa ne gudzo zwisakatongoti kukabe ne mambo wakabusa mbeli kuko wakabe nazo ne unowobusa shule kuko unowobe nazo.”
- English13
Then Solomon went to Jerusalem from the high place at Gibeon, from before the Tent of Meeting. And he reigned over Israel.
African KalangaNdizo Solomoni kayenda ku Jerusalema edwa mu Gibiyoni pa bugalo gwakatathila pa nshasha we bushanganilo ngono ikoko kabusa bathu be Iziraela.
- English14
Solomon accumulated chariots and horses; he had fourteen hundred chariots and twelve thousand horses, which he kept in the chariot cities and also with him in Jerusalem.
African KalangaSolomoni wakazwishabila koloyi dze ngwa ne mbizi, wakabe ana koloyi dze ngwa dzili tjiwulu tjina mazana ali manna (1 400) ne mbizi dzili zwiwulu zwili gumi lina zwiwulu zwibili (12 000). Dzimwe dzadzo wakabe akadzibiga mu Jerusalema koga dzimwe wakabe akadzibiga mu mimwe mizi mikulu ngothubukana kwayo.
- English15
The king made silver and gold as common in Jerusalem as stones, and cedar as plentiful as sycamore-fig trees in the foothills.
African KalangaSolomoni wakathama kuti siliva ne golide zwiwande se mabgwe mu Jerusalema ne miti ye sida ibe minji se miti ye sikamore inomela mu whunde ye matombo.
- English16
Solomon’s horses were imported from Egypt and from Kue - the royal merchants purchased them from Kue.
African KalangaSolomoni wakabe etenga mbizi ku Egipiti neku Kue, batengi ba mambo bakabe bedzitenga ku Kue.
- English17
They imported a chariot from Egypt for six hundred shekels of silver, and a horse for a hundred and fifty. They also exported them to all the kings of the Hittites and of the Arameans.
African KalangaBakatenga koloyi ye ngwa imwe ne imwe ku Egipiti nge themba ye shekele dze siliva dzili mazana ali tathatu (600) ne mbizi ing'ompela nge themba ye zana lina makumi mashanu (150). Bakatengeselabo bomambo be Bahiti na bomambo be Siriya mbizi ne koloyi dze ngwa.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.