The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Chronicles 10English
2 Zwiyitikalo 10African Kalanga
- African Kalanga
Rehoboamu kayenda ku Shekemu, ngobe Baiziraela bose bakabe bazha ku Shekemu kuwombiga mambo.
- English2
When Jeroboam son of Nebat heard this (he was in Egypt, where he had fled from King Solomon), he returned from Egypt.
African KalangaNgono kukati Jeroboamu nkololo wa Nebati wakabe atizhila ku Egipiti etizha Mambo Solomoni, ewha thawu idzedzi, kashanduka kudwa ku Egipiti kwaakabe atizhila.
- African Kalanga
Ngono bakatuma bathu kunon'dana. Jeroboamu ne gubungano lose le Iziraela bakayenda kuna Rehoboamu bakaswika bendwa beti,
- English4
“Your father put a heavy yoke on us, but now lighten the harsh labor and the heavy yoke he put on us, and we will serve you.”
African Kalanga“Tate babo bakabe bakatisengesa jokwi linolema. Ngono ngwenu utilelusile jokwi latakakhigiwa ndi tate babo, towobe pasi kuko tikakushingila.”
- African Kalanga
Ngono Rehoboamu kabadabila eti, “Yendani zwenyu, mukobuya kundili shule kwe mazhuba matatu.” Bathu bakayenda zwabo.
- English6
Then King Rehoboam consulted the elders who had served his father Solomon during his lifetime. “How would you advise me to answer these people?” he asked.
African KalangaNdizo Mambo Rehoboamu kadana sholotjena dzakashinga na tate babe Solomoni batjatjila, kukumbila gumbuludzo. Kabadwa kati, “Mondipa gumbuludzo linotini, kuti ndizhe ndishandule bathu ibaba kene?”
- English7
They replied, “If you will be kind to these people and please them and give them a favorable answer, they will always be your servants.”
African KalangaNgono bakandwa bakati, “Ha ungazwiyisa pasi kwe bathu ibaba, ukabalebesa nge matama mabuyanana banowobe balanda babo nge kusingapele.”
- English8
But Rehoboam rejected the advice the elders gave him and consulted the young men who had grown up with him and were serving him.
African KalangaKoga Rehoboamu kalamba gumbuludzo laapiwa nge sholotjena, kanoshaka gumbuludzo ku bazhuzha baakakula nabo bakabe benshinga
- English9
He asked them, “What is your advice? How should we answer these people who say to me, ‘Lighten the yoke your father put on us’?”
African Kalangakabadwa kati, “Mondipa gumbulodzo linotini kuti tidabile bathu ibaba bandidwa beti, ‘Utilelusile jokwi latakakhigiwa ndi tate babo’ kene?”
- English10
The young men who had grown up with him replied, “Tell the people who have said to you, ‘Your father put a heavy yoke on us, but make our yoke lighter’- tell them, ‘My little finger is thicker than my father’s waist.
African KalangaNgono bazhuzha bakakula na Rehoboamu bakandwa bakati, “Udwe bathu ibaba bakakudwa beti, ‘Tate babo bakatikhiga jokwi linolema, ngono ngwenu utilelusile jokwi latakakhigiwa,’ uti, ‘Tjinyala tjangu tje luboko tjitikini tjikodu kupinda thunji dza tate bangu.
- English11
My father laid on you a heavy yoke; I will make it even heavier. My father scourged you with whips; I will scourge you with scorpions.’”
African KalangaNgono ngwenu, tate bangu pabakamukhiga jokwi linolema, ndowomutiliyanya ne linolema bo. Tate bangu bakabe bemulaya nge rwabha, koga imi ndowomulaya nge makungubudza.’ ”
- English12
Three days later Jeroboam and all the people returned to Rehoboam, as the king had said, “Come back to me in three days.”
African KalangaShule kwe mazhuba matatu Jeroboamu ne bathu bose bakabuya kuna Rehoboamu kakale sekwa akabadwa.
- African Kalanga
Mambo kashandula bathu nge kubagongobola elasha gumbuludzo laakapiwa nge sholotjena.
- English14
he followed the advice of the young men and said, “My father made your yoke heavy; I will make it even heavier. My father scourged you with whips; I will scourge you with scorpions.”
African KalangaKabalebesa kuyenda nge gumbuludzo le bazhuzha eti, “Tate bangu bakamukhiga jokwi linolema, koga imi ndowotiliyanya nge limwe. Tate bakabe bemulaya nge rwabha, koga imi ndowomulaya nge makungubudza.”
- English15
So the king did not listen to the people, for this turn of events was from God, to fulfill the word the Lord had spoken to Jeroboam son of Nebat through Ahijah the Shilonite.
African KalangaNdizo mambo kasitongo teedza bathu, ngoti zwakabe zwili zwiyitikalo zwinozhisa kushanduka kwakalebgwa ndi Yahwe kuti kuzhadzisike dama la Yahwe lakalebgwa kuna Jeroboamu nkololo wa Nebati nge nlebesambeli Ahija we Nshilo.
- English16
When all Israel saw that the king refused to listen to them, they answered the king: “What share do we have in David, what part in Jesse’s son? To your tents, O Israel! Look after your own house, O David!” So all the Israelites went home.
African KalangaKukati Baiziraela bose be bona kuti mambo aatobateedza, bakashandula mambo beti, “Apa tina gobe lipi muna Dafite? Naiko atina lukata mu nkololo wa Jesi. Baiziraela, atiyendeni kanyi! Iwe Dafite, utjilinga be nsha uwo.” Ndizo Baiziraela bakayenda ku mizi yabo.
- English17
But as for the Israelites who were living in the towns of Judah, Rehoboam still ruled over them.
African KalangaKoga Rehoboamu kasala ebusa Baiziraela bakabe begala mu mizi mikulu ye Juda.
- English18
King Rehoboam sent out Adoniram, who was in charge of forced labor, but the Israelites stoned him to death. King Rehoboam, however, managed to get into his chariot and escape to Jerusalem.
African KalangaNdizo Mambo Rehoboamu katuma Hadoramu wakabe ali nlingi we bashingi, ngono Baiziraela bose bakankikithidza nge mabgwe kafa. Tjinyolotjo Mambo Rehoboamu katatha koloyi dzidze dze ngwa katizhila ku Jerusalema.
- African Kalanga
Tjinga kwe tjibaka itjetjo Iziraela ikapandukila nsha wa Dafite kuswikila nasi.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.