The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Chronicles 2English
2 Zwiyitikalo 2African Kalanga
- English1
Solomon gave orders to build a temple for the Name of the Lord and a royal palace for himself.
African KalangaSolomoni wakadusa ndaulo kuti kubakwe Ng'umba ye Ndzimu ibakigwa zina la Yahwe ne kuti kubakwe ng'umba iye ye bumambo.
- English2
He conscripted seventy thousand men as carriers and eighty thousand as stonecutters in the hills and thirty- six hundred as foremen over them.
African KalangaSolomoni wakatola balume bali zwiwulu zwili makumi ali kutendeka (70 000) kuti basenge zwishingisiwa zwinobaka ne bali zwiwulu zwili makumi ali zhanakadzi (80 000) kuti bakobole mabgwe mu matombo ne bali zwiwulu zwitatu zwina mazana ali tathatu (3 600) kube batungamili be nshingo.
- English3
Solomon sent this message to Hiram king of Tyre: “Send me cedar logs as you did for my father David when you sent him cedar to build a palace to live in.
African KalangaNgono Solomoni kayisa dama kuna Huramu mambo we Tire kati, “Munditumilile mapango e miti ye sida sekwa makathamila tate bangu Dafite kuti babakise ng'umba yabo ye bushe.
- English4
Now I am about to build a temple for the Name of the Lord my God and to dedicate it to him for burning fragrant incense before him, for setting out the consecrated bread regularly, and for making burnt offerings every morning and evening and on Sabbaths and New Moons and at the appointed feasts of the Lord our God. This is a lasting ordinance for Israel.
African KalangaBonani, ngwenu ndoshaka kubaka ng'umba ndi ibakila zina la Yahwe Ndzimu wangu ne kuipa Ndzimu kuti kupisigwe motsha unonuwha zwinozipa mbeli kwawo, ne kuzhisa zwipo zwe tjiwunga zwinozhisiwa tjibaka ne tjibaka muili ne kupisila zwibhayilo zwinopisiwa mangwanana ne madekwana ne zwinopisiwa mu mazhuba e Sabata ne zwinopisiwa tjibaka tje Mwedzi ugala nenge zwinopisiwa mu zwibaka zwe mizano yakabigwa ya Yahwe Ndzimu wedu, ibo bakalaula kuti ikoko kuthamiwe.
- English5
“The temple I am going to build will be great, because our God is greater than all other gods.
African KalangaNg'umba yandinoshaka baka inowobe whulu kwazo ngobe Ndzimu wedu nkulu kupinda midzimu yose.
- English6
But who is able to build a temple for him, since the heavens, even the highest heavens, cannot contain him? Who then am I to build a temple for him, except as a place to burn sacrifices before him?
African KalangaKoga dumbu ndiani ungatubula kuubakila ng'umba ngoti zhuzhugwi na pezhugwizhugwi zwisakaulizana kene? Dumbu ndiani imi kwandingaubakila ng'umba yaungagala kene? Kuzhe kwekuti ndiubakile pangapisigwa zwibhayilo koga kene?
- English7
“Send me, therefore, a man skilled to work in gold and silver, bronze and iron, and in purple, crimson and blue yarn, and experienced in the art of engraving, to work in Judah and Jerusalem with my skilled craftsmen, whom my father David provided.
African KalangaNdizo ngwenu unditumile nlume una luzibo gwe kushinga nge golide ne siliva ne phangula ne butale nenge kuthama jila le mbala we gova ne jila shaba ne jila le bushaba gwakabondelela, abe akazwidiya kukwala muna zwakasima, unditumilile iye kuti azhe ashinge ne nyambi dze bashingi dzinami mu Juda nemu Jerusalema ibo bakashalugwa ndi tate bangu Dafite.
- English8
“Send me also cedar, pine and algum logs from Lebanon, for I know that your men are skilled in cutting timber there. My men will work with yours
African KalangaUnditumilile kakale mapango e misida ne e misipuri ne e aligumu inodwa ku Lebanoni, ngobe ndoziba kuti balanda babo banoziba kubezha mapango anodwa ku Lebanoni. Balanda bangu banowobhatshana ne balanda babo,
- English9
to provide me with plenty of lumber, because the temple I build must be large and magnificent.
African Kalangakundilulwamisila mapango manjinji ngobe ng'umba yandinobaka inowobe whuluwhulu kwazo kakale itjenamisa.
- English10
I will give your servants, the woodsmen who cut the timber, twenty thousand cors of ground wheat, twenty thousand cors of barley, twenty thousand baths of wine and twenty thousand baths of olive oil.”
African KalangaNgono ndowopa balanda babo banotema miti masaka ali zwiwulu zwili zana (100 000) zwe mathunde e korong ne masaka ali zwiwulu zwili zana (100 000) zwe mathunde e bhali ne maswaki ali zwiwulu zwili zana lina gumi (110 000) e nkumbi we zhambi ne maswaki ali zwiwulu zwili zana lina gumi (110 000) e mafuta e ntoba.”
- English11
Hiram king of Tyre replied by letter to Solomon: “Because the Lord loves his people, he has made you their king.”
African KalangaIpapo Huramu mambo we Tire kashandula Solomoni nge nkwalo eti, “Ngoti Yahwe banoda bathu babo bakubiga kuti ube mambo we bathu babo.”
- English12
And Hiram added: “Praise be to the Lord, the God of Israel, who made heaven and earth! He has given King David a wise son, endowed with intelligence and discernment, who will build a temple for the Lord and a palace for himself.
African KalangaHuramu kadwilila kati, “Kudzani Yahwe Ndzimu we Iziraela, ibo bakabumba kudzimu ne shango! Ibo bakapa Dafite nkololo wakatjenjela, uzhele luzibo ne whisiso, iye unowobakila Yahwe ng'umba kakale kazwibakila ng'umba ye bushe.
- African Kalanga
“Ndokuzhisila Huramuabi, nyambi ye nlume una luzibo,
- English14
whose mother was from Dan and whose father was from Tyre. He is trained to work in gold and silver, bronze and iron, stone and wood, and with purple and blue and crimson yarn and fine linen. He is experienced in all kinds of engraving and can execute any design given to him. He will work with your craftsmen and with those of my Lord, David your father.
African Kalangammeyabe bakabe bedwa ku Dani ngono tate babe bedwa mu Tire. Wakazwidiyila shinga nge golide ne siliva ne phangula ne butale ne mabgwe ne lukuni nenge kushinga nge matyila e mbala we gova ne mashaba neye bushaba gwakabondelela ne matjena. Una luzibo muna zose zwe kukobola, i nyambi yethama zwithu zwakasiyana siyana zwaangabe apiwa kuti azwithame. Unowoshinga ne nyambi dzidzo ne dza tetshi bangu Dafite tate babo.
- English15
“Now let my Lord send his servants the wheat and barley and the olive oil and wine he promised,
African KalangaNdizo ngwenu tetshi bangu ngabatumilile balanda babo mathunde e korong ne mathunde e bhali ne mafuta e ntoba ne nkumbi we zhambi zwabakagadzabgwe.
- English16
and we will cut all the logs from Lebanon that you need and will float them in rafts by sea down to Joppa. You can then take them up to Jerusalem.”
African KalangaTowotema mapango mu Lebanoni amunoshaka tikamuzhisila iwo ku Jopa nge gungwa ngono iwe unowoatola ukayisa ku Jerusalema.”
- English17
Solomon took a census of all the aliens who were in Israel, after the census his father David had taken; and they were found to be 153,600.
African KalangaIpapo Solomoni kabala bataya bose bakabe bali mu Iziraela shule kwe mbalo ye bathu yakathamwa ndi tate babe Dafite, ngono bakawanika bali zwiwulu zwili zana ling'ompela zwina makumi mashanu ana zwili zwitatu ne mazana ali tathatu (153 600).
- English18
He assigned 70,000 of them to be carriers and 80,000 to be stonecutters in the hills, with 3,600 foremen over them to keep the people working.
African KalangaMu bali, bali zwiwulu zwili makumi ali kutendeka (70 000) kababiga kuti babe ibo basengi, bali zwiwulu zwili makumi ali zhanakadzi (80 000) ibo bakabe banokobola mabgwe mu matombo ne bali zwiwulu zwitatu zwina mazana ali tathatu (3 600) bakabigwa kuti babe batungamili kubona kuti nshingo unoyenda.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.