The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Chronicles 21English
2 Zwiyitikalo 21African Kalanga
- English1
Then Jehoshaphat rested with his fathers and was buried with them in the City of David. And Jehoram his son succeeded him as king.
African KalangaJehoshafati kafa katobela botate babe kabiganyiwa pakabiganyiwa bobatategulu babe mu nzi nkulu wa Dafite ngono Jehoramu nkololo uwe kabe iye inobusa.
- English2
Jehoram’s brothers, the sons of Jehoshaphat, were Azariah, Jehiel, Zechariah, Azariahu, Michael and Shephatiah. All these were sons of Jehoshaphat king of Israel.
African KalangaJehoramu wakabe ana banung'una, bali bakololo ba Jehoshafati ibo bakabe bali bo Azariya na Jehiele na Zakhariya na Azariya na Mikaele na Shefatiya, bose ibaba bali bakololo ba Jehoshafati mambo we Juda.
- English3
Their father had given them many gifts of silver and gold and articles of value, as well as fortified cities in Judah, but he had given the kingdom to Jehoram because he was his firstborn son.
African KalangaTate babo bakabapa zwipo zwili zwinjinji kwazo zwe golide ne siliva ne zwimwe zwe ntengo upezhugwi kushangana ne matizhilo e mizi mikulu ye Juda koga kapa Jehoramu bushe ngoti wakabe ali iye mbano.
- English4
When Jehoram established himself firmly over his father’s kingdom, he put all his brothers to the sword along with some of the princes of Israel.
African KalangaNgono Jehoramu kati asinotola itulo muna tate babe atjisima mutjili kabulaya banung'una babe bose nge thumo ne mamwe makombgwa e Iziraela.
- English5
Jehoram was thirty-two years old when he became king, and he reigned in Jerusalem eight years.
African KalangaJehoramu wakatangisa busa ana makole ali makumi matatu ana mabili (32), ngono wakabusa mu Jerusalema makole ali zhanakadzi.
- English6
He walked in the ways of the kings of Israel, as the house of Ahab had done, for he married a daughter of Ahab. He did evil in the eyes of the Lord.
African KalangaJehoramu wakatshambabo pakatshamba bomambo be Iziraela be nsha wa Ahabu, ngoti wakabe akalobola nkololokadzi wa Ahabu. Jehoramu kathama mbipo mbeli kwa Yahwe.
- English7
Nevertheless, because of the covenant the Lord had made with David, the Lord was not willing to destroy the house of David. He had promised to maintain a lamp for him and his descendants forever.
African KalangaNenguba kwakajalo Yahwe bakabe basingade kulobesa ludzi gwa Dafite, ngekwe tjidumano tjabakathama na Dafite, se bakabe ban'gadzabgwe kuti zwizekugwana zwizwe zowodwilila zwibusa nge kusingapele kose.
- African Kalanga
Mu misi ye mbuso wa Jehoramu, Baedomu bakapandukila Juda, bakazwibigila mambo wabo.
- English9
So Jehoram went there with his officers and all his chariots. The Edomites surrounded him and his chariot commanders, but he rose up and broke through by night.
African KalangaIpapo Jehoramu kapinda ne balauli babe ne koloyi dzidze dzose dze ngwa bakamuka busiku bakanginilila Baedomu bakabe bakomba Jehoramu ne balauli babe be koloyi dze ngwa bakababulaya.
- English10
To this day Edom has been in rebellion against Judah. Libnah revolted at the same time, because Jehoram had forsaken the Lord, the God of his fathers.
African KalangaNdizo tjinga kudwa ipapo Baedomu bakapandukila mbuso we Juda kuswikila nasi. Mu misi iyeyo zwayo Libina na iyobo ikapanduka ngobe wakabe afupatila Yahwe Ndzimu wa bobatategulu babe.
- English11
He had also built high places on the hills of Judah and had caused the people of Jerusalem to prostitute themselves and had led Judah astray.
African KalangaPezhugwi kwa ipapo wakabaka magalo anothigamigwa midzimu mu shango ye matombo ye Juda ngono katungamilila bathu be Jerusalema mukusagalikabgwe ngono kathama kuti Juda ilashike.
- English12
Jehoram received a letter from Elijah the prophet, which said: “This is what the Lord, the God of your father David, says: ‘You have not walked in the ways of your father Jehoshaphat or of Asa king of Judah.
African KalangaNgono kukazha lukwalo kuna Jehoramu gudwa kuna Elija nlebesambeli guti, “Koleba Yahwe Ndzimu wa Dafite tate babo bakati, ‘Ngobe auzotobela zila dza Jehoshafati tate babo kene dza Asa mambo we Juda.
- English13
But you have walked in the ways of the kings of Israel, and you have led Judah and the people of Jerusalem to prostitute themselves, just as the house of Ahab did. You have also murdered your own brothers, members of your father’s house, men who were better than you.
African KalangaKoga wakatobela zila dza bomambo be Iziraela kakale wakatungamilila bathu be Juda ne be Jerusalema mu kusagalikabgwe koga se ng'umba ya Ahabu yakatungamilila Iziraela mu kusagalikabgwe kakale wakabulaya banung'una babo, bana be nsha wa tate babo ibo bakabe beyita mukuli.
- English14
So now the Lord is about to strike your people, your sons, your wives and everything that is yours, with a heavy blow.
African KalangaNdizo ngwenu Yahwe babe pejo ne kukuloba bathu babo ne bana babo ne bakadzi babo ne thundu iyo yose,
- English15
You yourself will be very ill with a lingering disease of the bowels, until the disease causes your bowels to come out.’”
African Kalangangono iwe unowogwala kwakabangalala ugwadziwa nge bugwele gwe mabula kudza bugwele igogu guthama kuti mabula awo abhudile kuzhe kuko, bugwele gugo gowokula zhuba ne zhuba.’ ”
- English16
The Lord aroused against Jehoram the hostility of the Philistines and of the Arabs who lived near the Cushites.
African KalangaNgono Yahwe bakathama saikoku bakashongodza Jehoramu mu Bafilisitiya ne Baarabu bakabe begala pejo ne Baitopiya,
- English17
They attacked Judah, invaded it and carried off all the goods found in the king’s palace, together with his sons and wives. Not a son was left to him except Ahaziah, the youngest.
African Kalangangono bakamukila Juda bakanoinginilila bakatola thundu dzabo dzose dzabakawana dze ng'umba ya mambo bakatapa bakadzi ba mambo ne bakololo ba mambo. Akuna ndodwa ne nkololo ng'ompela wa mambo wakasala kuzhe kwa Jehoahazi wakabe ali kologwe.
- African Kalanga
Ngono shule kwe zwithu izwezwi zose Yahwe bakaloba Jehoramu ngono kagwala bugwele gusingalapike gwe mabula.
- English19
In the course of time, at the end of the second year, his bowels came out because of the disease, and he died in great pain. His people made no fire in his honor, as they had for his fathers.
African KalangaNgono kwakati mazhuba eyenda kwe makole mabili asinopinda mabula awe katangisa kubhudila kuzhe eyikhwa ne bugwele ngono kafa ali muzogwadza zwikulu. Ngono bathu babe bakasipise bhuba le moto mu kunteta sekwa bakathamila botate babe.
- English20
Jehoram was thirty-two years old when he became king, and he reigned in Jerusalem eight years. He passed away, to no one’s regret, and was buried in the City of David, but not in the tombs of the kings.
African KalangaJehoramu wakabe ali makole ali makumi matatu ana mabili (32) aegala tjigalo tje bomambo ngono wakabusa makole ali zhanakadzi mu Jerusalema kafa kukabe kusina unon'whila zogwadza. Bakanombiganyila ku nzi nkulu wa Dafite koga kusi ku zwikumbu zwa bomambo.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.