The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Chronicles 24English
2 Zwiyitikalo 24African Kalanga
- English1
Joash was seven years old when he became king, and he reigned in Jerusalem forty years. His mother’s name was Zibiah; she was from Beersheba.
African KalangaJoashi wakatangisa kubusa ali makole ali kutendeka, ngono wakabusa mu Jerusalema makole ali makumi manna (40). Zina la mmeyabe lakabe liyi Zibiya bezwagwa mu nzi we Bheerisheba.
- African Kalanga
Ngono Joashi kathama ndulamo mbeli kwa Yahwe mu tjibaka tjose tja Jehoyada we mpirisiti.
- African Kalanga
Jehoyada wakanshakila bakadzi bali babili ngono kabe ne bakololo ne bakololokadzi.
- African Kalanga
Shule kwa ikoku Joashi kapedza nkumbulo kuti unowolulwamisa Ng'umba ya Yahwe.
- English5
He called together the priests and Levites and said to them, “Go to the towns of Judah and collect the money due annually from all Israel, to repair the temple of your God. Do it now.” But the Levites did not act at once.
African KalangaNgono wakakubunganya bapirisiti ne Balevi kabadwa kati, “Yendani ku mizi mikulu ye Juda mukubunganye mari mu Baiziraela bose kuti towomusa Ng'umba ye Ndzimu wenyu gole ne gole. Bonani kuti molibilidza kuthama ikoku.” Koga Balevi bakanonoka.
- English6
Therefore the king summoned Jehoiada the chief priest and said to him, “Why haven’t you required the Levites to bring in from Judah and Jerusalem the tax imposed by Moses the servant of the Lord and by the assembly of Israel for the Tent of the Testimony?”
African KalangaMambo bakadana Jehoyada ntungamili we bapirisiti ngono bakan'dwa bakati, “Ini usathama kuti Balevi badusise bathu be Juda ne be Jerusalema lukhetho gwakabigwa ndi Mushe nlanda wa Yahwe mbeli kwe gubungano le Iziraela gudusigwa nshasha we bushanganilo kene?”
- English7
Now the sons of that wicked woman Athaliah had broken into the temple of God and had used even its sacred objects for the Baals.
African KalangaBakololo ba Athaliya nkadzi iwouje mbiimbi bakabe bapkhwanya bakangina mu Ng'umba ye Ndzimu ngono bakashingisa zwija zwakayengemala bezwishingisa kuna bo Bhaale.
- English8
At the king’s command, a chest was made and placed outside, at the gate of the temple of the Lord.
African KalangaNgono nge ndaulo ya mambo bakathama Bhokisi bakalibiga kuzhe kwe nkoba we Ng'umba ya Yahwe
- English9
A proclamation was then issued in Judah and Jerusalem that they should bring to the Lord the tax that Moses the servant of God had required of Israel in the desert.
African KalangaNgono bakazibisa bathu mu Juda ne mu Jerusalema kuti nthu mmwe ne mmwe wakafanila dusila Yahwe lukhetho gwakati Mushe nlanda we Ndzimu kabudza Baiziraela kuti gudusiwe tjibaka tjabakabe bali mu tjilambanyika.
- English10
All the officials and all the people brought their contributions gladly, dropping them into the chest until it was full.
African KalangaIkoku kukashathisa makulukota ne bathu bose ngono bakazhisa lukhetho gwabo bakagulashila mu bhokisi kuswikilila bapelela.
- English11
Whenever the chest was brought in by the Levites to the king’s officials and they saw that there was a large amount of money, the royal secretary and the officer of the chief priest would come and empty the chest and carry it back to its place. They did this regularly and collected a great amount of money.
African KalangaNgono kwakabe kuti Balevi abayisa bhokisi le lukhetho ku makombgwa a mambo ngono bakabe bebona kuti labe ne mari manjinji, nkwalili wa mambo ne nshingi we mpirisiti nkulu banowobe bedusa kose kumu bhokisi bekolibgwiliza ku magalo alo. Bakabe be shinga ikoku tjibaka ne tjibaka ngono bekubunganya mari asi mashoma.
- English12
The king and Jehoiada gave it to the men who carried out the work required for the temple of the Lord. They hired masons and carpenters to restore the Lord’s temple, and also workers in iron and bronze to repair the temple.
African KalangaNdizo mambo na Jehoyada bakapa batungamili be nshingo we Ng'umba ya Yahwe, bakatapa babezhi be mabgwe ne babezhi be mapulanka ne butale ne phangula kuti kumusiwe Ng'umba ya Yahwe.
- English13
The men in charge of the work were diligent, and the repairs progressed under them. They rebuilt the temple of God according to its original design and reinforced it.
African KalangaNgono bose koga bakabe beshinga nge buzhalo bakamusa Ng'umba ye Ndzimu kudza isala ili sekwa yakabe ili iko mukutanga yakasima.
- English14
When they had finished, they brought the rest of the money to the king and Jehoiada, and with it were made articles for the Lord’s temple: articles for the service and for the burnt offerings, and also dishes and other objects of gold and silver. As long as Jehoiada lived, burnt offerings were presented continually in the temple of the Lord.
African KalangaBakati bapedza bakatola mari akabe asala bakanoapa mambo na Jehoyada ngono nawo bakathama zwishingisiwa zwe Ng'umba ya Yahwe ne zwishingisiwa zwe nshingo we Ng'umba ya Yahwe ne zwinoshingisiwa mu zwibhayilo zwinopisiwa ne zwikutili ne zwimwe zwakathamwa nge golide ne siliva. Ngono mu bupenyu gwa Jehoyada zwibhayilo zwinopisiwa zwakabe zwipisiwa nge kusingapele mu Ng'umba ya Yahwe.
- African Kalanga
Ngono Jehoyada kakwegula kabe ne makole manjinji ngono kafa, wakafa abe ne makole ali zana lina ali makumi matatu (130).
- English16
He was buried with the kings in the City of David, because of the good he had done in Israel for God and his temple.
African KalangaNgono bakanombiganya ku nzi nkulu wa Dafite na bomambo bamwe ngoti wakabe ashinga zwakanaka mu Iziraela eshingila Ndzimu nenge Ng'umba ye Ndzimu.
- English17
After the death of Jehoiada, the officials of Judah came and paid homage to the king, and he listened to them.
African KalangaNgono kwakati Jehoyada asinofa makulukota e Juda kazha kuna Mambo Joashi ngono kabateedza.
- English18
They abandoned the temple of the Lord, the God of their fathers, and worshiped Asherah poles and idols. Because of their guilt, God’s anger came upon Judah and Jerusalem.
African KalangaNgono bathu bakasiya kunamata mu Ng'umba ye Ndzimu ya Yahwe, Ndzimu wa bobatategulu babo ngono bakatangisa kuthigamila midzimu, bethigamila ndzimukadzi Ashera. Ngono bushongola gwa Yahwe gukadelukila mu bathu be Juda ne Jerusalema ngekwe nlandu wabo.
- English19
Although the Lord sent prophets to the people to bring them back to him, and though they testified against them, they would not listen.
African KalangaNenguba Yahwe bakatumila balebesambeli kuti babatjenjedze kuti ndizo bashandukile ku bali, betendeka nge kwabo koga bathu ibo bakasibateedze.
- English20
Then the Spirit of God came upon Zechariah son of Jehoiada the priest. He stood before the people and said, “This is what God says: ‘Why do you disobey the Lord’s commands? You will not prosper. Because you have forsaken the Lord, he has forsaken you.’”
African KalangaNgono kudwapo Meya ye Ndzimu ikadelukila muna Zakhariya nkololo wa Jehoyada we mpirisiti ngono kama pakatuthumala mbeli kwe bathu ngono kati ku bali, “Ndzimu unobhuzwa kuti ini mutjuluka milayo ya Yahwe kunothama kuti musibhudilile kene? Ngono ngoti makafupatila Yahwe na Yahwe bamufupatila.”
- English21
But they plotted against him, and by order of the king they stoned him to death in the courtyard of the Lord’s temple.
African KalangaNgono bakalukila Zakhariya gwanga ngono nge ndaulo ya mambo bathu bakakikithidza Zakhariya nge mabgwe pa nsha we Ng'umba ye Ndzimu.
- English22
King Joash did not remember the kindness Zechariah’s father Jehoiada had shown him but killed his son, who said as he lay dying, “May the Lord see this and call you to account.”
African KalangaSaikoku Mambo Joashi wakabe atjikangang'wa kale ngekwe buthu gwa tate ba Zakhariya Jehoyada gwabakan'shingila ngono Zakhariya bakapelela bambulaya. Ngono Zakhariya wakati mukufa kukwe kaleba eti, “Atshene Ndzimu bangabona ngono babgwilizile.”
- English23
At the turn of the year, the army of Aram marched against Joash; it invaded Judah and Jerusalem and killed all the leaders of the people. They sent all the plunder to their king in Damascus.
African KalangaNgono kwakati ku bupelo gwe gole babhayani be Basiriya bakamukila Joashi. Bakazha ku Juda ne Jerusalema ngono bakalobesa balauli bose ngono bakatapa thundu dzisishoma bedziyisa ku Damasiko.
- English24
Although the Aramean army had come with only a few men, the Lord delivered into their hands a much larger army. Because Judah had forsaken the Lord, the God of their fathers, judgment was executed on Joash.
African KalangaBabhayani be Basiriya bakabe basimuni koga Yahwe bakathama kuti bakunde babhayani be Bajuta ngoti bathu bakabe bafupatila Yahwe Ndzimu wa bobatategulu babo. Nge zila iyeyo yakabe ili kuloba Joashi.
- English25
When the Arameans withdrew, they left Joash severely wounded. His officials conspired against him for murdering the son of Jehoiada the priest, and they killed him in his bed. So he died and was buried in the City of David, but not in the tombs of the kings.
African KalangaNgono bakati bemilika pa nli bakansiya akakubala kwazo, balanda babe bakanlukila gwanga ngekwe lopa le nkololo wa Jehoyada we mpirisiti ngono bakambulaila pa bulawo gugwe. Ndizo kafa ngono bakambiganya mu nzi nkulu wa Dafite koga kasibiganyiwe ku zwikumbu zwa bomambo.
- English26
Those who conspired against him were Zabad, son of Shimeath an Ammonite woman, and Jehozabad, son of Shimrith a Moabite woman.
African KalangaNgono ibabo bakanlukila gwanga yakabe ili Zabadi nkololo we nkadzi we N'amoni Shimeyati na Jehozabadi nkololo we nkadzi we N'moabu Shimiriti.
- English27
The account of his sons, the many prophecies about him, and the record of the restoration of the temple of God are written in the annotations on the book of the kings. And Amaziah his son succeeded him as king.
African KalangaNdebeleko ye bakololo babe ne zwinjinji zwakalebgwa zwisakakwagwa nge kukwe nenge kumusa Ng'umba ye Ndzimu zwakakwagwa mu Tjeneso ye Lukwalo gwa Bomambo. Ngono Amaziya nkololo uwe kukabe iye unobusa.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.