2 Chronicles 3 | Old Testament

Book Chapter Verse

2 Chronicles 3English

2 Zwiyitikalo 3African Kalanga

English1
Then Solomon began to build the temple of the Lord in Jerusalem on Mount Moriah, where the Lord had appeared to his father David. It was on the threshing floor of Araunah the Jebusite, the place provided by David.
African Kalanga
Ipapo Solomoni katangisa kubaka Ng'umba ye Ndzimu mu Jerusalema pezhugwi kwe Dombo le Moriya, ipo Yahwe pa bakazwilakidza kuna Dafite tate babe, pathu pakabe palulwamisiwa ndi Dafite, pa lutombo gwa Orinani we Njebusi.
English2
He began building on the second day of the second month in the fourth year of his reign.
African Kalanga
Wakatangisa kubaka mu zhuba le bubili le mwedzi we bubili we gole le bunna le busa kukwe.
English3
The foundation Solomon laid for building the temple of God was sixty cubits long and twenty cubits wide (using the cubit of the old standard).
African Kalanga
Ng'umba ye Ndzimu yakabe ibakiwa ndi Solomoni yakabe ili ye bulefu gwe matshambo ali makumi ali tathatu (60) ngono bupabi ili matshambo ali makumi mabili (20) kuyendidzana ne tjilizanyo tja ntolo.
English4
The portico at the front of the temple was twenty cubits long across the width of the building and twenty cubits high. He overlaid the inside with pure gold.
African Kalanga
Pa nkoba we Ng'umba ye Ndzimu kwakabe kuli ng'umbana ye bulefu gunolizana nge bupabi gwayo guli thambo dzili makumi mabili (20), kuyenda pezhugwi yakabe ili bulefu gunobhata makumi mabili (20). Mukati kwakabe kwakadzulugwa nge golide mbuyanana.
English5
He paneled the main hall with pine and covered it with fine gold and decorated it with palm tree and chain designs.
African Kalanga
Wakawalila ng'umba whulu ne zwizhalilo zwe misipuri, kaibuwa ne golide mbuyanana kainakisa nge zwifano zwe nlala ne zwe ketani.
English6
He adorned the temple with precious stones. And the gold he used was gold of Parvaim.
African Kalanga
Wakanakisa Ng'umba ye Ndzimu nge mabgwe akanaka, golide yakabe ishingisiwa yakabe ili ye Paravaimu.
English7
He overlaid the ceiling beams, doorframes, walls and doors of the temple with gold, and he carved cherubim on the walls.
African Kalanga
Wakadzulula ng'umba nge golide, edzulula makwasayile ayo ne mbalilo dzayo ne makuma ayo ne mikoba yayo kakale kanyamba zwifano zwe dzikherubhu mu makuma.
English8
He built the Most Holy Place, its length corresponding to the width of the temple–twenty cubits long and twenty cubits wide. He overlaid the inside with six hundred talents of fine gold.
African Kalanga
Wakabaka Bugalo gwakayengemala kupindisa bulefu gwago guyenda nge bupabi gwe Ng'umba ye Ndzimu ngono guli thambo dzili makumi mabili (20) bupabi gwago guli thambo dzili makumi mabili (20) ngono kadzulula guma lago nge golide ye dzitani dzili makumi mabili ana bushanu
English9
The gold nails weighed fifty shekels. He also overlaid the upper parts with gold.
African Kalanga
ne zwipikiri zwe golide zwe bulemo gwe shekele dzili makumi mashanu ne ng'umbana dzi pezhugwi dzakabe dzakadzulugwa nge golide.
English10
In the Most Holy Place he made a pair of sculptured cherubim and overlaid them with gold.
African Kalanga
Mu Bugalo gwakayengemala kupindisa wakabezha dzikherubhu dzili mbili ngono kadzidzulula ne golide.
English11
The total wingspan of the cherubim was twenty cubits. One wing of the first cherub was five cubits long and touched the temple wall, while its other wing, also five cubits long, touched the wing of the other cherub.
African Kalanga
Bulefu gwe mapapilo e dzikherubhu gwakabe guli thambo dzili makumi mabili wose, bhapilo le kherubhu ye kutanga lakabe lili bulefu gwe thambo dzili shanu likutha guma le ng'umba, bhapilo limwe le bulefu gwe thambo dzili shanu lakabe likutha bhapilo limwe le kherubhu imwe.
English12
Similarly one wing of the second cherub was five cubits long and touched the other temple wall, and its other wing, also five cubits long, touched the wing of the first cherub.
African Kalanga
Bhapilo le kherubhu ye bubili lakabe lili bulefu gwe thambo dzili shanu likutha guma limwe le ng'umba, limwe bhapilo lalo lakabe lili bulefu gwe thambo dzili shanu likutha bhapilo le kherubhu ye kutanga.
English13
The wings of these cherubim extended twenty cubits. They stood on their feet, facing the main hall.
African Kalanga
Mapapilo e dzikherubhu idzedzi akabe akatendebuka kwe thambo dzili makumi mabili (20), dzakabe dzilimile nge makumbo dzakalinga ku ng'umba whulu.
English14
He made the curtain of blue, purple and crimson yarn and fine linen, with cherubim worked into it.
African Kalanga
Wakathama tjisitilo tje bugalo gwakayengemala kupinda magalo wose akayengemala nge jila le mbala we gova ne mbala we bushaba gwakabondelela ne shaba ne jena, kanyamba zwifano zwe dzikherubhu mulili.
English15
In the front of the temple he made two pillars, which together were thirty-five cubits long, each with a capital on top measuring five cubits.
African Kalanga
Mbeli kwe Ng'umba ye Ndzimu wakathama phanda dzili mbili dze bulefu gwe thambo dzili makumi matatu ana bushanu (35) dzina misemo yakanakisiwa kwe thambo dzili shanu pezhugwi kwe phanda imwe ne imwe.
English16
He made interwoven chains and put them on top of the pillars. He also made a hundred pomegranates and attached them to the chains.
African Kalanga
Wakathama ketani kadzibiga pezhugwi kwe misemo ye phanda kathama dzipomegiranate dzili zana (100) kadzibiga pezhugwi kwe ketani.
English17
He erected the pillars in the front of the temple, one to the south and one to the north. The one to the south he named Jakin and the one to the north Boaz.
African Kalanga
Wakatshila phanda mbeli kwe Ng'umba ye Ndzimu, imwe phanda ili ku burwa imwe ili ku bunandzwa, phanda iku burwa idang'wa Jakini iku bunandzwa iyo idang'wa Bhoazi.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.