The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Chronicles 31English
2 Zwiyitikalo 31African Kalanga
- English1
When all this had ended, the Israelites who were there went out to the towns of Judah, smashed the sacred stones and cut down the Asherah poles. They destroyed the high places and the altars throughout Judah and Benjamin and in Ephraim and Manasseh. After they had destroyed all of them, the Israelites returned to their own towns and to their own property.
African KalangaNgono kwakati kose ikoku kwawila, bathu bose be Iziraela bakabe bakakubungana bakapalala bakayenda ku mizi ye Juda ngono bakaswika bepkhwanya phanda dzakabe dzakathang'wa nge mabgwe bakatemelela zwifano zwe ndzimukadzi Ashera. Bakakolomola magalo a pezhugwi ne zwifano mu Juda yose ne Bhenjamini ne mu Ifureimi ne mu Manase. Bakati basinokolomola kose ikoku Baiziraela bakabgwilila ku mizi yabo neku thundu dzabo.
- English2
Hezekiah assigned the priests and Levites to divisions–each of them according to their duties as priests or Levites–to offer burnt offerings and fellowship offerings, to minister, to give thanks and to sing praises at the gates of the Lord’s dwelling.
African KalangaHezekiya wakabiga makupo e bapirisiti ne e Balevi gupo ne gupo limwe ne limwe nge nshingo walo. Mishingo yakabe ili yekupisa zwibhayilo ne kudusa zwibhayilo zwe mbakisano ne kushinga ku mikoba ye Ng'umba ya Yahwe ne kukudza ne kumbila Yahwe.
- English3
The king contributed from his own possessions for the morning and evening burnt offerings and for the burnt offerings on the Sabbaths, New Moons and appointed feasts as written in the Law of the Lord.
African KalangaZwipo zwakadusiwa ndi mambo kudwa mu danga labo zwibhayilo zwinopisiwa zwe mangwanana ne madekwana ne zwibhayilo zwe mazhuba e kunyaluluka a bo Sabata ne zwe Mwedzi ugala zwe mizano yakabigwa ngothubukana kwayo sekwa kwakakwagwa mu nlayo wa Yahwe.
- English4
He ordered the people living in Jerusalem to give the portion due the priests and Levites so they could devote themselves to the Law of the Lord.
African KalangaPezhugwi kwa ikoku mambo bakadwa bathu bakabe begala mu Jerusalema kuti bape bapirisiti ne Balevi gobe lakabalingisana kuti ndizo ibo balingisane nge nlayo wa Yahwe koga.
- English5
As soon as the order went out, the Israelites generously gave the firstfruits of their grain, new wine, oil and honey and all that the fields produced. They brought a great amount, a tithe of everything.
African KalangaKwakati koga ndaulo isinobe yabhuda, bathu be Iziraela bakadusa zwe kutanga zwe mathunde ne nkumbi we zhambi ne mafuta ne butji gwe nyutji na zose zwabakabe balima, zose izwezwi bakazwidusa nge mimoyo mitjena bedusa zwe bugumi mu tjimwe ne tjimwe tjazo.
- English6
The men of Israel and Judah who lived in the towns of Judah also brought a tithe of their herds and flocks and a tithe of the holy things dedicated to the Lord their God, and they piled them in heaps.
African KalangaBathu be Iziraela ne be Juda bakabe begala mu mizi mikulu ye Juda bakadusa bo zwe bugumi zwe ng'ombe ne pkhwizi ne mbudzi ne zwe bugumi zwe zwithu zwakayengemala zwakapiwa Yahwe Ndzimu wabo, bakazwitiliyanya zwikabe duluthulu.
- African Kalanga
Mu mwedzi we butatu bakatangisa kubutitika zwipo zwabo, bakapedza mu mwedzi we kutendeka
- English8
When Hezekiah and his officials came and saw the heaps, they praised the Lord and blessed his people Israel.
African KalangaNgono kwakati Hezekiya ne makulukota bazha kuwobona mibumba ye zwipo bakakudza Yahwe kakale bakakombolela bathu babo e Baiziraela.
- African Kalanga
Hezekiya kabhuzwisisa bapirisiti ne Balevi ngekwe mibumba ye zwipo,
- English10
and Azariah the chief priest, from the family of Zadok, answered, “Since the people began to bring their contributions to the temple of the Lord, we have had enough to eat and plenty to spare, because the Lord has blessed his people, and this great amount is left over.”
African Kalangakoga Azariya mpirisiti nkulu wakabe ali we nsha wa Zadoki kadabila mambo eti, “Tjinga kwabakatangisa kuzhisa zwipo ku Ng'umba ya Yahwe toja tikaguta kukasala kunji ngobe Yahwe bakakombolela bathu babo ndizo tinakungapa kwakasala.”
- African Kalanga
Ipapo Hezekiya kabadwa kuti balulwamise ng'umbana dzimu mu Ng'umba ya Yahwe ngono bakadzilulwamisa.
- English12
Then they faithfully brought in the contributions, tithes and dedicated gifts. Conaniah, a Levite, was in charge of these things, and his brother Shimei was next in rank.
African KalangaBakazhisa zwipo zwabo ne zwe bugumi ne zwija zwakapiwa Ndzimu bakazwizhisa nge mimoyo mitjena. Konaniya we Nlevi ndiye wakabe akalingisana ne zwithu izwezwi ana nnung'una uwe Shimeyi wakabe entobela nge mamo.
- English13
Jehiel, Azaziah, Nahath, Asahel, Jerimoth, Jozabad, Eliel, Ismakiah, Mahath and Benaiah were supervisors under Conaniah and Shimei his brother, by appointment of King Hezekiah and Azariah the official in charge of the temple of God.
African KalangaJehiele na Azaziya na Nahati na Asaheli na Jerimoti na Jozabadi na Elieli na Isimakiya na Mahati na Bhenaya bakabe beshinga bali pasi kwa Konaniya na Shimeyi bashalugwa ndi Mambo Hezekiya na Azariya mpirisiti nkulu wakabe akalingisana ne Ng'umba ye Ndzimu.
- English14
Kore son of Imnah the Levite, keeper of the East Gate, was in charge of the freewill offerings given to God, distributing the contributions made to the Lord and also the consecrated gifts.
African KalangaKore nkololo wa Imina we Nlevi, nlindi we nkoba we ku bhezhuba iye wakabe ali ntungamili muna zwe kuamutjila zwipo zwe moyo ntjena zwadusigwa Ndzimu, kakale ekoba zwipo zwinobe zwakabigigwa Yahwe ne zwipo zwakayengemala kupinda.
- English15
Eden, Miniamin, Jeshua, Shemaiah, Amariah and Shecaniah assisted him faithfully in the towns of the priests, distributing to their fellow priests according to their divisions, old and young alike.
African KalangaEdeni na Miniyamini na Jeshuwa na Shemaya na Amariya na Shekaniya bakabe bembhatsha nge moyo nlefu mu mizi mikulu ye bapirisiti kukobela bakanyi kwabo, bekobela bawhola ne batjetjana ngolizana koga kuyenda ngothubukanyiwa kwabo.
- English16
In addition, they distributed to the males three years old or more whose names were in the genealogical records–all who would enter the temple of the Lord to perform the daily duties of their various tasks, according to their responsibilities and their divisions.
African KalangaKwakabe kusinga baligwe ibabo bakakwalisiwa kuyenda ne njudzi dzabo balume bose be makole anodwa mu butatu kuyenda pezhugwi, bose bakabe bengina mu Ng'umba ya Yahwe koga sekwa kwakabe kushakika mu nshingo we zhuba limwe ne limwe, ngobe uli nshingo wabo kuyenda ne pa banoshinga.
- English17
And they distributed to the priests enrolled by their families in the genealogical records and likewise to the Levites twenty years old or more, according to their responsibilities and their divisions.
African KalangaBapirisiti bakabe bakakwalisiwa kuyenda ne misha ya botate babo, Balevi ibo bakabe bekwalisiwa kudwa mu makole ali makumi mabili (20) kene kupinda ibo bakabe bakakwalisiwa kuyenda ne pa banoshinga.
- English18
They included all the little ones, the wives, and the sons and daughters of the whole community listed in these genealogical records. For they were faithful in consecrating themselves.
African KalangaBose bakabe bakakwalisiwa kushangana ne bakadzi babo nenge bana babo na bose babanotjengeta ngobe bakabe begala bezwiyengemadza.
- English19
As for the priests, the descendants of Aaron, who lived on the farm lands around their towns or in any other towns, men were designated by name to distribute portions to every male among them and to all who were recorded in the genealogies of the Levites.
African KalangaNgono bapirisiti izo zwizekugwana zwa Aroni bakabe begala mu mizi mikulu ne mizana yakapoteleka ne mafulilo ayo kwakabe kuna balume bakalingisana kukoba zojiwa ku bamwe bose be misha ye bupirisiti ne bamwe bose bakabe bakakwalisiwa pasi kwe Balevi.
- English20
This is what Hezekiah did throughout Judah, doing what was good and right and faithful before the Lord his God.
African KalangaIkoku kose ndiko kwakathamwa ndi Hezekiya mu Juda yose, ngono wakathama bubuya ne ndulamo ne kugalikabgwe mbeli kwa Yahwe Ndzimu uwe.
- English21
In everything that he undertook in the service of God’s temple and in obedience to the law and the commands, he sought his God and worked wholeheartedly. And so he prospered.
African KalangaNshingo mmwe ne mmwe waakathama we Ng'umba ye Ndzimu kuyendidzana ne nlayo, eshaka Ndzimu uwe, wakathama nge moyo uwe wose ngono kabhudilila.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.