The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Kings 1English
2 Bomambo 1African Kalanga
- African Kalanga
Kwakati shule kwe lufu gwa Ahabu, Moabu ikapandukila Iziraela.
- English2
Now Ahaziah had fallen through the lattice of his upper room in Samaria and injured himself. So he sent messengers, saying to them, “Go and consult Baal- Zebub, the god of Ekron, to see if I will recover from this injury.”
African KalangaAhaziya wakawa nge fesitere lakalukiwa le ng'umba iye itja pezhugwi mu Samariya, kakubala, ngono katuma batumwa, kabadwa kati, “Yendani munobhuzwa kuna Bhaalezebubu ndzimu we Ekironi kuti kene ndowopola mu kukubala ikoku.”
- English3
But the angel of the Lord said to Elijah the Tishbite, “Go up and meet the messengers of the king of Samaria and ask them, ‘Is it because there is no God in Israel that you are going off to consult Baal-Zebub, the god of Ekron?’
African KalangaKoga ntumwa wa Yahwe kadwa Elija we N'tishibhe kati, “Milika, yenda unoshanganidza batumwa ba mambo we Samariya, ngono ubabhuzwe uti, ‘Apa ndikuti akuna Ndzimu mu Iziraela kwamungadzina mukayenda kunobhuzwa kuna Bhaalezebubu ndzimu we Ekironi kene?’
- English4
Therefore this is what the Lord says: ‘You will not leave the bed you are lying on. You will certainly die!’” So Elijah went.
African KalangaNdizo tjinoleba Yahwe etji, ‘Autowodwa mu bulawo gwa ulele muguli, nge malebeswa unowofa.’ ” Elija kayenda.
- African Kalanga
Batumwa bakashandukila kuna mambo, ngono kababhuzwa kati, “Ini mashanduka kene?”
- English6
“A man came to meet us,” they replied. “And he said to us, ‘Go back to the king who sent you and tell him, “This is what the Lord says: Is it because there is no God in Israel that you are sending men to consult Baal-Zebub, the god of Ekron? Therefore you will not leave the bed you are lying on. You will certainly die!” ‘”
African KalangaBakashandula beti, “Kwazha mmwe nlume kutishanganidza, ngono katidwa kati, ‘Bgwililani kuna mambo wamutuma, mundwe muti: Tjinoleba Yahwe etji, apa ndikuti akuna Ndzimu mu Iziraela kwamungadzina mukatuma bathu kunobhuzwa kuna Bhaalezebubu ndzimu we Ekironi kene? Ndizo autowodwa mu bulawo gwa ulele muguli, nge malebeswa unowofa.’ ”
- African Kalanga
Kati kubali, “Kwabe kuli nlume wakatini wazha kuwomushanganidza kumubudza zwithu zwakajali kene?”
- English8
They replied, “He was a man with a garment of hair and with a leather belt around his waist.” The king said, “That was Elijah the Tishbite.”
African KalangaBakashandula beti, “Wabe akaambala tjiambalo tje bukuse, ana mwandabula we ganda mu thunji dzidze.” Mambo kati, “Ndi Elija we N'tishibhe.”
- English9
Then he sent to Elijah a captain with his company of fifty men. The captain went up to Elijah, who was sitting on the top of a hill, and said to him, “Man of God, the king says, ‘Come down!’”
African KalangaIpapo mambo katuma ntungamili we bali makumi mashanu (50) ne balume bali makumi mashanu (50). Ntungamili katathila kuna Elija wakabe aligele pezhugwi kwe duthu, kati kunli, “Iwe nlume we Ndzimu, mambo bakati, ‘Deluka.’ ”
- English10
Elijah answered the captain, “If I am a man of God, may fire come down from heaven and consume you and your fifty men!” Then fire fell from heaven and consumed the captain and his men.
African KalangaNgono Elija kashandula ntungamili we bali makumi mashanu (50) kati, “Ha ndili nlume we Ndzimu, moto ngaudeluke udwa kudzimu ukulotese iwe ne balume babo bali makumi mashanu” (50). Ipapo moto ukadeluka udwa kudzimu ukabalotesa, iye ne bali makumi mashanu (50).
- English11
At this the king sent to Elijah another captain with his fifty men. The captain said to him, “Man of God, this is what the king says, ‘Come down at once!’”
African KalangaMambo katuma mmwe ntungamili we bali makumi mashanu (50) kakale ne balume babe bali makumi mashanu (50). Ntungamili katathila pezhugwi kandwa kati, “Iwe nlume we Ndzimu, mambo bakati, ‘Deluka tjinyolotjo.’ ”
- English12
“If I am a man of God,” Elijah replied, “may fire come down from heaven and consume you and your fifty men!” Then the fire of God fell from heaven and consumed him and his fifty men.
African KalangaNgono Elija kabashandula eti, “Ha ndili nlume we Ndzimu, moto ngaudeluke kudzimu umulotese iwe ne balume babo bali makumi mashanu” (50). Ipapo moto we Ndzimu ukadeluka kudzimu ukanlotesa ne balume babe bali makumi mashanu (50).
- English13
So the king sent a third captain with his fifty men. This third captain went up and fell on his knees before Elijah. “Man of God,” he begged, “please have respect for my life and the lives of these fifty men, your servants!
African KalangaMambo katuma kakale gwe butatu ntungamili we bali makumi mashanu (50). Ntungamili we butatu we bali makumi mashanu katathila pezhugwi, kawa pasi nge zwidwi mbeli kwa Elija, kankumbila kati, “Iwe nlume we Ndzimu, ndokumbila utjidze butjilo gwangu ne butjilo gwe balanda babo ibaba bali makumi mashanu (50), ube ne ngoni mu mesho awo.
- English14
See, fire has fallen from heaven and consumed the first two captains and all their men. But now have respect for my life!”
African KalangaBona, moto wakadeluka udwa kudzimu ukalotesa batungamili babili be kutanga ne balume babo. Ndizo ngwenu, butjilo gwangu ngagube tjakanaka mu mesho enyu.”
- English15
The angel of the Lord said to Elijah, “Go down with him; do not be afraid of him.” So Elijah got up and went down with him to the king.
African KalangaNtumwa wa Yahwe kabe eti kuna Elija, “Deluka naye, usintje.” Ndizo Elija kamilika kadeluka kayenda naye kuna mambo,
- English16
He told the king, “This is what the Lord says: Is it because there is no God in Israel for you to consult that you have sent messengers to consult Baal-Zebub, the god of Ekron? Because you have done this, you will never leave the bed you are lying on. You will certainly die!”
African Kalangangono kati kuna mambo, “Tjinoleba Yahwe etji, ‘Apa ndikuti akuna Ndzimu mu Iziraela wamunga bhuzwa, kwamungadzina mukatuma batumwa kunobhuzwa kuna Bhaalezebubu ndzimu we Ekironi kene? Ngoti wathama ikoku, autowomuka mu bulawo gwa ulele muguli, nge malebeswa unowofa.’ ”
- English17
So he died, according to the word of the Lord that Elijah had spoken. Because Ahaziah had no son, Joram succeeded him as king in the second year of Jehoram son of Jehoshaphat king of Judah.
African KalangaNdizo Ahaziya wakafa kuyendidzana nge dama la Yahwe lakalebgwa ndi Elija. Ngono Jehoramu mwana wa tate babe kan'gala thaka kube mambo mu gole le bubili la Jehoramu nkololo wa Jehoshafati mambo we Juda, ngobe Ahaziya wakabe asina mwana we tjilisana.
- English18
As for all the other events of Ahaziah’s reign, and what he did, are they not written in the book of the annals of the kings of Israel?
African KalangaApa mimwe mishingo ya Ahaziya ne zwaakathama azwizokwagwa mu Lukwalo gwe zwiyitikalo gwa bomambo be Iziraela kene?
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.