The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Kings 10English
2 Bomambo 10African Kalanga
- English1
Now there were in Samaria seventy sons of the house of Ahab. So Jehu wrote letters and sent them to Samaria: to the officials of Jezreel, to the elders and to the guardians of Ahab’s children. He said,
African KalangaAhabu wakabe ana bakololo bali makumi ali kutendeka (70) mu Samariya. Ndizo Jehu kakwala whalo ngono kadzitumila ku Samariya, ku batungamili be nzi nkulu neku bakulu neku batjengeti be bakololo ba Ahabu eti,
- English2
“As soon as this letter reaches you, since your master’s sons are with you and you have chariots and horses, a fortified city and weapons,
African Kalanga“Ngono ngwenu ha lukwalo igogu guswika kumuli se muna bakololo ba tetshi wenyu, ngono muna koloyi dze ngwa ne mbizi ne mizi ye matizhilo ne zwibhayano,
- English3
choose the best and most worthy of your master’s sons and set him on his father’s throne. Then fight for your master’s house.”
African Kalangamushalule mmwe we bakololo ba tetshi wenyu wakalizanila akafanila ngono mun'gadze mutjigalo tje bushe tja tate babe.”
- African Kalanga
Ngono bakatja kwazo bakati, “Bonani, wakakona bomambo babili, iswi tingatubula tjini kene?”
- English5
So the palace administrator, the city governor, the elders and the guardians sent this message to Jehu: “We are your servants and we will do anything you say. We will not appoint anyone as king; you do whatever you think best.”
African KalangaNdizo batungamili be ng'umba ya mambo ne balauli be nzi nkulu ne bakulu ne batjengeti bakatumila ndaidzo kuna Jehu beti, “Ti balanda babo ngono towothama tjimwe ne tjimwe tjaunoleba. Akuna watinowobiga mambo, thama tjaunobona tjakafanila mu mesho awo.”
- English6
Then Jehu wrote them a second letter, saying, “If you are on my side and will obey me, take the heads of your master’s sons and come to me in Jezreel by this time tomorrow.” Now the royal princes, seventy of them, were with the leading men of the city, who were rearing them.
African KalangaNdizo Jehu kabakwalila lukwalo gwe bubili kati, “Ha muli mile nami, muteedza whi langu, tolani misholo ye bakololo ba tetshi wenyu ngono muzhe kundili mu Jezirele mangwana mu tjibaka itjetji.” Ngono bakololo ba mambo, balume bali makumi ali kutendeka (70) bakabe bana bakulu be nzi nkulu banobalela.
- English7
When the letter arrived, these men took the princes and slaughtered all seventy of them. They put their heads in baskets and sent them to Jehu in Jezreel.
African KalangaNgono lukwalo gwakati guswika kubali, bakatola bakololo ba mambo bakababulaya bose bali makumi ali kutendeka (70). Bakalonga misholo yabo mu seme ngono bakaitumila kuna Jehu ku Jezirele.
- English8
When the messenger arrived, he told Jehu, “They have brought the heads of the princes.” Then Jehu ordered, “Put them in two piles at the entrance of the city gate until morning.”
African KalangaKwakati ntumwa eswika, kadwa Jehu kati, “Bazhisa misholo ye bakololo ba mambo.” Jehu kandwa kati, “Muyibutitike kube migwi mibili ku nkoba we nzi nkulu kuswikila mangwanana.”
- English9
The next morning Jehu went out. He stood before all the people and said, “You are innocent. It was I who conspired against my master and killed him, but who killed all these?
African KalangaNgono kwakati mangwanana Jehu kabhuda, kama mbeli kwe bathu bose kati, “Imwi makalulwama, imi ndimi ndakalukila gwanga tetshi wangu ngono ndikambulaya, koga ndiyani wabulaya bose ibaba?
- English10
Know then, that not a word the Lord has spoken against the house of Ahab will fail. The Lord has done what he promised through his servant Elijah.”
African KalangaNdizo ngwenu zibani kuti akuna dama lakalebgwa ndi Yahwe ngekwe nsha wa Ahabu linowowila pasi, Yahwe bashingikadza tjabakaleba nge nlanda wabo Elija.”
- English11
So Jehu killed everyone in Jezreel who remained of the house of Ahab, as well as all his chief men, his close friends and his priests, leaving him no survivor.
African KalangaJehu kabulaya bose bakabe basala be nsha wa Ahabu mu Jezirele na bose batungamili babe ne bazwalani babe banozibgwa ne bapirisiti babe, kuswikila kusina limbelimbe laanon'siyila.
- African Kalanga
Jehu kamilika kayenda ku Samariya. Kwakati atji muzila pa Betikedi we balisi,
- English13
he met some relatives of Ahaziah king of Judah and asked, “Who are you?” They said, “We are relatives of Ahaziah, and we have come down to greet the families of the king and of the queen mother.”
African Kalangakashangana nge matshinga a Ahaziya mambo we Juda ngono kabhuzwa eti, “Muboyani?” Ngono bakashandula beti, “Ti matshinga a Ahaziya ngono tazha kuwodumilisa be nsha wa mambo nebe nsha wa mambokadzi.”
- English14
“Take them alive!” he ordered. So they took them alive and slaughtered them by the well of Beth Eked– forty-two men. He left no survivor.
African KalangaNgono kabe eti, “Mubabhate betjila.” Ngono bakabatola betjila, ngono bakano babulayila ku gomba le Betikedi kuli bathu bali makumi manna ana babili (42). Akuna waakatjidza.
- English15
After he left there, he came upon Jehonadab son of Recab, who was on his way to meet him. Jehu greeted him and said, “Are you in accord with me, as I am with you?” “I am,” Jehonadab answered. “If so,” said Jehu, “give me your hand.” So he did, and Jehu helped him up into the chariot.
African KalangaKwakati emilika ikweno, kashangana na Jehonadabi nkololo wa Rekabi ezha kuwonshanganidza ngono Jehu kandumilisa kandwa kati, “Aa moyo uwo una wangu, se wangu una uwo kene?” Ngono Jehonadabi kadabila eti, “Kwakajalo.” Jehu kati, “Ha kwakajalo, undipe luboko gugo.” Ngono kampa luboko, Jehu kanthathisa mu koloyi iye ye ngwa.
- English16
Jehu said, “Come with me and see my zeal for the Lord.” Then he had him ride along in his chariot.
African KalangaNgono kati, “Buya tiyende tose unobona sekwa ndinoshingayilila Yahwe.” Ndizo katatha naye mu koloyi iye.
- English17
When Jehu came to Samaria, he killed all who were left there of Ahab’s family; he destroyed them, according to the word of the Lord spoken to Elijah.
African KalangaKwakati Jehu eswika ku Samariya, kabulaya bose bakabe basala ikweno be nsha wa Ahabu, wakabalobesa kuyendidzana nge dama la Yahwe labakabe baleba kuna Elija.
- English18
Then Jehu brought all the people together and said to them, “Ahab served Baal a little; Jehu will serve him much.
African KalangaJehu kakubunganya bathu bose ngono kabadwa kati, “Ahabu wakashingila Bhaale kushomanana, koga Jehu unowonshingila kwazo.
- English19
Now summon all the prophets of Baal, all his ministers and all his priests. See that no one is missing, because I am going to hold a great sacrifice for Baal. Anyone who fails to come will no longer live.” But Jehu was acting deceptively in order to destroy the ministers of Baal.
African KalangaNdizo ngwenu mundidanile balebesambeli bose ba Bhaale na bose banonthigamila ne bapirisiti babe bose, kusheteke usipo ngobe ndina tjibhayilo tjikulu tjandinopisila Bhaale, iye unowosheteka aatowotjila.” Koga Jehu wakathama kamwaza kuti ndizo alobese banamati ba Bhaale.
- African Kalanga
Jehu kati, “Danani gubungano le kukudza Bhaale.” Ndizo likadang'wa.
- English21
Then he sent word throughout Israel, and all the ministers of Baal came; not one stayed away. They crowded into the temple of Baal until it was full from one end to the other.
African KalangaNgono Jehu katumila dama mu Iziraela yose, ngono bose banamati ba Bhaale bakabuya, kwakabe kusina nthu wasala asabuya. Bakangina mu ng'umba ya Bhaale ngono ng'umba ya Bhaale ye minamato ikazhala bathu bakamanikana.
- English22
And Jehu said to the keeper of the wardrobe, “Bring robes for all the ministers of Baal.” So he brought out robes for them.
African KalangaNgono kadwa ntjengeti we ng'umba ye zwiambalo kati, “Dusila banamati ba Bhaale bose zwiambalo.” Ndizo kabadusila zwiambalo.
- English23
Then Jehu and Jehonadab son of Recab went into the temple of Baal. Jehu said to the ministers of Baal, “Look around and see that no servants of the Lord are here with you–only ministers of Baal.”
African KalangaJehu kangina mu ng'umba ya Bhaale na Jehonadabi nkololo wa Rekabi ngono kadwa banamati ba Bhaale kati, “Lingisisani mubone kuti akuna nlanda wa Yahwe pakati kwenyu, koga kube ne banamati ba Bhaale koga.”
- English24
So they went in to make sacrifices and burnt offerings. Now Jehu had posted eighty men outside with this warning: “If one of you lets any of the men I am placing in your hands escape, it will be your life for his life.”
African KalangaNdizo bakangina bakathama zwibhayilo ne zwibhayilo zwinopisiwa. Jehu wakabe a biga balume bali makumi ali zhanakadzi kuzhe, ngono abadwa eti, “Iye unowoletja mmwe we bathu ibaba bandalonga mumaboko enyu etizha, unowobulawa mu bumo gugwe.”
- English25
As soon as Jehu had finished making the burnt offering, he ordered the guards and officers: “Go in and kill them; let no one escape.” So they cut them down with the sword. The guards and officers threw the bodies out and then entered the inner shrine of the temple of Baal.
African KalangaKwakati koga Jehu epedza thama tjibhayilo tjinopisiwa, kadwa balindi ne batungamili eti, “Nginani mukati mubabulaye, kusiyite unotizha.” Ndizo bakababulaya nge thumo. Balindi ne batungamili bakalashila zwitumbu zwabo kuzhe ngono bakangina mu ng'umbana itjamukatikati ye mu ng'umba ya Bhaale ye minamato.
- African Kalanga
Bakadusa zwifano zwe midzimu mu ng'umba ya Bhaale ye minamato bakazwipisa.
- English27
They demolished the sacred stone of Baal and tore down the temple of Baal, and people have used it for a latrine to this day.
African KalangaBakaliga phanda dza Bhaale, bakaliga ng'umba ye minamato ya Bhaale ngono bakaithama ng'umbana inobgwatiwa kuswikila nasi.
- African Kalanga
Ndiko Jehu sekwa akanyeledza bunamati gwa Bhaale mu Iziraela.
- English29
However, he did not turn away from the sins of Jeroboam son of Nebat, which he had caused Israel to commit–the worship of the golden calves at Bethel and Dan.
African KalangaKoga Jehu aazolasha zwibi zwa Jeroboamu nkololo wa Nebati zwaakathamisa Iziraela tjibi nge kuthigamila phulu ye golide yakabe ili mu Bheteli nemu Dani.
- English30
The Lord said to Jehu, “Because you have done well in accomplishing what is right in my eyes and have done to the house of Ahab all I had in mind to do, your descendants will sit on the throne of Israel to the fourth generation.”
African KalangaNgono Yahwe bakadwa Jehu bakati, “Ngobe washingikadza zwakanaka mu mesho angu, ngono ukathamila be nsha wa Ahabu tjakabe tjili mu moyo wangu, bana be bana babo banowogala pa tjigalo tje bushe tje Iziraela kunoti kutjizekugwana tje bunna.”
- English31
Yet Jehu was not careful to keep the law of the Lord, the God of Israel, with all his heart. He did not turn away from the sins of Jeroboam, which he had caused Israel to commit.
African KalangaKoga Jehu wakabe asina njele kutobela nlayo wa Yahwe Ndzimu we Iziraela nge moyo uwe wose, aazoshandukila zwibi zwa Jeroboamu zwaakathamisa Iziraela tjibi.
- English32
In those days the Lord began to reduce the size of Israel. Hazael overpowered the Israelites throughout their territory
African KalangaMu misi iyeyo Yahwe bakatangisa tapudza migathu ye Iziraela. Hazaele wakakunda Baiziraela mu ntuthu wabo wose,
- English33
east of the Jordan in all the land of Gilead (the region of Gad, Reuben and Manasseh), from Aroer by the Arnon Gorge through Gilead to Bashan.
African Kalangakudwa ku Jorodani ku bhezhuba ne shango yose ye Giliyadi ne Bagadi ne Barubheni ne Bamanase, ne kudwa ku Aroeri ipa nkuku we Arinoni ye Giliyadi ne Bhashani.
- English34
As for the other events of Jehu’s reign, all he did, and all his achievements, are they not written in the book of the annals of the kings of Israel?
African KalangaZwimwe zwiyitikalo zwa Jehu na zose zwaakathama ne zwaakatubula zwakakwagwa mu lukwalo gwe Zwiyitikalo gwa bomambo be Iziraela.
- English35
Jehu rested with his fathers and was buried in Samaria. And Jehoahaz his son succeeded him as king.
African KalangaJehu kanolala na botate babe ngono bakambiganya mu Samariya. Nkololo uwe Jehoahazi kan'gala thaka.
- African Kalanga
Tjibaka tjakabusa Jehu mu Iziraela ali mu Samariya kwakabe makole ali makumi mabili ana ali zhanakadzi (28).
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.