The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
2 Kings 16English
2 Bomambo 16African Kalanga
- English1
In the seventeenth year of Pekah son of Remaliah, Ahaz son of Jotham king of Judah began to reign.
African KalangaMu gole le bugumi lina ali kutendeka (17) le mbuso wa Peka nkololo wa Remaliya, Ahazi nkololo wa Jothamu mambo we Juda katangisa busa.
- English2
Ahaz was twenty years old when he became king, and he reigned in Jerusalem sixteen years. Unlike David his father, he did not do what was right in the eyes of the Lord his God.
African KalangaAhazi wakatangisa kubusa ana makole ali makumi mabili (20) ngono kabusa makole ali gumi lina ali matathatu (16) mu Jerusalema. Ngono kathama tjisakalulwama mu mesho a Yahwe Ndzimu uwe, kusi sa tate babe Dafite,
- English3
He walked in the ways of the kings of Israel and even sacrificed his son in the fire, following the detestable ways of the nations the Lord had driven out before the Israelites.
African Kalangakoga katola zila ya bomambo be Iziraela, kabuya kapisa mwana uwe kuli tjibhayilo, kuyendidzana nge zwiyito zwinoshimisa zwe njudzi dzakatatiwa ndi Yahwe mbeli kwe Baiziraela.
- English4
He offered sacrifices and burned incense at the high places, on the hilltops and under every spreading tree.
African KalangaNgono kadusa zwibhayilo kapisila ne motsha mu magalo akatuthumala ne mu matombo na kusi kwe nti mmwe ne mmwe ntala.
- English5
Then Rezin king of Aram and Pekah son of Remaliah king of Israel marched up to fight against Jerusalem and besieged Ahaz, but they could not overpower him.
African KalangaIpapo Rezini mambo we Siriya na Peka nkololo wa Remaliya mambo we Iziraela, bakayenda bakanonginilila Jerusalema ngono bakakomba Ahazi nge ngwa koga bakasinkunde.
- English6
At that time, Rezin king of Aram recovered Elath for Aram by driving out the men of Judah. Edomites then moved into Elath and have lived there to this day.
African KalangaNge tjibaka itjetjo Rezini mambo we Siriya kabgwiliza nzi we Elati ku Siriya nge kutata Bajuta, ngono Baedomu bakazha ku Elati kwabagele na nasi.
- English7
Ahaz sent messengers to say to Tiglath-Pileser king of Assyria, “I am your servant and vassal. Come up and save me out of the hand of the king of Aram and of the king of Israel, who are attacking me.”
African KalangaNdizo Ahazi katuma batumwa kuna Tigilati Pilesa mambo we Asiriya eti, “Ndi nlanda uwo ne nkololo uwo. Buya undisunungule mu maboko a mambo we Siriya ne mu maboko a mambo we Iziraela banondinginilila.”
- English8
And Ahaz took the silver and gold found in the temple of the Lord and in the treasuries of the royal palace and sent it as a gift to the king of Assyria.
African KalangaNgono Ahazi katola siliva ne golide yakawang'wa mu ng'umba ya Yahwe ne mu matula e ng'umba ya mambo kazwitumila kuli tjipo kuna mambo we Asiriya.
- English9
The king of Assyria complied by attacking Damascus and capturing it. He deported its inhabitants to Kir and put Rezin to death.
African KalangaNgono mambo we Asiriya kadumilana naye kanginilila Damasiko kaitapa, katapila bagali bayo ku Kiri ngono kabulaya Rezini.
- English10
Then King Ahaz went to Damascus to meet Tiglath- Pileser king of Assyria. He saw an altar in Damascus and sent to Uriah the priest a sketch of the altar, with detailed plans for its construction.
African KalangaKwakati Mambo Ahazi ayenda ku Damasiko kunoshangana na Tigilati Pilesa mambo we Asiriya, kabona tjibeso tjinopisigwa zwibhayilo tjakabe tjili mu Damaseko katumila ntutshi we tjibeso tjinopisigwa zwibhayilo ne tjilakidzo tjekuti tjibakiwe tjini kuna Uriya we mpirisiti.
- English11
So Uriah the priest built an altar in accordance with all the plans that King Ahaz had sent from Damascus and finished it before King Ahaz returned.
African KalangaNgono Uriya we mpirisiti kabaka tjibeso tjinopisigwa zwibhayilo kuyendidzana na sekwa akalakidziwa ndi Mambo Ahazi kudwa ku Damasiko ngono katjifidza Mambo Ahazi asathu kashanduka ku Damaseko.
- English12
When the king came back from Damascus and saw the altar, he approached it and presented offerings on it.
African KalangaNgono kwakati mambo edwa ku Damasiko kabona tjibeso tjinopisigwa zwibhayilo, kasedzela pejo natjo ngono katjitatha,
- English13
He offered up his burnt offering and grain offering, poured out his drink offering, and sprinkled the blood of his fellowship offerings on the altar.
African Kalangangono kapisila tjibhayilo tjitje tjinopisiwa ne tjibhayilo tje tjipo tje mathunde ngono katebula tjibhayilo tje tjing'o kanyasa malopa mu tjibhayilo tjitje tje mbakisano mu tjibeso tjinopisigwa zwibhayilo.
- English14
The bronze altar that stood before the Lord he brought from the front of the temple–from between the new altar and the temple of the Lord -and put it on the north side of the new altar.
African KalangaTjibeso tjinopisigwa zwibhayilo tje phangula tjakabe tjili mbeli kwa Yahwe katjidusa mbeli kwe ng'umba pakati kwe tjibeso tjitje tjinopisigwa zwibhayilo ne ng'umba ya Yahwe, katjibiga ku bunandzwa gwe tjibeso tjitje tjinopisigwa zwibhayilo.
- English15
King Ahaz then gave these orders to Uriah the priest: “On the large new altar, offer the morning burnt offering and the evening grain offering, the king’s burnt offering and his grain offering, and the burnt offering of all the people of the land, and their grain offering and their drink offering. Sprinkle on the altar all the blood of the burnt offerings and sacrifices. But I will use the bronze altar for seeking guidance.”
African KalangaMambo Ahazi kadwa Uriya we mpirisiti kati, “Mu tjibeso tjinopisigwa zwibhayilo tjikulu u pise tjibhayilo tjinopisiwa tje mangwanana ne zwipo zwe madekwana zwe mathunde ne tjibhayilo tja mambo tjinopisiwa ne tjipo tjitje tje mathunde ne zwipo zwabo zwe zwing'o, malopa wose e zwibhayilo zwinopisiwa ne e zwibhayilo zwimwe u anyase mu tjibeso tjinopisigwa zwibhayilo, koga tjibeso tje phangula ndowotjishingisa kushaka gumbuludzo.”
- African Kalanga
Uriya we mpirisiti kathama tjalebgwa ndi Mambo Ahazi.
- English17
King Ahaz took away the side panels and removed the basins from the movable stands. He removed the Sea from the bronze bulls that supported it and set it on a stone base.
African KalangaMambo Ahazi kadusa makwasayile e tjigadziko, kadusa ne bhavu mu tjili, ngono kadusa tanka ye vula mu ngabe dze phangula dzakabe dzili kusi kwayo ngono kayibiga pezhugwi kwe thiwa dze mabgwe.
- English18
He took away the Sabbath canopy that had been built at the temple and removed the royal entryway outside the temple of the Lord, in deference to the king of Assyria.
African KalangaKadusa zijana ye Sabata yakabe yakathuligwa yabakwa mu ng'umba ye bushe, ne nkoba utjakuzhe wa mambo we ng'umba ya Yahwe, ngekwa mambo we Asiriya.
- English19
As for the other events of the reign of Ahaz, and what he did, are they not written in the book of the annals of the kings of Judah?
African KalangaMimwe mishingo ya Ahazi ne zwaakathama zwakakwagwa mu lukwalo gwe Zwiyitikalo gwa bomambo be Juda.
- English20
Ahaz rested with his fathers and was buried with them in the City of David. And Hezekiah his son succeeded him as king.
African KalangaAhazi kalala na botate babe ngono kabiganyigwa pa bali mu nzi nkulu wa Dafite. Hezekiya nkololo uwe kan'gala thaka.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.