2 Samuel 5 | Old Testament

Book Chapter Verse

2 Samuel 5English

2 Samuwele 5African Kalanga

English1
All the tribes of Israel came to David at Hebron and said, “We are your own flesh and blood.
African Kalanga
Ndizo njudzi dzose dze Iziraela dzakazha kuna Dafite ku Heburoni, ngono bakandwa bakati, “Bonani ti bathu benyu, ti lopa ling'ompela.
English2
In the past, while Saul was king over us, you were the one who led Israel on their military campaigns. And the Lord said to you, ‘You will shepherd my people Israel, and you will become their ruler.’”
African Kalanga
Mu tjibaka tjakapinda, tibusiwa ndi Saulo ali mambo wedu, ndimwi makabe mutungamila Iziraela mu ngwa dzayo. Yahwe bakamubudza beti, iwe unowobe nlisi we bathu bangu Baiziraela, iwe unowobe mbusi we Iziraela.”
English3
When all the elders of Israel had come to King David at Hebron, the king made a compact with them at Hebron before the Lord, and they anointed David king over Israel.
African Kalanga
Kwakati batungamili bose be Iziraela bezha kuna Mambo Dafite ku Heburoni, mambo bakathama tjidumano nabo mu Heburoni mbeli kwa Yahwe, ngono bakazhodza Dafite kube mambo we Iziraela.
English4
David was thirty years old when he became king, and he reigned forty years.
African Kalanga
Dafite wakabe ana makole ali makumi matatu (30) ha etangisa busa, ngono kabusa makole ali makumi manna (40).
English5
In Hebron he reigned over Judah seven years and six months, and in Jerusalem he reigned over all Israel and Judah thirty-three years.
African Kalanga
Mu Heburoni wakabusa Juda makole ali kutendeka ana mimwedzi ili mitathatu, mu Jerusalema wakabusa Iziraela yose ne Juda makole ali makumi matatu ana ali matatu (33).
English6
The king and his men marched to Jerusalem to attack the Jebusites, who lived there. The Jebusites said to David, “You will not get in here; even the blind and the lame can ward you off.” They thought, “David cannot get in here.”
African Kalanga
Mambo ne bathu babo bakangina mu Jerusalema kugwa ne Bajebusi, bakabe bali bagali be shango iyeyo, bakadwa Dafite beti, “Aungangine imomu, ungadzibiwa nge zwilema nenge mapofu dumbu.” Bekumbula beti, “Dafite angatinginilile ipapa.”
English7
Nevertheless, David captured the fortress of Zion, the City of David.
African Kalanga
Nakuto kwakajalo Dafite katola matizhilo e Ziyoni, anodang'wa kuyi, “Nzi nkulu wa Dafite”
English8
On that day, David said, “Anyone who conquers the Jebusites will have to use the water shaft to reach those ‘lame and blind’ who are David’s enemies.” That is why they say, “The ‘blind and lame’ will not enter the palace.”
African Kalanga
Mu zhuba ilelo Dafite wakalebeleka eti, “Mmwe ne mmwe unoshaka nginilila Bajebusi, ngaatobele ngolo ye vula kuti anoswika ku zwilema ne mapofu anobengiwa ndi Dafite.” Ndizo kuyi, “Mapofu ne zwilema abatowongina mu ng'umba.”
English9
David then took up residence in the fortress and called it the City of David. He built up the area around it, from the supporting terraces inward.
African Kalanga
Dafite wakagala mu matizhilo iyawo, kabe eadana Nzi nkulu wa Dafite. Kabaka nzi kuupoteleka kudwa pa duluthulo kunoti mukati.
English10
And he became more and more powerful, because the Lord God Almighty was with him.
African Kalanga
Ngono simba la Dafite likapaphidzika ngobe Yahwe Ndzimu Masimbawose bakabe banaye.
English11
Now Hiram king of Tyre sent messengers to David, along with cedar logs and carpenters and stonemasons, and they built a palace for David.
African Kalanga
Mambo Hiramu we Tire katuma batumwa kuna Dafite, bakayenda ne mapango e misida ne babezhi ne bathuli be mabgwe bakabakila Dafite ng'umba ye bushe.
English12
And David knew that the Lord had established him as king over Israel and had exalted his kingdom for the sake of his people Israel.
African Kalanga
Dafite kaziba kuti Yahwe bakanthama mambo kubusa Iziraela, kakale bakamilidza mbuso uwe ngekwe bathu babo Baiziraela.
English13
After he left Hebron, David took more concubines and wives in Jerusalem, and more sons and daughters were born to him.
African Kalanga
Dafite wakati asinodwa mu Heburoni, kalobola bamwe bakadzi ne balongwana mu Jerusalema, ngono bakanzwalila bakololo ne bakololokadzi bamwe.
English14
These are the names of the children born to him there: Shammua, Shobab, Nathan, Solomon,
African Kalanga
Awa ndiwo mazina e bana babe bakazwaligwa mu Jerusalema: Shamuya na Shobabu na Nathani na Solomoni na
English15
Ibhar, Elishua, Nepheg, Japhia,
African Kalanga
Ibihari na Elishowa na Nefegi na Jafiya
English16
Elishama, Eliada and Eliphelet.
African Kalanga
na Elishama na Eliyada na Elifeleti.
English17
When the Philistines heard that David had been anointed king over Israel, they went up in full force to search for him, but David heard about it and went down to the stronghold.
African Kalanga
Kwakati Bafilisitiya bawha kuti Dafite wakazhodziwa kube mambo kubusa Baiziraela, Bafilisitiya bose bakatathila pezhugwi kunovima Dafite, koga Dafite kawha ngekwako kadelukila ku matizhilo.
English18
Now the Philistines had come and spread out in the Valley of Rephaim;
African Kalanga
Bafilisitiya bakazha bakaandama mu Nkuku we Refaimu.
English19
so David inquired of the Lord, “Shall I go and attack the Philistines? Will you hand them over to me?” The Lord answered him, “Go, for I will surely hand the Philistines over to you.”
African Kalanga
Dafite kabhuzwa kuna Yahwe kati, “Apa ndingayenda anogwa ne Bafilisitiya kene? Apa mowobalonga mu luboko gwangu kene?” Yahwe bakan'dabila beti, “Yenda, ngobe tjoselele Bafilisitiya ndowobalonga mu luboko gugo.”
English20
So David went to Baal Perazim, and there he defeated them. He said, “As waters break out, the Lord has broken out against my enemies before me.” So that place was called Baal Perazim.
African Kalanga
Ndizo Dafite kazha ku Bhaaleparazimu, ngono kabakundapo. Kabe eti, “Yahwe bakapitula zwita zwangu mbeli kwangu, se kupituka kwe nsundila.” Ndizo pathu ipapo pakadang'wa Bhaaleparazimu.
English21
The Philistines abandoned their idols there, and David and his men carried them off.
African Kalanga
Bafilisitiya bakasiya midzimu yabo ipapo, ngono Dafite ne bathu babe bakaitola.
English22
Once more the Philistines came up and spread out in the Valley of Rephaim;
African Kalanga
Bafilisitiya bakabgwilila bakaandama mu Nkuku we Refaimu.
English23
so David inquired of the Lord, and he answered, “Do not go straight up, but circle around behind them and attack them in front of the balsam trees.
African Kalanga
Ngono kukati Dafite ebhuzwa Yahwe, bakadabila beti, “Usitongo bashangamidza, ubapoteleke shule, ubanginilile udwa ku lubizho gwe miti ye malibheri.
English24
As soon as you hear the sound of marching in the tops of the balsam trees, move quickly, because that will mean the Lord has gone out in front of you to strike the Philistine army.”
African Kalanga
Ha uwha nsindo we makumbo pezhugwi kwe miti ye malibheri, utjimbidze, ngobe kowobe kudwa kuti ndakutungamila kubulaya babhayani be Bafilisitiya.”
English25
So David did as the Lord commanded him, and he struck down the Philistines all the way from Gibeon to Gezer.
African Kalanga
Dafite kathama koga sekwa adwiwa ndi Yahwe, kabulaya Bafilisitiya kudwa ku Geba kunoti ku Gezeri.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.