The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Deuteronomy 10English
Matama 10African Kalanga
- English1
At that time the Lord said to me, “Chisel out two stone tablets like the first ones and come up to me on the mountain. Also make a wooden chest.
African Kalanga“Mu tjibaka itjetjo Yahwe bakati kundili, ‘Bezha zwileiti zwe mabgwe zwibili zwinonga zwe kutanga, ube utathila kundili pezhugwi kwe dombo, ube uthama bhokisi le whuni.
- English2
I will write on the tablets the words that were on the first tablets, which you broke. Then you are to put them in the chest.”
African KalangaNgono ndowokwala mu zwileiti matama iyawaje akabe ali mu zwileiti zwe kutanga zwawakapkhwanya, ngono unowozwilonga mu bhokisi.
- English3
So I made the ark out of acacia wood and chiseled out two stone tablets like the first ones, and I went up on the mountain with the two tablets in my hands.
African KalangaNdizo athama bhokisi nge mapulanka e n'wunga, abe ndibezha zwileiti zwibili zwe mabgwe zwinonga zwe kutanga abe nditatha dombo ndakasenga zwileiti zwibili.
- English4
The Lord wrote on these tablets what he had written before, the Ten Commandments he had proclaimed to you on the mountain, out of the fire, on the day of the assembly. And the Lord gave them to me.
African KalangaYahwe bakakwala mu zwileiti sekwa bakabe bakwala muna zwe kutanga, bekwala milayo ili gumi iyo Yahwe yabakaleba kumuli bali pezhugwi kwe dombo pakati kwe moto mu zhuba le nshangano ngono Yahwe bakandipa iyo.
- English5
Then I came back down the mountain and put the tablets in the ark I had made, as the Lord commanded me, and they are there now.
African KalangaIpapo ashanduka adeluka dombo ngono abiga zwileiti izwezo mu bhokisi landakabe ndathama, ngono na ngwenu zwitji imomo Yahwe sekwa bakandidwa.’ ”
- English6
(The Israelites traveled from the wells of the Jaakanites to Moserah. There Aaron died and was buried, and Eleazar his son succeeded him as priest.
African Kalanga(Bathu be Iziraela bakatola gwendo kudwa mu Bheerotibenejaakani kunoti ku Mosera. Aroni kafila ikoko ngono kabiganyiwako ngono nkololo uwe Eliyaza kashinga ali mpirisiti mu bumo gugwe.
- African Kalanga
Kudwa ikoko bakatola gwendo kunoti ku Gudugoda, kudwa mu Gudugoda bakanoti ku Jotibata shango ina whobana dze vula.
- English8
At that time the Lord set apart the tribe of Levi to carry the ark of the covenant of the Lord, to stand before the Lord to minister and to pronounce blessings in his name, as they still do today.
African KalangaMu tjibaka itjetjo Yahwe bakashalula ludzi gwa Levi kusenga Bhokisi le Tjidumano tja Yahwe, kuma mbeli kwa Yahwe kubashingila ne kukombolela mu zina labo kuswikila zhuba lino.
- English9
That is why the Levites have no share or inheritance among their brothers; the Lord is their inheritance, as the Lord your God told them.)
African KalangaNdizo wali Levi aana gobe kene thaka pakati kwe bana batate babe. Yahwe ndibo thaka iye Yahwe Ndzimu wenyu sekwa bakambudza.)
- English10
Now I had stayed on the mountain forty days and nights, as I did the first time, and the Lord listened to me at this time also. It was not his will to destroy you.
African Kalanga“Ndakagala pezhugwi kwe dombo sekwa ndakagala kutanga, mazhuba ali makumi manna (40) ne masiku ali makumi manna (40). Yahwe bakandiwhilila mu tjibaka itjetjobo ngono bakaside kumulobesa.
- English11
“Go,” the Lord said to me, “and lead the people on their way, so that they may enter and possess the land that I swore to their fathers to give them.”
African KalangaNgono Yahwe bakati kundili, ‘Milika utole gwendo gugo utungamile bathu ibaba, kuti bangine batole shango yandakatuna kuna bobatategulu babo kubapa iyo.’ ”
- English12
And now, O Israel, what does the Lord your God ask of you but to fear the Lord your God, to walk in all his ways, to love him, to serve the Lord your God with all your heart and with all your soul,
African Kalanga“Ndizo ngwenu wali, Iziraela, Yahwe Ndzimu uwo banoshakani mukuli, banoshaka kuti utje Yahwe Ndzimu uwo, utobele zila dzabo, ubade, ushingile Yahwe Ndzimu uwo nge moyo uwo wose nenge meya iyo yose,
- English13
and to observe the Lord’s commands and decrees that I am giving you today for your own good?
African Kalangane kulondolodza milayo ya Yahwe yandinomupa zhuba lino kuti kukululwamile.
- English14
To the Lord your God belong the heavens, even the highest heavens, the earth and everything in it.
African KalangaBona, kudzimu ne kudzimu kwe zhuzhugwi ne shango na zose zwimuili ndezwa Yahwe Ndzimu uwo.
- English15
Yet the Lord set his affection on your forefathers and loved them, and he chose you, their descendants, above all the nations, as it is today.
African KalangaNenguba kwakajalo Yahwe bakada bobatategulu babo ngono bakashalula zwizekugwana zwabo shule kwabo, imwi kupinda bathu bose sekwa kuli iko mu zhuba lino.
- African Kalanga
Ndizo wali lulwamisa moyo uwo uletje kusawha.
- English17
For the Lord your God is God of gods and Lord of lords, the great God, mighty and awesome, who shows no partiality and accepts no bribes.
African KalangaNgoti Yahwe Ndzimu uwo Ndzimu we midzimu na She wa boshe, bankulu, bana masimba ba Ndzimu wakabangalala usina shalawulo usinga amutjile tjizwimbanlomo.
- English18
He defends the cause of the fatherless and the widow, and loves the alien, giving him food and clothing.
African KalangaBanobhata siyang'wa ne tjilikadzi ngekwakatambunuka kakale banoda ntaya, banompa zojiwa ne zwiambalo.
- African Kalanga
Ndizo wali ida ntaya ngoti nawe wakabe uli ntaya mu Egipiti.
- African Kalanga
Utje Yahwe Ndzimu uwo, ubashingile uzwibhatilile ndibo ngono utune nge zina labo.
- English21
He is your praise; he is your God, who performed for you those great and awesome wonders you saw with your own eyes.
African KalangaNdibo gudzo lilo, ndibo Ndzimu uwo bakakuthamila zwithu izwezwi zwikulu zwakabangalala zwawakabona.
- English22
Your forefathers who went down into Egypt were seventy in all, and now the Lord your God has made you as numerous as the stars in the sky.
African KalangaBobatategulu babo bakayenda ku Egipiti bali bathu bali makumi ali kutendeka, ngono ngwenu Yahwe Ndzimu uwo bakakuwatsha bunji gungapa nyenyedzi dze zhuzhugwi.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.