The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Deuteronomy 16English
Matama 16African Kalanga
- English1
Observe the month of Abib and celebrate the Passover of the Lord your God, because in the month of Abib he brought you out of Egypt by night.
African Kalanga“Mulondolodze mwedzi we Abibi, mulondolodzele Yahwe Ndzimu wenyu Nzano we Kupinda pezhugwi, ngoti mu mwedzi we Abibi Yahwe Ndzimu wenyu bakamudusa mu Egipiti kuli busiku.
- English2
Sacrifice as the Passover to the Lord your God an animal from your flock or herd at the place the Lord will choose as a dwelling for his Name.
African KalangaNgono mubhayile Yahwe Ndzimu wenyu tjibhayilo tje Nzano we Kupinda pezhugwi, kudwa mu ngubi kene mu ng'ombe ku bugalo gunowoshalugwa ndi Yahwe kuthama zina labo kuti ligale ko.
- English3
Do not eat it with bread made with yeast, but for seven days eat unleavened bread, the bread of affliction, because you left Egypt in haste–so that all the days of your life you may remember the time of your departure from Egypt.
African KalangaMusitongo ja tjiwunga tjakabidziwa natjo, mutjije mazhuba ali kutendeka ne tjiwunga tjisina mbidzo, tjiwunga tje kudziyidzika ngoti makabhuda mu Egipiti makalabuka mutizha, mu mazhuba wose ekutjila kwenyu mukumbule zhuba lamakabhuda ndilo mu shango ye Egipiti.
- English4
Let no yeast be found in your possession in all your land for seven days. Do not let any of the meat you sacrifice on the evening of the first day remain until morning.
African KalangaKusiyite mbidzo inowang'wa mu ntuthu wenyu wose mu mazhuba ali kutenda, nyama ye tjibhayilo tje madekwana e zhuba le kutanga isitongo lala kuswikila mangwanana tjimuka.
- African Kalanga
Musitongo bhayila tjibhayilo tje Nzano we Kupinda pezhugwi mu mmwe nzi we mizi yenyu Yahwe Ndzimu wenyu yabanomupa,
- English6
except in the place he will choose as a dwelling for his Name. There you must sacrifice the Passover in the evening, when the sun goes down, on the anniversary of your departure from Egypt.
African Kalangakoga kube mu bugalo gunowoshalugwa ndi Yahwe Ndzimu wenyu kuti zina labo ligale ko, ikoko ndiko kwamunowobhayila tjibhayilo tje Nzano we Kupinda pezhugwi madekwana zhuba lingina tjibaka tjamakabhuda mu Egipiti.
- English7
Roast it and eat it at the place the Lord your God will choose. Then in the morning return to your tents.
African KalangaMuibhike muijile pa bugalo gunowoshalugwa ndi Yahwe, ngono mu mangwanana mugwilile ku mishasha yenyu.
- English8
For six days eat unleavened bread and on the seventh day hold an assembly to the Lord your God and do no work.
African KalangaMu mazhuba ali kutathatu muje tjiwunga tjisina mbidzo, ngono mu zhuba le butendeka kube ne nshangano wakayengemala kuna Yahwe Ndzimu wenyu, musitongo shinga mmwe nshingo mulili.”
- African Kalanga
“Mubale tshipi dzili kutendeka, mutangise kubala tshipi idzedzi dzili kutendeka kudwa mu tjibaka tjamakavuna mathunde gwe kutanga.
- English10
Then celebrate the Feast of Weeks to the Lord your God by giving a freewill offering in proportion to the blessings the Lord your God has given you.
African KalangaIpapo mulondolodze Nzano we zwavung'wa mu minda kuna Yahwe Ndzimu wenyu ne tjipo tje ludo kudwa mu zwiazha zwenyu zwamunodusa kuyendidzana nge makombolelo a Yahwe Ndzimu wenyu.
- English11
And rejoice before the Lord your God at the place he will choose as a dwelling for his Name–you, your sons and daughters, your menservants and maidservants, the Levites in your towns, and the aliens, the fatherless and the widows living among you.
African KalangaMushathe mbeli kwa Yahwe Ndzimu wenyu, imwi ne bakololo benyu ne bakololokadzi benyu ne balandalume benyu ne balandakadzi benyu ne Nlevi umu mizi yenyu ne nlubili ne siyang'wa ne tjilikadzi dzipakati kwenyu pa bugalo gwashalugwa ndi Yahwe Ndzimu wenyu kuti zina labo ligale ko.
- African Kalanga
Mukumbule kuti makabe muli balanda mu Egipiti, ngono mube ne njele kulondolodza milayo iyeyi.”
- English13
Celebrate the Feast of Tabernacles for seven days after you have gathered the produce of your threshing floor and your winepress.
African Kalanga“Mulondolodze Nzano we Mishasha mazhuba ali kutendeka, ha mukubunganya zwe panoshokolegwa ne panoswinigwa nkumbi we zhambi.
- English14
Be joyful at your Feast–you, your sons and daughters, your menservants and maidservants, and the Levites, the aliens, the fatherless and the widows who live in your towns.
African KalangaMushathe mu nzano wenyu, iwe ne nkololo uwo ne nkololokadzi uwo ne nlandalume uwo ne nlandakadzi uwo ne Nlevi umu mizi yenyu ne nlubili ne siyang'wa ne tjilikadzi dzimu mizi yenyu.
- English15
For seven days celebrate the Feast to the Lord your God at the place the Lord will choose. For the Lord your God will bless you in all your harvest and in all the work of your hands, and your joy will be complete.
African KalangaMu mazhuba ali kutendeka mu londolodze Nzano kuna Yahwe Ndzimu wenyu pa bugalo gwakashalugwa ndi Yahwe ngoti Yahwe banowomukombolela muna zose zwamunowana ne mu mishingo ye maboko enyu yose, ndizo mowoshatha kwazo.
- English16
Three times a year all your men must appear before the Lord your God at the place he will choose: at the Feast of Unleavened Bread, the Feast of Weeks and the Feast of Tabernacles. No man should appear before the Lord empty-handed:
African Kalanga“Bose betjilume benyu bazhe mbeli kwa Yahwe Ndzimu wenyu katatu mu gole pa bugalo gwabanowoshalula, bazhe tjibaka tje Nzano we Tjiwunga tjisina Mbidzo ne pa Nzano we zwavung'wa mu minda ne pana we Mishasha. Basitongo zha mbeli kwa Yahwe bakalembedza maboko.
- African Kalanga
Nlume mmwe ne mmwe ape sekwa anotubula, kuyendidzana nge makombolelo a Yahwe Ndzimu wenyu abampa.
- English18
Appoint judges and officials for each of your tribes in every town the Lord your God is giving you, and they shall judge the people fairly.
African Kalanga“Mubige basumikilisi ne makulukota mu mizi yenyu yose yamunopiwa ndi Yahwe Ndzimu wenyu, kuyenda nge njudzi dzenyu ngono banowosumikilisa bathu nge ndulamo.
- English19
Do not pervert justice or show partiality. Do not accept a bribe, for a bribe blinds the eyes of the wise and twists the words of the righteous.
African KalangaMusitongo leyanya kutambunuka, musitongo be ne shalawulo, musitole tjizwimbanlomo musitongo tjitola ngoti tjizwimbanlomo tjopofupadza iye wakatjenjela ngono tjikapambusa matama e nlulwami.
- English20
Follow justice and justice alone, so that you may live and possess the land the Lord your God is giving you.
African KalangaKutambunuka koga kube iko koga kwamunotobela kuti mutjile muthuwe shango yamunopiwa ndi Yahwe Ndzimu wenyu.
- African Kalanga
“Musitongo dzwala nti muwuthama Ashera kubapa ne tjibeso tjinopisigwa zwibhayilo tja Yahwe Ndzimu wenyu tjamunowothama.
- African Kalanga
Kakale musitongo thama bgwe lakayengemala linoshimiwa ndi Yahwe Ndzimu wenyu.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.