Deuteronomy 22 | Old Testament

Book Chapter Verse

Deuteronomy 22English

Matama 22African Kalanga

English1
If you see your brother’s ox or sheep straying, do not ignore it but be sure to take it back to him.
African Kalanga
“Ha ubona ng'ombe kene pkhwizi ye ikamu tjitjo ilashika usitongo ishayila hanya ube usinga bhatshe, uyitole uyiyise ku ikamu tjitjo.
English2
If the brother does not live near you or if you do not know who he is, take it home with you and keep it until he comes looking for it. Then give it back to him.
African Kalanga
Ngono ha asipejo nawe kene usinga nzibe, uzhe nayo ku nzi uwo ngono igale nawe kuswikila ikamu tjitjo tjiyishaka, ipapo ube umpa iyo.
English3
Do the same if you find your brother’s donkey or his cloak or anything he loses. Do not ignore it.
African Kalanga
Saikoko uthame uijalo nenge donki iye, uthame saikoko nenge tjiambalo tjitje nenge tjimwe koga tjalashikila ikamu tjitjo, tjanlashikila iwe ube utjinunga usitongo tjishayila hanya.
English4
If you see your brother’s donkey or his ox fallen on the road, do not ignore it. Help him get it to its feet.
African Kalanga
Usitongoti ubona donki ye ikamu tjitjo kene ng'ombe ye ikamu tjitjo yawila pasi ukayishayila hanya umbhatshe kuimusa.
English5
A woman must not wear men’s clothing, nor a man wear women’s clothing, for the Lord your God detests anyone who does this.
African Kalanga
“Nkadzi asitongo ambala tjiambalo tje nlume kene nlume asitongo mbala tjiambalo tje nkadzi ngoti mmwe ne mmwe unothama zwithu izwezwi unoshimisa kuna Yahwe Ndzimu wenyu.
English6
If you come across a bird’s nest beside the road, either in a tree or on the ground, and the mother is sitting on the young or on the eggs, do not take the mother with the young.
African Kalanga
“Ha ungatilimuka uwana shaka le nyuni mu nti kene pasi lina majindana kene mabumbulu ngono mayi bawo bakabubatila majindana kene mabumbulu, usitongo tola mayi ne bana.
English7
You may take the young, but be sure to let the mother go, so that it may go well with you and you may have a long life.
African Kalanga
Uletjedze mayi bayende koga utole bana kuyita kuti kuyende zubuyanana nge kuko kakale utjile tjibaka tjilefu.
English8
When you build a new house, make a parapet around your roof so that you may not bring the guilt of bloodshed on your house if someone falls from the roof.
African Kalanga
“Uti ubaka ng'umba tshwa, ubake guma kupoteleka denga layo kuti usitongo zwidanila nlandu we kutebula malopa ha mmwe angawa kudwa mulili.
English9
Do not plant two kinds of seed in your vineyard; if you do, not only the crops you plant but also the fruit of the vineyard will be defiled.
African Kalanga
“Usitongo dzwala mbewu mbili dzakasiyana mu nnda uwo we mizhambi kube kudwa kuthama kuti zwivuno zose uzwitolegwe zwiyende ku bugalo gwakayengemala, zwivuno zwe tjawakadzwala ne zwivuno zwe nnda we zhambi.
English10
Do not plow with an ox and a donkey yoked together.
African Kalanga
Usitongo lima ne ngabe ne donki mu jokwi ling'ompela.
English11
Do not wear clothes of wool and linen woven together.
African Kalanga
Usitongo ambala tjiambalo tjakashangashangana, tjakathung'wa ne wulu ne jila zwishanganyiwa.
English12
Make tassels on the four corners of the cloak you wear.
African Kalanga
Uthame maabi mu midzibo minna ye hazu iyo yaunoambala.
English13
If a man takes a wife and, after lying with her, dislikes her
African Kalanga
“Ha nlume elobola nkadzi, ebe ewalilana naye kudwapo ebe enlamba,
English14
and slanders her and gives her a bad name, saying, “I married this woman, but when I approached her, I did not find proof of her virginity,”
African Kalanga
embhomedza zwinobhatisa shoni nge kukwe, empa zina lakabipa eti, ‘Ndakatola nkadzi iwoyu, ngono ndakati ndishangana naye awana asi phandala,’
English15
then the girl’s father and mother shall bring proof that she was a virgin to the town elders at the gate.
African Kalanga
ipapo tate be mwanadi iwoyo na mmeyabe banowotola bakazhisa zwilakidzo zwe buphandala ku sholotjena dze nzi nkulu ku nkoba.
English16
The girl’s father will say to the elders, “I gave my daughter in marriage to this man, but he dislikes her.
African Kalanga
Ngono tate be mwanadi banowodwa sholotjena bakati, ‘Ndakapa nkololokadzi wangu nlume iwoyu kube nkadzi uwe ngono wanlamba aatjan'da,
English17
Now he has slandered her and said, ‘I did not find your daughter to be a virgin.’ But here is the proof of my daughter’s virginity.” Then her parents shall display the cloth before the elders of the town,
African Kalanga
ngono bonani wambhomedza zwinobhatisa shoni eti, “Andizowana mu nkololokadzi wenyu zwilakidzo zwe buphandala.” Koga zwilakidzo zwe buphandala gwe nkololokadzi wangu yezwezwi.’ Ngono babe betambunudza tjiambalo mbeli kwe sholotjena dze nzi.
English18
and the elders shall take the man and punish him.
African Kalanga
Ipapo sholotjena dze nzi batole nlume iwhoyo banlobe.
English19
They shall fine him a hundred shekels of silver and give them to the girl’s father, because this man has given an Israelite virgin a bad name. She shall continue to be his wife; he must not divorce her as long as he lives.
African Kalanga
Ban'dane shekele dze siliva dzili zana ngono baape tate be mwanadi ngekuti watjinya zina le phandala ye Iziraela, ngono abe nkadzi uwe asitongo ntata butjilo gugwe gose.
English20
If, however, the charge is true and no proof of the girl’s virginity can be found,
African Kalanga
Koga akuli malebeswa kuti zwilakidzo zwe buphandala azwizowang'wa mu mwanadi,
English21
she shall be brought to the door of her father’s house and there the men of her town shall stone her to death. She has done a disgraceful thing in Israel by being promiscuous while still in her father’s house. You must purge the evil from among you.
African Kalanga
ipapo bazhise mwanadi iwoyo kuzhe pa nkoba we ng'umba ya tate babe ngono balume be nzi iwoyo bankikithidze nge mabgwe afe ngoti wakathama bulengwe mu Iziraela nge bufukula mu ng'umba ya tate babe, ndizo muduse mbipo pakati kwenyu.
English22
If a man is found sleeping with another man’s wife, both the man who slept with her and the woman must die. You must purge the evil from Israel.
African Kalanga
“Ha nlume angawangwa alilele ne nkadzi we mmwe nlume, bubili gwabo bakafanilo fa bose, nlume iwoyo walala ne nkadzi ne nkadzi iwoyo, ndizo muduse mbipo mu Iziraela.
English23
If a man happens to meet in a town a virgin pledged to be married and he sleeps with her,
African Kalanga
“Ha kuna phandala yakabigilidzigwa ndobolo, ngono nlume mmwe ebe eshangana naye mu nzi ebe elala naye,
English24
you shall take both of them to the gate of that town and stone them to death–the girl because she was in a town and did not scream for help, and the man because he violated another man’s wife. You must purge the evil from among you.
African Kalanga
ipapo mubadusile kuzhe kwe nkoba we nzi ngono mubakikithidze nge mabgwe bafe ngoti mwanadi nenguba abe ali mu nzi aazomimila eshaka bhatsho, nlume iye watjinya nkadzi we mbakidzani naye ndizo muduse mbipo pakati kwenyu.”
English25
But if out in the country a man happens to meet a girl pledged to be married and rapes her, only the man who has done this shall die.
African Kalanga
“Koga akuli kuzhe mu shango nlume ebe eshangana ne mwanadi wakabigilidzigwa ndobolo ngono nlume iwoyo ebe embata en'dzula, ipapo nlume ega iwoyu wan'dzula abulawe.
English26
Do nothing to the girl; she has committed no sin deserving death. This case is like that of someone who attacks and murders his neighbor,
African Kalanga
Koga mwanadi musitongo nti tjimwe, mu mwanadi akuna tjibiibi tjinontilika shamu ye lufu ngoti ndebo iyeyi inonga ye nlume emukila mbakidzani ebe embulaya,
English27
for the man found the girl out in the country, and though the betrothed girl screamed, there was no one to rescue her.
African Kalanga
ngoti washangana naye kuzhe mu shango, ngono nenguba mwanadi akamimila eshaka bhatsho kwakabe kusina mmwe ungan'gwila.
English28
If a man happens to meet a virgin who is not pledged to be married and rapes her and they are discovered,
African Kalanga
“Ha nlume angashangana ne mwanadi usakabigilidziwa ebe en'dzula ngono bebe bewang'wa,
English29
he shall pay the girl’s father fifty shekels of silver. He must marry the girl, for he has violated her. He can never divorce her as long as he lives.
African Kalanga
ipapo nlume wan'dzula ape tate be mwanadi shekele dze siliva dzili makumi ali mashanu (50) ngono mwanadi abe nkadzi uwe ngoti wantjinya, asitongo thubukana naye butjilo gugwe gose.
English30
A man is not to marry his father’s wife; he must not dishonor his father’s bed.
African Kalanga
“Nlume asitongo tola nkadzi wa tate babe kene kuli kufumula nkadzi wa tate babe.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.