The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Deuteronomy 23English
Matama 23African Kalanga
- African Kalanga
“Iye wakakhwanyiwa thele kene akathubuka mbeli asitongo ngina mu gubungano la Yahwe.
- English2
No one born of a forbidden marriage nor any of his descendants may enter the assembly of the Lord, even down to the tenth generation.
African Kalanga“Kusitongo yita mwana we tjamba unongina mu gubungano la Yahwe kunoswika ku tjizekugwana tje bugumi.
- English3
No Ammonite or Moabite or any of his descendants may enter the assembly of the Lord, even down to the tenth generation.
African Kalanga“Kusibe ne N'amoni kene N'moabu unongina mu gubungano la Yahwe kunoswika ku tjizekugwana tje bugumi, kusitongo yita wabo unongina mu gubungano la Yahwe,
- English4
For they did not come to meet you with bread and water on your way when you came out of Egypt, and they hired Balaam son of Beor from Pethor in Aram Naharaim to pronounce a curse on you.
African Kalangangoti abazomushangamidza nge zojiwa ne vula mu zila pamakabe mudwa ku Egipiti, ngekuti kakale bakatapa Bhaalamu nkololo wa Bheori kudwa ku Pethori mu Mesopotamiya kumulonga bhiso.
- English5
However, the Lord your God would not listen to Balaam but turned the curse into a blessing for you, because the Lord your God loves you.
African KalangaNenguba kwakajalo Yahwe Ndzimu uwo abazowhilila Bhaalamu, koga Yahwe Ndzimu uwo bakashandula bhiso likabe makombolelo kukuli ngoti Yahwe Ndzimu uwo bakabe bekuda.
- African Kalanga
Usitongo shaka mbakiso yabo kene kuwatshika kwabo butjilo gugo gose.
- English7
Do not abhor an Edomite, for he is your brother. Do not abhor an Egyptian, because you lived as an alien in his country.
African Kalanga“Usitongoshima N'edomu ngekuti mwana wa tate babo, usitongoshima N'egipiti ngekuti wakabe nlubili mu shango iye.
- African Kalanga
Bana be tjizekugwana tjitje tje butatu tjazwagwa bangangina mu gubungano la Yahwe.
- African Kalanga
“Uti uyenda kunogwa ne zwita zwizo ngono uli mu bukotokelo, ipapo uzwidzibe mu tjimwe ne tjimwe tjakabipa.
- English10
If one of your men is unclean because of a nocturnal emission, he is to go outside the camp and stay there.
African Kalanga“Ha kungabe ne nlume pakati kwenyu usimbuyanana nge tjimwe tjanshingikalila busiku, ipapo abhude mu bukotokelo, asitongo zha mu bukotokelo.
- African Kalanga
Koga ha kube madekwana angule nge vula ngono zhuba liti langina abe ebuya engina mu bukotokelo.
- African Kalanga
“Ube ne pathu paunoyendila kuzhe ko, ngono kube kuli kuzhe kwe bukotokelo,
- English13
As part of your equipment have something to dig with, and when you relieve yourself, dig a hole and cover up your excrement.
African Kalangaube ne ntsha waunoti uyenda kuzhe ukatsha ndiyo, kuti wapedza uvukidze shambgwa iyo.
- English14
For the Lord your God moves about in your camp to protect you and to deliver your enemies to you. Your camp must be holy, so that he will not see among you anything indecent and turn away from you.
African KalangaNgoti Yahwe Ndzimu uwo banotendeleka pakati kwe bukotokelo gugo kumutjidza ne kulonga zwita zwizo mu maboko awo, ndizo wali bukotokelo gugo gube gwakayengemala kuti basibone tjimwe tje shambgwa bebe bekufupatila.
- African Kalanga
“Usitongobgwiliza nlanda kuna tetshi uwe ha atizhila kukuli.
- English16
Let him live among you wherever he likes and in whatever town he chooses. Do not oppress him.
African KalangaAgale nawe, pakati kwenyu mu bugalo gwaashalula mu mmwe we mizi yenyu panon'gutsha kwazo, usitongo ntshambilidza.
- African Kalanga
“Kusitongobe ne fukula ye ng'umba ye midzimu mu bakololokadzi be Iziraela kene mu bakololo be Iziraela.
- English18
You must not bring the earnings of a female prostitute or of a male prostitute into the house of the Lord your God to pay any vow, because the Lord your God detests them both.
African KalangaUsitongo zhisa themba ye fukula kene themba ye mbgwa mu ng'umba ya Yahwe Ndzimu uwo kulipa tjawakabe wagadzabgwe ngoti kose ikoku koshimisa kuna Yahwe Ndzimu wenyu.
- English19
Do not charge your brother interest, whether on money or food or anything else that may earn interest.
African Kalanga“Usitongo adzima bana ba tate babo ube udana mwiso pezhugwi kwe tjawabaadzima, kungabe pezhugwi kwe mari kene zojiwa kene tjimwe koga tjaadzimiwa.
- English20
You may charge a foreigner interest, but not a brother Israelite, so that the Lord your God may bless you in everything you put your hand to in the land you are entering to possess.
African KalangaNtaya ungana ukan'adzima udana mwiso, koga ku bana ba tate babo usitongo dana mwiso kuti Yahwe Ndzimu uwo bakukombolele mu tjimwe ne tjimwe tjaunothama mu shango yaunongina kuyitola kube iyo.
- English21
If you make a vow to the Lord your God, do not be slow to pay it, for the Lord your God will certainly demand it of you and you will be guilty of sin.
African Kalanga“Uti ha utuna kuna Yahwe Ndzimu uwo, usitongo nonoka kulipa tjawagadzabgwe, ngoti Yahwe Ndzimu uwo banowotjishaka itjo tjawagadzabgwe ngono kube kube tjibi kukuli.
- African Kalanga
Koga ha usingagadzebgwe ngotuna akuteli tjibi kukuli.
- English23
Whatever your lips utter you must be sure to do, because you made your vow freely to the Lord your God with your own mouth.
African KalangaUyele njele kuthama tjawaleba ngoti wazwidigwa kutuna kuna Yahwe Ndzimu uwo muna tjawagadzabgwe nge nlomo uwo.
- English24
If you enter your neighbor’s vineyard, you may eat all the grapes you want, but do not put any in your basket.
African Kalanga“Uti ungina mu minda ye mizhambi ye bana ba tate babo, uje ugute zhambi, kunjinji sekwa unoshaka, koga usitongo yita dzaunolonga mu seme iyo.
- English25
If you enter your neighbor’s grainfield, you may pick kernels with your hands, but you must not put a sickle to his standing grain.
African KalangaUti ungina mu minda ye babakidzani nawe mu mathunde amile, ungana ukamwawula zwiyako nge maboko, koga usitongo shingisa mpanga mu mathunde e mbakidzani wenyu amile.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.