Deuteronomy 30 | Old Testament

Book Chapter Verse

Deuteronomy 30English

Matama 30African Kalanga

English1
When all these blessings and curses I have set before you come upon you and you take them to heart wherever the Lord your God disperses you among the nations,
African Kalanga
“Ngono kowoti zwithu zose izwezwi zwizha ku kuli, makombolelo ne bhiso ileli ilo landakabiga mbeli kuko, ngono ube ulikumbula uli pakati kwe njudzi dzose Yahwe Ndzimu uwo kwabakakutatila,
English2
and when you and your children return to the Lord your God and obey him with all your heart and with all your soul according to everything I command you today,
African Kalanga
ngono ube ubgwilila kuna Yahwe Ndzimu uwo, iwe ne bana babo ube uwha whi labo muna kose kwandinokudwa muna lino zhuba nge moyo uwo wose nenge meya iyo yose,
English3
then the Lord your God will restore your fortunes and have compassion on you and gather you again from all the nations where he scattered you.
African Kalanga
ipapo Yahwe Ndzimu uwo banobuza kuwatshika kuko, banokuwhila ngoni ngono banowokukubunganya kakale kudwa mu bathu bose Yahwe kwabakakupaladzila ko.
English4
Even if you have been banished to the most distant land under the heavens, from there the Lord your God will gather you and bring you back.
African Kalanga
Nenguba ungabe wakalashigwa ku midzibo ye kudzimu, Yahwe Ndzimu uwo banowokukubunganya kudwa ikoko, banowokutola kudwa ikoko.
English5
He will bring you to the land that belonged to your fathers, and you will take possession of it. He will make you more prosperous and numerous than your fathers.
African Kalanga
Ngono Yahwe Ndzimu uwo banowokuzhisa mu shango yakabe ili ya bobatategulu babo kuti ibe iyo ngono banokuthama kuti uwatshike kakale uwande kupinda bobatategulu babo.
English6
The Lord your God will circumcise your hearts and the hearts of your descendants, so that you may love him with all your heart and with all your soul, and live.
African Kalanga
Yahwe Ndzimu wenyu banowothumbidza moyo uwo ne mimoyo ye bana babo, ndizo kuti ude Yahwe Ndzimu uwo nge moyo uwo wose nenge meya iyo yose kuyita kuti utjile.
English7
The Lord your God will put all these curses on your enemies who hate and persecute you.
African Kalanga
Ngono Yahwe Ndzimu uwo banowolonga bhiso ileli mu zwita zwizo zwinokudziyidza.
English8
You will again obey the Lord and follow all his commands I am giving you today.
African Kalanga
Ngono unowowha whi la Yahwe kakale ukalondolodza milayo yabo yose yandinokudwa mu zhuba lino.
English9
Then the Lord your God will make you most prosperous in all the work of your hands and in the fruit of your womb, the young of your livestock and the crops of your land. The Lord will again delight in you and make you prosperous, just as he delighted in your fathers,
African Kalanga
Yahwe Ndzimu uwo banowokuthama kuti uwatshike kwazo mu mishingo yose ye maboko awo, mu ntjelo we mbili uwo ne mu ntjelo we ng'ombe dzidzo ne mu ntjelo we mavu awo ngoti Yahwe banowoshathila kukuwatsha sekwa bakashathila bobatategulu babo,
English10
if you obey the Lord your God and keep his commands and decrees that are written in this Book of the Law and turn to the Lord your God with all your heart and with all your soul. The Offer of Life or Death
African Kalanga
ha uwha whi la Yahwe Ndzimu uwo, ulondolodza milayo yabo iyeyi yakakwagwa mu lukwalo igogu gwe nlayo, ha ushandukila kuna Yahwe Ndzimu uwo nge moyo uwo wose nenge meya iyo yose.”
English11
Now what I am commanding you today is not too difficult for you or beyond your reach.
African Kalanga
“Nlayo iwoyu wandinokupa mu zhuba lino awuzokusimila kwazo, naiko ate uli kulekule nawe.
English12
It is not up in heaven, so that you have to ask, “Who will ascend into heaven to get it and proclaim it to us so we may obey it?”
African Kalanga
Aute uli kudzimu kwaungati, ‘Ndiyani unowotiyendila pezhugwi kudzimu kanowuzhisa kutili kuti tiwuwhe tiwushinge?’
English13
Nor is it beyond the sea, so that you have to ask, “Who will cross the sea to get it and proclaim it to us so we may obey it?”
African Kalanga
Nayiko ate uli seli kwe gungwa kwaungati, ‘Ndiyani unowotiambukila gungwa, kauzhisa kutili kuti tiwuwhe tiwushinge?’
English14
No, the word is very near you; it is in your mouth and in your heart so you may obey it.
African Kalanga
Koga dama lipejo nawe kwazo, limu nlomo uwo ne mu moyo uwo kuyita kuti ndizo ulishinge.
English15
See, I set before you today life and prosperity, death and destruction.
African Kalanga
“Bona, ndabiga mbeli kuko mu zhuba lino bupenyu ne kwakalulwama, lufu ne kwakabipa.
English16
For I command you today to love the Lord your God, to walk in his ways, and to keep his commands, decrees and laws; then you will live and increase, and the Lord your God will bless you in the land you are entering to possess.
African Kalanga
Ha ulondolodza nlayo wa Yahwe Ndzimu uwo wandinokupa mu zhuba lino ngoda Yahwe Ndzimu uwo ne kuyenda mu zila dzabo ne kulondolodza milayo yabo, ipapo unowotjila ukawanda ngono Yahwe Ndzimu uwo banowokukombolela mu shango yaunongina kuyitola ibe iyo.
English17
But if your heart turns away and you are not obedient, and if you are drawn away to bow down to other gods and worship them,
African Kalanga
Koga ha mungashandusila moyo yenyu ntome, mube musingawhilile, koga mube mupambuka munamata midzimu mimwe muyishingila,
English18
I declare to you this day that you will certainly be destroyed. You will not live long in the land you are crossing the Jordan to enter and possess.
African Kalanga
ndomubudza mu zhuba lino kuti mowopela, amutowotjila tjibaka tjilefu mu shango yamunotjuluka Jorodani kuyingina ne kuyitola kube yenyu.
English19
This day I call heaven and earth as witnesses against you that I have set before you life and death, blessings and curses. Now choose life, so that you and your children may live
African Kalanga
Ndodana kudzimu ne shango kutendeka nge kwenyu mu zhuba lino kuti ndabiga mbeli kwenyu bupenyu ne lufu, makombolelo ne bhiso, ndizo wali shalula bupenyu kuti iwe ne bana babo mutjile,
English20
and that you may love the Lord your God, listen to his voice, and hold fast to him. For the Lord is your life, and he will give you many years in the land he swore to give to your fathers, Abraham, Isaac and Jacob.
African Kalanga
mude Yahwe Ndzimu wenyu muwhe whi labo ngono mubanamatile, ngoti ikoko kodwa bupenyu ne mazhuba manjinji, kuyita kuti mugale mu shango Yahwe yabakatuna kuna bobatategulu benyu, bo Abhurahama, na Isaki na Jakubo kubapa iyo.”

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.