The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Exodus 10English
Kufuluka 10African Kalanga
- English1
Then the Lord said to Moses, “Go to Pharaoh, for I have hardened his heart and the hearts of his officials so that I may perform these miraculous signs of mine among them
African KalangaIpapo Yahwe bakati kuna Mushe, “Yenda kuna Faro. Ndakukutadza moyo uwe ne mimoyo ye makombgwa awe, kuti ndilakidze zwilakidzo zwangu izwezwi mu bali.
- English2
that you may tell your children and grandchildren how I dealt harshly with the Egyptians and how I performed my signs among them, and that you may know that I am the Lord.”
African KalangaNdoshaka kuti namwibo mubudze bakololo benyu ne bakololo be bakololo benyu zwandakashinga Baegipiti ne zwilakidzo zwandakathama pakati kwabo kuti muzibe kuti ndimi Yahwe.”
- English3
So Moses and Aaron went to Pharaoh and said to him, “This is what the Lord, the God of the Hebrews, says: ‘How long will you refuse to humble yourself before me? Let my people go, so that they may worship me.
African KalangaNdizo Mushe na Aroni bakayenda kuna Faro ngono bakandwa bakati, “Yahwe Ndzimu we Bahebheru bakati, ‘Unowotola tjibaka tjingapani ulamba kuzwiyisa pasi mbeli kwangu? Letja bathu bangu bayende kuti banondinamata.
- African Kalanga
Koga ha ulamba kuletja bathu bangu kuti bayende, bona, mangwana ndowozhisa phashu mu shango iyo.
- English5
They will cover the face of the ground so that it cannot be seen. They will devour what little you have left after the hail, including every tree that is growing in your fields.
African KalangaNgono dzowozwimba pasi pakasala pasingaboneke dzikabuya dzikaja tjamakasiyigwa nge tjivulamabgwe, kakale dzikaja nti mmwe ne mmwe unomela mu shango.
- English6
They will fill your houses and those of all your officials and all the Egyptians–something neither your fathers nor your forefathers have ever seen from the day they settled in this land till now.’” Then Moses turned and left Pharaoh.
African KalangaDzowozhala mu ng'umba dzidzo ne mu ng'umba dze makombgwa awo wose ne dze Baegipiti bose, kuthu kusakatongo bong'wa ndi botate benyu kene ndi bobatategulu benyu kudwila mu zhuba labakabeyapo mu shango kuswikila zhuba lino.’ ” Ipapo Mushe kabhuda kadwa pana Faro.
- English7
Pharaoh’s officials said to him, “How long will this man be a snare to us? Let the people go, so that they may worship the Lord their God. Do you not yet realize that Egypt is ruined?”
African KalangaMakombgwa a Faro akambhuzwa akati, “Kowobe tjibaka tjingapani iwoyu nlume etidziyidza kene? Letjani bathu ibaba bayende banoshingila Yahwe Ndzimu wabo, apa amuthu mukapedzisisa kuti shango ye Egipiti yathukudzika kene?”
- English8
Then Moses and Aaron were brought back to Pharaoh. “Go, worship the Lord your God,” he said. “But just who will be going?”
African KalangaNdizo Mushe na Aroni bakashandusigwa kuna Faro, ngono iye kabadwa kati, “Yendani munonamata Yahwe Ndzimu wenyu. Koga ndiboani mu muli bakafanilo yenda?”
- English9
Moses answered, “We will go with our young and old, with our sons and daughters, and with our flocks and herds, because we are to celebrate a festival to the Lord.”
African KalangaMushe kashandula eti, “Towoyenda tose bakulu ne batjetjana, toyenda ne bakololo ne bakololokadzi bedu ne zwithuwo zose zwedu, ngoti takafanila thamila Yahwe Ndzimu wedu nzano.”
- English10
Pharaoh said, “The Lord be with you–if I let you go, along with your women and children! Clearly you are bent on evil.
African KalangaNgono Faro kabadwa kati, “Tjinga tjekwa tjikalashwa ha ndingamuletja mukayenda ne bana benyu! Bonani, kupatjena kuti makazwimisila kuthama tjakabipa.
- English11
No! Have only the men go; and worship the Lord, since that’s what you have been asking for.” Then Moses and Aaron were driven out of Pharaoh’s presence.
African KalangaAndidi! Yendani imwi balume koga, munonamata Yahwe ngoti ndiko kwamunoyemula.” Ipapo Mushe na Aroni bakabe betatiwa pana Faro.
- English12
And the Lord said to Moses, “Stretch out your hand over Egypt so that locusts will swarm over the land and devour everything growing in the fields, everything left by the hail.”
African KalangaIpapo Yahwe bakadwa Mushe bakati, “Milidzila luboko gugo pezhugwi kwe shango ye Egipiti kuti phashu dzizhe muili dzije zwinomela zose zwakasiyiwa ne tjivulamabgwe.”
- English13
So Moses stretched out his staff over Egypt, and the Lord made an east wind blow across the land all that day and all that night. By morning the wind had brought the locusts;
African KalangaNdizo Mushe kamilidzila ludozo gugwe pezhugwi kwe shango ye Egipiti ngono Yahwe bakazhisa phepo ye ku bhezhuba mu shango zhuba lose ilelo ne busiku gose. Kwakati kuyedza phepo ikabe yazhisa phashu.
- English14
they invaded all Egypt and settled down in every area of the country in great numbers. Never before had there been such a plague of locusts, nor will there ever be again.
African KalangaNgono phashu dzikaandama nge shango yose ye Egipiti dzikaidzinga yose dzikabe nlunda nkulu usakatongobepo, kakale usingatjawobepo mu Egipiti.
- English15
They covered all the ground until it was black. They devoured all that was left after the hail–everything growing in the fields and the fruit on the trees. Nothing green remained on tree or plant in all the land of Egypt.
African KalangaDzakabe dzakamomotela shango yose dzithama kuti shango ibe zhalima, ngono dzikaja zose zwinomela mu shango iyeyo ne mitjelo yose ye miti yakabe yasiyiwa nge tjivulamabgwe. Kwakasala kusina tjimwe tjinyolo tjadzakasiya, kose nti kene tjimwe ne tjimwe tjinomela mu shango mu Egipiti yose.
- English16
Pharaoh quickly summoned Moses and Aaron and said, “I have sinned against the Lord your God and against you.
African KalangaIpapo Faro kadana Mushe na Aroni ngolibilidza ngono kabe eti, “Ndatjinyila Yahwe Ndzimu wenyu kose namwi.
- English17
Now forgive my sin once more and pray to the Lord your God to take this deadly plague away from me.”
African KalangaNdizo mundizwiibhatigwe jinyo langu ngwenu koga, ngono mundikumbilile kuna Yahwe Ndzimu wenyu kuti baduse lufu igogu mundili.”
- African Kalanga
Ndizo Mushe kayenda kadwa pana Faro ngono katembezela Yahwe.
- English19
And the Lord changed the wind to a very strong west wind, which caught up the locusts and carried them into the Red Sea. Not a locust was left anywhere in Egypt.
African KalangaNgono Yahwe bakashandusa phepo kukazha inodwa ku golombedzo yakasima ikasenga phashu ikadzilashila mu Gungwa Shaba, ndizo kukasheta ne ing'ompela yakasala mu shango ye Egipiti.
- African Kalanga
Koga Yahwe bakakukutadza moyo wa Faro iye kasiletje bana be Iziraela kuti bayende.
- English21
Then the Lord said to Moses, “Stretch out your hand toward the sky so that darkness will spread over Egypt–darkness that can be felt.”
African KalangaYahwe bakadwa Mushe bakati, “Milidzila luboko gugo pezhugwi kuti kube ne zhalima mu shango ye Egipiti, zhalima lakati zwititi.”
- English22
So Moses stretched out his hand toward the sky, and total darkness covered all Egypt for three days.
African KalangaNdizo Mushe katambunudzila luboko gugwe pezhugwi ngono kukabe ne zhalima linotjisa mu shango yose ye Egipiti mazhuba ali matatu.
- English23
No one could see anyone else or leave his place for three days. Yet all the Israelites had light in the places where they lived.
African KalangaKwakabe kusina unobona mmwe, naiko kusina unobhuda pa magalo awe mu mazhuba ali matatu, koga Baiziraela bakabe bana tjedza kwabakabe begala.
- English24
Then Pharaoh summoned Moses and said, “Go, worship the Lord. Even your women and children may go with you; only leave your flocks and herds behind.”
African KalangaIpapo Faro kadana Mushe kandwa kati, “Yendani munonamata Yahwe, bana benyu bayendebo namwi; koga zwithuwo zwenyu zwisale.”
- English25
But Moses said, “You must allow us to have sacrifices and burnt offerings to present to the Lord our God.
African KalangaKoga Mushe kan'dabila eti, “Makafanila kutiletja kuti tiyende ne zwithuwo zwedu kuti tinodusa zwibhayilo ne zwibhayilo zwinopisiwa, kuti tibhayile Yahwe Ndzimu wedu.
- English26
Our livestock too must go with us; not a hoof is to be left behind. We have to use some of them in worshiping the Lord our God, and until we get there we will not know what we are to use to worship the Lord.”
African KalangaNg'ombe dzedu na idzobo dzakafanila yenda naswi; akuna tjadzo tjakafanila sala shule, ngoti takafanila yenda nadzo kunonamata Yahwe Ndzimu wedu. Atitoziba kuti tounamata ngeni kuswikila tiswika ikweno.”
- African Kalanga
Koga Yahwe bakakukutadza moyo wa Faro ngono kasibaletje kuti bayende.
- English28
Pharaoh said to Moses, “Get out of my sight! Make sure you do not appear before me again! The day you see my face you will die.”
African KalangaIpapo Faro kandwa kati, “Idwa pandili uzwiyele njele, usitongobona buso gwangu kakale, ngoti mu zhuba launogubona unowofa.”
- African Kalanga
Mushe kashandula kati, “Sekwa munoleba malebeswa! Anditowobona buso gwenyu kakale.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.