The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Exodus 13English
Kufuluka 13African Kalanga
- African Kalanga
Yahwe bakadwa Mushe bakati,
- English2
“Consecrate to me every firstborn male. The first offspring of every womb among the Israelites belongs to me, whether man or animal.”
African Kalanga“Undiyengemadzile bana bose be kutanga, tjimwe ne tjimwe tjinotanga zwagwa tjili tjilume mu Iziraela, tjili tje nthu kene tje ithuwo nde tjangu.”
- English3
Then Moses said to the people, “Commemorate this day, the day you came out of Egypt, out of the land of slavery, because the Lord brought you out of it with a mighty hand. Eat nothing containing yeast.
African KalangaNgono Mushe kadwa bathu kati, “Kumbulani zhuba ileli, la makadwa mu Egipiti, mudwa mu ng'umba ye busungwa. Ndilo zhuba lamakadusiwa nge simba le luboko gwa Yahwe mudusiwa mu busungwa. Kusitongobe ne tjiwunga tjakabidziwa tjinojiwa mu zhuba ileli.
- African Kalanga
Mobhuda mu Egipiti mu zhuba ileli le mwedzi we kutanga, mwedzi we Abibi.
- English5
When the Lord brings you into the land of the Canaanites, Hittites, Amorites, Hivites and Jebusites– the land he swore to your forefathers to give you, a land flowing with milk and honey–you are to observe this ceremony in this month:
African KalangaYahwe bakatuna kuna bobatategulu benyu kuti banowomupa shango ye Bakanana ne Bahiti ne Baamori ne Bahivi ne Bajabisi, ili shango inowunga nkaka ne butji gwe nyutji, ndizo makafanila londolodza nzano uwoyu mu mwedzi uwoyu.
- English6
For seven days eat bread made without yeast and on the seventh day hold a festival to the Lord.
African KalangaMuje tjiwunga tjisina mbidzo mazhuba ali kutendeka, mu zhuba le kutendeka kube nzano wa Yahwe.
- English7
Eat unleavened bread during those seven days; nothing with yeast in it is to be seen among you, nor shall any yeast be seen anywhere within your borders.
African KalangaMowoja tjiwunga tjisina mbidzo mazhuba ali kutendeka, musitongowanika muna tjiwunga tjina mbidzo, kusitongowanika muna mbidzo mu ntuthu uwo.
- English8
On that day tell your son, ‘I do this because of what the Lord did for me when I came out of Egypt.’
African KalangaNgono muti nge zhuba le kutanga le nzano mubudze bakololo benyu muti, ‘Tothama ikoku ngobe Yahwe bakatithamila iko muzhuba latakadwa mu Egipiti.’
- English9
This observance will be for you like a sign on your hand and a reminder on your forehead that the law of the Lord is to be on your lips. For the Lord brought you out of Egypt with his mighty hand.
African KalangaNgono kowobe tjilakidzo mu luboko gugo ne ikumbuludzo mu mesho awo kulondolodza nlayo wa Yahwe, nge nlomo wenyu ngobe Yahwe bakakudusa mu Egipiti nge simba le luboko gwabo.
- African Kalanga
Mulondolodze ndaulo iyeyi nge tjibaka tjakalingisana gole ne gole.”
- English11
“After the Lord brings you into the land of the Canaanites and gives it to you, as he promised on oath to you and your forefathers,
African Kalanga“Ngono kowoti Yahwe basinomukotosa mu shango ye Kanana, sekwa bakatuna kumuli ne kuna bobatategulu benyu, banomupa ndaulo iyeyi,
- English12
you are to give over to the Lord the first offspring of every womb. All the firstborn males of your livestock belong to the Lord.
African Kalangaunowoshalulila Yahwe zose zwilume zwazwagwa kutanga nge zwithuwo zwizo kube zwa Yahwe.
- English13
Redeem with a lamb every firstborn donkey, but if you do not redeem it, break its neck. Redeem every firstborn among your sons.
African KalangaDonki ndume imwe ne imwe ya zwagwa kutanga unowoidzutunula ne pkhwizana, ha isingadzutugwe ngayivungwe ntshibha. Mbano dzose dze bakololo babo naidzo dzidzutunugwe.
- English14
“In days to come, when your son asks you, ‘What does this mean?’ say to him, ‘With a mighty hand the Lord brought us out of Egypt, out of the land of slavery.
African KalangaNgono ha misi idwilila, bakololo benyu bemubhuzwa kuti kuthu ikoku kodwani, mubadwe muti, ‘Yahwe bakatidusa mu Egipiti mu ng'umba ye busungwa nge simba le luboko gwabo.
- English15
When Pharaoh stubbornly refused to let us go, the Lord killed every firstborn in Egypt, both man and animal. This is why I sacrifice to the Lord the first male offspring of every womb and redeem each of my firstborn sons.’
African KalangaKwakati Faro paakakukutadza moyo elamba tiyenda, Yahwe bakabulaya mbano dzose mu shango ye Egipiti, dzose dze bathu ne zwithuwo zwakazwagwa kutanga. Ndizo tidusila Yahwe tjibhayilo tjimwe ne tjimwe tje ithuwo tje tjilume tjazwagwa kutanga, koga mbano dzose dze bakololo bedu tidzidzutunula.
- English16
And it will be like a sign on your hand and a symbol on your forehead that the Lord brought us out of Egypt with his mighty hand.”
African KalangaNzano iwoyo ibe ikumbuludzo kumuli se linga lakaambagwa mu luboko. Kuli kumukumbuludza kuti Yahwe bakatidusa nge simba labo mu Egipiti.’ ”
- English17
When Pharaoh let the people go, God did not lead them on the road through the Philistine country, though that was shorter. For God said, “If they face war, they might change their minds and return to Egypt.”
African KalangaKukati Faro eletjedza bathu beyenda, Ndzimu ukasibatungamile nge zila ye shango ye Palasitina, nenguba yakabe ili iyo ipejo, ngobe Ndzimu wakati, “Bathu bangadwa beti bebona ngwa bebe beshanduka bebgwilila ku Egipiti.”
- English18
So God led the people around by the desert road toward the Red Sea. The Israelites went up out of Egypt armed for battle.
African KalangaKoga Ndzimu ukabapoteledza nge zila ye tjilambanyika inoyendila ku Gungwa Shaba. Bathu be Iziraela bakayenda bebhuda mu shango ye Egipiti bakazwilulwamisila ngwa.
- English19
Moses took the bones of Joseph with him because Joseph had made the sons of Israel swear an oath. He had said, “God will surely come to your aid, and then you must carry my bones up with you from this place.”
African KalangaMushe katola mafupa a Josefa kayenda nawo, ngobe Josefa wakabe atunisa bathu be Iziraela eti, “Ndzimu unowomusunungula, ngono mube musenga mafupa angu muyende nawo.”
- African Kalanga
Bakayenda bedwa mu Sukoti bakanokotokela mu Etamu, pa phelelo dze tjilambanyika.
- English21
By day the Lord went ahead of them in a pillar of cloud to guide them on their way and by night in a pillar of fire to give them light, so that they could travel by day or night.
African KalangaNgono Yahwe bakayenda bakabatungamila nge shongwe ye gole kubalakidza zila kuli masikati, busiku bakabatungamila nge bibi le moto kubathamila tjedza kuti ndizo batubule yenda siku ne sikati.
- English22
Neither the pillar of cloud by day nor the pillar of fire by night left its place in front of the people.
African KalangaShongwe ye gole masikati kene bibi le moto busiku zwakabe zwisingatsheduke mbeli kwe bathu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.