Exodus 26 | Old Testament

Book Chapter Verse

Exodus 26English

Kufuluka 26African Kalanga

English1
“Make the tabernacle with ten curtains of finely twisted linen and blue, purple and scarlet yarn, with cherubim worked into them by a skilled craftsman.
African Kalanga
“Uthame bugalo gwe Ndzimu ne zwisitilo zwili gumi zwakalukwa zwina mmbala we gova ne wakashanganyila bushaba ne gova ne bushaba gwakabondelela zwakanakisiwa nge zwifano zwe dzikherubhu.
English2
All the curtains are to be the same size–twenty-eight cubits long and four cubits wide.
African Kalanga
Zwisitilo izwezwi zwibe zwilizana nge bulefu nenge bupabi. Bulefu gwazo gube thambo dzili gumi lina mbili (12), bupabi gube thambo dzili mbili.
English3
Join five of the curtains together, and do the same with the other five.
African Kalanga
Ubhatshanye zwisitilo zwili zwi shanu, zwimwe zwi shanu uzwibhatshanyebo.
English4
Make loops of blue material along the edge of the end curtain in one set, and do the same with the end curtain in the other set.
African Kalanga
Uthame zwishwe nge jila le mmbala we gova ku ndzibo utjakuzhe kwe isitilo pana mpeto, uthame kunofanana mu tjishwe tje bubili pana mpeto.
English5
Make fifty loops on one curtain and fifty loops on the end curtain of the other set, with the loops opposite each other.
African Kalanga
Uthame zwishwe zwili makumi ali mashanu (50) mu ndzibo we zwisitilo zwi shanu zwakabhatana ne mu ndzibo we zwimwe zwili makumi mashanu (50) zwakabhatana. Zwishwe izwezwi zwilingisane.
English6
Then make fifty gold clasps and use them to fasten the curtains together so that the tabernacle is a unit.
African Kalanga
Uthame zwiwheko zwili makumi mashanu (50) nge golide ubhatshanye zwisitilo izwezo ndizo kuyita kuti bugalo gwe Ndzimu gube tjithu tjing'ompela.
English7
“Make curtains of goat hair for the tent over the tabernacle–eleven altogether.
African Kalanga
“Uthame zwimwe zwisitilo nge mawuri e mbudzi zwinowobe buthulilo gwe bugalo gwe Ndzimu, uthame zwili gumi lina kung'ompela (11).
English8
All eleven curtains are to be the same size–thirty cubits long and four cubits wide.
African Kalanga
Bulefu gwe tjisitilo tjing'ompela gube thambo dzili gumi lina dzili shanu (15), bupabi gube thambo mbili. Tjisitilo tje bugumi lina kung'ompela tjilizane ne zwimwe nge bulefu nenge bupabi.
English9
Join five of the curtains together into one set and the other six into another set. Fold the sixth curtain double at the front of the tent.
African Kalanga
Ubhatshanye zwisitilo zwili zwishanu, ube ubhatshanya zwimwe zwitathatu, tje butathatu utjipete kabili pa nkoba we nshasha.
English10
Make fifty loops along the edge of the end curtain in one set and also along the edge of the end curtain in the other set.
African Kalanga
Uthame zwishwe zwili makumi mashanu (50) mu ndzibo we tjisitilo tjikubupelo gwe mbha we kutanga, zwibhatshanyiwe ne ndzibo we zwimwe zwili makumi mashanu mbha we bubili (50).
English11
Then make fifty bronze clasps and put them in the loops to fasten the tent together as a unit.
African Kalanga
“Ube uthama zwiwheko zwili makumi mashanu (50) nge phangula uzwishomeke mu zwishwe ubhatshanye nshasha ube tjithu tjing'ompela.
English12
As for the additional length of the tent curtains, the half curtain that is left over is to hang down at the rear of the tabernacle.
African Kalanga
Ntome kwasala kwe zwisitilo zwe nshasha, gaswa le isitilo lasala lilembeleke shule kwe nshasha we Ndzimu.
English13
The tent curtains will be a cubit longer on both sides; what is left will hang over the sides of the tabernacle so as to cover it.
African Kalanga
Makaswa mabili e thambo e bulefu gwe isitilo asale akalembeleka mu lubadu wogu na woguja gwe bugalo gwe Ndzimu agufukidze.
English14
Make for the tent a covering of ram skins dyed red, and over that a covering of hides of sea cows.
African Kalanga
Uthulile nshasha nge makukuta e nyundo akasukiwa katakiwa bushaba gwakabondelela ne tjisitilo tjakuzhe tje makukuta e mbudzi.
English15
“Make upright frames of acacia wood for the tabernacle.
African Kalanga
“Uthame mbakililo ye bugalo gwe Ndzimu nge makwasayile e n'wunga alimile akatambunuka.
English16
Each frame is to be ten cubits long and a cubit and a half wide,
African Kalanga
Bulefu gwe gwasayile ling'ompela gube thambo dzili gumi lina dzili shanu (15), bupabi kube thambo inagaswa.
English17
with two projections set parallel to each other. Make all the frames of the tabernacle in this way.
African Kalanga
Gwasayile limwe ne limwe le mbako ngalibe ne zwibhali zwili zwibili kuti lishangane ne mamwe. Dzose mbakililo dze bugalo gwe Ndzimu udzithame saikoku.
English18
Make twenty frames for the south side of the tabernacle
African Kalanga
Uthame makwasayile e bugalo gwe Ndzimu, uathame ali makumi mabili (20) ku lubizho gwe burwa,
English19
and make forty silver bases to go under them–two bases for each frame, one under each projection.
African Kalanga
kusi kwe makwasayile iyawa uthame zwigadziko nge siliva zwili makumi manna (40), zwigadziko zwibili zwibe kusi kwe gwasayile limwe ne limwe kuyendidzana ne zwibhali zwayo zwibili.
English20
For the other side, the north side of the tabernacle, make twenty frames
African Kalanga
Ku lubizho guku bunandzwa gwe nshasha we Ndzimu uthame makwasayile e bugalo gwe Ndzimu ali makumi mabili (20)
English21
and forty silver bases–two under each frame.
African Kalanga
ne zwigadziko zwawo zwe siliva zwili makumi manna (40), zwigadziko zwibili zwili kusi kwe gwasayile limwe ne limwe.
English22
Make six frames for the far end, that is, the west end of the tabernacle,
African Kalanga
Shule kwe bugalo gwe Ndzimu ku golombedzo uthame makwasayile ali matathatu,
English23
and make two frames for the corners at the far end.
African Kalanga
tjashule ube uthama makwasayile ali mabili mu midzibo ye bugalo gwe Ndzimu,
English24
At these two corners they must be double from the bottom all the way to the top, and fitted into a single ring; both shall be like that.
African Kalanga
abape tja pasi koga abhatane pezhugwi mu tjilungwane tjing'ompela, wose athamwe saikoku, athame midzibo mibili.
English25
So there will be eight frames and sixteen silver bases–two under each frame.
African Kalanga
Kube ne mbakililo dzili zhanakadzi ne zwigadziko zwadzo zwe siliva zwili gumi lina zwili zwitathatu (16) zwigadziko zwibili zwili kusi kwe mbakililo ing'ompela, zwibili zwili kusi kwe imwe.
English26
“Also make crossbars of acacia wood: five for the frames on one side of the tabernacle,
African Kalanga
“Uthame mbalilo dze n'wunga dzili shanu mu lubadu gumwe gwe mbakililo dze bugalo gwe Ndzimu,
English27
five for those on the other side, and five for the frames on the west, at the far end of the tabernacle.
African Kalanga
ube uthama dzimwe dzili shanu mu gumwe lubadu gwe mbakililo dze bugalo gwe Ndzimu ne dzimwe mbalilo shanu ku golombedzo shule kwe bugalo gwe Ndzimu.
English28
The center crossbar is to extend from end to end at the middle of the frames.
African Kalanga
Lubalilo gunothubula na pakati gutangise panodwila nshasha we Ndzimu kunoti paunopelela.
English29
Overlay the frames with gold and make gold rings to hold the crossbars. Also overlay the crossbars with gold.
African Kalanga
Udzulule mbakililo nge golide ube uthama zwibhali uzwidzulule nge zwinobhata mbalilo idzedzi ube udzidzulula nge golide.
English30
“Set up the tabernacle according to the plan shown you on the mountain.
African Kalanga
Bugalo gwe Ndzimu igogu ugubake kuyendidzana nge ndongoloso yawakalakidziwa pezhugwi kwe dombo.
English31
“Make a curtain of blue, purple and scarlet yarn and finely twisted linen, with cherubim worked into it by a skilled craftsman.
African Kalanga
“Uthame isitilo nge jila buya lakalukwa nge misungwana ye mbala we gova ne ye bushaba gwakabondelela ne jila buya lakakoshiwa likalukwa nge bunyambi, linakisiwe nge zwifano zwe dzikherubhu.
English32
Hang it with gold hooks on four posts of acacia wood overlaid with gold and standing on four silver bases.
African Kalanga
Ube ulilembeledza mu zwiwheko zwe mapango manna e n'wunga akadzulugwa nge golide amile mu zwigadziko zwe siliva.
English33
Hang the curtain from the clasps and place the ark of the Testimony behind the curtain. The curtain will separate the Holy Place from the Most Holy Place.
African Kalanga
Ulembeledze tjisitilo mu zwibhali ube uzhisa bhokisi le butendeki tje mukati, isitilo tjibe tjithubukanya bugalo gwakayengemala ne gwakayengemala kupindisa.
English34
Put the atonement cover on the ark of the Testimony in the Most Holy Place.
African Kalanga
Ubige tjigalo tje ngoni pezhugwi kwe bhokisi le butendeki mu Bugalo gwakayengemala kupindisa.
English35
Place the table outside the curtain on the north side of the tabernacle and put the lampstand opposite it on the south side.
African Kalanga
Ubige tafuli kuzhe kwe tjisitilo ku bunandzwa ngwe bugalo gwe Ndzimu, tjigadziko tje mavone utjibige ku burwa tjilingisane ne tafuli.
English36
“For the entrance to the tent make a curtain of blue, purple and scarlet yarn and finely twisted linen–the work of an embroiderer.
African Kalanga
“Uthamile nkoba we nshasha tjisitilo tje jila buya lakalukwa nge misungo ye mmbala we gova ne ye mmbala nshaba kwakabondelela ne jila buya lakakoshiwa likalukwa nge nnali.
English37
Make gold hooks for this curtain and five posts of acacia wood overlaid with gold. And cast five bronze bases for them.
African Kalanga
Tjisitilo itjetji utjithamile mapango ali mashanu e n'wunga uadzulule nge golide uathamile zwiwheko zwe golide ne zwigadziko zwishanu zwe phangula.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.