Exodus 36 | Old Testament

Book Chapter Verse

Exodus 36English

Kufuluka 36African Kalanga

English1
So Bezalel, Oholiab and every skilled person to whom the Lord has given skill and ability to know how to carry out all the work of constructing the sanctuary are to do the work just as the Lord has commanded.”
African Kalanga
“Bhezaleli na Oholiyabu ne mmwe ne mmwe wakabe ana luzibo wakati kapiwa bunyambi ndi Yahwe ne butjenjedu kuziba kushinga mmwe we mishingo mu kubakwa kwe bugalo gwakayengemala ngaashinge kunoyendidzana nge tjakalebgwa ndi Yahwe.”
English2
Then Moses summoned Bezalel and Oholiab and every skilled person to whom the Lord had given ability and who was willing to come and do the work.
African Kalanga
Ipapo Mushe kadana Bhezaleli na Oholiyabu ne mmwe ne mmwe una luzibo wakapiwa bunyambi ndi Yahwe, mmwe ne mmwe wakabe ne moyo we ludo kuzha kuwoshinga nshingo.
English3
They received from Moses all the offerings the Israelites had brought to carry out the work of constructing the sanctuary. And the people continued to bring freewill offerings morning after morning.
African Kalanga
Mushe kabapa zwipo zose zwe moyo ntjena zwakadusiwa nge Baiziraela zwidusigwa kubaka Bugalo gwakayengemala. Mangwanana mamwe ne mamwe bathu bakabe batjazhisa zwipo.
English4
So all the skilled craftsmen who were doing all the work on the sanctuary left their work
African Kalanga
Kukathama kuti bashingi bose banoshinga mishingo yakasiyana mu kubaka Bugalo gwakayengemala bazhe kuna Mushe,
English5
and said to Moses, “The people are bringing more than enough for doing the work the Lord commanded to be done.”
African Kalanga
ban'dwe bati, “Bathu banozhisa zwipo zwinjisa pana zwakalizana kushinga mu nshingo watakadwiwa ndi Yahwe.”
English6
Then Moses gave an order and they sent this word throughout the camp: “No man or woman is to make anything else as an offering for the sanctuary.” And so the people were restrained from bringing more,
African Kalanga
Ndizo Mushe kadusa whi likayenda ku bukotokelo gose liti, “Ngakusitjabe ne nlume kene nkadzi utjazhisa zwipo zwe Bugalo gwakayengemala.” Ndizo bathu bakasitjazhise zwipo,
English7
because what they already had was more than enough to do all the work.
African Kalanga
ngoti zwabakabe babe nazo zwakabe zolizana nshingo zwibuya zwipinda.
English8
All the skilled men among the workmen made the tabernacle with ten curtains of finely twisted linen and blue, purple and scarlet yarn, with cherubim worked into them by a skilled craftsman.
African Kalanga
Bashingi bose bana luzibo bakabaka bugalo gwe Ndzimu nge zwisitilo zwili gumi, zwakathamiwa nge jila buya lakalukiwa le mibala ye gova ne ye bushaba gwakabondelela kube kunyambiwa nge zwifano zwe dzikherubhu.
English9
All the curtains were the same size–twenty-eight cubits long and four cubits wide.
African Kalanga
Zwisitilo izwezwi zose zwilizana, tjimwe ne tjimwe tjili thambo dzili gumi lina mbili (12) bulefu gwatjo, bupabi tjili thambo dzili mbili.
English10
They joined five of the curtains together and did the same with the other five.
African Kalanga
Bebe bebhatshanya zwisitilo zwishanu nge kwazo bebuya bebhatshanya zwimwe zwishanu nge kwazo.
English11
Then they made loops of blue material along the edge of the end curtain in one set, and the same was done with the end curtain in the other set.
African Kalanga
Bakathama zwishwe zwe mbala we gova mu midzibo ye zwisitilo zwiku n'dzibo we zwishanu zwe kutanga, ngono bakathama beijalo ne mu zwishanu zwe bubili.
English12
They also made fifty loops on one curtain and fifty loops on the end curtain of the other set, with the loops opposite each other.
African Kalanga
Bakathama zwishwe zwili makumi mashanu (50) mu n'dzibo we isitilo bebe bethama zwili makumi mashanu (50) mu n'dzibo we zwe bubili. Zwishwe izwezo zwakabe zwakalingisana.
English13
Then they made fifty gold clasps and used them to fasten the two sets of curtains together so that the tabernacle was a unit.
African Kalanga
Bebe bethama zwiwheko zwili makumi ali mashanu (50) zwe golide bebe bebhatshanya zwisitilo izwezo nge zwiwheko, ndizo bugalo gwe Ndzimu gube tjithu tjing'ompela.
English14
They made curtains of goat hair for the tent over the tabernacle–eleven altogether.
African Kalanga
Bakathama zwisitilo nge bukuse gwe mbudzi zwe nshasha kuthama denga le bugalo gwe Ndzimu, zwili gumi lina tjing'ompela.
English15
All eleven curtains were the same size–thirty cubits long and four cubits wide.
African Kalanga
Bulefu gwe zwisitilo izwezwi gulizana, tjimwe ne tjimwe tjili thambo dzili gumi lina dzili thatu (13).
English16
They joined five of the curtains into one set and the other six into another set.
African Kalanga
Bakabhatshanya zwisitilo zwi shanu tje kwazo, bebe bebhatshanya zwi tathatu tje kwazo.
English17
Then they made fifty loops along the edge of the end curtain in one set and also along the edge of the end curtain in the other set.
African Kalanga
Bebe bethama zwishwe zwili makumi mashanu (50) mu n'dzibo we isitilo tji kun'dzibo, bebuya bethama zwimwe zwili makumi mashanu (50) mu n'dzibo we zwimwe.
English18
They made fifty bronze clasps to fasten the tent together as a unit.
African Kalanga
Bakathama zwiwheko zwili makumi mashanu (50) nge phangula kubhatshanya denga le nshasha kuti libe tjithu tjing'ompela.
English19
Then they made for the tent a covering of ram skins dyed red, and over that a covering of hides of sea cows.
African Kalanga
Bakathama dandilo le nshasha nge makukuta e nyundo akasukwa akatakiwa bushaba nenge e mbudzi.
English20
They made upright frames of acacia wood for the tabernacle.
African Kalanga
Kudwapo bakabe bethama mbakililo dze bugalo gwe Ndzimu nge makwasayile e n'wunga.
English21
Each frame was ten cubits long and a cubit and a half wide,
African Kalanga
Gwasayile limwe ne limwe lili thambo dzili nna bulefu, bupabi gwalo guli zwiazha zwili makumi ali matathatu ana zwili tathatu (66).
English22
with two projections set parallel to each other. They made all the frames of the tabernacle in this way.
African Kalanga
Gwasayile limwe ne limwe lakabe lina zwibhali zwibili kulibhatshanya nge tjigadziko. Makwasayile wose e bugalo gwe Ndzimu akabe akathamiwa saikoko.
English23
They made twenty frames for the south side of the tabernacle
African Kalanga
Bakathama mbakililo dze bugalo gwe Ndzimu dzili makumi mabili (20) dze ku n'dzibo we burwa;
English24
and made forty silver bases to go under them–two bases for each frame, one under each projection.
African Kalanga
bebe bethama magadziko ali makumi manna (40) nge siliva anogadzikwa mbakililo, magadziko mabili ali e mbakililo ing'ompela engina zwibhali dzayo, mamwe magadziko mabili ali e imwe mbakililo engina zwibhali zwayo.
English25
For the other side, the north side of the tabernacle, they made twenty frames
African Kalanga
Ku n'dzibo we bubili u ku bunandzwa gwe bugalo gwe Ndzimu bakathama mbakililo dzili makumi mabili (20)
English26
and forty silver bases–two under each frame.
African Kalanga
dzina magadziko adzo ali makumi manna (40) akathamiwa nge siliva, magadziko mabili ali e mbakililo ing'ompela, mabili ali e imwe.
English27
They made six frames for the far end, that is, the west end of the tabernacle,
African Kalanga
Ku shule kwe bugalo gwe Ndzimu ku golombedzo bakathama mbakililo dzili tathatu.
English28
and two frames were made for the corners of the tabernacle at the far end.
African Kalanga
Bakathama mbakililo mbili mu midzibo ye bugalo gwe Ndzimu tja shule.
English29
At these two corners the frames were double from the bottom all the way to the top and fitted into a single ring; both were made alike.
African Kalanga
Mbakililo dzimu midzibo dzakabe dzakabhatshanyiwa kudwa pasi kuyenda pezhugwi. Idzedzi mbili dzina midzibo dzakabe dzakathamiwa saikoku.
English30
So there were eight frames and sixteen silver bases– two under each frame.
African Kalanga
Ndizo wali kwakabe kuna mbakililo dzili zhanakadzi dzina magadziko adzo ali gumi lina ali matathatu (16), gwasayile limwe ne limwe lina magadziko mabili.
English31
They also made crossbars of acacia wood: five for the frames on one side of the tabernacle,
African Kalanga
Bakathama mbalilo dze n'wunga dzili shanu mu lubizho gumwe gwe bugalo gwe Ndzimu,
English32
five for those on the other side, and five for the frames on the west, at the far end of the tabernacle.
African Kalanga
lubizho gumwe naigobo bakaguthamila mbalilo dzili shanu, na shule kwe bugalo gwe Ndzimu ku golombedzo bakakuthamila mbalilo dzili shanu.
English33
They made the center crossbar so that it extended from end to end at the middle of the frames.
African Kalanga
Lubalilo gu pakati bakaguthama gudwa pa nkoba gupoteleka gunopelela pa nkoba ku lubizho gumwe.
English34
They overlaid the frames with gold and made gold rings to hold the crossbars. They also overlaid the crossbars with gold.
African Kalanga
Bakadzulula mbakililo nge golide bakadzithamila milipo ye golide inobhata mbalilo, mbalilo naidzobo bakadzidzulula nge golide.
English35
They made the curtain of blue, purple and scarlet yarn and finely twisted linen, with cherubim worked into it by a skilled craftsman.
African Kalanga
Bakathama isitilo nge jila le mbala we gova ne nshaba ne bushaba gwakabondelela ne jila buya lakakoshiwa likanakisiwa nge zwifano zwe dzikherubhu.
English36
They made four posts of acacia wood for it and overlaid them with gold. They made gold hooks for them and cast their four silver bases.
African Kalanga
Bakatjithamila mapangwana e n'wunga ali manna bakaadzulula nge golide bakaathamila zwigadziko zwili zwinna zwe siliva.
English37
For the entrance to the tent they made a curtain of blue, purple and scarlet yarn and finely twisted linen– the work of an embroiderer;
African Kalanga
Nkoba we nshasha bakauthamila isitilo tjina mbala we gova ne nshaba ne bushaba gwakabondela ne jila buya lakakoshiwa likalukwa nge bunyambi.
English38
and they made five posts with hooks for them. They overlaid the tops of the posts and their bands with gold and made their five bases of bronze.
African Kalanga
Isitilo itjetji bakatjithamila mapangwana ali mashanu ana zwiwheko zwinobhata mu milipo ye isitilo kose kwakadzulugwa nge golide, magadziko awo akathamiwa nge phangula.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.