Exodus 37 | Old Testament

Book Chapter Verse

Exodus 37English

Kufuluka 37African Kalanga

English1
Bezalel made the ark of acacia wood–two and a half cubits long, a cubit and a half wide, and a cubit and a half high.
African Kalanga
Bhezaleli wakathama Bhokisi le Tjidumano nge makwasayile e nti unoyi n'wunga, bulefu gwalo guli thambo mbili dzina gaswa, bupabi guli thambo ina gaswa kudwa pasi kuyenda pezhugwi guli thambo ina gaswa.
English2
He overlaid it with pure gold, both inside and out, and made a gold molding around it.
African Kalanga
Kalidzulula nge golide mbuyanana mukati na kuzhe, kalithamila tjirepuli tje golide kulipoteleka.
English3
He cast four gold rings for it and fastened them to its four feet, with two rings on one side and two rings on the other.
African Kalanga
Kalithamila milipo minna ye golide mu midzibo yalo minna ne milipo mibili mu lubadu gumwe gwalo ne milipo mibili kakale mu gumwe lubadu.
English4
Then he made poles of acacia wood and overlaid them with gold.
African Kalanga
Kabuya kalithamila mapango e nti unoyi n'wunga, kaadzulula ne golide
English5
And he inserted the poles into the rings on the sides of the ark to carry it.
African Kalanga
kabe elonga mapango mu milipo imu midzibo yose ye Bhokisi le Tjidumano kulisenga.
English6
He made the atonement cover of pure gold–two and a half cubits long and a cubit and a half wide.
African Kalanga
Kathama tjigalo tje ngoni nge golide yakatjenapadziwa, tje bulefu gwe thambo mbili dzina gaswa, ne bupabi gwe thambo ina gaswa.
English7
Then he made two cherubim out of hammered gold at the ends of the cover.
African Kalanga
Kathama dzikherubhu mbili dze golide yakathugwa, kadzithamila mu midzibo mibili ye tjigalo tje ngoni.
English8
He made one cherub on one end and the second cherub on the other; at the two ends he made them of one piece with the cover.
African Kalanga
Kherubhu ing'ompela ili ku phelelo dze tjigalo, ing'ompela ili ku phelelo imwe ye tjigalo, dzikherubhu idzedzi dzakabe dzili ku ndzibo we tjigalo tje ngoni, kuti ndizo idzo ne tjifumiko dzibe dzakabhatana.
English9
The cherubim had their wings spread upward, overshadowing the cover with them. The cherubim faced each other, looking toward the cover.
African Kalanga
Dzikherubhu dzakazhula mapapilo dzakafukidza tjigalo tje ngoni nge mapapilo adzo, njiso dzadzo dzakalingisana, kuyendila ku tjigalo tje ngoni kwakabe kuli njiso tje dzikherubhu.
English10
They made the table of acacia wood–two cubits long, a cubit wide, and a cubit and a half high.
African Kalanga
Kakale kathama tafuli nge makwasayile e nti unoyi n'wunga, ye bulefu gwe thambo mbili, bupabi gwayo guli thambo ing'ompela, bulefu kudwa pasi kuyenda pezhugwi guli thambo ina gaswa.
English11
Then they overlaid it with pure gold and made a gold molding around it.
African Kalanga
Kaidzulula nge golide yakatjenapadziwa, kathama tjirepuli nge golide kuipoteleka.
English12
They also made around it a rim a handbreadth wide and put a gold molding on the rim.
African Kalanga
Kathama gwasayile le bupabi gwe tjiazha kuipoteleka, kabe ethama tjirepuli tje golide tjakapoteleka gwasayile.
English13
They cast four gold rings for the table and fastened them to the four corners, where the four legs were.
African Kalanga
Kathama milipo ili minna ye golide, kanamatidza milipo ku midzibo minna ku makumbo ayo manna.
English14
The rings were put close to the rim to hold the poles used in carrying the table.
African Kalanga
Pejo ne gwasayile kwakabe kuna milipo inobhata mapango anosenga tafuli.
English15
The poles for carrying the table were made of acacia wood and were overlaid with gold.
African Kalanga
Kathama mapango nge nti unoyi n'wunga anosenga tafuli, kaadzulula nge golide.
English16
And they made from pure gold the articles for the table–its plates and dishes and bowls and its pitchers for the pouring out of drink offerings.
African Kalanga
Kakale kathama zwija zwe golide yakatjenapadziwa zwakabe zwibigwa pezhugwi kwe tafuli, ndilo ne ndigwana dzinopisila motsha, ne ndilo whulu ne mapepe e tjipo tje tjing'o.
English17
They made the lampstand of pure gold and hammered it out, base and shaft; its flowerlike cups, buds and blossoms were of one piece with it.
African Kalanga
Kathama tjigadziko tje mavone nge golide mbuyanana, bhato ne whumbu ye tjigadziko tje mavone zwakabe zwakathugwa, zwilongwana zwatjo ne thabi dzatjo ne maluba atjo zwakabe zwili tjithu tjing'ompela.
English18
Six branches extended from the sides of the lampstand–three on one side and three on the other.
African Kalanga
Kwakabe kuna thabi dzili tathatu dzibhudila ku mbizho dzatjo, thabi thatu dze tjigadziko tje mavone dzibhudila ku lubizho gumwe gwatjo, dzimwe thatu dzibhudila ku lubizho gumwe gwatjo.
English19
Three cups shaped like almond flowers with buds and blossoms were on one branch, three on the next branch and the same for all six branches extending from the lampstand.
African Kalanga
Zwilongwana zwitatu zwakabe zwakathamiwa mu ifano tje maluba zwili mu lutabi gung'ompela, zwina zwilongwana ne luba ne hajana dzili thatu dzakathamwa mu ifano tje luba dzili mu lutabi gung'ompela, dzina zwilongwana ne luba, kwakajalo mu thabi dzose thatu dzinobhuda mu tjigadziko tje mavone.
English20
And on the lampstand were four cups shaped like almond flowers with buds and blossoms.
African Kalanga
Ngono mu tjigadziko tje mavone kwakabe kuna zwilongwana zwili zwinna zwakathamiwa mu ifano tje maluba, zwilongwana zwazo ne maluba azo.
English21
One bud was under the first pair of branches extending from the lampstand, a second bud under the second pair, and a third bud under the third pair–six branches in all.
African Kalanga
Kukabe kuna zwilongwana kusi kwe thabi mbili zwili tjithu tjing'ompela natjo, dzisikigwa mutjili, ne zwilongwana kusi kwe thabi dzili mbili zwili tjithu tjing'ompela natjo, kwakabe kwakajalo mu thabi dzili thatu dzinobhuda mutjili.
English22
The buds and the branches were all of one piece with the lampstand, hammered out of pure gold.
African Kalanga
Zwilongwana zwazo, ne thabi dzazo zwili tjithu tjing'ompela natjo, dzisikiwa mutjili, bugose gwatjo gwakabe guli tjithu tjing'ompela, ili golide yakathugwa mbuyanana.
English23
They made its seven lamps, as well as its wick trimmers and trays, of pure gold.
African Kalanga
Kathama mavone atjo ali kutendeka, ne zwinobhatidza mavone zwatjo ne ndigwana dzatjo nge golide yakatjenapadziwa.
English24
They made the lampstand and all its accessories from one talent of pure gold.
African Kalanga
Katjithama ne zwija zwatjo zose nge bunyambi ethama nge golide mbuyanana.
English25
They made the altar of incense out of acacia wood. It was square, a cubit long and a cubit wide, and two cubits high -its horns of one piece with it.
African Kalanga
Kathama tjibeso tjinopisigwa motsha nge gwasayile le nti unoyi n'wunga, bulefu gwatjo guli thambo ing'ompela, bupabi gwatjo guli thambo ing'ompela, tjilizalizana koga, bulefu gwatjo kudwa pasi kuyenda pezhugwi guli thambo mbili, nyanga dzatjo natjo kuli tjithu tjing'ompela.
English26
They overlaid the top and all the sides and the horns with pure gold, and made a gold molding around it.
African Kalanga
Katjidzulula nge golide mbuyanana, pezhugwi kwatjo, ne mbizho dzatjo kutjipoteleka, ne nyanga dzatjo, kabe ethama tjirepuli kutjipoteleka.
English27
They made two gold rings below the molding–two on opposite sides–to hold the poles used to carry it.
African Kalanga
Kathama milipo ye golide kainamatidza kusi kwe tjirepuli tjatjo, mu mbizho dzatjo kulingisana, ili inobhata mapango kutjisenga.
English28
They made the poles of acacia wood and overlaid them with gold.
African Kalanga
Kathama mapango nge gwasayile le nti unoyi n'wunga, kaadzulula nge golide.
English29
They also made the sacred anointing oil and the pure, fragrant incense–the work of a perfumer.
African Kalanga
Kakale kathama mafuta anozhodziwa akayengemala ne motsha unonuwha zwinozipa, kazwithama se nthu unotubula thama zwinonuwhilila.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.