The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Exodus 40English
Kufuluka 40African Kalanga
- African Kalanga
Yahwe bakadwa Mushe bakati,
- African Kalanga
“Mu zhuba le kutanga le mwedzi we kutanga unoteya bugalo gwe Ndzimu, nshasha we bushanganilo.
- African Kalanga
Ngono ubige bhokisi le butendeki mukati kwago, uzwimbe bhokisi nge jila le tjisitilo.
- English4
Bring in the table and set out what belongs on it. Then bring in the lampstand and set up its lamps.
African KalangaUlonge tafuli mukati kwawo, ulongolose zwija zwe tafuli pezhugwi kwayo, ube ulonga tjigadziko tje luvone mukati kwawo, ube upisa mavone.
- English5
Place the gold altar of incense in front of the ark of the Testimony and put the curtain at the entrance to the tabernacle.
African KalangaUbige tjibeso tjinopisigwa zwibhayilo tje golide tjinopisila motsha mbeli kwe bhokisi le butendeki, ngono ube ubiga jila le tjisitilo pa nkoba we bugalo gwe Ndzimu.
- English6
“Place the altar of burnt offering in front of the entrance to the tabernacle, the Tent of Meeting;
African KalangaUbige tjibeso tjinopisigwa zwibhayilo zwinopisiwa mbeli kwe nkoba we bugalo gwe Ndzimu, nshasha we bushanganilo.
- African Kalanga
Ubige bhavu linongulila pakati kwe nshasha we bushanganilo ne tjibeso tje tjibhayilo, ube udila vula mu bhavu.
- African Kalanga
Uwubakilile uwupoteleka, ube ubiga jila le tjisitilo pa nkoba.
- English9
“Take the anointing oil and anoint the tabernacle and everything in it; consecrate it and all its furnishings, and it will be holy.
African Kalanga“Utole mafuta anozhodziwa, ngono uzhodze bugalo gwe Ndzimu, ne zwija zose zwimuguli, uguyengemadze kose ne zwija zwago zose, ngono gowoyengemala.
- English10
Then anoint the altar of burnt offering and all its utensils; consecrate the altar, and it will be most holy.
African KalangaKakale uzhodze tjibeso tjinopisigwa zwibhayilo zwinopisiwa ne zwija zwatjo zose, uyengemadze tjibeso tjinopisigwa zwibhayilo, ngono tjoyengemala kwazo kwazo.
- African Kalanga
Uzhodze bhavu linongulila ne tjigadziko tjalo ube uzwiyengemadza.
- African Kalanga
“Uzhise Aroni ne bakololo babe ku nkoba we nshasha we bushanganilo ngono ubangudze nge vula.
- English13
Then dress Aaron in the sacred garments, anoint him and consecrate him so he may serve me as priest.
African KalangaNgono uambadze Aroni zwiambalo zwe bupirisiti zwakayengemala, unzhodze ube un'yengemadza kuti andishingile ali mpirisiti.
- African Kalanga
Uzhise bakololo babe ubaambadze zwiambalo zwakanaka zwakalukwa.
- English15
Anoint them just as you anointed their father, so they may serve me as priests. Their anointing will be to a priesthood that will continue for all generations to come.”
African KalangaUbazhodzebo sekwa wazhodza tate babo, kuti ndizo bandishingile bali bapirisiti ngono zhodziwa kwabo kowobadumila kudwilila nge bupirisiti kunoti ku zwizekugwana zwabo.”
- African Kalanga
Ndizo Mushe kathama kose kuyendidzana ne sekwa adwiwa ndi Yahwe.
- African Kalanga
Ngono mu mwedzi we kutanga mu gole le bubili, mu zhuba le kutanga le mwedzi, bugalo gwe Ndzimu gwakabakwa.
- English18
When Moses set up the tabernacle, he put the bases in place, erected the frames, inserted the crossbars and set up the posts.
African KalangaMushe kateya bugalo gwe Ndzimu, kawala zwigadziko zwago, kamisa makwasayile ago, katshila phanda dzago, kamilidza mapango ago.
- English19
Then he spread the tent over the tabernacle and put the covering over the tent, as the Lord commanded him.
African KalangaNgono kathama denga pezhugwi kwe bugalo gwe Ndzimu, kabe efukidza nshasha nge kuyilikanya masayili pezhugwi kwawo, sekwa kadwiwa Mushe ndi Yahwe.
- English20
He took the Testimony and placed it in the ark, attached the poles to the ark and put the atonement cover over it.
African KalangaKatola nlayo kaulonga mu Bhokisi le Tjidumano, kabe elonga mapango mu milipo ye bhokisi kabiga tjigalo tje ngoni pezhugwi kwe bhokisi.
- English21
Then he brought the ark into the tabernacle and hung the shielding curtain and shielded the ark of the Testimony, as the Lord commanded him.
African KalangaNdizo katola bhokisi kalilonga mu bugalo gwe Ndzimu, katilika jila linolembeledziwa ethama tjisitilo tje bhokisi le butendeki sekwa kadwiwa Mushe ndi Yahwe.
- English22
Moses placed the table in the Tent of Meeting on the north side of the tabernacle outside the curtain
African KalangaKabiga tafuli mu nshasha we bushanganilo ku bunandzwa gwe bugalo gwe Ndzimu kuzhe kwe tjisitilo.
- African Kalanga
Kabiga tjiwunga pezhugwi kwe tafuli mbeli kwa Yahwe, sekwa kadwiwa Mushe ndi Yahwe.
- English24
He placed the lampstand in the Tent of Meeting opposite the table on the south side of the tabernacle
African KalangaKabiga tjigadziko tje mavone mu nshasha we bushanganilo kulingisana ne tafuli ku burwa gwe bugalo gwe Ndzimu,
- African Kalanga
kapisa mavone mbeli kwa Yahwe sekwa kadwiwa Mushe ndi Yahwe.
- African Kalanga
Mushe kabiga tjibeso tjinopisigwa zwibhayilo tje golide mu nshasha we bushanganilo mbeli kwe tjisitilo,
- African Kalanga
kabe ebiga motsha unopisiwa unonuwha zwinozipa pezhugwi kwatjo sekwa kadwiwa Mushe ndi Yahwe.
- African Kalanga
Kabe etilika jila linolembeledziwa pa nkoba we bugalo gwe Ndzimu.
- English29
He set the altar of burnt offering near the entrance to the tabernacle, the Tent of Meeting, and offered on it burnt offerings and grain offerings, as the Lord commanded him.
African KalangaKabe ebiga tjibeso tjinopisigwa zwibhayilo zwinopisiwa pa nkoba we bugalo gwe Ndzimu kabe episila mutjili tjipo tje mathunde tjinopisiwa sekwa kadwiwa Mushe ndi Yahwe.
- English30
He placed the basin between the Tent of Meeting and the altar and put water in it for washing,
African KalangaKabiga bhavu linongulila pakati kwe nshasha we bushanganilo ne tjibeso tjinopisigwa zwibhayilo, kabe edila vula inongula mulili,
- African Kalanga
Mushe na Aroni ne bakololo babe bakabe bengula maboko ne makumbo abo ndiyo.
- English32
They washed whenever they entered the Tent of Meeting or approached the altar, as the Lord commanded Moses.
African KalangaBakabe beti ha bengina mu nshasha we bushanganilo kene besedzela pa tjibeso tjinopisigwa zwibhayilo bengula sekwa kadwiwa Mushe ndi Yahwe.
- English33
Then Moses set up the courtyard around the tabernacle and altar and put up the curtain at the entrance to the courtyard. And so Moses finished the work. The Glory of the Lord
African KalangaNgono kabakilila bugalo gwe Ndzimu ne tjibeso tjinopisigwa zwibhayilo nge nsha, kabe ebiga tjisitilo pa nkoba we nsha. Ndizo Mushe kawidza nshingo wose.
- English34
Then the cloud covered the Tent of Meeting, and the glory of the Lord filled the tabernacle.
African KalangaNdizo gole likakwididza nshasha we bushanganilo ngono tjedza tja Yahwe tjikazhala bugalo gwe Ndzimu.
- English35
Moses could not enter the Tent of Meeting because the cloud had settled upon it, and the glory of the Lord filled the tabernacle.
African KalangaNgono Mushe kasitubule kungina mu nshasha we bushanganilo, ngobe gole laukwididza ne tjedza tja Yahwe tjazhala mu bugalo gwe Ndzimu.
- English36
In all the travels of the Israelites, whenever the cloud lifted from above the tabernacle, they would set out;
African KalangaMu njendo dzabo dzose Baiziraela bakabe bedwilidza gwendo koga ha gole lamilidzigwa pezhugwi kudwa mu bugalo gwe Ndzimu, bathu be Iziraela bakabe bedwilidza gwendo gwabo.
- African Kalanga
Koga ha gole lisamilidzigwa pezhugwi, Baiziraela bakabe basingake bakayendila mbeli kudzina kuswika zhuba le gole limilidzigwa pezhugwi.
- English38
So the cloud of the Lord was over the tabernacle by day, and fire was in the cloud by night, in the sight of all the house of Israel during all their travels.
African KalangaNdizo gole la Yahwe lakabe ligala pezhugwi kwe bugalo gwe Ndzimu masikati, ngono moto ube mu gole kuli busiku, mu mesho e Iziraela bose mu njendo dzabo dzose.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.