Ezra 5 | Old Testament

Book Chapter Verse

Ezra 5English

Ezera 5African Kalanga

English1
Now Haggai the prophet and Zechariah the prophet, a descendant of Iddo, prophesied to the Jews in Judah and Jerusalem in the name of the God of Israel, who was over them.
African Kalanga
Ipapo balebesambeli, Hagayi na Zekariya nkololo wa Ido, bakalebesambeli ku Bajuta bakabe begala mu Juda neku Jerusalema mu zina le Ndzimu we Iziraela wabakabe balipasi kwawo.
English2
Then Zerubbabel son of Shealtiel and Jeshua son of Jozadak set to work to rebuild the house of God in Jerusalem. And the prophets of God were with them, helping them.
African Kalanga
Ngono Zerubhabeli nkololo wa Shealitiyele na Jeshuwa nkololo wa Jozadaki bakamilika bakatangisa kumusa Ng'umba ye Ndzimu mu Jerusalema. Balebesambeli be Ndzimu bakabe banabo bebabhatsha.
English3
At that time Tattenai, governor of Trans-Euphrates, and Shethar-Bozenai and their associates went to them and asked, “Who authorized you to rebuild this temple and restore this structure?”
African Kalanga
Mu tjibaka itjetjo Tatenayi nlauli we ntuthu uku gwizi gwe golombedzo le Yufuratesi na Shetaribhozenayi ne bamwe babakabe beshingidzana nabo bakayenda ku bali bakaswika be bhuzwa beti “Ndiyani wamupa simba lekuti mumuse ng'umba iyeyi ne kuibgwiliza mutjimo itjetji kene?”
English4
They also asked, “What are the names of the men constructing this building?”
African Kalanga
Bakababhuzwa kakale beti, “Mazina e bathu banobumba ng'umba iyeyi ndiboani?”
English5
But the eye of their God was watching over the elders of the Jews, and they were not stopped until a report could go to Darius and his written reply be received.
African Kalanga
Koga Ndzimu wakabe una bakulu be Bajuta, abazomisiwa mu kubaka kuswikilila zibiso iswika kuna Dariyasi, ngono shandulo ikayisiwa ili mu nkwalo.
English6
This is a copy of the letter that Tattenai, governor of Trans-Euphrates, and Shethar-Bozenai and their associates, the officials of Trans-Euphrates, sent to King Darius.
African Kalanga
Woyu ndiwo ntutshi we lukwalo wakatumiligwa ndi Tatenayi nlauli we golombedzo le Yufuratesi na Shetaribhozenayi ne bakabe beshingidzana naye ne bamwe balauli be Golombedzo le Yufuratesi betumilila Mambo Dariyasi.
English7
The report they sent him read as follows: To King Darius: Cordial greetings.
African Kalanga
Mbiko yabakayisa yakabe yakakwagwa sawhoku: “Kuna Mambo Dariyasi. Tshene mungabusa nge mbakiso!
English8
The king should know that we went to the district of Judah, to the temple of the great God. The people are building it with large stones and placing the timbers in the walls. The work is being carried on with diligence and is making rapid progress under their direction.
African Kalanga
“Mambo bazibe kuti takayenda ku ntuthu we Juda, ku Ng'umba ye Ndzimu nkulu. Inobakiwa nge mabgwe makulukulu, banobiga mapango akasima mu makuma. Kose ikoku banokushinga bakalonga mafupa mu nyama, ngono nshingo wakadwilila kwazo.
English9
We questioned the elders and asked them, “Who authorized you to rebuild this temple and restore this structure?”
African Kalanga
“Takabhuzwisisa bakulu ibabo, takababhuzwa kuti ‘Ndiyani wakamupa simba lekuti mumuse Ng'umba ye Ndzimu ne kuibgwiliza mu mbumbiko iyeyi?’
English10
We also asked them their names, so that we could write down the names of their leaders for your information.
African Kalanga
“Kakale takababhuzwa mazina abo kuti ndizo tiakwale muzibe mazina e batungamili ibabo.
English11
This is the answer they gave us: “We are the servants of the God of heaven and earth, and we are rebuilding the temple that was built many years ago, one that a great king of Israel built and finished.
African Kalanga
“Ngono eyi ndiyo dabilo yabakatipa: ‘Iswi ti balanda be Ndzimu we kudzimu ne shango, ngono tomusa Ng'umba ye Ndzimu yakabe yakabakwa makole manjinji akapinda, iyo yakabe yabakiwa ikapela ndi mambo nkulu we Iziraela.
English12
But because our fathers angered the God of heaven, he handed them over to Nebuchadnezzar the Chaldean, king of Babylon, who destroyed this temple and deported the people to Babylon.
African Kalanga
Koga nge kuti botate bedu bakatanga Ndzimu we kudzimu, wakaletjedza Mambo Nebukadineza we Bhabhiloni Nkhaladiya kakolomodza Ng'umba iyeyi ye Ndzimu, katola bathu bose kabayisa ku Bhabhiloni.
English13
“However, in the first year of Cyrus king of Babylon, King Cyrus issued a decree to rebuild this house of God.
African Kalanga
Ne kwakajalo, mu gole le kutanga la Sirasi mambo we Bhabhiloni, Mambo Sirasi wakadusa ndaulo yekuti kumusiwe Ng'umba ye Ndzimu.
English14
He even removed from the temple of Babylon the gold and silver articles of the house of God, which Nebuchadnezzar had taken from the temple in Jerusalem and brought to the temple in Babylon. “Then King Cyrus gave them to a man named Sheshbazzar, whom he had appointed governor,
African Kalanga
Wakatola zwija zwe golide ne siliva ne zwakabe zwatogwa ndi Nebukadineza mu Ng'umba ye Ndzimu mu Jerusalema enozwibiga ku ng'umba ye midzimu ku Bhabhiloni. Mambo Sirasi bakatola zwithu izwezo bakazwipa nlume unodang'wa Sheshibhaza wabakabiga kuti abe nlauli.
English15
and he told him, ‘Take these articles and go and deposit them in the temple in Jerusalem. And rebuild the house of God on its site.’
African Kalanga
Ngono kandwa kati, “Tola zwija izwezwi unozwibiga ku Ng'umba ye Ndzimu ku Jerusalema, kube kumusiwa Ng'umba ye Ndzimu payakabe ilipo kutanga.”
English16
So this Sheshbazzar came and laid the foundations of the house of God in Jerusalem. From that day to the present it has been under construction but is not yet finished.”
African Kalanga
Ndizo Sheshibhaza kazha kabiga nteyo we Ng'umba ye Ndzimu mu Jerusalema. Kudwa mu zhuba ilelo kuswikila ngwenu kubumbiwa kwakadwilila, ngono akuthu kukapela.’
English17
Now if it pleases the king, let a search be made in the royal archives of Babylon to see if King Cyrus did in fact issue a decree to rebuild this house of God in Jerusalem. Then let the king send us his decision in this matter.
African Kalanga
“Ha kushathisa mambo, bangaletja kukathamiwa shakisiso mu matula e thawu dze bushe dze Bhabhiloni, kubona kuti Mambo Sirasi bakabe badusa ndaulo yekuti kumusiwe Ng'umba ye Ndzimu mu Jerusalema. Ngono tokumbila kuti mambo batitumilile nkumbulo wabo nge kwe ndebo iyeyi.”

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.