The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Genesis 15English
Kutangisa 15African Kalanga
- English1
After this, the word of the Lord came to Abram in a vision: “Do not be afraid, Abram. I am your shield, your very great reward.”
African KalangaShule kwe zwithu izwezwi, dama la Yahwe likazha kuna Abhuramu mu mbono liti, “Usitje Abhuramu, imi ndi tjivikili tjitjo, mbhayilo uwo unowobe nkulu kwazo.”
- English2
But Abram said, “O Sovereign Lord, what can you give me since I remain childless and the one who will inherit my estate is Eliezer of Damascus?”
African KalangaKoga Abhuramu kashandula eti, “Tetshi wangu, She Yahwe, mowondipani? Andina mwana ngono iye unowondigala thaka ndi Eliezeri we Damasiko.”
- English3
And Abram said, “You have given me no children; so a servant in my household will be my heir.”
African KalangaNgono Abhuramu kabe eti, “Amuzondipa bana, ndizo nlanda wazwaligwa mu ng'umba yangu unowobe n'galithaka wangu.”
- English4
Then the word of the Lord came to him: “This man will not be your heir, but a son coming from your own body will be your heir.”
African KalangaIpapo dama la Yahwe likaswika kunli liti, “Nthu iwoyu aatowobe n'galithaka uwo, koga nkololo uwo pa nyama unowokugala thaka.”
- English5
He took him outside and said, “Look up at the heavens and count the stars–if indeed you can count them.” Then he said to him, “So shall your offspring be.”
African KalangaYahwe bakan'dusila kuzhe bakati, “Linga pezhugwi ubale nyenyedzi, ha ungatubula kudzibala.” Ipapo bakabe beti kunli, “Zwizekugwana zwizo zowobe zwingapo.”
- African Kalanga
Abhuramu kagalamoyo muna Yahwe, ngono ibo bakakutola kuli ndulamo.
- English7
He also said to him, “I am the Lord, who brought you out of Ur of the Chaldeans to give you this land to take possession of it.”
African KalangaNgono bakandwa bakati, “Ndimi Yahwe bakakudusa ku Uri we Bakhaladiya kukupa shango iyeyi kuithuwa kube iyo.”
- African Kalanga
Koga iye kati, “She Yahwe, tetshi wangu ndowoziba tjini kuti ndowoithuwa?”
- English9
So the Lord said to him, “Bring me a heifer, a goat and a ram, each three years old, along with a dove and a young pigeon.”
African KalangaYahwe bakati, “Zhisa pholombe ye ng'ombe ne mbudzi hadzi ne nyundo, tjimwe ne tjimwe tjazo tjibe tjina makole matatu, uzhise ne njiba ne ngurukukwana.”
- English10
Abram brought all these to him, cut them in two and arranged the halves opposite each other; the birds, however, he did not cut in half.
African KalangaAbhuramu kabazhisila zwithu izwezwi zose, kazwiphatula na pakati ebe ebiga mbabi edzibapisa koga nyuni kasidzithubulanye.
- African Kalanga
Ngono nyuni dzinoja nyama dzikagala pa mitumbu yadzo, koga Abhuramu kadzitata.
- English12
As the sun was setting, Abram fell into a deep sleep, and a thick and dreadful darkness came over him.
African KalangaKukati zhuba lingina, Abhuramu kabhakhwa nge whope whulu ngono zhalima linotjisa likankwididza.
- English13
Then the Lord said to him, “Know for certain that your descendants will be strangers in a country not their own, and they will be enslaved and mistreated four hundred years.
African KalangaIpapo Yahwe bakati kuna Abhuramu, “Ziba kuti zwizekugwana zwizo zowobe bataya mu shango isiyazo, zowobashingila, ngono banowozwidziyidza makole ali mazana ali manna (400).
- English14
But I will punish the nation they serve as slaves, and afterward they will come out with great possessions.
African KalangaKoga ndowoloba itjaba tjazwinoshingila, shule kwa ipapo zowobhuda ne thundu isishoma.
- African Kalanga
Koga iwe unowofa lufu lubuya wakula ukayenda kuna botate babo.
- English16
In the fourth generation your descendants will come back here, for the sin of the Amorites has not yet reached its full measure.”
African KalangaZowobuya ngeno mu tjibaka tje tjizekugwana tje bunna, ngoti mbipo ye Baamori aithu ikapelela.”
- English17
When the sun had set and darkness had fallen, a smoking firepot with a blazing torch appeared and passed between the pieces.
African KalangaKukati zhuba langina kwati zwititi, kukaboneka mbawula ina nthuto ne luvone ngono zwikapinda pakati kwe mbabi idzedzo.
- English18
On that day the Lord made a covenant with Abram and said, “To your descendants I give this land, from the river of Egypt to the great river, the Euphrates–
African KalangaMu zhuba ilelo Yahwe bakathama tjidumano na Abhuramu beti, “Zwizekugwana zwizo ndozwipa shango iyeyi, kudwa pa gwizi gwe Egipiti kunoti ku gwizi bukulu Yufuratesi,
- African Kalanga
ne shango ye Bakeni ne ye Bakenize ne ye Kadimoni,
- African Kalanga
ne ye Bahiti ne ye Baperizi ne ye Barafa
- African Kalanga
ne ye Baamori ne ye Bakanana ne ye Bagirigashi ne ye Bajebusi.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.