The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Genesis 17English
Kutangisa 17African Kalanga
- English1
When Abram was ninety-nine years old, the Lord appeared to him and said, “I am God Almighty; walk before me and be blameless.
African KalangaAbhuramu wakati ana makole ali makumi ali zhanalume lina makole ali zhanalume (99), Yahwe bakazwilakidza kunli bakati, “Ndimi Ndzimu Masimbawose, tobela zila yangu ndizo usibe ne nlandu.
- African Kalanga
Ndowothama tjidumano tjangu pakati kwangu nawe, ngono ndowowatsha zwizekugwana zwizo.”
- African Kalanga
Abhuramu kathigama kakotamisa buso gugwe ngono Ndzimu ukati kunli,
- African Kalanga
“Tjidumano tjangu nawe etji, unowobe tate be zwitjaba zwinjinji.
- English5
No longer will you be called Abram; your name will be Abraham, for I have made you a father of many nations.
African KalangaZina lilo alitjowobe litjayi Abhuramu, koga lowobe Abhurahama ngoti ndakuthama tate be zwitjaba zwinjinji.
- African Kalanga
Ndowokuthama kuti ube ne mbeleko kwazo, ndowothama zwitjaba ndiwe, na bomambo banowodwa mukuli.
- English7
I will establish my covenant as an everlasting covenant between me and you and your descendants after you for the generations to come, to be your God and the God of your descendants after you.
African Kalanga“Ndowothama tjidumano tjangu pakati kwangu nawe ne bana babo kuyenda nge zwizekugwana zwabo zose, tjili tjidumano tjisingapele, ndibe Ndzimu uwo newe bana babo newe zwizekugwana zwabo zwinozha.
- English8
The whole land of Canaan, where you are now an alien, I will give as an everlasting possession to you and your descendants after you; and I will be their God.”
African KalangaNdowokupa iwe ne zwizekugwana zwizo zwinozha shango iyeyi ya uli ntaya muili, shango ye Kanana inowobe shango ye bana babo nge kusingapele, ngono ndowobe Ndzimu wabo.”
- English9
Then God said to Abraham, “As for you, you must keep my covenant, you and your descendants after you for the generations to come.
African KalangaNdzimu ukadwa Abhurahama ukati, “Iwe ulondolodze tjidumano tjangu, iwe ne bana babo ne zwizekugwana zwinowozha.
- English10
This is my covenant with you and your descendants after you, the covenant you are to keep: Every male among you shall be circumcised.
African KalangaEtji nditjo tjidumano tjangu tjamunowolondolodza pakati kwangu namwi ne bana babo ne zwizekugwana zwinowozha, we tjilume mmwe ne mmwe pakati kwenyu unowothumbigwa.
- English11
You are to undergo circumcision, and it will be the sign of the covenant between me and you.
African KalangaMowothumbigwa ngono kuthumbigwa ikoku kowobe tjilakidzo tje tjidumano pakati kwangu namwi.
- English12
For the generations to come every male among you who is eight days old must be circumcised, including those born in your household or bought with money from a foreigner–those who are not your offspring.
African KalangaMwana mmwe ne mmwe we tjilume wazwagwa mu nzi kene ali wawakatenga nge mari awo mu bataya kene ali wazwagwa asi we zwizekugwana zwizo, athumbigwe ana mazhuba ali zhanakadzi (8).
- English13
Whether born in your household or bought with your money, they must be circumcised. My covenant in your flesh is to be an everlasting covenant.
African KalangaBose bazwagwa mu nzi kene bali bawakatenga nge mari awo mu bataya kene bali bakazwagwa basi be zwizekugwana zwizo ngabathumbigwe. Ndizo tjidumano tjangu tjowobe mu mibili yenyu, tjili tjidumano tjisingapele.
- English14
Any uncircumcised male, who has not been circumcised in the flesh, will be cut off from his people; he has broken my covenant.”
African KalangaNthu tjilume mmwe ne mmwe usakathumbigwa mu mbili uwe ngaadusiwe mu bathu bakanyi kwabo, ngoti watjuluka tjidumano tjangu.”
- English15
God also said to Abraham, “As for Sarai your wife, you are no longer to call her Sarai; her name will be Sarah.
African KalangaNdzimu ukati kuna Abhurahama, “Ngekwa Sarayi nkadzi uwo, autjon'dana uti Sarayi, koga Sara ndilo linowobe zina lile.
- English16
I will bless her and will surely give you a son by her. I will bless her so that she will be the mother of nations; kings of peoples will come from her.”
African KalangaNdowonkombolela, tjikulu ndowokupa nkololo ndiye. Ndowonkombolela ngono unowobe mme be zwitjaba, bomambo be bathu banowodwa munli.”
- English17
Abraham fell facedown; he laughed and said to himself, “Will a son be born to a man a hundred years old? Will Sarah bear a child at the age of ninety?”
African KalangaAbhurahama kathigama kakotamila pasi kaseka kazwidwa kati, “Apa mwana ungazwagwa nge nlume una makole ali zana (100) kene? Sara iye una makole ali makumi ali zhanalume (90) ungayita mwana kene?”
- African Kalanga
Abhurahama kabe eti ku Ndzimu, “Dzene Ishimaele angatjilila mu mesho enyu!”
- English19
Then God said, “Yes, but your wife Sarah will bear you a son, and you will call him Isaac. I will establish my covenant with him as an everlasting covenant for his descendants after him.
African KalangaNdzimu ukabe uti, “Akuzojalo, nkadzi uwo Sara unowokuwanila nkololo, ngono iwe unowontumila zina uti Isaki. Ndowothama tjidumano tjangu naye kube tjidumano tjisingapele mu zwizekugwana zwizwe.
- English20
And as for Ishmael, I have heard you: I will surely bless him; I will make him fruitful and will greatly increase his numbers. He will be the father of twelve rulers, and I will make him into a great nation.
African KalangaNgekwa Ishimaele, ndakuwha. Bona, ndowonkombolela anthama kabe ne mbeleko, ampa bana banjinji. Unowobe tate be batungamili bali gumi lina babili, ndowonthama itjaba tjikulu.
- English21
But my covenant I will establish with Isaac, whom Sarah will bear to you by this time next year.”
African KalangaKoga tjidumano tjangu ndowotjithama na Isaki waunowowanigwa ndi Sara gole linozha mu nsi iwoyu.”
- African Kalanga
Kukati Ndzimu wapedza kulebeleka na Abhurahama ukayenda pezhugwi udwa panli.
- English23
On that very day Abraham took his son Ishmael and all those born in his household or bought with his money, every male in his household, and circumcised them, as God told him.
African KalangaIpapo Abhurahama katola mwana uwe Ishimaele ne balanda bose bakazwaligwa mu nzi uwe ne bakatengwa nge mari awe, kabathumbila mu zhuba ilelo sekwa akabe adwiwa nge Ndzimu.
- African Kalanga
Abhurahama wakathumbigwa ana makole ali makumi ali zhanalume ana makole ali zhanalume (99).
- African Kalanga
Nkololo uwe Ishimaele wakathumbigwa ana makole ali gumi lina ali matatu (13).
- African Kalanga
Mu zhuba ilelo Abhurahama ne nkololo uwe Ishimaele bakathumbigwa,
- English27
And every male in Abraham’s household, including those born in his household or bought from a foreigner, was circumcised with him.
African Kalangane balume bose be nzi uwe, balanda bakazwaligwa mu nzi ne bakatengwa nge mari mu bataya bakathumbigwa naye.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.