The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Genesis 21English
Kutangisa 21African Kalanga
- English1
Now the Lord was gracious to Sarah as he had said, and the Lord did for Sarah what he had promised.
African KalangaYahwe bakakombolela Sara sekwa bakaleba, bakashingikadza tjabakan'gadzabgwe.
- English2
Sarah became pregnant and bore a son to Abraham in his old age, at the very time God had promised him.
African KalangaSara kazwisenga kawanila Abhurahama mwana we tjilisana nge tjibaka Ndzimu tjawakaleba mu nsi wawakalebeleka naye. Abhurahama wakabe akwegula.
- African Kalanga
Abhurahama katumila mwana uwe zina waakawana na Sara eti Isaki.
- African Kalanga
Ngono Abhurahama kathumbila Isaki nkololo uwe ana mazhuba ali zhanakadzi (8) sekwa akadwiwa nge Ndzimu.
- African Kalanga
Abhurahama wakabe ana makole ali zana (100) ha kuzwagwa Isaki nkololo uwe.
- English6
Sarah said, “God has brought me laughter, and everyone who hears about this will laugh with me.”
African KalangaIpapo Sara kati, “Ndzimu wandizhisila kushatha, ndizo mmwe ne mmwe unowowha ikoku unowoshatha nami.”
- English7
And she added, “Who would have said to Abraham that Sarah would nurse children? Yet I have borne him a son in his old age.”
African KalangaNgono kapapha kati, “Ndiani wakabe angadwa Abhurahama kati, ‘Sara unowomwisa bana?’ Ngono yezo, ndan'wanila nkololo mu kukwegula kukwe.”
- African Kalanga
Mwana kakula kadusiwa mu zhamu, ngono Abhurahama kathama nzano nkulu mu zhuba lakadusiwa Isaki mu zhamu.
- African Kalanga
Limwe zhuba Sara kabona nkololo wa Haga we Egipiti waakawana na Abhurahama edadila mwana uwe Isaki.
- English10
and she said to Abraham, “Get rid of that slave woman and her son, for that slave woman’s son will never share in the inheritance with my son Isaac.”
African KalangaNgono kadwa Abhurahama kati, “Tata nlandakadzi ne nkololo uwe, ngobe nkololo we nlandakadzi aatogala thaka ne nkololo wangu Isaki.”
- African Kalanga
Ndebo iyeyi ikadziyidza Abhurahama kwazo ngekwe nkololo uwe.
- English12
But God said to him, “Do not be so distressed about the boy and your maidservant. Listen to whatever Sarah tells you, because it is through Isaac that your offspring will be reckoned.
African KalangaKoga Ndzimu ukati kuna Abhurahama, “Usidziyidzike ngekwe mbisana ne ngekwe nlandakadzi uwo, tjimwe ne tjimwe Sara tjaanokudwa utjishinge ngekuti ludzi gugo gowodang'wa nge zina la Isaki.
- African Kalanga
Ngekwe mwana we nlandakadzi, ndowothama ludzi gugwe gukabe itjaba ngoti na iyebo nkololo uwo.”
- English14
Early the next morning Abraham took some food and a skin of water and gave them to Hagar. He set them on her shoulders and then sent her off with the boy. She went on her way and wandered in the desert of Beersheba.
African KalangaNdizo Abhurahama kabinduka tjimuka katola zojiwa ne ikuyu tje vula kazwipa Haga, kankhiga izo kantata kati ayende ne mbisana. Kayenda kanodzungayila mu tjilambanyika tje Bheerisheba.
- African Kalanga
Vula ikati yapela mu ikuyu kagadza mbisana kusi kwe limwe denjana.
- English16
Then she went off and sat down nearby, about a bowshot away, for she thought, “I cannot watch the boy die.” And as she sat there nearby, she began to sob.
African KalangaHaga kayenda thambgwana, bukule gungaposiwa nsebe ukanobhayapo. Kazwidwa kati, “Andingatubule kulinga mwanangu efa.” Kati atjigele ipapo mwana kamilidza whi kalila.
- English17
God heard the boy crying, and the angel of God called to Hagar from heaven and said to her, “What is the matter, Hagar? Do not be afraid; God has heard the boy crying as he lies there.
African KalangaNdzimu ukawha tjililo tje mbisana ngono ntumwa we kudzimu ukabhuzwa Haga uli kudzimu ukati, “Ini tjakudziyidza Haga? Usitje ngoti Ndzimu wawha tjililo tje mbisana.
- African Kalanga
Milika utole mbisana umbhate nge luboko ngekuti ndowonthama itjaba tjikulu.”
- English19
Then God opened her eyes and she saw a well of water. So she went and filled the skin with water and gave the boy a drink.
African KalangaIpapo Ndzimu ukazhula mesho awe ngono kabona tshime le vula. Kayenda kanozhadza ikuyu nge vula kapa mbisana kang'wa.
- African Kalanga
Ndzimu ukabe ne mbisana ngono mbisana kakula. Kagala mu tjilambanyika kabe nyambi ye kushingisa dati ne misebe.
- African Kalanga
Kagala mu tjilambanyika tje Parani ngono mmeyabe bakanshakila nkadzi ku Egipiti.
- English22
At that time Abimelech and Phicol the commander of his forces said to Abraham, “God is with you in everything you do.
African KalangaNge tjibaka itjetjo Abimeleki ana Fikoli nlauli we babhayani ba Abimeleki bakadwa Abhurahama bakati, “Ndzimu unawe mu tjimwe ne tjimwe tjaunoshinga.
- English23
Now swear to me here before God that you will not deal falsely with me or my children or my descendants. Show to me and the country where you are living as an alien the same kindness I have shown to you.”
African KalangaNgwenu ndizo tuna nge Ndzimu kuti aungandithamile bupitipiti imi ne bana bangu nenge zwizekugwana zwangu. Undilakidze buthu gunonga gwandakakulakidza ubuye ugulakidze shango iyeyi yaunotjila muili.”
- African Kalanga
Abhurahama kabe eti, “Ndotuna.”
- English25
Then Abraham complained to Abimelech about a well of water that Abimelech’s servants had seized.
African KalangaIpapo Abhurahama kayisa ng'ong'olo kuna Abimeleki ngekwe tshime le vula lakatapiwa ne balanda ba Abimeleki.
- English26
But Abimelech said, “I don’t know who has done this. You did not tell me, and I heard about it only today.”
African KalangaAbimeleki kati, “Anditoziba kuti ndiani wakathama kuthu ikoku. Auzotongo ndibudza, naiko andizotongo wha nge kwako kuswikila nasi.”
- English27
So Abraham brought sheep and cattle and gave them to Abimelech, and the two men made a treaty.
African KalangaNdizo Abhurahama katola pkhwizi ne ng'ombe kadzipa Abimeleki ngono balume ibaba babili bakathama tjidumano.
- African Kalanga
Abhurahama katheula pkhwizana hadzi dzili kutendeka.
- English29
and Abimelech asked Abraham, “What is the meaning of these seven ewe lambs you have set apart by themselves?”
African KalangaAbimeleki kabhuzwa Abhurahama kati, “Pkhwizana idzedzi dzili kutendeka dzawatheula dzodwani?”
- African Kalanga
Abhurahama kabe eti, “Amutjila pkhwizana idzedzi dzili kutendeka, kube tjilakidzo tje butendeki gwe kuti ndimi ndakatsha tshime ileli.”
- African Kalanga
Ndizo magalo iyawo kadang'wa kuyi Bheerisheba ngobe bose bubili gwabo bakatunilana ikoko.
- English32
After the treaty had been made at Beersheba, Abimelech and Phicol the commander of his forces returned to the land of the Philistines.
African KalangaNdizo bakathama tjidumano ku Bheerisheba, Abimeleki na Fikoli nlauli we babhayani bakamilika bakabgwilila ku shango ye Bafilisitiya.
- English33
Abraham planted a tamarisk tree in Beersheba, and there he called upon the name of the Lord, the Eternal God.
African KalangaAbhurahama kadzwala nti we ntamarisiki mu Bheerisheba ngono kanamata Yahwe, Ndzimu we kusingapele.
- African Kalanga
Abhurahama kagala mu shango ye Bafilisitiya tjibaka tjilefu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.