The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Genesis 35English
Kutangisa 35African Kalanga
- English1
Then God said to Jacob, “Go up to Bethel and settle there, and build an altar there to God, who appeared to you when you were fleeing from your brother Esau.”
African KalangaIpapo Ndzimu ukati kuna Jakubo, “Milika uyende ku Bhetele unogalako ngono ubakile Ndzimu iwoyu wakaboneka ku kuli pawakabe utizha nkulu uwo Esau.”
- English2
So Jacob said to his household and to all who were with him, “Get rid of the foreign gods you have with you, and purify yourselves and change your clothes.
African KalangaNdizo Jakubo kadwa be nsha uwe na bose bakabe banaye kati, “Lashani midzimu yamunayo isi iyo, mu zwitjenapadze muambale zwiambalo zwipoga.
- English3
Then come, let us go up to Bethel, where I will build an altar to God, who answered me in the day of my distress and who has been with me wherever I have gone.”
African KalangaTofuluka ipapa toyenda ku Bhetele kwandinowobakila Ndzimu wakandiwha ukandidabila ndili mu manikano tjibeso tjinopisigwa zwibhayilo. Wakabe nami kumwe ne kumwe kwandakayenda.”
- English4
So they gave Jacob all the foreign gods they had and the rings in their ears, and Jacob buried them under the oak at Shechem.
African KalangaNdizo bakapa Jakubo midzimu yose isi iyo ne mang'ina ngono Jakubo kazwitshila kusi kwe nti nkulu we pakayengemala wa More mu Shekemu ngono bakatola gwendo.
- English5
Then they set out, and the terror of God fell upon the towns all around them so that no one pursued them.
African KalangaBakati beyenda lutjo gwe Ndzimu gukawila mizi yose kubapoteleka ndizo kukasheta wa londa bakololo ba Jakubo.
- African Kalanga
Jakubo ne bathu bose baakabe anabo bakaswika ku Luzi (kene Bhetele) mu shango ye Kanana.
- English7
There he built an altar, and he called the place El Bethel, because it was there that God revealed himself to him when he was fleeing from his brother.
African KalangaKabaka tjibeso tjinopisigwa zwibhayilo ikoko katjidana eti Eli Bhetele ngoti ndipo ipapo Ndzimu pawakazwilakidza kunli paakabe etizha nkulu uwe.
- English8
Now Deborah, Rebekah’s nurse, died and was buried under the oak below Bethel. So it was named Allon Bacuth.
African KalangaDebora nlandakadzi wa Ribeka wakatjinyikila ipapo ngono kabiganyiwa kusi kwe nti nkulu we pakayengemala ku burwa gwe Bhetele. Ukatumigwa zina kuyi, “Nti we Tjililo.”
- African Kalanga
Jakubo wakati abuya edwa ku Padani Aramu Ndzimu ukaboneka kunli kakale ngono ukankombolela.
- English10
God said to him, “Your name is Jacob, but you will no longer be called Jacob; your name will be Israel.” So he named him Israel.
African KalangaNdzimu ukati kunli, “Zina lilo ndi Jakubo, koga autjowodang'wa Jakubo, zina lilo lowobe Iziraela.” Ndizo ukantumila uti Iziraela.
- English11
And God said to him, “I am God Almighty; be fruitful and increase in number. A nation and a community of nations will come from you, and kings will come from your body.
African KalangaNdzimu ukabe uti kunli, “Ndi Ndzimu Masimbawose, ibe ne mbeleko uwande. Mukuli kowobhuda zwitjaba na bomambo banowobhuda mukuli.
- English12
The land I gave to Abraham and Isaac I also give to you, and I will give this land to your descendants after you.”
African KalangaShango yandakapa Abhurahama na Isaki ndokupabo iyo, ndowobuya aipabo bana babo banozha shule kuko.”
- African Kalanga
Ndzimu ukathubukana naye pawakalebesana naye ukayenda kudzimu.
- English14
Jacob set up a stone pillar at the place where God had talked with him, and he poured out a drink offering on it; he also poured oil on it.
African KalangaJakubo kamisa bgwe pa bugalo gwaakalebesana ne Ndzimu paguli kalidila tjipo tje tjing'o, kalidila ne mafuta.
- African Kalanga
Ndizo Jakubo katumila zina bugalo igogo gwakati Ndzimu ukalebeleka naye kati Bhetele.
- English16
Then they moved on from Bethel. While they were still some distance from Ephrath, Rachel began to give birth and had great difficulty.
African KalangaBakamilidza gwendo gwabo kudwa mu Bhetele. Bakati batjithambo kuyenda ku Efurati, Rahele katangisiwa nge zwibhayo zwe kutshibama.
- English17
And as she was having great difficulty in childbirth, the midwife said to her, “Don’t be afraid, for you have another son.”
African KalangaNgono wakati etshibama ali mu zwibhayo ewha zogwadza kwazo, ntshibamisi kandwa kati, “Usitje ngoti unowobe ne mmwe mwana we tjilisana.”
- English18
As she breathed her last–for she was dying–she named her son Ben-Oni. But his father named him Benjamin.
African KalangaKwakati meya iye yopela woyendila kufa ngoti wakabe efa, katumila mwana uwe kati Bhenoni koga tate babe bakantumila beti Bhenjamini.
- African Kalanga
Ndizo Rahele kafa ngono kabiganyiwa pawhunde ne zila inoyenda ku Efurati iyo inodang'wa Bhetelehema.
- African Kalanga
Jakubo kamisa bgwe le ikumbuludzo pa ikumbu tja Rahele, kuswikila zhuba lino, bgwe ilelo lolakidza ikumbu tjitje.
- African Kalanga
Iziraela kadwilidza gwendo gugwe kakale ngono kanobaka nshasha uwe mbeli kwe Migidala Ederi.
- English22
While Israel was living in that region, Reuben went in and slept with his father’s concubine Bilhah, and Israel heard of it. Jacob had twelve sons:
African KalangaKukati Iziraela atjigele mu magalo iyawo Rubheni kangina mu ng'umba na Bhiliha nkadzi ntukunu wa tate babe ngono Iziraela kawha nge kwako. Bakololo ba Jakubo bakabe bali gumi lina mido mibili.
- English23
The sons of Leah: Reuben the firstborn of Jacob, Simeon, Levi, Judah, Issachar and Zebulun.
African KalangaBakololo ba Liya bakabe bali bo Rubheni, mbano ya Jakubo na Simiyoni na Levi na Juda na Isakari na Zebuluni.
- African Kalanga
Bakololo ba Rahele bakabe bali bo Josefa na Bhenjamini.
- African Kalanga
Bakololo ba Bhiliha nlandakadzi wa Rahele bakabe bali bo Dani na Nafutali.
- English26
The sons of Leah’s maidservant Zilpah: Gad and Asher. These were the sons of Jacob, who were born to him in Paddan Aram.
African KalangaBakololo ba Zilipa nlandakadzi wa Liya bakabe bali bo Gadi na Asheri. Ibaba ndibo bakabe bali bakololo ba Jakubo baakazwala atji mu Padani Aramu.
- English27
Jacob came home to his father Isaac in Mamre, near Kiriath Arba (that is, Hebron), where Abraham and Isaac had stayed.
African KalangaJakubo kaswika kanyi kuna tate babe Isaki ku Mamure pejo ne Kiriyatiaribha (Heburoni) kwakatongogala Abhurahama na Isaki.
- African Kalanga
Isaki wakatjila makole ali zana lina makole ali zhanakadzi (180),
- English29
Then he breathed his last and died and was gathered to his people, old and full of years. And his sons Esau and Jacob buried him.
African Kalangangono Isaki kafa akula, akwegula. Bakololo babe Esau na Jakubo bakambiganya.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.