The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Genesis 7English
Kutangisa 7African Kalanga
- English1
The Lord then said to Noah, “Go into the ark, you and your whole family, because I have found you righteous in this generation.
African KalangaIpapo Yahwe bakadwa Nuwa bakati, “Ngina mu araka, iwe ne nsha uwo ngoti iwe ndawana wakalulwama mu bathu be tjibaka itjetji.
- English2
Take with you seven of every kind of clean animal, a male and its mate, and two of every kind of unclean animal, a male and its mate,
African KalangaUngine ne phuka ndume dzili kutendeka, imwe ne imwe ina nkwinya wayo hadzi dze ludzi gumwe ne gumwe gwe phuka mbuyanana. Mu phuka dzisi mbuyanana utole mbili mu ludzi gumwe ne gumwe ili ndume ne hadzi,
- English3
and also seven of every kind of bird, male and female, to keep their various kinds alive throughout the earth.
African Kalangane nyuni utole ndume dzili kutendeka ne hadzi dzadzo dzili kutendeka dze njudzi dzose kuti njudzi dzose dzitjile mu shango.
- English4
Seven days from now I will send rain on the earth for forty days and forty nights, and I will wipe from the face of the earth every living creature I have made.”
African KalangaNgoti shule kwe mazhuba ali kutendeka ndowonisa vula mu shango mazhuba ali makumi manna ne masiku ali makumi manna, ngono ndowokuba tjimwe ne tjimwe tjinotjila tjandakabumba mu shango.”
- African Kalanga
Nuwa kathama kose kwaakadwiwa ndi Yahwe.
- African Kalanga
Nuwa wakabe ana makole ali mazana ali matathatu (600) ha nkubila we vula uzha mu shango.
- English7
And Noah and his sons and his wife and his sons’ wives entered the ark to escape the waters of the flood.
African KalangaNuwa ne nkadzi uwe ne bakololo babo ne bakadzi babo bakangina mu araka kutizha vula dze nkubila.
- English8
Pairs of clean and unclean animals, of birds and of all creatures that move along the ground,
African KalangaPhuka dzose mbuyanana ne phuka dzose dzisi mbuyanana ne nyuni ne zwitjili zose zwinokambayila mu shango,
- African Kalanga
bubili ne bubili ili ndume ne hadzi, zwikangina mu araka kuna Nuwa, Ndzimu sekwa wakadwa Nuwa.
- African Kalanga
Ngono shule kwe mazhuba ali kutendeka vula dze nkubila dzikazha mu shango.
- English11
In the six hundredth year of Noah’s life, on the seventeenth day of the second month–on that day all the springs of the great deep burst forth, and the floodgates of the heavens were opened.
African KalangaNuwa wakati ana makole ali mazana ali matathatu (600), mu mwedzi we bubili ushwa zhuba le bugumi lina mazhuba ali kutendeka (17), muna ilelo zhuba koga, misenya i pasi ikaphutuka ikazhulika ne kudzimu kukazhulika,
- African Kalanga
ngono vula ikana siku ne sikati mu shango mazhuba ali makumi manna ne masiku ali makumi manna (40).
- English13
On that very day Noah and his sons, Shem, Ham and Japheth, together with his wife and the wives of his three sons, entered the ark.
African KalangaMuna ilelo zhuba Nuwa ne bakololo babe Shemu na Hamu na Jafeti, kang'ompela ne nkadzi uwe ne bakadzi be bakololo babe bakangina mu araka.
- English14
They had with them every wild animal according to its kind, all livestock according to their kinds, every creature that moves along the ground according to its kind and every bird according to its kind, everything with wings.
African KalangaImomo bakabe bana phuka imwe ne imwe ye shango kuyenda nge ludzi gwayo ne zwithuwo zose nge njudzi dzazo ne tjimwe ne tjimwe tjinokambayila mu shango nge ludzi gwatjo ne nyuni imwe ne imwe nge ludzi gwayo, tjimwe ne tjimwe tjina mapapilo.
- English15
Pairs of all creatures that have the breath of life in them came to Noah and entered the ark.
African KalangaBubili nge bubili gwe zwitjili zose zwina meya ye butjilo muzwili zwakazha kuna Nuwa zwikangina mu araka.
- English16
The animals going in were male and female of every living thing, as God had commanded Noah. Then the Lord shut him in.
African KalangaPhuka dzose dzakabe dzingina mukati yakabe ili ndume ne hadzi, Ndzimu sekwa wakabudza Nuwa. Ipapo Yahwe bakanzhalilila mukati.
- English17
For forty days the flood kept coming on the earth, and as the waters increased they lifted the ark high above the earth.
African KalangaNkubila ukadwilila mu shango mazhuba ali makumi manna (40), ngono vula ikati ipaphidzika ikamilidza araka ikayenda pezhugwi.
- English18
The waters rose and increased greatly on the earth, and the ark floated on the surface of the water.
African KalangaVula ikapaphidzika kwazo mu shango, araka ikaangama pezhugwi kwe vula.
- English19
They rose greatly on the earth, and all the high mountains under the entire heavens were covered.
African KalangaVula ikamilidzika kwazo mu shango ikakwididza matombo wose malefu.
- African Kalanga
Vula ikamilidzika ikakwitidza matombo, bulefu gungabe thambo dzili kutendeka pezhugwi kwe matombo.
- English21
Every living thing that moved on the earth perished– birds, livestock, wild animals, all the creatures that swarm over the earth, and all mankind.
African KalangaZwibumbiwa zose zwimu shango zwikafa: Nyuni ne zwithuwo ne phuka dze shango ne zwikonyana zwinonyewula mu shango nenge bathu bose.
- African Kalanga
Zose zwina meya ye bupenyu mu zwimilo zwazo mu shango zwikafa.
- English23
Every living thing on the face of the earth was wiped out; men and animals and the creatures that move along the ground and the birds of the air were wiped from the earth. Only Noah was left, and those with him in the ark.
African KalangaNdizo Yahwe bakakuba tjimwe ne tjimwe tjinotjila mu shango, bathu ne phuka ne zwitjili zwinokambayila mu shango ne nyuni, zose zwakakubiwa mu shango. Nuwa koga ndiye wakasala ne bakabe banaye mu araka.
- African Kalanga
Vula ikasala yakakwididza shango mazhuba ali zana lina mazhuba ali makumi ali mashanu (150).
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.