Job 29 | Old Testament

Book Chapter Verse

Job 29English

Jobe 29African Kalanga

English1
Job continued his discourse:
African Kalanga
Jobe kadwilila kakale nge ndebeleko iye eti,
English2
“How I long for the months gone by, for the days when God watched over me,
African Kalanga
“Ungati ndingabe ndinga tjandakabe ndili itjo mimwedzi yakapinda, kunga mu mazhuba iyawaje Ndzimu ugala wakandilisa,
English3
when his lamp shone upon my head and by his light I walked through darkness!
African Kalanga
pawakabe uthama kuti luvone gwawo gupenye pezhugwi kwe nsholo wangu, nge tjedza tjawo ndipalame zhalima,
English4
Oh, for the days when I was in my prime, when God’s intimate friendship blessed my house,
African Kalanga
se mazhuba andakabe nditjakasima, kwakabe buzwalani gwangu ne Ndzimu gwakakombolela nzi wangu.
English5
when the Almighty was still with me and my children were around me,
African Kalanga
Masimbawose bakabe banami, bana bangu bakandipoteleka.
English6
when my path was drenched with cream and the rock poured out for me streams of olive oil.
African Kalanga
Matshambo angu ndakabe ndiyazhodza lubomba, mabgwe enditebukila mafuta e mitoba.
English7
“When I went to the gate of the city and took my seat in the public square,
African Kalanga
Ndakabe nditi andiyenda ku nkoba we nzi nkulu, nditi nditola tjigalo tjangu pa tjibata,
English8
the young men saw me and stepped aside and the old men rose to their feet;
African Kalanga
bazhuzha bakabe betsheduka abendibona, sholotjena dzikama nge makumbo,
English9
the chief men refrained from speaking and covered their mouths with their hands;
African Kalanga
makombgwa akabe emisa kulebeleka, bebiga maboko pa milomo yabo,
English10
the voices of the nobles were hushed, and their tongues stuck to the roof of their mouths.
African Kalanga
mawhi e banokudziwa akabe eti whu, ndimi dzabo dzakabe dzinamatilana ne mbgwasha dzabo.
English11
Whoever heard me spoke well of me, and those who saw me commended me,
African Kalanga
“Zebe yakabe endiwha ikandikombolela, zhisho lakabe lindibona likapa butendeki nge kwangu.
English12
because I rescued the poor who cried for help, and the fatherless who had none to assist him.
African Kalanga
Ngoti ndakabhatsha nshayi wakabe ekumbila bhatsho, ne siyangwa yakabe isina unoibhatsha.
English13
The man who was dying blessed me; I made the widow’s heart sing.
African Kalanga
Ndakakombolegwa ndi iwoyu wakabe abepejo ngokufa, athama kuti tjilikadzi ipembele nge kushatha.
English14
I put on righteousness as my clothing; justice was my robe and my turban.
African Kalanga
Ndakafuka ndulamo se tjiambalo tjangu, kutambunuka kwangu kukanga hazu ne tjiala ikandiambadza se hazu ne tjiala.
English15
I was eyes to the blind and feet to the lame.
African Kalanga
Ndakabe mesho ku bhofu, ndikabe makumbo ku tjilema tje makumbo.
English16
I was a father to the needy; I took up the case of the stranger.
African Kalanga
Ndakabe tate ku nshayi, amilila wandisingazibe mu lubazhe.
English17
I broke the fangs of the wicked and snatched the victims from their teeth.
African Kalanga
Ndakavuna meno e mbiimbi, adzamula wakabe awila mu meno awe.
English18
“I thought, ‘I will die in my own house, my days as numerous as the grains of sand.
African Kalanga
Ndakakumbula nditi, ‘Ndowofila mu shaka langu, ndowowatsha mazhuba angu akanga nsetje.
English19
My roots will reach to the water, and the dew will lie all night on my branches.
African Kalanga
Midzi yangu inowala ikanoti ku vula, ne thabi dzangu dzowigwa ne khawa.
English20
My glory will remain fresh in me, the bow ever new in my hand.’
African Kalanga
Gudzo langu lidzwa nsi ne nsi mundili, ne dati langu logala lilidzwa koga mu luboko gwangu.’
English21
“Men listened to me expectantly, waiting in silence for my counsel.
African Kalanga
“Bathu bakabe benditeedza nge kugalabgwe, bakabe benyalala beti whu, bewha gumbuludzo langu.
English22
After I had spoken, they spoke no more; my words fell gently on their ears.
African Kalanga
Shule kwe ndalebeleka bakabe basingatjalebe tjimwe, matama angu akabe edothekela mu zebe dzabo zubuyanana.
English23
They waited for me as for showers and drank in my words as the spring rain.
African Kalanga
Bakabe bendilindila se bakalinda vula, beashama se nthu una nyota mu nsi we nyawuko.
English24
When I smiled at them, they scarcely believed it; the light of my face was precious to them.
African Kalanga
Ndakabe ndibamwemwetelela apa basina kugalabgwe, penya kwe tjiso tjangu kwakabe kubasimisa.
English25
I chose the way for them and sat as their chief; I dwelt as a king among his troops; I was like one who comforts mourners.
African Kalanga
Ndakashalula zila yabo ngono agala sa she wabo, ndakagala sa mambo pakati kwe babhayani babe, sa iye unonyaladza banolila.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.