Job 38 | Old Testament

Book Chapter Verse

Job 38English

Jobe 38African Kalanga

English1
Then the Lord answered Job out of the storm. He said:
African Kalanga
Ipapo Yahwe bakadabila Jobe bali mu tjampupudze beti,
English2
“Who is this that darkens my counsel with words without knowledge?
African Kalanga
“Apa ndiani iwoyu unodudumwa gumbuludzo langu, nge matama asina luzibo kene?
English3
Brace yourself like a man; I will question you, and you shall answer me.
African Kalanga
Uzwilulwamise se nlume. Ndowokubhuzwisisa, ngono undidabile.
English4
“Where were you when I laid the earth’s foundation? Tell me, if you understand.
African Kalanga
“Wakabe ulingayi andisika shango? Undidabile ha una whisiso nge kwako.
English5
Who marked off its dimensions? Surely you know! Who stretched a measuring line across it?
African Kalanga
Apa ndiani wakateya shango kuti ibe bukulu gungapa kene? Kene ndiani wakatala tjilizanyo tjayo kene?
English6
On what were its footings set, or who laid its cornerstone–
African Kalanga
Thiwa dzayo dzigele muni kene? Ndiani wakabiga bgwe layo le ndzibo kene,
English7
while the morning stars sang together and all the angels shouted for joy?
African Kalanga
ha nyenyedzi dze mangwanana dzimba dzose, ne bakololo bose be kudzimu bemimila nge kushatha kene?
English8
“Who shut up the sea behind doors when it burst forth from the womb,
African Kalanga
“Kene ndiani wakazhalila gungwa nge zwizhalilo kene, pagwakaphutuka kudwa mu tjibumbilo tje shango kene?
English9
when I made the clouds its garment and wrapped it in thick darkness,
African Kalanga
Wakabe ulingayi ndifukidza gungwa nge makole, ndikalipetela nge zhalima kene?
English10
when I fixed limits for it and set its doors and bars in place,
African Kalanga
Wakabe ulingayi ha ndibiga migathu ye gungwa, ndilonga zwizhalilo zwago zwiberaberi kene?
English11
when I said, ‘This far you may come and no farther; here is where your proud waves halt’?
African Kalanga
Wakabe ulingayi ha ndidwa gungwa nditi, ‘Unopelela ipapa, ne mapundu awo e vula anozwikudza anomisiwa ipapa?’
English12
“Have you ever given orders to the morning, or shown the dawn its place,
African Kalanga
“Jobe, apa wakatongo laula mangwanana kene ukalakidza mazhokuyedza magalo awo kene?
English13
that it might take the earth by the edges and shake the wicked out of it?
African Kalanga
Wakatongo laya mazhokuyedza kuambadza mbizho dze shango, kuti babiibi babhude mu ali kene?
English14
The earth takes shape like clay under a seal; its features stand out like those of a garment.
African Kalanga
Shango inobumbika se ntapkhwi ukusi kwe ntondo inotakika se tjiambalo.
English15
The wicked are denied their light, and their upraised arm is broken.
African Kalanga
Babiibi bawana tjedza tjabo tjatogwa, luboko gwabo gwakamilidzigwa tjinya govung'wa.
English16
“Have you journeyed to the springs of the sea or walked in the recesses of the deep?
African Kalanga
“Apa wakatongo noti ku misenya ye gungwa kene, kene ukayenda mu budzilo gwe gungwa kene?
English17
Have the gates of death been shown to you? Have you seen the gates of the shadow of death?
African Kalanga
Apa wakatongo lakidziwa mikoba ye lufu, kene ukabona mikoba ye zhalima gulu?
English18
Have you comprehended the vast expanses of the earth? Tell me, if you know all this.
African Kalanga
Apa unoziba kuti shango yakashatha kungapani kene? Undibudze ha uziba kose ikoku.
English19
“What is the way to the abode of light? And where does darkness reside?
African Kalanga
“Apa unoziba kuti tjedza tjodwa ngayi kene, apa unoziba bugalo gwe zhalima kene?
English20
Can you take them to their places? Do you know the paths to their dwellings?
African Kalanga
Apa ungazwiyisa ku magalo azo kene? Apa unoziba zila inoyenda ku magalo azo kene?
English21
Surely you know, for you were already born! You have lived so many years!
African Kalanga
Nge malebeswa unoziba ngobe wakabe watjizwagwa kale! Wakatjila makole ali manji kwazo!
English22
“Have you entered the storehouses of the snow or seen the storehouses of the hail,
African Kalanga
“Apa wakatongo ngina mu matula e kapuku kene? Kene kuli kubona matula e tjivulamabgwe kene?
English23
which I reserve for times of trouble, for days of war and battle?
African Kalanga
Iwo andakabigila nsi we phipiti kene, nsi we kumukilana ne ngwa.
English24
What is the way to the place where the lightning is dispersed, or the place where the east winds are scattered over the earth?
African Kalanga
Apa unoziba zila inoyenda ku magalo anodwa lupenyo gwe vula, kene magalo iwo anotutudzila phepo dze kubhezhuba mu shango kene?
English25
Who cuts a channel for the torrents of rain, and a path for the thunderstorm,
African Kalanga
“Apa ndiani wakatsha ngolo dze vula nji kene? Apa ndiani wakathama zila ye lupenyo gwe vula kene?
English26
to water a land where no man lives, a desert with no one in it,
African Kalanga
Apa ndiani unonisa vula kusinga gale bathu kene? Apa ndiani unonisa vula mu tjilambanyika kusina ndodwa ne nthu kene?
English27
to satisfy a desolate wasteland and make it sprout with grass?
African Kalanga
Apa ndiani unodilidzila shango yakathukudzika yakawomelela, kuti ndizo bushwa guthinile kene?
English28
Does the rain have a father? Who fathers the drops of dew?
African Kalanga
“Apa vula ina tate kene? Kene ndiyani wakazwala madokhwe e khawa kene?
English29
From whose womb comes the ice? Who gives birth to the frost from the heavens
African Kalanga
Apa makaa akadwa mu tjibumbilo tjaani kene? Apa ndiani wakazwala kapuku tjinowa kudzimu kene?
English30
when the waters become hard as stone, when the surface of the deep is frozen?
African Kalanga
Itjo tjinoshandula vula ikabe bgwe kene, tjinogambisa gungwa kene?
English31
“Can you bind the beautiful Pleiades? Can you loose the cords of Orion?
African Kalanga
“Apa ungasunganya ketani dze Tjiyendan'gwi kene? Kene kuli kusunungula misungo ye Ngulube kene?
English32
Can you bring forth the constellations in their seasons or lead out the Bear with its cubs?
African Kalanga
Apa ungazhisa nyenyedzi dze burwa nge zwibaka zwazo kene? Kene kutungamila nyenyedzi whulu ne tukununu dze Ngulube kene?
English33
Do you know the laws of the heavens? Can you set up God’s dominion over the earth?
African Kalanga
Apa unoziba milayo inoyendisa mazhuzhugwi kene? Apa ungabiga ndaulo yawo mu shango kene?
English34
“Can you raise your voice to the clouds and cover yourself with a flood of water?
African Kalanga
“Apa ungamilidza whi lilo ukalaula makole kene? Kuti nkubila we vula ukufukidze kene?
English35
Do you send the lightning bolts on their way? Do they report to you, ‘Here we are’?
African Kalanga
Apa ungatumila lupenyo kuti gulobe, igo gube guti, ‘Tipano towothama’ kene?
English36
Who endowed the heart with wisdom or gave understanding to the mind?
African Kalanga
Apa ndiani wakapa makole butjenjedu kene, kene ndiani wakapa fulele whisiso kene?
English37
Who has the wisdom to count the clouds? Who can tip over the water jars of the heavens
African Kalanga
Apa ndiani una butjenjedu gwe kubala makole kene, kene ndiani ungatebula makukhwa e zhuzhugwi kene?
English38
when the dust becomes hard and the clods of earth stick together?
African Kalanga
Ha whuluba iwomelela, ibe duthu le mavu kene?
English39
“Do you hunt the prey for the lioness and satisfy the hunger of the lions
African Kalanga
“Apa ungavimila shumbakadzi tjaingaja kene? Apa ungagutsha shumbana kene,
English40
when they crouch in their dens or lie in wait in a thicket?
African Kalanga
ha dzakalindila dzakabgwata mu makuwu, kene dzililele dzakalinda mu zwishaka kene?
English41
Who provides food for the raven when its young cry out to God and wander about for lack of food?
African Kalanga
Apa ndiani unopa makungubo zojiwa, ha bana bawo belilila ku Ndzimu, beyenda yenda beshaka zojiwa kene?

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.