Job 42 | Old Testament

Book Chapter Verse

Job 42English

Jobe 42African Kalanga

English1
Then Job replied to the Lord:
African Kalanga
Ipapo Jobe kashandula Yahwe eti,
English2
“I know that you can do all things; no plan of yours can be thwarted.
African Kalanga
“Ndoziba kuti mungathama zwithu zose, tjamakazwimisila kutjithama akuna tjingamudzibila.
English3
You asked, ‘Who is this that obscures my counsel without knowledge?’ Surely I spoke of things I did not understand, things too wonderful for me to know.
African Kalanga
‘Ndiani iwoyu unosumbika gumbuludzo ngosaziba kene?’ Ndizo ndaleba zwandabe ndisinga whisise, zwithu zwakandipinda, zwandakabe ndisingazibe.
English4
“You said, ‘Listen now, and I will speak; I will question you, and you shall answer me.’
African Kalanga
Mandidwa muti, ‘Tongoteedza ndowolebeleka! Ndowokubhuzwa iwe undidabile.’
English5
My ears had heard of you but now my eyes have seen you.
African Kalanga
Ndagala ndiwha koga nge kwenyu, koga ngwenu mesho angu amubona.
English6
Therefore I despise myself and repent in dust and ashes.”
African Kalanga
Ndizo kee, ndozwishima, ndoshandukila jinyo langu ndili mu whuluba ne nlota.”
English7
After the Lord had said these things to Job, he said to Eliphaz the Temanite, “I am angry with you and your two friends, because you have not spoken of me what is right, as my servant Job has.
African Kalanga
Shule Yahwe basino kulebeleka na Jobe matama iyawa, bakadwa Elifazi we N'temani bakati, “Bushongola gwangu gwakulingisana iwe ne bakwinya babo babili, ngoti akuna tje malebeswa tjamaleba nge kwangu sa Jobe nlanda wangu aleba.
English8
So now take seven bulls and seven rams and go to my servant Job and sacrifice a burnt offering for yourselves. My servant Job will pray for you, and I will accept his prayer and not deal with you according to your folly. You have not spoken of me what is right, as my servant Job has.”
African Kalanga
Ndizoke tolani mikono ili kutendeka ne nyundo dzili kutendeka muyende ku nlanda wangu Jobe ngono mudziduse dzili zwibhayilo zwinopisiwa. Nlanda wangu Jobe unowomutembezelela, ngono imi ndowodabila ntembezelo uwe asithame kuyendidzana nge bulengwe gwenyu, ngoti amuzoleba tjakalulwama nge kwangu, Jobe nlanda wangu sekwa athama.”
English9
So Eliphaz the Temanite, Bildad the Shuhite and Zophar the Naamathite did what the Lord told them; and the Lord accepted Job’s prayer.
African Kalanga
Ndizo Elifazi we N'temani na Bhilidadi we N'shuhi na Zofa we N'namathi bakayenda bakathama tjabadwiwa ndi Yahwe, ngono Yahwe bakaamutjila ntembezelo wa Jobe.
English10
After Job had prayed for his friends, the Lord made him prosperous again and gave him twice as much as he had before.
African Kalanga
Yahwe bakabgwilizila Jobe fumwa iye asinotembezelela bakwinya babe, Yahwe bakapa Jobe kwakawanda kabili muna kwaakabe anako kutanga.
English11
All his brothers and sisters and everyone who had known him before came and ate with him in his house. They comforted and consoled him over all the trouble the Lord had brought upon him, and each one gave him a piece of silver and a gold ring.
African Kalanga
Ipapo kukazha kunli bana ba tate babe bose ne hazwadzi dzidze dzose na bose bakabe benziba ngono bakaja zojiwa naye mu ng'umba iye. Bakan'nyaladza ngekwe bubi gwakabe gwazhisiwa ndi Yahwe munli. Mmwe ne mmwe wabo kampa mari ne rin'gi ye golide.
English12
The Lord blessed the latter part of Job’s life more than the first. He had fourteen thousand sheep, six thousand camels, a thousand yoke of oxen and a thousand donkeys.
African Kalanga
Yahwe bakakombolela Jobe kudwa ipapo kupinda mu tjibaka tje kutanga: Wakabe ne danga le pkhwizi dzili zwiwulu zwili gumi lina bunna (14 000) ne kamela dzili zwiwulu zwili tathatu (6 000) ne majokwi e ng'ombe ali tjiwulu (1 000) ne madonki makadzi ali tjiwulu (1 000).
English13
And he also had seven sons and three daughters.
African Kalanga
Jobe wakapiwa bakololo bali kutendeka ne bakololokadzi bali batatu.
English14
The first daughter he named Jemimah, the second Keziah and the third Keren–Happuch.
African Kalanga
Ngono katumila nkololokadzi whola eti, “Jemima,” we bubili kampa zina eti, “Keziya,” we butatu kati ndiye “Kerenihapuki.”
English15
Nowhere in all the land were there found women as beautiful as Job’s daughters, and their father granted them an inheritance along with their brothers.
African Kalanga
Akuna mu shango yose kwakatongo wang'wa bakadzi bakanaka se bakololokadzi ba Jobe ngono tate babo bakabapa gobe le lukata gwabo pakati kwe hazwadzi dzabo.
English16
After this, Job lived a hundred and forty years; he saw his children and their children to the fourth generation.
African Kalanga
Shule kwa ipapo Jobe kadwapo katjila makole ali zana ling'ompela lina makole ali makumi manna (140), kabona bana babe ne bana be bana babe kunoti ku tjizekugwana tje bunna.
English17
And so he died, old and full of years.
African Kalanga
Shule kwa ikoku Jobe kafa akula kwazo ana makole ali manjinji.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.