The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Joshua 1English
Joshuwa 1African Kalanga
- English1
After the death of Moses the servant of the Lord, the Lord said to Joshua son of Nun, Moses’ aide:
African KalangaKwakati shule kwe lufu gwa Mushe nlanda wa Yahwe, Yahwe bakadwa Joshuwa nkololo wa Nuni wakabe ali mbatshi wa Mushe bakati,
- English2
“Moses my servant is dead. Now then, you and all these people, get ready to cross the Jordan River into the land I am about to give to them–to the Israelites.
African Kalanga“Nlanda wangu Mushe wafa, ndizoke, milika iwe ne bathu ibaba bose mutjuluke gwizi gwe Jorodani muyende ku shango yandinowomupa, imwi bathu be Iziraela.
- African Kalanga
Pamwe ne pamwe pamunowotshamba ndowomupa ipo koga sekwa ndakagadzabgwe Mushe.
- English4
Your territory will extend from the desert to Lebanon, and from the great river, the Euphrates–all the Hittite country–to the Great Sea on the west.
African KalangaNdowomupa ntuthu wose kudwa pa tjilambanyika tjiku burwa kunoti ku matombo e Lebanoni. Migathu yenyu inowotangisa pa gwizi bukulu gwe Yufuratesi ku bhezhuba, itendebukila ku shango dze Bahiti iyenda tjose inoti ku Gungwa Bukulu kunomila zhuba.
- English5
No one will be able to stand up against you all the days of your life. As I was with Moses, so I will be with you; I will never leave you nor forsake you.
African KalangaAkuna nthu unowobe ne tjilopa tje kuma mbeli kuko mu butjilo gugo gose, koga sekwa ndakabe na Mushe ndowobe nawebo, andingafe ndakuletjedzela kene akusiya.
- English6
“Be strong and courageous, because you will lead these people to inherit the land I swore to their forefathers to give them.
African KalangaSima, ube ne tjilopa ngobe unowotungamila bathu ibaba kuti batole shango yandakatuna kuna bobatategulu benyu kubapa iyo.
- English7
Be strong and very courageous. Be careful to obey all the law my servant Moses gave you; do not turn from it to the right or to the left, that you may be successful wherever you go.
African KalangaSima ube ne tjilopa tjikulu. Ubone kuti unotobela nlayo wose wawakapiwa nge nlanda wangu Mushe, usitongobuya ukapambuka muuli kene kwakatini kuti ndizo ubhudilile kumwe ne kumwe kwaunoyenda.
- English8
Do not let this Book of the Law depart from your mouth; meditate on it day and night, so that you may be careful to do everything written in it. Then you will be prosperous and successful.
African KalangaMu kunamata kwenyu, ubone kuti igogu Lukwalo gwe Nlayo gobagwa misi yose, ugubale siku ne sikati kuti ndizo ube ne njele kuthama tjimwe ne tjimwe tjakakwagwa mu guli, ngono unowobe ne kudwilila ne kubhudilila kumwe ne kumwe kwaunoyenda.
- English9
Have I not commanded you? Be strong and courageous. Do not be terrified; do not be discouraged, for the Lord your God will be with you wherever you go.”
African KalangaApa andizokudwa kene? Sima ube ne tjilopa, usitje kene ili kutemeka mafupa ngobe Yahwe Ndzimu uwo banawe kumwe ne kumwe kwaunoyenda.”
- African Kalanga
Kudwa ipapo Joshuwa kadwa batungamili be Baiziraela kati,
- English11
“Go through the camp and tell the people, ‘Get your supplies ready. Three days from now you will cross the Jordan here to go in and take possession of the land the Lord your God is giving you for your own.’”
African Kalanga“Palamani bukotokelo, ngono mudwe bathu muti, ‘Lulwamisani mbuba dzenyu, ngobe mu mazhuba matatu mowobe mutjuluka gwizi gwe Jorodani munotola shango yamunopiwa ndi Yahwe Ndzimu wedu.’ ”
- African Kalanga
Ngono Joshuwa kadwa Barubheni ne Bagadi ne gwamu le ludzi gwa Manase kati,
- English13
“Remember the command that Moses the servant of the Lord gave you: ‘The Lord your God is giving you rest and has granted you this land.’
African Kalanga“Kumbulani ndaulo yamakapiwa ndi Mushe nlanda wa Yahwe eti, ‘Yahwe Ndzimu wenyu banowomupa bugalo gwe kunyaluluka, ngono banowomupa shango iyeyi.’
- English14
Your wives, your children and your livestock may stay in the land that Moses gave you east of the Jordan, but all your fighting men, fully armed, must cross over ahead of your brothers. You are to help your brothers
African KalangaBakadzi benyu ne bana benyu ne zwithuwo zwenyu zwinga gala mu shango yamakapiwa ndi Mushe bhezhuba kwe Jorodani, koga balume bose be ngwa bakafanila kutungamila hama dzenyu Baiziraela. Makafanila kuti mubabhatshe,
- English15
until the Lord gives them rest, as he has done for you, and until they too have taken possession of the land that the Lord your God is giving them. After that, you may go back and occupy your own land, which Moses the servant of the Lord gave you east of the Jordan toward the sunrise.”
African Kalangakuswikilila Yahwe bebapa kunyaluluka, sekwa bakamuthamilabo, kakale kuswikila naibobo betola shango yabanopiwa ndi Yahwe Ndzimu wenyu. Kudwa ipapo mungabgwilila mukanogala mu shango yenyu iku bhezhuba kwe Jorodani, yamakapiwa ndi Mushe nlanda wa Yahwe.”
- English16
Then they answered Joshua, “Whatever you have commanded us we will do, and wherever you send us we will go.
African KalangaBakashandula Joshuwa beti, “Tjimwe ne tjimwe tjawatibudza towotjithama ne kumwe ne kumwe kwaunotituma towoyenda.
- English17
Just as we fully obeyed Moses, so we will obey you. Only may the Lord your God be with you as he was with Moses.
African KalangaKoga sekwa takawha Mushe mu tjimwe ne tjimwe towokuwhabo. Ngono tshene Yahwe Ndzimu uwo bakabe nawe sekwa bakabe na Mushe!
- English18
Whoever rebels against your word and does not obey your words, whatever you may command them, will be put to death. Only be strong and courageous!”
African KalangaAni kene ani unokupandukila, asingalondolodze matama awo ne tjimwe ne tjimwe tjaunon'dwa unowobulawa. Koga tjiyapo sima ube ne tjilopa!”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.