Old Testament

Ludzi gwa Juda nsha ne nsha gwakakobegwa kudwa tjose ku burwa kunoti mu n'gathu wa Edomu kunoti ku tjilambanyika tje Zini ku phelelo dze burwa.

N'gathu wabo uku burwa wakabe utangisa kunopelela Gungwa le Mwenyu wakalinga ku ndzibo we gungwa kuyendila ku burwa,

udwilila tjose uyenda ku Akarabimu kuyenda ku tjilambanyika tje Zini. Wakabe uyenda ku burwa gwe Kadeshibhareneya, upinda Hezironi kunoti ku Adari, upoteleka ungina mu Karika,

unopinda mu Azimoni unobhuda uli ku nkuku we Egipiti unopelela ku gungwa. Wakabe uli iwo n'gathu we bathu be Juda ku burwa.

N'gathu uku bhezhuba wakabe uli Gungwa le Mwenyu uyenda unoti kunopelela gwizi gwe Jorodani. N'gathu uku bunandzwa wakabe utangisa pa ndzibo we gungwa panopelela Jorodani.

N'gathu iwoyu unoyenda tjose unoti ku Bhetihogila, unopinda uli ku bunandzwa gwe Bhetiaraba uyenda tjose unoti ku bgwe la Bhohani nkololo wa Rubheni,

udwilila uyenda tjose ku Dibiri kudwa pa nkuku we Akhori ku bunandzwa ushandukila ku Giligala wakalingisana ne Adumimi ku burwa gwe nkuku, wakabe upinda vula dze Eneshemeshi unopelela ku Enerogele.

Kudwapo uyenda tjose wakasuphisa nkuku we nkololo wa Hinomu ku burwa kwakakung'ulukila kwe Bajebusi (ndiwo Jerusalema). Kudwa ipapo n'gathu unotatha dombo lakalingisana ne nkuku wa Hinomu ku golombedzo kunopelela nkuku we Refaimu.

Kudwa pezhugwi kwe dombo n'gathu ukayenda tjose wakalinga ku misenya ye vula dze Nefutoya, udelukila mu mizi ye matombo ye Efuroni uyenda tjose wakalinga ku Bhaala (whuti Kiriatijearimu).

Kudwapo ube umonelekela kudwa pa Dombo le Bhaala udwa ku Seiri uyenda tjose wakasuphisa kwakakung'ulukila kwe Dombo le Jearimu ku bunandzwa (ndiwo Khesaloni), udwilila uyenda ku Bhetishemeshi ube utjulukila ku Timina.

N'gathu wakabe upinda uyenda kwakakung'ulukila kwe duthu liku golombedzo kwe Ekironi, ushanduka wakalinga ku Shikeroni, upinda wakasuphisa Dombo le Bhaala unoti ku Jabineele unopelela ku gungwa.

N'gathu ukunomila zhuba wakabe uli ku Gungwa Bukulu. N'gathu iwoyo ndiwo unopoteleka bathu be Juda nge njudzi dzabo.

Koga Yahwe sekwa bakabe badwa Joshuwa kuti ape Khalebu nkololo wa Jefune ntome kwe Juda, Joshuwa wakapa Khalebu Kiriyatiaribha iyo inodang'wa Heburoni. (Abha wakabe ali tate ba Anakimu).

Khalebu wakatatila kutjena ludzi gwe bakololo batatu ba Anakimu, Sheshayi na Ahimani na Talimayi bali bana ba Anaki.

Kudwa ipapo wakayenda kanogwa ne bathu be Dibiri, nzi we Dibiri wakatangisa udang'wa Kiriatiseferi.

Ngono Khalebu kadusa zibiso inoti, “Ani kene ani unowonginilila kakale kakunda nzi we Kiriatiseferi ndowompa nkololokadzi wangu kunlobola.”

Othiniyeli nkololo wa Kenazi, Kenazi nnung'una wa Khalebu kakunda nzi we Kiriatiseferi ngono Khalebu kampa nkololokadzi uwe Akasa kuti abe nkadzi uwe.

Kwakati limwe zhuba Akasa azha kuna Othiniyeli, kakumbila Othiniyeli kuti akumbile tate babe nnda. Ngono wakati koga edeluka donki tjitje Khalebu kambhuzwa kati, “Kwatini?”

Akasa wakashandula kati, “Ibeni nge lubu mundili, se makandipa nnda mu shango ye Negebu ndokumbila mutjindipa misenya ye vula.” Ndizo Khalebu kabe ne lubu munli ngono kampa misenya ikwa katathila ne ikwa kakungulukila.

Eyi ndiyo mizi yakapiwa ludzi gwa Juda nsha ne nsha:

Mizi ye bana ba Juda baku burwa tjose kuyendila ku n'gathu we Baedomu yakabe ili sawhoku: Kabuzele ne Ederi ne Jaguri ne

Kina ne Dimona ne Adada ne

Kedeshi ne Hazori ne Ithinani ne

Zife ne Telemu ne Bhealoti ne

Hazorihadata ne Keriyotihezironi (we Hazori) ne

Amamu ne Shema ne Molada ne

Hazarigada ne Heshimoni ne Bhetipeleti ne

Hazarishuali ne Bheerisheba ne Biziotiya ne

Bhaala ne Limu ne Ezemu ne

Elitoladi ne Khesili ne Horima ne

Zikilagi ne Madimana ne Sanisana ne

Lebaoti ne Shilihimu ne Aini ne Rimoni. Mizi ne mizana yose yakabe ili makumi mabili ana ili zhanalume (29).

Mizi iwhunde ne matombo: Eshitaole ne Zora ne Ashina ne

Zanoya ne Eniganimu ne Tapuwa ne Ezemu ne

Jarimuti ne Adulamu ne Soko ne Azeka ne

Shaaraimu ne Adithayimu ne Gedera kene Gederothayimu. Mizi ne mizana yawo yose yakabe ili gumi lina minna (14).

Mimwe mizi yakabe ili whunde ne matombo: Zenani ne Hadasha ne Migidaligadi ne

Dileani ne Mizipe ne Jokitheele ne

Lakhishi ne Bhozikati ne Egiloni ne

Khabhoni ne Lahamasi ne Khitilishi ne

Gederoti ne Bhetidagoni ne Naama ne Makeda. Mizi ne mizana yawo yose yakabe ili gumi lina ili tathatu (16).

Ne mizi ye Libina ne Eteri ne Ashani ne

Ifata ne Ashina ne Nezibu ne

Keila ne Akizibu ne Mareshahi. Mizi iyeyi yose ne mizana yawo yakabe ili zhanalume.

Ne Ekironi ne mizana yayo yakaipoteleka ne

kunomila zhuba kwe Ekironi ne mituthu yose ye Ashidodi ne mizi yayo ne

Ashidodi ne mizi ne mizana yakaipoteleka ne Gaza ne mizi ne mizana yayo kuyenda tjose kunoti ku nkuku we Egipiti ne tjekelo dze Gungwa Bukulu.

Ne mu shango ye matombo kwakabe kuli: Shamiri ne Jatiri ne Soko ne

Dana ne Kiriyatisana (inodang'wa Dibiri) ne

Anabu e Eshitemo ne Animu ne

Gosheni ne Holoni ne Gilo. Mizi iyeyi ne mizana yayo yose yakabe ili gumi lina ung'ompela (11).

Arabu ne Duma ne Eshanu ne

Janimu ne Bhetitapuya ne Afeka ne

Humuta ne Kiriyatiaribha (unodang'wa Heburoni) ne Ziori. Mizi yose ne mizana yayo yakabe ili zhanalume (9)

Ne mizi ye Maoni ne Karimeli ne Zifi ne Jutha ne

Jezirele ne Jokideamu ne Zanoya ne

Kaini ne Gibiya ne Timina. Mizi iyeyi yose ne mizana yayo yakabe ili gumi.

Ne mizi ye Halihuli ne Bhetizuri ne Gedori ne

Marati ne Bhetianoti ne Elitekoni. Mizi iyeyi yose ne mizana yayo yakabe ili mitathatu.

Ne Kiriyatibhali (inodang'wa Kiriatijearimu) ne Rabha. Mizi iyeyi ne mizana yayo yakabe ili mibili.

Mizi imu tjilambanyika yakabe ili Bhetiaraba ne Midini ne Sekaka ne

Nibishani ne Nzi nkulu we Mwenyu ne Enigedi. Mizi iyeyi yose ne mizana yayo yakabe ili tathatu.

Koga ludzi gwa Juda abazotatila kutjena bathu be Juba bakabe begala mu Jerusalema, ndizo na nasi bathu be Juba banogala ne ludzi gwa Juda mu Jerusalema.