The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Joshua 23English
Joshuwa 23African Kalanga
- English1
After a long time had passed and the Lord had given Israel rest from all their enemies around them, Joshua, by then old and well advanced in years,
African KalangaKwakati shule kwabe tjibaka Yahwe bakapa Baiziraela kunyaluluka mu kugwa ne zwita zwabo zose kubapoteleka, Joshuwa mu tjibaka itjetjo wakabe atjikwegula kwazo,
- English2
summoned all Israel–their elders, leaders, judges and officials–and said to them: “I am old and well advanced in years.
African KalangaJoshuwa kakubunganya bathu bose be Iziraela, bakulu ne batungamili ne basumikilisi ne makombgwa ngono kabadwa kati, “Imi ndakwegula ndabe nthuntana,
- English3
You yourselves have seen everything the Lord your God has done to all these nations for your sake; it was the Lord your God who fought for you.
African Kalangangono imwi makazwibonegwa tjimwe ne tjimwe tjakashingwa ndi Yahwe Ndzimu wenyu mu zwitjaba nge kwenyu, Yahwe Ndzimu wenyu ndibo bakabe bemugwila.
- English4
Remember how I have allotted as an inheritance for your tribes all the land of the nations that remain–the nations I conquered–between the Jordan and the Great Sea in the west.
African KalangaNdakapa njudzi dzenyu shango kuti ibe thaka yenyu kudwa ku bhezhuba kwe gwizi gwe Jorodani kunoti ku Gungwa Bukulu kunomila zhuba. Ndakamupa shango ye zwitjaba zose zwandakakunda ne zwakasala.
- English5
The Lord your God himself will drive them out of your way. He will push them out before you, and you will take possession of their land, as the Lord your God promised you.
African KalangaYahwe Ndzimu wenyu banowozwitatila kutjena namwi bakazwisundila kutjena mbeli kwenyu ngono mowotola shango dzabo koga Yahwe Ndzimu wenyu sekwa bakamugadzabgwe.
- English6
“Be very strong; be careful to obey all that is written in the Book of the Law of Moses, without turning aside to the right or to the left.
African KalangaNdizoke ngwenu simani, mulondolodze tjimwe ne tjimwe tjakakwagwa mu Lukwalo gwe nlayo gwa Mushe, musitongo gufupatila ndodwa ne kang'ompela.
- English7
Do not associate with these nations that remain among you; do not invoke the names of their gods or swear by them. You must not serve them or bow down to them.
African KalangaMusitongo shingidzana ne njudzi idzedzi dzipakati kwenyu, musitongo dana mazina e midzimu yabo kene ili kutuna nayo kene kuli kuithigamila.
- African Kalanga
Koga makafanila kuti mubhatilile muna Yahwe Ndzimu wenyu koga sekwa makathama kuswikila nasi.
- English9
“The Lord has driven out before you great and powerful nations; to this day no one has been able to withstand you.
African KalangaYahwe bakatatila zwitjaba zwakasima kutjena na nasi kose akuna wakamukunda.
- English10
One of you routs a thousand, because the Lord your God fights for you, just as he promised.
African KalangaYahwe Ndzimu wedu bakagadzabgwe kuti banowotigwila ndizo nthu ng'ompela ekunda bathu bali tjiwulu (1 000).
- African Kalanga
Ndizo mubone kuti moda Yahwe Ndzimu wenyu.
- English12
“But if you turn away and ally yourselves with the survivors of these nations that remain among you and if you intermarry with them and associate with them,
African Kalanga“Koga ha mufupatila Yahwe muzwizwadzanya ne Bezwitjaba izwezwi zwipakati kwenyu kene mube mulobolelana nazo,
- English13
then you may be sure that the Lord your God will no longer drive out these nations before you. Instead, they will become snares and traps for you, whips on your backs and thorns in your eyes, until you perish from this good land, which the Lord your God has given you.
African Kalangamube muziba kuti Yahwe Ndzimu wenyu abangatjatatile zwitjaba kutjena namwi. Koga zowobe bhuzhu, zwikamulalila, zowobe shamu mu muli kakale zwikabe miwha mu mesho enyu kuswikilila maloba mose mu shango iyeyi yakanaka yamakapiwa ndi Yahwe Ndzimu wenyu.
- English14
“Now I am about to go the way of all the earth. You know with all your heart and soul that not one of all the good promises the Lord your God gave you has failed. Every promise has been fulfilled; not one has failed.
African Kalanga“Ngono ngwenu ndatjibe pejo ngofa. Mukatikati kwenyu moziba tjoselele kuti akuna tja Yahwe Ndzimu wenyu tjabakagadzabgwe tjabasakashingikadza, tjimwe ne tjimwe tjabakagadzabgwe bakatjishingikadza, akuna tjakabakona.
- English15
But just as every good promise of the Lord your God has come true, so the Lord will bring on you all the evil he has threatened, until he has destroyed you from this good land he has given you.
African KalangaKoga se zwithu zose zwibuya zwakagadziwabgwe ndi Yahwe Ndzimu wenyu bakazwishingikadza, Yahwe banowodelusila zwithu zwakabipa pezhugwi kwenyu sekwa bakaleba, kudzina bemukolomodza mu shango iyeyi mbuya iyo Yahwe Ndzimu wenyu yabakamupa.
- English16
If you violate the covenant of the Lord your God, which he commanded you, and go and serve other gods and bow down to them, the Lord ‘s anger will burn against you, and you will quickly perish from the good land he has given you.”
African KalangaHa mutjuluka Tjidumano tja Yahwe Ndzimu wenyu, itjo tjabakamudwa, mube muyenda munoshingila midzimu ipoga kakale muinamata, bushongola gwa Yahwe gowodelukila mu muli ngono tjinyolotjo mowolobesiwa mu shango yakanaka yabakamupa iyo.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.