The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Joshua 6English
Joshuwa 6African Kalanga
- English1
Now Jericho was tightly shut up because of the Israelites. No one went out and no one came in.
African KalangaNgono kwakati mu tjibaka itjetjo bathu be Jerikho bakabe bazhalila mikoba yose yabo ngotja Baiziraela, kwakabe kusina unongina kene unobhuda.
- English2
Then the Lord said to Joshua, “See, I have delivered Jericho into your hands, along with its king and its fighting men.
African KalangaIpapo Yahwe bakadwa Joshuwa bakati, “Bona, ndolonga mu maboko awo bathu be Jerikho na mambo wabo ne babhayani bayo bakasima.
- African Kalanga
Yendani mupoteleke nzi we Jerikho ne babhayani benyu be ngwa bose, mupoteleke kudza munoligila kang'ompela nge zhuba, muthame saikoku mazhuba ali matathatu ngotobedzana kwawo.
- English4
Have seven priests carry trumpets of rams’ horns in front of the ark. On the seventh day, march around the city seven times, with the priests blowing the trumpets.
African KalangaBapirisiti bali kutendeka batungamile Bhokisi, mmwe ne mmwe wabo akabhata tjilidzo tje lunyanga gwe nyundo. Mu zhuba le butendeka mupoteleke nzi katendeka, bapirisiti ibo bakabhata belidza nyanga.
- English5
When you hear them sound a long blast on the trumpets, have all the people give a loud shout; then the wall of the city will collapse and the people will go up, every man straight in.”
African KalangaNgono kuti muwha nyanga dzilila kwe lubaka bulefu bathu bose bamimilile pezhugwi ngono guma le nzi nkulu lowowila pasi lose, bathu babe betambunuka bengina muuli.”
- English6
So Joshua son of Nun called the priests and said to them, “Take up the ark of the covenant of the Lord and have seven priests carry trumpets in front of it.”
African KalangaNdizo Joshuwa nkololo wa Nuni kadana bapirisiti ngono kabadwa kati, “Tolani Bhokisi le Tjidumano tja Yahwe, ngakube ne bapirisiti bali kutendeka bakabhata nyanga dzili kutendeka bakalitungamila.”
- English7
And he ordered the people, “Advance! March around the city, with the armed guard going ahead of the ark of the Lord.”
African KalangaNgono kadwa bathu kati, “Milikani mupoteleke nzi nkulu, babhayani bakashakatila mathumo batungamile Bhokisi le Tjidumano tja Yahwe.”
- English8
When Joshua had spoken to the people, the seven priests carrying the seven trumpets before the Lord went forward, blowing their trumpets, and the ark of the Lord ‘s covenant followed them.
African KalangaNgono kwakati Joshuwa asino lebeleka ne bathu, bapirisiti bali kutendeka bakabhata nyanga dzili kutendeka bali mbeli kwa Yahwe bakatungamila beyenda belidza nyanga dzabo ngono Bhokisi le Tjidumano tja Yahwe lakabasala shule.
- English9
The armed guard marched ahead of the priests who blew the trumpets, and the rear guard followed the ark. All this time the trumpets were sounding.
African KalangaBabhayani bakashakatila mathumo bakayenda bali mbeli bakatungamila bapirisiti bakabe belidza nyanga betobegwa ne bapirisiti bakabe bakasenga Bhokisi le Tjidumano, ibo betobegwa ne bamwe babhayani bakashakatila mathumo, nyanga idzo dzakabhata dzilila.
- English10
But Joshua had commanded the people, “Do not give a war cry, do not raise your voices, do not say a word until the day I tell you to shout. Then shout!”
African KalangaKoga Joshuwa wakabe ati ku bathu, “Musi mimile kene kumilidza mawhi enyu, musitongo buya mukadusa dama mu milomo yenyu kuswikilila zhuba landinowomudwa nditi mu mimile, ipapo mube mumimila!”
- English11
So he had the ark of the Lord carried around the city, circling it once. Then the people returned to camp and spent the night there.
African KalangaNdizo Joshuwa kathama kuti bathu bapoteleke nzi nkulu kang'ompela koga bakasenga Bhokisi le Tjidumano, kudwapo bathu bakabgwilila ku bukotokelo kunolala.
- African Kalanga
Joshuwa kabinduka, bapirisiti bakatola Bhokisi le Tjidumano tja Yahwe.
- English13
The seven priests carrying the seven trumpets went forward, marching before the ark of the Lord and blowing the trumpets. The armed men went ahead of them and the rear guard followed the ark of the Lord, while the trumpets kept sounding.
African KalangaBapirisiti bali kutendeka bakabe bakasenga nyanga dzabo beyenda bedzilidza, beyendila mbeli bakatungamila Bhokisi le Tjidumano tja Yahwe. Balume bakashakatila mathumo ibo bakabatungamila ha bamwe ibo bakasala Bhokisi le Tjidumano shule, nyanga idzo dzakabhata dzilila.
- English14
So on the second day they marched around the city once and returned to the camp. They did this for six days.
African KalangaZhuba le bubili bakapoteleka nzi nkulu we Jerikho kabili bakabe bebgwilila ku bukotokelo. Bakazwibgwizhulula kukabe kwe mazhuba ali matathatu.
- English15
On the seventh day, they got up at daybreak and marched around the city seven times in the same manner, except that on that day they circled the city seven times.
African KalangaKwakati mu zhuba le butendeka, bakabinduka bakayenda bakanopoteleka nzi nkulu Jerikho katendeka kunofanana koga ne mamwe mazhuba, kuzhe kwekuti mu zhuba ilelo bakapoteleka nzi nkulu katendeka.
- English16
The seventh time around, when the priests sounded the trumpet blast, Joshua commanded the people, “Shout! For the Lord has given you the city!
African KalangaKwakati bopoteleka gwe butendeka, bapirisiti bakalidza nyanga dzabo ngono Joshuwa kadwa itjaba kati, “Tjimimilani ngobe Yahwe bamupa nzi nkulu Jerikho!
- English17
The city and all that is in it are to be devoted to the Lord. Only Rahab the prostitute and all who are with her in her house shall be spared, because she hid the spies we sent.
African KalangaNzi nkulu ne tjimwe ne tjimwe tjimuuli zwipiwe Yahwe ngokolomodziwa, kusale fukula Rahabu koga ne baanabo be nsha uwe ngobe akasumbika shodzi dzedu dzatakabetatuma.
- English18
But keep away from the devoted things, so that you will not bring about your own destruction by taking any of them. Otherwise you will make the camp of Israel liable to destruction and bring trouble on it.
African KalangaKoga imwi mube kutjena ne zwithu zwakalingisanyiwa nge kolomogwa kuti ndizo musitongo zwidanila golomodzo nge kuzwitola. Ha mungathama muijalo mowobe muthama kuti bukotokelo gwenyu Baiziraela gulingisanyiwe ne mang'oni nenge kukolomogwa.
- English19
All the silver and gold and the articles of bronze and iron are sacred to the Lord and must go into his treasury.”
African KalangaTjimwe ne tjimwe tjakathamiwa nge siliva ne golide ne phangula ne butale ngezwa Yahwe ngono zwakafanila kunobigwa ku matula abo.”
- English20
When the trumpets sounded, the people shouted, and at the sound of the trumpet, when the people gave a loud shout, the wall collapsed; so every man charged straight in, and they took the city.
African KalangaNdizo nyanga dzikalidziwa ngono kwakati bathu bewha nsindo we nyanga bakamilidza mawhi bakamimila kwazo ngono guma le Jerikho likawila pasi. Mmwe ne mmwe nthu katambunuka kangina paakalingisana napo ngono bakatola nzi we Jerikho.
- English21
They devoted the city to the Lord and destroyed with the sword every living thing in it–men and women, young and old, cattle, sheep and donkeys.
African KalangaBakapa nzi we Jerikho Yahwe nge kukolomodza tjimwe ne tjimwe tjinotjila muuli balume kene bakadzi, bawola kene batjetjana, ng'ombe ne pkhwizi ne madonki zose bakazwikolomodza nge thumo.
- English22
Joshua said to the two men who had spied out the land, “Go into the prostitute’s house and bring her out and all who belong to her, in accordance with your oath to her.”
African KalangaJoshuwa kadwa balume babili be shodzi bakabe bashola shango kati, “Yendani ku ng'umba ye fukula iyeyije, muswike muitole nebe nsha wayo, sekwa makatuna kuti mowothama muijalo.”
- English23
So the young men who had done the spying went in and brought out Rahab, her father and mother and brothers and all who belonged to her. They brought out her entire family and put them in a place outside the camp of Israel.
African KalangaNdizo bazhuzha be shodzi bakayenda bakanotola Rahabu na tate babe na mmeyabe ne azwadzi dzidze ne makamu awe, ngono bakanobabiga kuzhe kwe bukotokelo gwe Baiziraela.
- English24
Then they burned the whole city and everything in it, but they put the silver and gold and the articles of bronze and iron into the treasury of the Lord ‘s house.
African KalangaKudwapo bakapisa nzi nkulu Jerikho ne tjimwe ne tjimwe tjimuuli, koga bakatola siliva ne golide ne zwithu zwakathamiwa nge phangula ne zwakathamiwa nge butale bakanozwibiga ku Ng'umba ya Yahwe.
- English25
But Joshua spared Rahab the prostitute, with her family and all who belonged to her, because she hid the men Joshua had sent as spies to Jericho–and she lives among the Israelites to this day.
African KalangaKoga Joshuwa katjidza fukula Rahabu ne nsha wa tate babe ne makamu awe ngono bakagala ne Baiziraela kuswikila na nasi, ngoti akasumbika batumwa bakabe batumwa ndi Joshuwa kunoshola nzi we Jerikho.
- English26
At that time Joshua pronounced this solemn oath: “Cursed before the Lord is the man who undertakes to rebuild this city, Jericho: “At the cost of his firstborn son will he lay its foundations; at the cost of his youngest will he set up its gates.”
African KalangaIpapo kwakati nzi we Jerikho usinokukolomoka Joshuwa katuna eti, “Yahwe ngabalonge bhiso nthu iye unowomusa nzi nkulu Jerikho. “Ha angati unomusa thiwa dze makuma unowofigwa ne nkololo uwe we mbano we tjilisana. Ha angati unomusa mikoba ye nzi nkulu unowofigwa ne kologwe tjitje.”
- African Kalanga
Ndizo Yahwe bakabe na Joshuwa ngono Joshuwa kazibgwa shango yose.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.