The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Judges 10English
Basumikilisi 10African Kalanga
- English1
After the time of Abimelech a man of Issachar, Tola son of Puah, the son of Dodo, rose to save Israel. He lived in Shamir, in the hill country of Ephraim.
African KalangaKwakati shule kwa Abimeleki kukamuka Tola nkololo wa Puwa, ali nkololo wa Dodo, nlume we Isakari, kusunungula Iziraela. Wakabe egala ku Shamiri mu shango ye matuthu ya Ifureimi.
- African Kalanga
Katungamila Iziraela kwe makole ali makumi mabili ana matatu (23). Kadwapo kafa, kabiganyigwa ku Shamiri.
- African Kalanga
Shule kukwe kukamuka Jairi we Giliyadi, wakatungamila Iziraela kwe makole ali makumi mabili ana mabili (22).
- English4
He had thirty sons, who rode thirty donkeys. They controlled thirty towns in Gilead, which to this day are called Havvoth Jair.
African KalangaWakabe ana bakololo bali makumi matatu (30), bakabe betatha madonki ali makumi matatu (30), bakabe bana mizi ili makumi matatu (30) inodang'wa Havotijairi na nasi, imu shango ye Giliyadi.
- African Kalanga
Ngono Jairi kafa, kabiganyiwa mu Kamoni.
- English6
Again the Israelites did evil in the eyes of the LORD. They served the Baals and the Ashtoreths, and the gods of Aram, the gods of Sidon, the gods of Moab, the gods of the Ammonites and the gods of the Philistines. And because the Israelites forsook the LORD and no longer served him,
African KalangaNgono bathu be Iziraela bakathama mbipo kakale mu mesho a Yahwe, bakashingila bo Bhaale ne ndzimukadzi Ashera, iyo midzimu ye Siriya ne midzimu ye Sidoni ne midzimu ye Moabu ne midzimu ye Baamoni, ne midzimu ye Bafilisitiya ngono bakasiya Yahwe bakasibashingile.
- English7
he became angry with them. He sold them into the hands of the Philistines and the Ammonites,
African KalangaBushongola gwa Yahwe gukathutila Baiziraela, ngono bakabatengesa mu maboko e Bafilisitiya ne Baamoni,
- English8
who that year shattered and crushed them. For eighteen years they oppressed all the Israelites on the east side of the Jordan in Gilead, the land of the Amorites.
African Kalangaibo bakabadziyidza bakabatshambilidza gole ilelo. Bakatshambilidza bathu bose be Iziraela kwe makole ali gumi lina ali zhanakadzi (18) bakabe bali seli ye Jorodani mu shango ye Baamoni imu Giliyadi.
- English9
The Ammonites also crossed the Jordan to fight against Judah, Benjamin and the house of Ephraim; and Israel was in great distress.
African KalangaBaamoni bakatjulukabo Jorodani kunogwa ne Juda ne Bhenjamini ne nsha wa Ifureimi, ngono Iziraela ikabe mu buyendasi bukulu.
- English10
Then the Israelites cried out to the LORD, “We have sinned against you, forsaking our God and serving the Baals.”
African KalangaBathu be Iziraela bakalilila kuna Yahwe beti, “Takamutjinyila, ngoti takamusiya Ndzimu wedu, ngono tikashingila bo Bhaale.”
- African Kalanga
Ngono Yahwe bakadwa bathu be Iziraela bakati, “Apa andizomusunungula mu Baegipiti ne mu Baamori ne mu Baamoni ne mu Bafilisitiya?
- English12
the Sidonians, the Amalekites and the Maonites oppressed you and you cried to me for help, did I not save you from their hands?
African KalangaBasidoni bo ne Baamaleki ne Baamoni bakamutshambilidza ngono mukalilila kundili ndikamusunungula mu maboko abo.
- African Kalanga
Koga makandisiya mukashingila midzimu ipoga, ndizo anditjowomutjidza.
- African Kalanga
Yendani munolilila midzimu yamakashalula, ngaimusunungule mu misi ye buyendasi gwenyu.”
- English15
But the Israelites said to the LORD, “We have sinned. Do with us whatever you think best, but please rescue us now.”
African KalangaNgono bathu be Iziraela bakadwa Yahwe bakati, “Takatjinya, thamani tjamunobona tjakatilulwamila, koga tokumbila muti sunungule ngwenu.”
- English16
Then they got rid of the foreign gods among them and served the LORD. And he could bear Israel’s misery no longer.
African KalangaNdizo bakadusa midzimu ipoga pakati kwabo ngono bakashingila Yahwe, ngono Yahwe bakasitjamililane ne kudziyidziwa kwe Baiziraela.
- English17
When the Ammonites were called to arms and camped in Gilead, the Israelites assembled and camped at Mizpah.
African KalangaIpapo Baamoni bakadan'gwa bakakotokela mu Giliyadi, bathu be Iziraela bakakubungana ngono bakakotokela ku Mizipha.
- English18
The leaders of the people of Gilead said to each other, “Whoever will launch the attack against the Ammonites will be the head of all those living in Gilead.”
African KalangaBatungamili be bathu be Giliyadi bakabudzana beti, “Iye unowotangisa kunonginilila Baamoni, unowobe iye nsholo we bagali bose be Giliyadi.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.