The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Leviticus 10English
Zwipo 10African Kalanga
- English1
Aaron’s sons Nadab and Abihu took their censers, put fire in them and added incense; and they offered unauthorized fire before the Lord, contrary to his command.
African KalangaBakololo ba Aroni Nadabu na Abihu, mmwe ne mmwe wabo wakatola lukambana gunobesela moto, kalonga masimbe anothuta mukati ebe elonga motsha mu guli; ebe eyisa moto usakayengemala kuna Yahwe, basakaulauligwa ndi Yahwe.
- English2
So fire came out from the presence of the Lord and consumed them, and they died before the Lord.
African KalangaTjinyolotjo Yahwe bakadelusa moto ukabapisa bakafila ipapo, mbeli kwa Yahwe.
- English3
Moses then said to Aaron, “This is what the Lord spoke of when he said: “ ‘Among those who approach me I will show myself holy; in the sight of all the people I will be honored.’” Aaron remained silent.
African KalangaIpapo Mushe kadwa Aroni kati, “Yahwe bakalebeleka beti, ‘Ndowozwilakidza ndakayengemala kuna banozwisedzedza pejo nami, kakale ndowokudziwa mbeli kwe bathu bose.’ ” Ngono Aroni kanyalala koga.
- English4
Moses summoned Mishael and Elzaphan, sons of Aaron’s uncle Uzziel, and said to them, “Come here; carry your cousins outside the camp, away from the front of the sanctuary.”
African KalangaMushe kadana Mishaele na Elizafani, bakololo ba Uziele batatenini ba Aroni, kabadwa kati, “Sedzelani muduse zwitumbu zwe bana ba batatenini benyu mu bugalo gwakayengemala muzwiyise kuzhe kwe bukotokelo.”
- African Kalanga
Ndizo bakazha bakabasenga nge hazu dzabo bakabadusila kuzhe, sekwaleba Mushe.
- English6
Then Moses said to Aaron and his sons Eleazar and Ithamar, “Do not let your hair become unkempt, and do not tear your clothes, or you will die and the Lord will be angry with the whole community. But your relatives, all the house of Israel, may mourn for those the Lord has destroyed by fire.
African KalangaMushe kadwa Aroni ne bakololo babe Eleazari na Ithamari kati, “Musitongoletja mavudzi enyu elembeleka musingaakame ne zwiambalo zwenyu musitongozwipalula, amungakuthama muijalo mowofa, kakale Yahwe bangazhalila gubungano lose bushongola. Koga zwikamu zwenyu, ng'umba yose ye Iziraela, ingagala tjililo tje lufu igogu gwabangiwa nge moto wapisiwa ndi Yahwe.
- English7
Do not leave the entrance to the Tent of Meeting or you will die, because the Lord ‘s anointing oil is on you.” So they did as Moses said.
African KalangaMusitongobhuda mudwa pa nkoba we nshasha we bushanganilo, ha mungabhuda mowofa, ngobe makazhodziwa nge mafuta a Yahwe.” Ngono bakathama sekwa badwiwa ndi Mushe.
- African Kalanga
Ndizo Yahwe bakadwa Aroni bakati,
- English9
“You and your sons are not to drink wine or other fermented drink whenever you go into the Tent of Meeting, or you will die. This is a lasting ordinance for the generations to come.
African Kalanga“Musitongong'wa nkumbi we zhambi kene tjing'o tjinolaladzisa, ha mungina mu nshasha we bushanganilo, ha mungathama muijalo mowofa, kube nlayo kuyenda nge zwizekugwana zwenyu zose.
- African Kalanga
Makafanila thubukanya zwakayengemala ne zwisakayengemala ne zwakatemapala ne zwakatjenapala.
- African Kalanga
Wakafanila diya bana be Iziraela milayo yose yabakapiwa ndi Yahwe nge nlomo wa Mushe.”
- English12
Moses said to Aaron and his remaining sons, Eleazar and Ithamar, “Take the grain offering left over from the offerings made to the Lord by fire and eat it prepared without yeast beside the altar, for it is most holy.
African KalangaMushe kadwa Aroni na Eleazari na Ithamari bakololo babe bakabe basala kati, “Tolani tjipo tje mathunde tjakasala mu tjipo tjinopisiwa mu moto tjipisigwa Yahwe, mutjije tjisina mbidzo pa whunde ne tjibeso tjinopisigwa zwibhayilo, ngobe tjakayengemala kwazo.
- English13
Eat it in a holy place, because it is your share and your sons’ share of the offerings made to the Lord by fire; for so I have been commanded.
African KalangaMutjijile mu bugalo gwakayengemala, ngobe i gobe lenyu ne bakololo benyu, lakadwa mu tjipo tjinopisiwa mu moto tjipisigwa Yahwe, ndiko sekwa ndakadwiwa ndi Yahwe.
- English14
But you and your sons and your daughters may eat the breast that was waved and the thigh that was presented. Eat them in a ceremonially clean place; they have been given to you and your children as your share of the Israelites’ fellowship offerings.
African KalangaKoga ifuba tjakazunguziwa ne tjidzwa tjadusiwa mowozwija iwe ne bakololo babo ne bakololokadzi babo muli mu bugalo gumwe ne gumwe gwakatjenapala. Ngobe makazwipiwa zwili gobe lilo ne gobe le bakololo babo zwidwa mu tjibhayilo tje mbakisano tje bathu be Iziraela.
- English15
The thigh that was presented and the breast that was waved must be brought with the fat portions of the offerings made by fire, to be waved before the Lord as a wave offering. This will be the regular share for you and your children, as the Lord has commanded.”
African KalangaTjidzwa tjakadusiwa ne ifuba tjakazunguziwa zowozhisiwa ne mafuta anopisiwa nge moto zwibe zwipo zwinopisiwa mu moto zwakazunguziwa mbeli kwa Yahwe, ngono zwibe gobe lilo ne bakololo babo nge kusingapele, Yahwe sekwabakalaula.”
- English16
When Moses inquired about the goat of the sin offering and found that it had been burned up, he was angry with Eleazar and Ithamar, Aaron’s remaining sons, and asked,
African KalangaMushe kashakisisa ngekwe mbudzi ye tjibhayilo tje tjibi, ngono bona, yakabe yapisiwa! Mushe kagwadzila moyo bakololo ba Aroni Eleazari na Ithamari bakasala pafa, ebhuzwa eti,
- English17
“Why didn’t you eat the sin offering in the sanctuary area? It is most holy; it was given to you to take away the guilt of the community by making atonement for them before the Lord.
African Kalanga“Apa ini musakaja tjibhayilo tje tjibi mu bugalo gwakayengemala kene? Tjakayengemala kwazo kakale matjipiwa kuti muduse nlandu we gubungano kuligadzanya na Yahwe.
- English18
Since its blood was not taken into the Holy Place, you should have eaten the goat in the sanctuary area, as I commanded.”
African KalangaBonani, malopa atjo aazozhisiwa mukati kwe bugalo gwakayengemala. Ndizo mabe makafanila kube matjijila mu bugalo gwakayengemala sekwa ndakamudwa.”
- English19
Aaron replied to Moses, “Today they sacrificed their sin offering and their burnt offering before the Lord, but such things as this have happened to me. Would the Lord have been pleased if I had eaten the sin offering today?”
African KalangaNgono Aroni kadabila Mushe eti, “Bonani, bayisa tjibhayilo tje tjibi ne tjibhayilo tjinopisiwa mbeli kwa Yahwe nasi, ngono nenguba kwakajalo, ndawigwa nge zwithu zwakajali! Apa ha ndabe ndakaja tjibhayilo tje tjibi nasi, apa tjobe tjaamutjilika mbeli kwa Yahwe kene?”
- African Kalanga
Kukati Mushe ewha ikoku, kawila zwilopa.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.