Leviticus 19 | Old Testament

Book Chapter Verse

Leviticus 19English

Zwipo 19African Kalanga

English1
The Lord said to Moses,
African Kalanga
Yahwe bakadwa Mushe bakati,
English2
“Speak to the entire assembly of Israel and say to them: ‘Be holy because I, the Lord your God, am holy.
African Kalanga
“Idwa gubungano le Baiziraela uti, ‘Yengemalani, ngoti imi Yahwe Ndzimu wenyu ndakayengemala.
English3
“ ‘Each of you must respect his mother and father, and you must observe my Sabbaths. I am the Lord your God.
African Kalanga
Nthu mmwe ne mmwe atete mmeyabe na tate babe, kakale mulondolodze mazhuba angu e kunyaluluka e Sabata, ndimi Yahwe Ndzimu wenyu.
English4
“ ‘Do not turn to idols or make gods of cast metal for yourselves. I am the Lord your God.
African Kalanga
“ ‘Musipambukile ku midzimu ye zwifano kene kuzwithamigwa midzimu ye zwifano, Ndimi Yahwe Ndzimu wenyu.
English5
“ ‘When you sacrifice a fellowship offering to the Lord, sacrifice it in such a way that it will be accepted on your behalf.
African Kalanga
“ ‘Ha mubhayila Yahwe tjibhayilo tje mbakisano, mutjiyise nge zila inowothama kuti muamutjigwe.
English6
It shall be eaten on the day you sacrifice it or on the next day; anything left over until the third day must be burned up.
African Kalanga
Nyama ye tjibhayilo ijiwe mu zhuba latjayisiwa ndilo kene tjimuka, ngono tjingabe tjasala kuswikila zhuba le butatu tjipisiwe nge moto.
English7
If any of it is eaten on the third day, it is impure and will not be accepted.
African Kalanga
Ha kuna tjingajiwa mu zhuba le butatu, tjowobe tjatemapala kakale atjitowoamutjigwa.
English8
Whoever eats it will be held responsible because he has desecrated what is holy to the Lord; that person must be cut off from his people.
African Kalanga
Nthu ungatjija unozwidanila nlandu, ngobe atemapadza kuthu kwakayengemala kwa Yahwe, ngono iwoyo nthu unowothubugwa mu bathu bakanyi kwabo.
English9
“ ‘When you reap the harvest of your land, do not reap to the very edges of your field or gather the gleanings of your harvest.
African Kalanga
“ ‘Muti mu vuna mathunde e minda yenyu, musitongothusa ndima nenguba kuli kubgwililila zwiyako zwasala pamavuna.
English10
Do not go over your vineyard a second time or pick up the grapes that have fallen. Leave them for the poor and the alien. I am the Lord your God.
African Kalanga
Kakale musitongoti matjela minda yenyu ye mizhambi mukadwapo mukabgwilulula mukanonungidzila zwasala ne zwawa, musiyile bashayi ne bataya, ndimi Yahwe Ndzimu wenyu.
English11
“ ‘Do not steal. “ ‘Do not lie. “ ‘Do not deceive one another.
African Kalanga
“ ‘Musitongokwiba, kene thama zwe kutjebela, kene nyepelana.
English12
“ ‘Do not swear falsely by my name and so profane the name of your God. I am the Lord.
African Kalanga
Musitongotuna nge zina langu munyepa, kowobe kuli lengudza zina le Ndzimu wenyu, ndimi Yahwe.
English13
“ ‘Do not defraud your neighbor or rob him. “ ‘Do not hold back the wages of a hired man overnight.
African Kalanga
“ ‘Usitongotjebela ikamu tjitjo kene kutjitolela. Usitongoshingisa nlanda ukalala usanlipa kuswikila tjimuka.
English14
“ ‘Do not curse the deaf or put a stumbling block in front of the blind, but fear your God. I am the Lord.
African Kalanga
Usitongolonga bhubuzebe bhiso kene kubigila bhofu ikuthi mbeli kwalo, koga utje Ndzimu uwo, ndimi Yahwe.
English15
“ ‘Do not pervert justice; do not show partiality to the poor or favoritism to the great, but judge your neighbor fairly.
African Kalanga
“ ‘Musumikilise nge ndulamo, musitongoshalaula bashayi kene kuli thamila hanya bafumi, koga musumikilise ikamu tjenyu nge ndulamo.
English16
“ ‘Do not go about spreading slander among your people. “ ‘Do not do anything that endangers your neighbor’s life. I am the Lord.
African Kalanga
Usitongoyenda yenda uleba bungwa muna bakanyi kwenyu, kakale usitongothama tjimwe tjinolonga butjilo gwe ikamu tjitjo mu mbatsha. Ndimi Yahwe.
English17
“ ‘Do not hate your brother in your heart. Rebuke your neighbor frankly so you will not share in his guilt.
African Kalanga
“ ‘Usitongobhata mwana wa tate babo nge moyo, koga ungakumbuludzana ne ikamu tjitjo, kuti usidwe ushanganyila tjibi naye.
English18
“ ‘Do not seek revenge or bear a grudge against one of your people, but love your neighbor as yourself. I am the Lord.
African Kalanga
Usitongobgwilizila kene kuli kubhata mmwe we bakanyi kwenyu nge moyo, koga ude ikamu tjitjo sekwa unozwida, ndimi Yahwe.
English19
“ ‘Keep my decrees. “ ‘Do not mate different kinds of animals. “ ‘Do not plant your field with two kinds of seed. “ ‘Do not wear clothing woven of two kinds of material.
African Kalanga
“ ‘Mulondolodze milayo yangu. Usitongoletja zwithuwo zwizo zwakasiyana zwikakwiilana, kakale usitongodzwala zhila le zhowu mu nnda uwo, kene kuli kuambala tjiambalo tjakathumwa nge matyila mabili asingafanane.
English20
“ ‘If a man sleeps with a woman who is a slave girl promised to another man but who has not been ransomed or given her freedom, there must be due punishment. Yet they are not to be put to death, because she had not been freed.
African Kalanga
“ ‘Ha nlume angawalilana ne nkadzi ali nlanda ngono ali nkadzi wakabigilidziwa nge mmwe nlume koga asathu kadzutunugwa kene kasunungugwa mu bulanda, basumikilisiwe, ngono basi bulawe, ngobe nkadzi wakabe asathu kasunungugwa mu bulanda,
English21
The man, however, must bring a ram to the entrance to the Tent of Meeting for a guilt offering to the Lord.
African Kalanga
koga nlume aduse nyundo ezwiyisila tjibhayilo tje nlandu kuna Yahwe ku nkoba we nshasha we bushanganilo.
English22
With the ram of the guilt offering the priest is to make atonement for him before the Lord for the sin he has committed, and his sin will be forgiven.
African Kalanga
Mpirisiti unowon'gadzanya na Yahwe nge nyundo ye tjibhayilo tje nlandu ngekwe tjibi tjaathama, ngono banowonzwiibhatigwa.
English23
“ ‘When you enter the land and plant any kind of fruit tree, regard its fruit as forbidden. For three years you are to consider it forbidden; it must not be eaten.
African Kalanga
“ ‘Mowoti musinoswika mu shango ye Kanana, miti yose yamunowodzwala ye mitjelo, mutole mitjelo yayo ili yakatemapala kwe makole matatu, kube kuyila mu muli kuja mitjelo yayo.
English24
In the fourth year all its fruit will be holy, an offering of praise to the Lord.
African Kalanga
Ngono mu gole le bunna, mitjelo yayo yose inowobe yakayengemala, kube ingadusigwa tjipo tje mboko kuna Yahwe.
English25
But in the fifth year you may eat its fruit. In this way your harvest will be increased. I am the Lord your God.
African Kalanga
Koga mu gole le bushanu mungaja mitjelo yayo, ndizo inomuwatshila mitjelo, ndimi Yahwe Ndzimu wenyu.
English26
“ ‘Do not eat any meat with the blood still in it. “ ‘Do not practice divination or sorcery.
African Kalanga
“ ‘Musitongoja nyama ina malopa ayo. Musitongoshingisa buloyi.
English27
“ ‘Do not cut the hair at the sides of your head or clip off the edges of your beard.
African Kalanga
Musitongozwitesela mutendenyedza misholo, kene kuli kuthubula ndedu dzenyu midzibo.
English28
“ ‘Do not cut your bodies for the dead or put tattoo marks on yourselves. I am the Lord.
African Kalanga
Musitongotemwa nyola mu mibili yenyu ngekwe bafi kene kuli kunyemba mibili yenyu, ndimi Yahwe.
English29
“ ‘Do not degrade your daughter by making her a prostitute, or the land will turn to prostitution and be filled with wickedness.
African Kalanga
“ ‘Usitongotemapadza nkololokadzi uwo nge kunthama fukula, ngobe shango ingawila mu bufukula, ikazhala mbipo.
English30
“ ‘Observe my Sabbaths and have reverence for my sanctuary. I am the Lord.
African Kalanga
Mulondolodze mazhuba angu e kunyaluluka e Sabata, mutje bugalo gwangu gwakayengemala, ndimi Yahwe.
English31
“ ‘Do not turn to mediums or seek out spiritists, for you will be defiled by them. I am the Lord your God.
African Kalanga
“ ‘Musitongopambukila kuna banolebeleka ne badzimu kene ku baloyi, musitongobashaka, ha mungabashaka banowomutemapadza, ndimi Yahwe Ndzimu wenyu.
English32
“ ‘Rise in the presence of the aged, show respect for the elderly and revere your God. I am the Lord.
African Kalanga
“ ‘Umilike uthigame mbeli kwe sholotjena, utete buso gwe nthu wakakwegula, ngono utje Ndzimu uwo, ndimi Yahwe.
English33
“ ‘When an alien lives with you in your land, do not mistreat him.
African Kalanga
“ ‘Usitongoti ntaya elubila mu shango yenyu, ukanthamila tjimwe tjakabipa.
English34
The alien living with you must be treated as one of your native-born. Love him as yourself, for you were aliens in Egypt. I am the Lord your God.
African Kalanga
Ntaya unolubila abhakhwe se ntebe upakati kwenyu, un'de sekwa unozwida, ngobe makabe bataya ku shango ye Egipiti, ndimi Yahwe Ndzimu wenyu.
English35
“ ‘Do not use dishonest standards when measuring length, weight or quantity.
African Kalanga
“ ‘Musitongo kombamisa kusumikilisa, kene nge tjilizanyo tje bulefu kene nge tjilizanyo tje bulemo, kene tjili tje bunji.
English36
Use honest scales and honest weights, an honest ephah and an honest hin. I am the Lord your God, who brought you out of Egypt.
African Kalanga
Mushingise tjiyelo tje lebeswa ne bulemo gwe lebeswa ne bulefu gwe lebeswa. Ndimi Yahwe Ndzimu wenyu wakamudusa mu shango ye Egipiti.
English37
“ ‘Keep all my decrees and all my laws and follow them. I am the Lord.’”
African Kalanga
Mulondolodze milayo yangu ne ndaulo dzangu, mudzithame, ndimi Yahwe.’ ”

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.