The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Leviticus 4English
Zwipo 4African Kalanga
- African Kalanga
Yahwe bakadwa Mushe bakati,
- English2
“Say to the Israelites: ‘When anyone sins unintentionally and does what is forbidden in any of the Lord ‘s commands–
African Kalanga“Idwa bathu be Iziraela uti, ‘Ha kuna mmwe watjinya ngosaziba, mu tjimwe tje zwithu Yahwe zwabakalaula kuti zwisithamiwe, ngono kathama tjimwe tjazo ngaathame sawhoku:
- English3
“ ‘If the anointed priest sins, bringing guilt on the people, he must bring to the Lord a young bull without defect as a sin offering for the sin he has committed.
African Kalanga“ ‘Ha ali mpirisiti wakazhodziwa atjinya, kutjinya kukwe kozhisa nlandu mu bathu, ndizo ngaadusile tjibi tjaathama nkong'wana usina bulema kuna Yahwe tjili tjibhayilo tje tjibi.
- English4
He is to present the bull at the entrance to the Tent of Meeting before the Lord. He is to lay his hand on its head and slaughter it before the Lord.
African KalangaAyise nkong'wana iwhoyo ku nkoba we nshasha we bushanganilo mbeli kwa Yahwe, abige luboko gugwe pezhugwi kwe nsholo we nkong'wana, abe eubhaya mbeli kwa Yahwe.
- English5
Then the anointed priest shall take some of the bull’s blood and carry it into the Tent of Meeting.
African KalangaNgono mpirisiti wakazhodziwa atole mamwe e malopa e nkong'wana aayise ku nshasha we bushanganilo.
- English6
He is to dip his finger into the blood and sprinkle some of it seven times before the Lord, in front of the curtain of the sanctuary.
African KalangaMpirisiti adubike tjinyala tjitje mu malopa, abe enyasa mamwe awo katendeka mbeli kwa Yahwe ali mbeli kwe tjisitilo tje bugalo gwakayengemala.
- English7
The priest shall then put some of the blood on the horns of the altar of fragrant incense that is before the Lord in the Tent of Meeting. The rest of the bull’s blood he shall pour out at the base of the altar of burnt offering at the entrance to the Tent of Meeting.
African KalangaMpirisiti azhodze mamwe e malopa mu nyanga dze tjibeso tje motsha unonuwha zwinozipa tjimu nshasha we bushanganilo mbeli kwa Yahwe, ngono malopa wose asala e nkong'wana aatebulile pa tjigadziko tje tjibeso tje tjibhayilo tjinopisiwa tjipa nkoba we nshasha we bushanganilo.
- English8
He shall remove all the fat from the bull of the sin offering–the fat that covers the inner parts or is connected to them,
African KalangaAduse mafuta wose mu nkong'wana we tjibhayilo tje tjibi, lizwizwi ne mafuta wose e zwimukati,
- English9
both kidneys with the fat on them near the loins, and the covering of the liver, which he will remove with the kidneys–
African Kalangane so mbili ne mafuta adzo kudwila ku thunji ne mafuta apezhugwi kwe tjilopa, azwidusilanye ne so.
- English10
just as the fat is removed from the ox sacrificed as a fellowship offering. Then the priest shall burn them on the altar of burnt offering.
African KalangaMpirisiti unowotola mafuta iyawa ebe eapisa mu tjibeso tjinopisigwa zwibhayilo tjagala tjipisigwa zwibhayilo zwinopisiwa, sekwa agala ethama nge mafuta adwa mu ithuwo tjabhayigwa tjibhayilo tje mbakisano.
- English11
But the hide of the bull and all its flesh, as well as the head and legs, the inner parts and offal–
African KalangaKoga ganda le nkono ne nyama kose ne nsholo wayo ne thozo dzayo ne zwamukati ne nswane wayo,
- English12
that is, all the rest of the bull–he must take outside the camp to a place ceremonially clean, where the ashes are thrown, and burn it in a wood fire on the ash heap.
African Kalangantumbu wose we nkong'wana usengegwe kuzhe kwe bukotokelo, ku bugalo bubuyanana ku tjizhalanlota, upisiwe mu moto we whuni pezhugwi kwe tjizhalanlota.
- English13
“ ‘If the whole Israelite community sins unintentionally and does what is forbidden in any of the Lord ‘s commands, even though the community is unaware of the matter, they are guilty.
African Kalanga“ ‘Ha itjaba tjose tje Iziraela tjathama tjibi ngosaziba ngono kwakasumbikala mu mesho e gubungano, bebe bethama tjimwe tje zwithu Yahwe tjabakati tjisithamwe ngono bebe babe ne nlandu,
- English14
When they become aware of the sin they committed, the assembly must bring a young bull as a sin offering and present it before the Tent of Meeting.
African Kalangaha tjibi tjabathama tjibe tjizibgwa, gubungano lodusa nkong'wana kube tjibhayilo tje tjibi, ngono banowouzhisa mbeli kwe nshasha we bushanganilo.
- English15
The elders of the community are to lay their hands on the bull’s head before the Lord, and the bull shall be slaughtered before the Lord.
African KalangaBakulu be gubungano babige maboko abo pezhugwi kwe nsholo we nkong'wana mbeli kwa Yahwe, ngono nkong'wana unowobhayiwa mbeli kwa Yahwe.
- African Kalanga
Ndizo mpirisiti wakazhodziwa unowozhisa malopa mamwe e nkong'wana ku nshasha we bushanganilo,
- English17
He shall dip his finger into the blood and sprinkle it before the Lord seven times in front of the curtain.
African Kalangangono mpirisiti unowodubika tjinyala tjitje mu malopa ebe eanyasa katendeka mbeli kwa Yahwe ali mbeli kwe tjisitilo.
- English18
He is to put some of the blood on the horns of the altar that is before the Lord in the Tent of Meeting. The rest of the blood he shall pour out at the base of the altar of burnt offering at the entrance to the Tent of Meeting.
African KalangaNgono mpirisiti unowozhodza malopa mu nyanga dze tjibeso tjinopisigwa zwibhayilo tjimu nshasha we bushanganilo mbeli kwa Yahwe, ngono malopa wose asala unowoatebulila ku bhato le tjibeso tje tjibhayilo tjinopisiwa tjipa nkoba we nshasha we bushanganilo.
- African Kalanga
Ngono mafuta e nkong'wana wose aaduse muuli abe eapisila mu tjibeso tjinopisigwa zwibhayilo.
- English20
and do with this bull just as he did with the bull for the sin offering. In this way the priest will make atonement for them, and they will be forgiven.
African KalangaSekwa akathama nge nkong'wana we tjibhayilo tje tjibi ndiko zwako kwaanowothama nge nkong'wana iwhoyu. Mpirisiti unowothama gadzano yabo na Yahwe, ngono Yahwe banowobazwiibhatigwa.
- English21
Then he shall take the bull outside the camp and burn it as he burned the first bull. This is the sin offering for the community.
African KalangaNtumbu wose we nkong'wana unowousengela kuzhe kwe bukotokelo kanoupisa sekwa akapisa nkong'wana we kutanga. Etji nditjo tjibhayilo tje tjibi tje gubungano.
- English22
“ ‘When a leader sins unintentionally and does what is forbidden in any of the commands of the Lord his God, he is guilty.
African Kalanga“ ‘Ha ntungamili athama tjibi ngosaziba mu tjimwe tje zwithu Yahwe Ndzimu uwe tjabalaula kuti tjisithamwe, ngono abe nlandu,
- English23
When he is made aware of the sin he committed, he must bring as his offering a male goat without defect.
African Kalangangono ha tjibi tjaathama atjizibisiwa, unozhisa tjipo tjitje ili mbudzi ndume isina bulema.
- English24
He is to lay his hand on the goat’s head and slaughter it at the place where the burnt offering is slaughtered before the Lord. It is a sin offering.
African KalangaNgono abige luboko gugwe pezhugwi kwe nsholo we mbudzi, abhaye mbudzi iyeyo panobhayigwa tjibhayilo tjinopisiwa mbeli kwa Yahwe, itjetji nditjo tjibhayilo tje tjibi.
- English25
Then the priest shall take some of the blood of the sin offering with his finger and put it on the horns of the altar of burnt offering and pour out the rest of the blood at the base of the altar.
African KalangaNdizo mpirisiti unowotola mamwe e malopa e tjibhayilo tje tjibi nge tjinyala tjitje ebe eabhoma mu nyanga dze tjibeso tje tjibhayilo tjinopisiwa, ebe etebulila malopa asala pa bhato le tjibeso tje tjibhayilo tjinopisiwa.
- English26
He shall burn all the fat on the altar as he burned the fat of the fellowship offering. In this way the priest will make atonement for the man’s sin, and he will be forgiven.
African KalangaNgono mafuta wose aapisile mu tjibeso tjinopisigwa zwibhayilo sekwa akapisa mafuta e tjibhayilo tje mbakisano. Sa ikoko, mpirisiti unowonthamila kugadzana ngekwe tjibi tjitje, ngono Yahwe banonzwiibhatigwa.
- English27
“ ‘If a member of the community sins unintentionally and does what is forbidden in any of the Lord ‘s commands, he is guilty.
African Kalanga“ ‘Ha mmwe we bathu koga angatjinya ngosaziba, ngoti athama tjimwe tje zwithu Yahwe tjabakalaula kuti tjisithamwe, ngono abe nlandu,
- English28
When he is made aware of the sin he committed, he must bring as his offering for the sin he committed a female goat without defect.
African Kalangaha azibisiwa tjibi tjaathama, azhise tjipo tje mbudzi hadzi isina bulema, edusila tjibi tjitje tjaathama.
- English29
He is to lay his hand on the head of the sin offering and slaughter it at the place of the burnt offering.
African KalangaNgono ntjinyi abige luboko gugwe pezhugwi kwe nsholo we tjibhayilo tje tjibi, abhaye tjibhayilo tje tjibi panobhayigwa tjibhayilo tjinopisiwa.
- English30
Then the priest is to take some of the blood with his finger and put it on the horns of the altar of burnt offering and pour out the rest of the blood at the base of the altar.
African KalangaMpirisiti atole mamwe e malopa atjo nge tjinyala tjitje aabhome mu nyanga dze tjibeso tje tjibhayilo tjinopisiwa, abe etebulila malopa asala pa bhato le tjibeso tjinopisigwa zwibhayilo.
- English31
He shall remove all the fat, just as the fat is removed from the fellowship offering, and the priest shall burn it on the altar as an aroma pleasing to the Lord. In this way the priest will make atonement for him, and he will be forgiven.
African KalangaWakatjinya aduse malopa wose sekwa akaadusa mu tjibhayilo tje mbakisano, ngono mpirisiti unowopisa tjibhayilo mu tjibeso tjinopisigwa zwibhayilo kube nnuwho unonuwha zwinozipa kuna Yahwe. Sa ikoko, mpirisiti unonthamila gadzano na Yahwe, ngono Yahwe banowonzwiibhatigwa.
- African Kalanga
“ ‘Ha nthu angazhisa pkhwizi kube tjipo tjitje tje tjibi, azhise ili hadzi isina bulema.
- English33
He is to lay his hand on its head and slaughter it for a sin offering at the place where the burnt offering is slaughtered.
African KalangaAbige luboko gugwe pezhugwi kwe nsholo wayo, abe ebhaya pkhwizi ili tjibhayilo tje tjibi pa bugalo gunobhayigwa tjibhayilo tjinopisiwa.
- English34
Then the priest shall take some of the blood of the sin offering with his finger and put it on the horns of the altar of burnt offering and pour out the rest of the blood at the base of the altar.
African KalangaNdizo mpirisiti unowotola mamwe e malopa e tjibhayilo tje tjibi nge tjinyala tjitje, ebe eabhoma mu nyanga dze tjibeso tje tjibhayilo tjinopisiwa, ebe etebulila malopa asala pa bhato le tjibeso tjinopisigwa zwibhayilo.
- English35
He shall remove all the fat, just as the fat is removed from the lamb of the fellowship offering, and the priest shall burn it on the altar on top of the offerings made to the Lord by fire. In this way the priest will make atonement for him for the sin he has committed, and he will be forgiven.
African KalangaNgono unowodusa mafuta ayo wose sekwa kunodusiwa mafuta e pkhwizana ye tjibhayilo tje mbakisano, ngono mpirisiti unowoapisila mu tjibeso tjinopisigwa zwibhayilo, pezhugwi kwe zwipo zwinopisiwa mu moto kupisigwa Yahwe. Sa ikoko mpirisiti unowonthamila kugadzana na Yahwe ngekwe tjibi tjaathama, ngono Yahwe banonzwiibhatigwa.’ ”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.