Nehemiah 7 | Old Testament

Book Chapter Verse

Nehemiah 7English

Nehemiya 7African Kalanga

English1
After the wall had been rebuilt and I had set the doors in place, the gatekeepers and the singers and the Levites were appointed.
African Kalanga
Kwakati guma lisino kumusiwa ndakalonga zwizhalilo, ndikashalula balingi be mikoba ne bambi ne Balevi,
English2
I put in charge of Jerusalem my brother Hanani, along with Hananiah the commander of the citadel, because he was a man of integrity and feared God more than most men do.
African Kalanga
ndakabiga hama yangu Hanani na Hananiya nlauli we dizhilo, wakabe ali nlume una bugalimoyo bukulu kakale etja Ndzimu, kuti babe ibo balingilili be nzi nkulu Jerusalema.
English3
I said to them, “The gates of Jerusalem are not to be opened until the sun is hot. While the gatekeepers are still on duty, have them shut the doors and bar them. Also appoint residents of Jerusalem as guards, some at their posts and some near their own houses.”
African Kalanga
Ngono ndakabadwa ndikati, “Mikoba ye Jerusalema isitongo zhugwa kuswikila zhuba latatha. Balingilili be mikoba ha batji mu nshingo bazhalile mikoba kwazo baberabere nge tshipi. Kakale mu shalule bagali be Jerusalema kuti babe balisi be mikoba, mmwe ne mmwe abe ne paanoshingila kubapa ne mizi yabo.” (Ezera 2:1-70)
English4
Now the city was large and spacious, but there were few people in it, and the houses had not yet been rebuilt.
African Kalanga
Nzi nkulu wakabe wakazhuka uli nkulukulu ngono kuna bathu bashomanana, ng'umba dzakabe dzisathu dza bakwa.
English5
So my God put it into my heart to assemble the nobles, the officials and the common people for registration by families. I found the genealogical record of those who had been the first to return. This is what I found written there:
African Kalanga
Ndzimu wakandithama kuti ndikubunganye bathu, banokudziwa ne balauli kuti bakwalisiwe nge misha. Ndakawana bhuka ye matshinga aibabo bakazha kutanga. Etji nditjo tjandakawana tjakakwagwa muili:
English6
These are the people of the province who came up from the captivity of the exiles whom Nebuchadnezzar king of Babylon had taken captive (they returned to Jerusalem and Judah, each to his own town,
African Kalanga
Aba ndibo bathu be ntuthu bakabuya bedwa mu busungwa bakabe batogwa ndi Nebukadineza mambo we Bhabhiloni, bakashandukila ku Jerusalema ne Juda, mmwe ne mmwe ebgwilila ku nzi wakanyi kwabo.
English7
in company with Zerubbabel, Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum and Baanah): The list of the men of Israel:
African Kalanga
Bakazha na Zerubhabeli na Jeshuwa na Nehemiya na Azariya na Raamiya na Nahamani na Modekayi na Bhilishana na Misiphereti na Bhigivayi na Nehumu na Bhaana. Mbalo ye bathu be Iziraela yakabe ili sawhoku:
English8
the descendants of Parosh 2,172
African Kalanga
Bakololo ba Paroshi bakabe bali zwiwulu zwili zwibili ne zana ling'ompela lina makumi ali kutendeka ana babili (2 172),
English9
of Shephatiah 372
African Kalanga
bakololo Shefatiya bakabe bali mazana matatu ana makumi ali kutendeka ana babili (372).
English10
of Arah 652
African Kalanga
Bakololo ba Ara bakabe bali mazana ali tathatu ana makumi ali mashanu ana babili (652).
English11
of Pahath-Moab (through the line of Jeshua and Joab) 2,818
African Kalanga
Bakololo ba Pahatimoabu bali be lutshinga gwa Jeshuwa na Joabu bakabe bali zwiwulu zwibili ne mazana ali zhanakadzi ana gumi lina zhanakadzi (2 818),
English12
of Elam 1,254
African Kalanga
bakololo ba Elamu bakabe bali tjiwulu tjing'ompela ne mazana ali mabili ana makumi mashanu ana banna (1 254).
English13
of Zattu 845
African Kalanga
Bakololo ba Zatu ibo bakabe bali mazana ali zhanalume ana makumi manna ana bashanu (945),
English14
of Zaccai 760
African Kalanga
Bakololo ba Zakhayi ibo bakabe bali mazana ali kutendeka ana makumi ali tathatu (760).
English15
of Binnui 648
African Kalanga
Bakololo ba Bhinuyi bakabe bali mazana ali tathatu ana makumi manna ana babili (642).
English16
of Bebai 628
African Kalanga
Bakololo ba Bhebayi bakabe bali mazana ali tathatu ana makuni mabili ana zhanakadzi (628).
English17
of Azgad 2,322
African Kalanga
Bakololo ba Azagadi bakabe bali zwiwulu zwibili zwina mazana ali matatu ana makumi mabili ana babili (2 322).
English18
of Adonikam 667
African Kalanga
Bakololo ba Adonikamu bakabe bali mazana ali tathatu ana makumi ali tathatu ana kutendeka (667).
English19
of Bigvai 2,067
African Kalanga
Bakololo ba Bhigivayi bakabe bali zwiwulu zwibili zwina makumi ali tathatu ana bali kutendeka (2 067).
English20
of Adin 655
African Kalanga
Bakololo ba Adini bakabe bali mazana ali tathatu ana makumi mashanu ana bashanu (655).
English21
of Ater (through Hezekiah) 98
African Kalanga
Bakololo ba Atere wa Hezekiya bakabe bali makumi ali zhanalume ana bali zhanakadzi (98).
English22
of Hashum 328
African Kalanga
Bakololo ba Hashumu bakabe bali mazana matatu ana makumi mabili ana zhanakadzi (328).
English23
of Bezai 324
African Kalanga
Bakololo ba Bhezayi bakabe bali mazana matatu ana makumi mabili ana banna (324).
English24
of Hariph 112
African Kalanga
Bakololo ba Harifi bakabe bali zana ling'ompela lina gumi lina babili (112).
English25
of Gibeon 95
African Kalanga
Bakololo ba Gibiyoni bakabe bali makumi ali zhanalume ana bali bashanu (95).
English26
the men of Bethlehem and Netophah 188
African Kalanga
Bathu be Bhetelehema ne Netofa bakabe bali zana ling'ompela lina makumi ali zhanakadzi ana bali zhanakadzi (188).
English27
of Anathoth 128
African Kalanga
Be Anatoti bakabe bali zana ling'ompela lina makumi mabili ana bali zhanakadzi (128).
English28
of Beth Azmaveth 42
African Kalanga
Be Betaazamavete bakabe bali makumi manna ana babili (42).
English29
of Kiriath Jearim, Kephirah and Beeroth 743
African Kalanga
Be Kiriatijarimu ne Kefira ne Bheeroti bakabe bali mazana ali kutendeka ana bali makumi manna ana batatu (743).
English30
of Ramah and Geba 621
African Kalanga
Be Rama ne Geba bakabe bali mazana ali tathatu ana makumi mabili ana ali nng'ompela (621).
English31
of Micmash 122
African Kalanga
Be Mikimashi bakabe bali zana ling'ompela lina makumi mabili ana babili (122).
English32
of Bethel and Ai 123
African Kalanga
Be Bhetele ne Ai bakabe bali zana ling'ompela lina makumi ali mabili ana bali batatu (123).
English33
of the other Nebo 52
African Kalanga
Be Nebo mmwe bakabe bali makumi mashanu ana bali babili (52).
English34
of the other Elam 1,254
African Kalanga
Bakololo ba Elamu mmwe bakabe bali tjiwulu tjing'ompela tjina mazana mabili ana makumi ali mashanu ana banna (1 254).
English35
of Harim 320
African Kalanga
Bakololo ba Harimu bakabe bali mazana matatu ana makumi mabili (320).
English36
of Jericho 345
African Kalanga
Bakololo be Jerikho bali mazana matatu ana makumi manna ana bali bashanu (345).
English37
of Lod, Hadid and Ono 721
African Kalanga
Bakololo be Lodi nebe Hadidi nebe Ono bali mazana ali kutendeka ana makumi mabili ana nng'ompela (721).
English38
of Senaah 3,930
African Kalanga
Bakololo be Senaa bali zwiwulu zwitatu ne mazana ali zhanalume ana makumi matatu (3 930).
English39
The priests: the descendants of Jedaiah (through the family of Jeshua) 973
African Kalanga
Bapirisiti bakabuya kutapiwa: Bakololo ba Jedaya be nsha wa Jeshuwa bali mazana ali zhanalume ne makumi ali kutendeka ana batatu (973).
English40
of Immer 1,052
African Kalanga
Bakololo ba Imeri bali tjiwulu tjing'ompela ne makumi mashanu ana babili (1 052).
English41
of Pashhur 1,247
African Kalanga
Bakololo ba Phashuri bali tjiwulu tjing'ompela ne mazana mabili ana makumi manna ana kutendeka (1 247).
English42
of Harim 1,017
African Kalanga
Bakololo ba Harimu bali tjiwulu tjing'ompela ne gumi lina bali kutendeka (1 017).
English43
The Levites: the descendants of Jeshua (through Kadmiel through the line of Hodaviah) 74
African Kalanga
Ludzi gwe Balevi bakabuya kutapiwa: Bana ba Jeshuwa na Kadimiyele, Bakololo ba Hodaviya bali makumi ali kutendeka ana banna (74).
English44
The singers: the descendants of Asaph 148
African Kalanga
Bambi be Ng'umba ye Ndzimu: Bakololo ba Asafa bali zana ling'ompela lina makumi manna ana zhanakadzi (148).
English45
The gatekeepers: the descendants of Shallum, Ater, Talmon, Akkub, Hatita and Shobai 138
African Kalanga
Balisi be mikoba: Bakololo ba Shalumu, neba Atere, neba Talimoni, neba Akubu, neba Hatita, neba Shobhayi bose bose bakabe bali zana lina makumi matatu ana zhanakadzi (138).
English46
The temple servants: the descendants of Ziha, Hasupha, Tabbaoth,
African Kalanga
Bashingi be Ng'umba ye Ndzimu: Bakololo ba Ziha na Hasufa na Tabhaoti
English47
Keros, Sia, Padon,
African Kalanga
na Kerosi na Siya na Padoni
English48
Lebana, Hagaba, Shalmai,
African Kalanga
na Lebhana na Hagaba na Shalimayi
English49
Hanan, Giddel, Gahar,
African Kalanga
na Hanani na Gideli na Gahara na
English50
Reaiah, Rezin, Nekoda,
African Kalanga
Reya na Rezini na Nekoda na
English51
Gazzam, Uzza, Paseah,
African Kalanga
Gazamu na Uza na Phaseya
English52
Besai, Meunim, Nephussim,
African Kalanga
na Bhesayi ne Bameuni na Nefisimi
English53
Bakbuk, Hakupha, Harhur,
African Kalanga
na Bhakibuku na Hakufa na Harihuri
English54
Bazluth, Mehida, Harsha,
African Kalanga
na Baziluti na Mehida na Harisha na
English55
Barkos, Sisera, Temah,
African Kalanga
Bharikose na Sisera na Temaha
English56
Neziah and Hatipha
African Kalanga
na Neziya na Hatifa.
English57
The descendants of the servants of Solomon: the descendants of Sotai, Sophereth, Perida,
African Kalanga
Bana be balanda ba Solomoni: Sotayi na Sofereti na Perida,
English58
Jaala, Darkon, Giddel,
African Kalanga
na Jaala na Dakoni na Gideli
English59
Shephatiah, Hattil, Pokereth-Hazzebaim and Amon
African Kalanga
na Shefatiya na Hatili na Pokeretehazebayimu na Amoni.
English60
The temple servants and the descendants of the servants of Solomon 392
African Kalanga
Mbalo yose ye bashingi be Ng'umba ye Ndzimu neye bana be balanda ba Solomoni yakabe ili mazana matatu ne makumi ali zhanalume ana babili (392).
English61
The following came up from the towns of Tel Melah, Tel Harsha, Kerub, Addon and Immer, but they could not show that their families were descended from Israel:
African Kalanga
Aba ndi bakabuya bedwa ku Telemela neku Telehasha neku kherubhu neku Adoni neku Imeri, ngono ibo abazotubula kulakidza ha bali bamwe be bana be Iziraela.
English62
the descendants of Delaiah, Tobiah and Nekoda 642
African Kalanga
Bakololo ba Delaya ne bakololo ba Tobiya ne ba Nekoda bakabe bali mazana ali tathatu ne makumi manna ana babili (642).
English63
And from among the priests: the descendants of Hobaiah, Hakkoz and Barzillai (a man who had married a daughter of Barzillai the Gileadite and was called by that name).
African Kalanga
Ne njudzi dze bapirisiti: Bakololo ba Habhaya neba Hakozi ne bakololo ba Bharizilai wakabe akalobola mmwe we bakololokadzi ba Bharizilai we N'giliyadi ndizo ngono kadang'wa nge zina ilelo.
English64
These searched for their family records, but they could not find them and so were excluded from the priesthood as unclean.
African Kalanga
Bapirisiti ibaba abazowana zwilakidzo zwinolakidza mazwago a bobatategulu babo. Se basakatubula kulakidza zwilakidzo zwa bobatategulu babo, abazoamutjigwa bakatogwa se bakatemapala.
English65
The governor, therefore, ordered them not to eat any of the most sacred food until there should be a priest ministering with the Urim and Thummim.
African Kalanga
Nlauli wakababudza kuti abangaje zojiwa zwakayengemala kuswikilila kube ne mpirisiti ungashingisa Urimu ne Thumimu.
English66
The whole company numbered 42,360,
African Kalanga
Mbalo yose ye bathu yakabe ili zwiwulu zwili makumi manna ana babili ne mazana ali matatu ana makumi ali tathatu (42 360),
English67
besides their 7,337 menservants and maidservants; and they also had 245 men and women singers.
African Kalanga
kuzhe kwe balandalume babo ne balandakadzi babo ibo bakabe bali zwiwulu zwili kutendeka ne mazana ali matatu ana makumi ali matatu ana bali kutendeka (7 337), kakale bakabe bana bambi be tjikadzi ne be tjilume bali mazana mabili ne makumi manna ana bashanu (245).
English68
There were 736 horses, 245 mules,
African Kalanga
Mbizi dzabo dzakabe dzili mazana ali kutendeka ne makumi ali matatu ana tathatu (736) ne mowulo dzili mazana mabili ana makumi ali manna ana dzili shanu (245),
English69
435 camels and 6,720 donkeys.
African Kalanga
kamela dzili mazana manna ana makumi matatu ana dzili shanu (435) ne madonki ali zwiwulu zwili tathatu ne mazana ali kutendeka ana makumi ali mabili (6 720).
English70
Some of the heads of the families contributed to the work. The governor gave to the treasury 1,000 drachmas of gold, 50 bowls and 530 garments for priests.
African Kalanga
Mimwe misholo ye misha yakadusa zwipo zwe moyo ntjena kuti zwibhatshe mu nshingo. Nlauli wakapa mbhati we mari tjilizanyo tje seme dzili zhanakadzi dze golide ne zwikutili zwili makumi mashanu (50) ne zwiambalo zwe bapirisiti zwili mazana mashanu ana makumi matatu (530).
English71
Some of the heads of the families gave to the treasury for the work 20,000 drachmas of gold and 2,200 minas of silver.
African Kalanga
Mimwe misholo ye misha bakapa mbhati we mari tjilizanyo tje seme dze golide dzili zana ling'ompela lina makumi ali tathatu ana zhanakadzi (168) ne tjilizanyo tje seme dze siliva dzili tjiwulu tjing'ompela ne mazana mabili ana makumi ali mashanu (1 250),
English72
The total given by the rest of the people was 20,000 drachmas of gold, 2,000 minas of silver and 67 garments for priests.
African Kalanga
bamwe bathu bakadusa tjilizanyo tje seme dze golide dzili zana ling'ompela lina makumi ali tathatu ana zhanakadzi (168) ne tjilizanyo tje seme dze siliva dzili zana ling'ompela ne makumi ali manna (140) ne hazu dze bapirisiti dzili makumi ali tathatu ana dzili kutendeka (67).
English73
The priests, the Levites, the gatekeepers, the singers and the temple servants, along with certain of the people and the rest of the Israelites, settled in their own towns. When the seventh month came and the Israelites had settled in their towns,
African Kalanga
Bapirisiti ne bambi ne balisi ne bashingi be Ng'umba ye Ndzimu bakagala mu mizi yabo ne bathu bamwe be Baiziraela bose bakagala mu mizi yabo.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.