The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Numbers 12English
Mbalo 12African Kalanga
- English1
Miriam and Aaron began to talk against Moses because of his Cushite wife, for he had married a Cushite.
African KalangaMiriamu na Aroni bakatangisa sola Mushe ngekwe nkadzi uwe we Nkhushi, ngobe wakabe alobola Nkhushi.
- English2
“Has the Lord spoken only through Moses?” they asked. “Hasn’t he also spoken through us?” And the Lord heard this.
African KalangaBebhuzhwana beti, “Apa Yahwe bakalebeleka na Mushe ega? Abazolebelekabo naswi kene?” Ngono Yahwe bakawha tjabanoleba.
- African Kalanga
(Mushe wakabe ali nthu unozwiyisa pasi kwazo, ezwiyisa pasi kupinda nthu mmwe ne mmwe mu shango.)
- English4
At once the Lord said to Moses, Aaron and Miriam, “Come out to the Tent of Meeting, all three of you.” So the three of them came out.
African KalangaTjinyolotjo Yahwe bakadwa Mushe na Aroni na Miriamu bakati, “Ndomushaka ku nshasha we bushanganilo mose butatu gwenyu.” Ipapo butatu gwabo bakabhuda bakayenda.
- English5
Then the Lord came down in a pillar of cloud; he stood at the entrance to the Tent and summoned Aaron and Miriam. When both of them stepped forward,
African KalangaNdizo Yahwe bakadeluka bali mu gole, bakama pa nkoba we nshasha bakadana Aroni na Miriamu. Kukati bebhudila kuzhe bubili gwabo,
- English6
he said, “Listen to my words: “When a prophet of the Lord is among you, I reveal myself to him in visions, I speak to him in dreams.
African KalangaYahwe bakabadwa bakati, “Teedzani matama angu: “Ha muna nlebesambeli wa Yahwe pakati kwenyu, Ndowonzwilakidza nge mbono, Ndowolebeleka naye nge mawoloto.
- African Kalanga
Koga ngekwe nlanda wangu Mushe akuzojalo; unogalikabgwe mu ng'umba yangu.
- English8
With him I speak face to face, clearly and not in riddles; he sees the form of the Lord. Why then were you not afraid to speak against my servant Moses?”
African KalangaIye ndolebeleka naye tishandudzana takalingisana ku mesho kuli patjena ndisinga pese; ebona mbumbiko ya Yahwe. Apa ini tjisingamutjise sola nlanda wangu Mushe kene?”
- African Kalanga
Yahwe bakazhala bushongola nge kwabo, bakathubukana nabo.
- English10
When the cloud lifted from above the Tent, there stood Miriam–leprous, like snow. Aaron turned toward her and saw that she had leprosy;
African KalangaKukati gole limilika pezhugwi kwe nshasha, Miriamu kadzuka mbili wose, ukashanduka ukasala uli ntjena unga kapuku. Kukati Aroni elinga Miriamu kabona alizhele mapele,
- English11
and he said to Moses, “Please, my lord, do not hold against us the sin we have so foolishly committed.
African Kalangakadwa Mushe kati, “Ndomukumbila tetshi wangu, musititilike nlandu ngekwe tjibi tjatathama nge bulengwe.
- English12
Do not let her be like a stillborn infant coming from its mother’s womb with its flesh half eaten away.”
African KalangaMusinletje kanga lushabana gwazwagwa gusingatjile gwakajika lubadu gumwe gutjadwa mu ntumbu wa mme bago.”
- African Kalanga
Ipapo Mushe kamimila eti kuna Yahwe, “Ndomukumbila Ndzimu wangu, mumpodze!”
- English14
The Lord replied to Moses, “If her father had spit in her face, would she not have been in disgrace for seven days? Confine her outside the camp for seven days; after that she can be brought back.”
African KalangaYahwe bakashandula Mushe beti, “Ha tate babe bakabe banthwila mate mu buso, apa unobe asakadusigwa kuzhe kwe nzi mazhuba ali kutendeka kene? Umbige kuzhe kwe bukotokelo mazhuba ali kutendeka, shule kwa ikoku abe ebgwiliziwa mu bukotokelo.”
- English15
So Miriam was confined outside the camp for seven days, and the people did not move on till she was brought back.
African KalangaMiriamu wakazhaliligwa kuzhe kwe bukotokelo mazhuba ali kutendeka, bathu bakasitongoyenda kudzina ebgwiliziwa mu bukotokelo.
- African Kalanga
Shule kwa ipapo, bathu bakamilika mu Hazeroti bakanokotokela mu tjilambanyika tje Parani.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.